7.2.2023   

GA

Iris Oifigiúil an Aontais Eorpaigh

L 35/19


RIALACHÁN CUR CHUN FEIDHME (AE) 2023/257 ÓN gCOIMISIÚN

an 6 Feabhra 2023

lena gceartaítear Rialachán Cur Chun Feidhme (AE) 2022/1412 maidir le bláthola ylang ylang as Cananga odorata (Lam) Hook f. & Thomson a údarú mar bhreiseán beathaithe le haghaidh gach speicis ainmhíoch

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,

De bharr an mhéid seo a leanas:

(1)

Le Rialachán Cur Chun Feidhme (AE) 2022/1412 ón gCoimisiún (2) údaraíodh úsáid bláthola ylang ylang mar bhreiseán beathaithe le haghaidh gach speicis ainmhíoch ar feadh tréimhse 10 mbliana.

(2)

Sa bheart idirthréimhseach a leagtar amach in Airteagal 2(3) de Rialachán Cur Chun Feidhme (AE) 2022/1412, sonraíodh dáta mícheart le haghaidh ainmhithe nach bia-ainmhithe iad.

(3)

Dá bhrí sin, ba cheart Rialachán Cur Chun Feidhme (AE) 2022/1412 a cheartú dá réir.

(4)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH:

Airteagal 1

In Airteagal 2 de Rialachán Cur Chun Feidhme (AE) 2022/1412, cuirtear an méid seo a leanas in ionad mhír 3:

“3.   Beatha chumaisc agus ábhair bheatha a bhfuil an tsubstaint sin iontu faoi mar a shonraítear san Iarscríbhinn agus a tháirgtear agus a lipéadaítear roimh an 11 Meán Fómhair 2024 i gcomhréir leis na rialacha is infheidhme roimh an 11 Meán Fómhair 2022, féadfar leanúint dá gcur ar an margadh agus dá n-úsáid go dtí go mbeidh na stoic atá ann cheana ídithe i gcás ina mbeidh sé beartaithe iad a úsáid le haghaidh ainmhithe nach bia-ainmhithe iad.”

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 6 Feabhra 2023.

Thar ceann an Choimisiúin

An tUachtarán

Ursula VON DER LEYEN


(1)   IO L 268, 18.10.2003, lch. 29.

(2)  Rialachán Cur Chun Feidhme (AE) 2022/1412 ón gCoimisiún an 19 Lúnasa 2022 maidir le bláthola ylang ylang as Cananga odorata (Lam) Hook f. & Thomson a údarú mar bhreiseán beathaithe le haghaidh gach speicis ainmhíoch (IO L 217, 22.8.2022, lch. 1).