|
16.5.2007 |
MT |
Il-Ġurnal Uffiċjali ta’ l-Unjoni Ewropea |
L 128/50 |
POŻIZZJONI KOMUNI TAL-KUNSILL 2007/338/PESK
ta' l-14 ta’ Mejju 2007
li ġġedded ċerti miżuri restrittivi kontra l-Uzbekistan
IL-KUNSILL TA’ L-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 15 tiegħu,
Billi:
|
(1) |
Fl-14 ta’ Novembru 2005, il-Kunsill adotta l-Pożizzjoni Komuni 2005/792/PESK dwar miżuri restrittivi kontra l-Uzbekistan (1) bħala rispons għall-użu ta' forza eċċessiv, sproporzjonat u indiskriminat mill-forzi tas-sigurtà Uzbeki matul l-avvenimenti f'Andijan f'Mejju 2005. Ċerti miżuri restrittivi kienu mġedda bil-Pożizzjoni Komuni 2006/787/PESK tat-13 ta’ Novembru 2006 (2). |
|
(2) |
Fid-dawl ta' evalwazzjoni tas-sitwazzjoni fl-Uzbekistan, il-Kunsill iddeċieda li jġedded il-miżuri restrittivi fuq l-ammissjoni fir-rigward ta' persuni speċifiċi għal perijodu ta' sitt xhur. Matul dan il-perijodu, il-Kunsill ser jirrivedi l-miżuri fid-dawl ta' kwalunkwe bidla sinifikattiva għas-sitwazzjoni attwali, b'mod partikolari rigward l-elementi deskritti fil-premessa (7) tal-Pożizzjoni Komuni 2005/792/PESK, |
ADOTTA DIN IL-POŻIZZJONI KOMUNI:
Artikolu 1
Il-miżuri mniżżlin fl-Artikoli 3 tal-Pożizzjoni Komuni 2005/792/PESK huma b'dan estiżi għal perijodu ta' sitt xhur. Huma japplikaw għall-individwi elenkati fl-Anness għal din il-pożizzjoni komuni, li huma direttament responsabbli għall-użu ta' forza indiskriminat u sproporzjonat f'Andijan u t-tfixkil ta' inkjesta indipendenti.
Artikolu 2
Din il-pożizzjoni komuni għandha tinżamm taħt reviżjoni kostanti. Hi għandha tiġi mġedda, jew emendata kif xieraq, jekk il-Kunsill iqis li l-objettivi tagħha ma ġewx sodisfatti.
Artikolu 3
Din il-pożizzjoni komuni għandha tidħol b'effett fid-data ta’ l-adozzjoni tagħha.
Artikolu 4
Din il-pożizzjoni komuni għandha tiġi pubblikata fil-Ġurnal Uffiċjali ta' l-Unjoni Ewropea.
Magħmul fi Brussell, 14 ta’ Mejju 2007.
Għall-Kunsill
Il-President
F.-W. STEINMEIER
ANNESS
Lista ta' persuni msemmija fl-Artikolu 1
|
1. |
Kunjom, Isem: Almatov, Zakirjan Sess: Raġel Titolu, Funzjoni: ex-Ministru ta' l-Intern Indirizz: Tashkent, Uzbekistan Data ta’ twelid: 10 ta’ Ottubru 1949Post ta' twelid: Tashkent, Uzbekistan Numru tal-Passaport jew tal-Karta ta' l-Identità: Passaport nru DA 0002600 (Ppt diplomatiku) Nazzjonalità: Uzbeka |
|
2. |
Kunjom, Isem: Mullajonov, Tokhir Okhunovich Psewdonimu: Il-kunjom jista' jinkiteb ukoll: Mullajanov Sess: Raġel Titolu, Funzjoni: ex-Deputat Prim Ministru ta' l-Intern Indirizz: Tashkent, Uzbekistan Data ta’ twelid: 10 ta’ Ottubru 1950Post ta' twelid: Ferghana, Uzbekistan Numru tal-Passaport jew tal-Karta ta' l-Identità: Passaport nru DA 0003586 (Ppt diplomatiku) jiskadi fil-5 ta’ Novembru 2009 Nazzjonalità: Uzbeka |
|
3. |
Kunjom, Isem: Mirzaev, Ruslan Sess: Raġel Titolu, Funzjoni: Ministru tad-Difiża, ex-Konsulent ta’ l-Istat tal-Kunsill tas-Sigurtà Nazzjonali |
|
4. |
Kunjom, Isem: Pavel Islamovich Ergashev Sess: Raġel Titolu, Funzjoni: Kurunell, Kmandant tal-Brigata Militari “Ċentrali” |
|
5. |
Kunjom, Isem: Mamo, Vladimir Adolfovich Sess: Raġel Titolu, Funzjoni: Ġeneral Maġġur, Deputat Kmandant, Brigata tal-Forzi Speċjali tal-Ministeru tad-Difiża |
|
6. |
Kunjom, Isem: Pak, Gregori Sess: Raġel Titolu, Funzjoni: Kurunell, Kmandant tal-brigata ta' reazzjoni rapida tal-Ministeru ta' l-Intern (unità 7332) |
|
7. |
Kunjom, Isem: Tadzhiev, Valeri Sess: Raġel Titolu, Funzjoni: Kurunell, Kmandant tal-Forzi Speċjali ta' Stakkament Awtonomu tal-Ministeru ta' l-Intern (unità 7351) |
|
8. |
Kunjom, Isem: Inoyatov, Rustam Raulovich Sess: Raġel Titolu, Funzjoni: Kap ta' l-SNB (Servizz ta' Sigurtà Nazzjonali) Indirizz: Tashkent, Uzbekistan Data ta’ twelid: 22 ta’ Ġunju 1944Post ta' twelid: Sherabad, Uzbekistan Numru tal-Passaport jew tal-Karta ta' l-Identità: Passaport Nru DA 0003171 (Ppt diplomatiku); ukoll passaport diplomatiku Nru 0001892 (skadut fil-15 ta’ Settembru 2004) Nazzjonalità: Uzbeka |