3.8.2017   

MT

Il-Ġurnal Uffiċjali tal-Unjoni Ewropea

C 252/13

1.

Fis-26 ta’ Lulju 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha CVC Capital Partners SICAV-FIS SA. (“CVC”, il-Lussemburgu) takkwista indirettament, fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ Arzignanese srl. kollha kemm hi (“Arzignanese”, l-Italja) u Pasubio SpA. kollha kemm hi (“Posubio” l-Italja), permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal CVC: Il-Grupp CVC jipprovdi pariri u jiġġestixxi fondi u pjattaformi ta’ investiment.

—   għal Arzignanese u Pasubio (“Pasubio Group”): Il-Pasubio Group huwa attiv fl-ikkonzar tal-ġilda u l-produzzjoni ta’ prodotti tal-ġilda lesti għall-użu f’bosta setturi, fosthom dawk tal-karozzi fuq ġewwa, għamara u oġġetti ta’ lussu.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8573 — CVC Group/Arzignanese/Pasubio, f’dan l-indirizz: