1.   Il-punti kollha tad-dħul u ta' l-infiq taċ-Ċentru għandhom jiġu nklużi f'estimi bbażati fuq programm annwali ta' ħidma, bi stima ta' l-ispejjeż, li jrid jiġi mfassal għal kull sena finanzjarja u għandhom jintwerew fil-budget.

2.   Id-dħul u l-infiq indikati fil-budget għandhom ikunu f'bilanċ.

1.   Id-dħul għandu jinkludi l-kontribut mill-EDF, l-ammont miġbur minn taxxi fuq is-salarji, pagi u emolumenti oħra mħallsa miċ-Ċentru, u introjti oħra mixxellanji.

2.   Id-dħul għandu jinkludi kontributi minn donaturi oħra lill-budget taċ-Ċentru.

3.   Konformement ma' l-Artikolu 4(3) ta' l-Istatuti u r-Regoli ta' Proċedura tiegħu, iċ-Ċentru jista' wkoll jamministra, f'isem Partijiet terzi, riżorsi maħsuba għall-eżekuzzjoni ta' attivitajiet stabbiliti għalih fil-Ftehim. Ir-regoli finanzjarji applikabbli għall-amministrazzjoni ta' dawn ir-riżorsi huma stipulati fl-Artikolu 37 ta' dan ir-Regolament Finanzjarju.

1.   Is-sena finanzjarja għandha tibda fl-1 ta' Jannar u tispiċċa fil-31 ta' Diċembru.

2.   L-approprjazzjonijiet imdaħħla fil-budget għandhom jiġu awtorizzati għal perjodu ta' sena finanzjarja waħda.

3.   Jekk, fil-bidu ta' sena finanzjarja, il-budget għal dik is-sena ma jkunx għadu ġie adottat b'mod definittiv, id-Direttur għandu, sabiex jiżgura l-kontinwità fil-funzjonament taċ-Ċentru, japprova l-impenn, l-awtorizzazzjoni u l-pagament ta' nefqa amministrattiva u operattiva ta' kull xahar b'mod konformi mal-proċeduri stabbiliti f'dan ir-Regolament Finanzjarju. Tali nefqa ta' kull xahar għas-sena kurrenti ma tistax, madankollu, taqbeż, fir-rigward ta' kull artikolu rispettivament, il-wieħed minn kull tnax ta' l-approprjazzjonijiet korrispondenti approvati fil-budget tas-sena ta' qabel.

1.   L-approprjazzjonijiet tal-budget għandhom jintużaw konformement mal-prinċipju ta' amministrazzjoni finanzjarja tajba, jiġifieri ta' ekonomija, effiċjenza u effikaċja.

2.   Il-prinċipju ta' l-ekonomija jeħtieġ li r-riżorsi użati miċ-Ċentru sabiex jimplementa l-attivitajiet tiegħu għandhom ikunu disponibbli fiż-żmien debitu, fi kwantità u ta' kwalità adegwati u bl-aħjar prezz.

Il-prinċipju ta' l-effiċjenza jikkonċerna l-aħjar relazzjoni bejn r-riżorsi użati u r-riżultati miksuba.

Il-prinċipju ta' l-effikaċja jikkonċerna l-kisba kemm ta' l-objettivi speċifiċi stabbiliti kif ukoll tar-riżultati previsti.

3.   Għandhom jiġu stabbiliti objettivi speċifiċi, miżurabbli, realizzabbli, pertinenti u programmati għas-setturi kollha ta' attività koperti bil-budget. Il-kisba ta' dawk l-objettivi għandha tkun sorveljata permezz ta' indikaturi ta' eżekuzzjoni għal kull attività, u għandha tiġi provduta informazzjoni lill-Bord Eżekuttiv mid-Direttur. Din l-informazzjoni għandha tiġi provduta mill-inqas kull sena fid-dokumenti li jakkumpanjaw l-abbozz preliminarju tal-budget u għandha tiġi provduta flimkien mad-dokumenti provduti lill-Kummissjoni sabiex jiġġustifikaw l-ammont annwali mitlub miċ-Ċentru mingħand l-EDF.

4.   Sabiex jittejjeb it-teħid ta' deċiżjonijiet, iċ-Ċentru għandu jagħmel regolarment valutazzjonijiet ex ante u ex post tal-programmi jew ta' l-attivitajiet b'mod konformi ma programm ta' valutazzjoni pluriennali li jiġi stabbilit bi qbil mal-Kummissjoni. Ir-riżultati tal-valutazzjoni għandhom jiġu nklużi fid-dokumenti li jintbagħtu lill-Kummissjoni sabiex jiġġustifikaw l-ammont annwali mitlub miċ-Ċentru mingħand l-EDF.

1.   Fil-limiti tal-budget totali allokat liċ-Ċentru mill-protokoll finanzjarju, miżjud minn kontributi eventwalment possibbli minn donaturi oħra, u abbażi ta' linji gwida stabbiliti mill-istrateġija approvata mill-Kumitat, id-Direttur għandu jfassal abbozz ta' programm annwali ta' ħidma u l-budget relatat miegħu. Dan l-abbozz għandu jintbagħat lill-Bord Eżekuttiv mhux aktar tard mill-15 ta' Lulju tas-sena ta' qabel l-implementazzjoni tiegħu.

Il-programm ta' ħidma annwali u l-budget relatat għandhom jiġu approvati mill-Bord Eżekuttiv sal-31 ta' Lulju u preżentati lill-Kumitat ta' l-Ambaxxaturi għall-adozzjoni. Il-budget għandu jintbagħat lill-Kummissjoni tal-Komunitajiet Ewropej (minn hawn 'il quddiem imsejħa “l-Kummissjoni”), li għandha tibda l-proċeduri Komunitarji fis-seħħ fir-rigward tal-kontribut mitlub mill-EDF, abbażi ta' l-allokazzjoni separata provduta għal dan il-għan.

2.   Il-budget għandu jkun disponibbli biss għall-impenn mid-data li fiha l-awtorità Komunitarja kompetenti tieħu d-deċiżjoni tal-finanzjament dwar il-kontribut mitlub mill-EDF. Iċ-Ċentru għandu jiġi nfurmat b'din id-deċiżjoni.

3.   It-termini u l-kondizzjonijiet applikabbli għall-kontribut mill-EDF għandhom jiġu stabbiliti fi ftehim ta' finanzjament iffirmat bejn iċ-Ċentru u l-Kummissjoni.

4.   Il-budget għandu jinkludi estimi korretti tad-dħul mingħand donaturi oħra.

1.   Id-dati għall-pagament tal-kontribut mill-EDF għandhom jiġu ffissati fil-ftehim ta' finanzjament imsemmi fl-Artikolu 7(3). Il-kontribut mis-snin finanzjarji preċedenti li jirrappreżentaw approprjazzjonijiet skaduti għandu jiġi mnaqqas.

2.   Il-budget għandu jiġi suddiviż f'titoli (intestaturi tal-budget), kapitoli, artikoli u punti skond in-natura jew l-għan tad-dħul jew ta' l-infiq.

1.   Id-Direttur għandu jimplementa l-budget fuq ir-responsabbiltà tiegħu, skond il-prinċipji esposti fit-Taqsima I, u fil-limiti ta' l-approprjazzjonijiet awtorizzati. Huwa għandu jirrapporta lill-Bord Eżekuttiv dwar l-amministrazzjoni tal-budget.

2.   L-approprjazzjonijiet awtorizzati għandhom jintużaw biss skond il-prinċipji u r-regoli stabbiliti f'dan ir-Regolament Finanzjarju u b'mod partikolari skond il-prinċipju ta' amministrazzjoni finanzjarja tajba kif definit fl-Artikolu 6.

1.   L-ebda dħul ma għandu jiġi miġbur u l-ebda nfiq ma għandu jsir jekk mhux akkreditat jew addebitat lil arikolu adatt fil-budget.

L-ebda nfiq ma jista' jiġi mpenjat jew awtorizzat b'aktar mill-approprjazzjonijiet awtorizzati għas-sena finanzjarja konċernata jew mill-approprjazzjonjiet trasferiti minn snin finanzjarji preċedenti.

2.   Id-dħul u l-infiq għandhom jiddaħħlu b'mod sħiħ fil-kontijiet mingħajr kwalunkwe aġġustament kontra xulxin.

1.   It-trasferimenti minn titolu għal ieħor għandhom jiġu deċiżi mid-Direttur, minbarra fejn ikunu konċernati t-trasferimenti minn jew għal artikoli relatati ma' emolumenti ta' membri tal-persunal. Id-Direttur għandu jinforma lill-Bord Eżekuttiv bid-deċiżjonijiet tiegħu fil-laqgħa li tkun tmiss.

It-trasferimenti minn titolu għal ieħor, fejn ikunu konċernati artikoli relatati ma' emolumenti ta' membri tal-persunal, għandhom jiġu deċiżi mill-Bord Eżekuttiv, abbażi ta' proposta mid-Direttur.

2.   It-trasferimenti minn kapitolu għal ieħor u fi ħdan il-kapitoli għandhom jiġu deċiżi mid-Direttur, li għandu jinforma lill-Bord Eżekuttiv dwar il-kaz li jkun.

1.   Il-kontroll finanzjarju għandu jkun kompost minn kontrollur finanzjarju u, jekk meħtieġ, assistent kontrollur wieħed jew aktar, li kollha għandhom ikollhom esperjenza fir-regolamenti finanzjarji ta' organizzazzjonijiet internazzjonali.

2.   Il-kontrollur għandu jirrapporta għall-finijiet amministrattivi direttament lid-Direttur u l-assistenti kontrolluri għandhom jirrappurtaw direttament lill-kontrollur.

3.   Il-kontrollur u l-assistenti kontrolluri għandhom jiġu maħtura mill-Bord Eżekuttiv. Il-kontrollur u l-assistenti kontrolluri għandhom ikunu marbuta bir-Regolamenti tal-Membri tal-Persunal fis-seħħ. Madankollu, kwalunkwe miżura relatata ma' azzjoni dixxiplinarja, sospensjoni, terminazzjoni ta' mpjieg jew proċedimenti legali trid tkun approvata mill-Bord Eżekuttiv, abbażi ta' proposta kompletament sostanzjata mid-Direttur.

4.   Qabel ma tiġi awtorizzata kwalunkwe operazzjoni minn uffiċjal awtorizzanti, l-aspetti operattivi u finanzjarji għandhom jiġu verifikati mill-kontroll finanzjarju. L-għan ta' din il-verifika għandu jkun li jiġi żgurat li:

Din il-verifika għandha tirriżulta fl-għoti jew fiż-żamma ta' l-approvazzjoni.

Il-kontroll finanzjarju għandu ma jagħtix l-approvazzjoni tiegħu jekk jikkunsidra li l-kondizzjonijiet imsemmija hawn fuq ma ġewx sodisfatti. F'kull każ fejn l-approvazzjoni tiġi miżmuma, il-kontroll finanzjarju għandu jagħmel dikjarazzjoni bil-miktub, fejn jagħti r-raġunijiet kollha għal dan, u għandu javża lid-Direttur.

Barra fejn id-disponibbiltà ta' l-approprjazzjonijiet tkun fid-dubbju, id-Direttur jista', b'deċiżjoni li fiha jiddikjara kompletament ir-raġunijiet għal dan u meħuda fuq ir-responsabbiltà tiegħu biss, jannulla tali rifjut. Din id-deċiżjoni għandha tkun finali u torbot u għandha tiġi komunikata għall-informazzjoni lill-kontroll finanzjarju. Id-Direttur għandu jinforma lill-Bord Eżekuttiv bil-miktub b'tali deċiżjonijiet kollha fil-laqgħa tiegħu li tkun tmiss.

Il-kontroll finanzjarju għandu jkollu aċċess għad-dokumenti ta' appoġġ kollha u għal kwalunkwe dokument ieħor relatat ma' l-infiq u d-dħul li jkunu jridu jiġu verifikati. Jista' jagħmel verifiki fuq il-post.

5.   Fit-twettiq tad-doveri tagħhom, il-kontrollur u l-assistenti kontrolluri għandhom ikollhom indipendenza kompleta. Ma għandhomx jirċievu kwalunkwe istruzzjoni jew ikollhom kwalunkwe restrizzjoni imposta fuqhom fir-rigward tat-twettiq tad-doveri assenjati lilhom bis-saħħa ta' dan ir-Regolament Finanzjarju bħala konsegwenza tal-ħatra tagħhom.

6.   Id-Direttur jista' jitlob lill-kontroll finanzjarju sabiex jagħti l-opinjoni tiegħu dwar kwistjonijiet relatati mad-dijanjosi, l-organizzazzjoni jew it-titjib tal-proċeduri interni taċ-Ċentru. Id-Direttur jista' jitlob ukoll lill-kontroll finanzjarju sabiex iwettaq verifiki ta' dokumenti u, fejn ikun kunsiljabbli, verifiki fuq il-post sabiex jikkontrolla li jkunu ġew implementati korrettament l-operazzjonijiet finanzjati mill-budget.

7.   Fit-tmiem ta' kull sena finanzjarja, u mhux aktar tard mit-30 ta' April tas-sena ta' wara, il-kontroll finanzjarju għandu jipprepara rapport ta' attività li fih jagħti l-opinjoni tiegħu dwar l-amministrazzjoni finanzjarja u dwar l-implementazzjoni tal-budget. Il-kontroll finanzjarju għandu jippreżenta rapport lid-Direttur, li għandu jibagħtu, flimkien mal-kummenti tiegħu jekk meħtieġa, lill-Bord Eżekuttiv fil-laqgħa tiegħu li tkun tmiss.

1.   Il-budget taċ-Ċentru għandu jiġi amministrat skond il-prinċipju li l-uffiċjali awtorizzanti u l-uffiċjali ta' l-accounts ikunu individwi differenti.

2.   Id-doveri ta' uffiċjal awtorizzanti, ta' kontrollur u ta' uffiċjal ta' l-accounts għandhom ikunu reċiprokament inkompatibbli.

3.   L-approprjazzjonijiet għandhom jiġu amministrati mill-uffiċjal awtorizzanti, li waħdu għandu jkollu l-awtorizzazzjoni li jidħol f'impenji dwar l-infiq, li jiddetermina l-krediti li jridu jinġabru u li joħroġ ordnijiet ta' rkupru u ta' pagament. L-operazzjonijiet ta' ġbir u ta' pagament għandhom jitwettqu mill-uffiċjal ta' l-accounts.

1.   Il-miżuri kollha li jistgħu jagħtu lok għal infiq pagabbli miċ-Ċentru għandhom ikunu preċeduti bi proposta għal impenn mill-uffiċjal awtorizzanti. Il-proposta, akkumpanjata mid-dokumenti oriġinali ta' appoġġ, għandha tintbagħat lill-kontroll finanzjarju sabiex issir verifika minn qabel.

2.   Jista' jsir impenn provviżorju fir-rigward ta' nfiq rikorrenti.

3.   Għandu jinżamm kont ta' l-ordnijiet ta' impenn u ta' ħlas.

1.   L-għan tal-validazzjoni ta' l-infiq mill-uffiċjal awtorizzanti għandu jkun:

2.   Il-validazzjoni ta' kwalunkwe nfiq għandha tkun suġġetta għall-preżentazzjoni ta' dokumenti ta' appoġġ li juru l-pretensjoni tal-kreditur u, fejn ikun il-każ, is-servizz mogħti.

1.   L-awtorizzazzjoni hija l-att li bih l-uffiċjal awtorizzanti, bil-ħruġ ta' ordni għall-pagament, jagħti istruzzjoni lill-uffiċjal ta' l-accounts sabiex iħallas punt ta' nfiq validat minnu.

2.   L-ordni ta' pagament għandu jkun akkumpanjat mid-dokumenti oriġinali ta' appoġġ, li għandhom ikollhom jew ikunu akkumpanjati mill-approvazzjoni ta' l-uffiċjal awtorizzanti li biha jikkonferma li l-ammonti li jridu jitħallsu jkunu korretti, li l-provvisti ġew riċevuti jew li s-servizz twettaq.

3.   Jistgħu jiġu aċċettati, f'xi każijiet, kopji tad-dokumenti ta' appoġġ, ċertifikati bħala kopji awtentiċi mill-uffiċjal awtorizzanti, minflok l-oriġinali.

4.   L-ordnijiet ta' pagament għandhom jintbagħtu lill-kontroll finanzjarju sabiex issir verifika minn qabel.

1.   Il-pagament huwa l-azzjoni finali li biha ċ-Ċentru jkun wettaq l-obbligi tiegħu lejn il-kredituri tiegħu.

2.   Il-pagament għandu jsir mill-uffiċjal ta' l-accounts fil-limiti tal-fondi disponibbli.

3.   Fl-eventwalità ta' żball sostantiv jew tal-kontestazzjoni tal-validità tal-pagament jew tan-nuqqas ta' l-osservanza tal-formalitajiet preskritti minn dan ir-Regolament Finanzjarju, l-uffiċjal ta' l-accounts għandu jinforma immedjatament lill-uffiċjal awtorizzanti u lill-kontroll finanzjarju. Id-Direttur jista' jesiġi bil-miktub, u fuq responsabbiltà tiegħu, li jsir il-pagament. Id-Direttur għandu jinforma lill-Bord Eżekuttiv bil-miktub b'tali deċiżjonijiet kollha fil-laqgħa tiegħu li tkun tmiss.

1.   Bħala regola ġenerali, il-pagamenti għandhom isiru permezz ta' kont fil-bank, preferibbilment bi trasferiment bankarju jew, fejn jeżistu raġunijiet tajbin, b'ċekk. It-transazzjonijiet għandhom ikunu denominati f'euro. F'każijiet eċċezzjonali, u jekk ikun il-każ, tista' tintuża munita oħra.

2.   Iċ-ċekkijiet u l-ordnijiet ta' trasferimenti bankarji għandhom ikollhom żewġ firem, li waħda minnhom għandha tkun dik ta' l-uffiċjal ta' l-accounts.

3.   Għal raġunijiet debitament sostanzjati, id-Direttur jista' jawtorizza pagamenti fi flus kontanti. Għandha tinkiseb riċevuta fir-rigward ta' dawk il-pagamenti.

4.   Fin-nuqqas tar-rati ta' kambju kurrenti użati, ir-rati ta' konverżjoni li jkunu użati għall-kalkolu f'euro tal-pagamenti li jridu jsiru, jew tad-dħul li jrid jinġabar f'muniti lokali ta' l-ACP, għandhom ikunu dawk fis-seħħ fl-ewwel jum ta' xogħol tax-xahar li fih taqa' d-data effettiva ta' l-operazzjoni, kif reġistrata mill-Bank Centrali Ewropew.

1.   Għall-pagament ta' ċerti kategoriji ta' nfiq, jistgħu jiġu stabbiliti kontijiet għall-pagament akkont konformement mal-kondizzjonijiet stabbiliti miċ-Ċentru.

2.   Kull deċiżjoni sabiex jingħata kont għall-pagament akkont għandha tiġi meħuda mid-Direttur abbażi ta' proposta mill-membru tal-persunal inkarigat mill-fajl. Qabel ma tiġi preżentata lid-Direttur, kull proposta għandha tiġi approvata mill-uffiċjal ta' l-accounts u fir-rigward tagħha jiġi mogħti l-kunsens tal-kontroll finanzjarju.

3.   Kull deċiżjoni għandha tispeċifika:

4.   Kull pagament ta' somma antiċipata għandu jkun ukoll preċedut b'impenn.

5.   L-uffiċjal awtorizzanti u l-uffiċjal ta' l-accounts għandhom jieħdu kull pass li jkun meħtieġ sabiex jiżguraw li l-awtorizzazzjonijiet fir-rigward ta' somom antiċipati jkunu mogħtija għall-ammonti korretti u fi żmien adegwat.

1.   Id-Direttur għandu jkun l-uffiċjal awtorizzanti għall-approprjazzjonijiet imdaħħla fil-budget taċ-Ċentru.

2.   Id-Direttur jista' jiddelega xi doveri minn tiegħu lill-membri tal-persunal taħt l-awtorità tiegħu. Kull deċiżjoni ta' delega ta' setgħat għandha tiddikjara ż-żmien u l-firxa tal-mandat sabiex wieħed jaġixxi bħala uffiċjal awtorizzanti.

3.   Id-Direttur jista' jiddelega ċerti doveri relatati ma' l-implementazzjoni lil terzi persuni adegwati li jkunu magħżulin attentament.

1.   L-uffiċjal ta' l-accounts għandu jkun maħtur mid-Direttur bl-approvazzjoni tal-Bord Eżekuttiv.

2.   Huwa għandu jkun responsabbli fiċ-Ċentru għal:

3.   L-uffiċjal ta' l-accounts għandu jikseb mill-uffiċjal awtorizzanti, li għandu jiggarantixxi l-affidabbiltà tagħha, kull informazzjoni meħtieġa għall-produzzjoni ta' kontijiet li jagħtu stampa eżatta ta' l-assi finanzjarji taċ-Ċentru u ta' l-implementazzjoni tal-budget.

4.   Suġġett għall-paragrafu 5 ta' dan l-Artikolu u għall-Artikolu 22, l-uffiċjal ta' l-accounts huwa l-unika persuna li jkollha l-poter tamministra flejjes u assi oħra. Għandu jkun responsabbli għall-kustodja tagħhom.

5.   L-uffiċjal ta' l-accounts jista' jiddelaga ċerti kompiti lil subordinati suġġetti għar-Regolamenti tal-Persunal, fejn dan ikun indispensabbli għall-qadi ta' dmirijietu.

6.   L-istrument tad-delega għandu jistabbilixxi l-kompiti fdati lis-subordinati u d-drittijiet u l-obbligi tagħhom.

1.   L-irkupru ta' kwalunkwe somma dovuta liċ-Ċentru għandha tagħti lok għal ordni ta' rkupru mill-uffiċjal awtorizzanti. L-ordnijiet ta' rkupru għandhom jiġu preżentati lill-korp ta' kontroll intern għall-verifika preċedenti.

2.   L-uffiċjal ta' l-accounts għandu jassumi r-responsabbiltà għall-ordnijiet ta' rkupru li jintbagħtu lilu mill-uffiċjal awtorizzanti.

3.   Għandha tinħareġ irċevuta fir-rigward tal-pagamenti kontanti kollha magħmula lill-uffiċjal ta' l-accounts jew lill-amministratur tal-flejjes akkont.

1.   Il-kontijiet għandhom jinżammu f'euro, bil-metodu tad-double entry u abbażi tas-sena kalendarja. Għandhom juru d-dħul u l-infiq kollu mill-1 ta' Jannar sal-31 ta' Diċembru ta' kull sena u għandhom jinkludu d-dokumenti oriġinali ta' appoġġ.

Il-kontijiet għandhom jingħalqu fl-aħħar tas-sena finanzjarja sabiex id-dikjarazzjonijiet finanzjarji taċ-Ċentru jkunu jistgħu jiġu mfassla.

2.   L-entrati għandhom isiru abbażi ta' sistema ta' accounting li tinkludi nomenklatura ta' punti tal-budget li tagħmel distinzjoni ċara bejn il-kontijiet li jippermettu li tiġi imfassla l-balance sheet u dawk li jippermettu li jiġi imfassal il-kont tad-dħul u ta' l-infiq. Dawn l-entrati jistgħu jkunu reġistrati f'sistema kompjuterizzata, li tagħmilha possibbli li jiġi mfassal bilanċ ġenerali fix-xahar. Il-pagamenti kollha akkont għandhom jiġu mdaħħla f'kont sospiż u approvati sa mhux aktar tard mill-aħħar tas-sena finanzjarja ta' wara, barra fil-każ ta' pagamenti akkont fissi.

3.   Meta l-uffiċjal awtorizzanti, il-kontrollur u l-uffiċjal ta' l-accounts bi qbil reċiproku jikkunsidraw li s-sistema toffri garanziji li jissodisfaw ir-rekwiżiti f'termini ta' sigurtà, iċ-Ċentru jista' juża l-proċessar elettroniku.

4.   Il-kontijiet separati miżmuma għar-riżorsi amministrati f'isem Partijiet terzi, kif previst fl-Artikolu 37, għandhom jiġu konsolidati fil-balance sheet u fil-kont tad-dħul u l-infiq taċ-Ċentru.

5.   Iċ-Ċentru għandu jfassal balance sheet u kont tad-dħul u l-infiq sa mhux aktar tard mill-31 ta' Marzu tas-sena N+1.

Il-balance sheet għandha turi l-attiv u l-passiv taċ-Ċentru fil-31 ta' Diċembru tas-sena N.

Il-kont tad-dħul u l-infiq għandu jinkludi:

6.   Kull trimestru għandha titfassal dikjarazzjoni b'mod li turi s-sitwazzjoni dwar l-implementazzjoni tal-budget kurrenti u l-użu ta' l-approprjazzjonijiet trasferiti; din id-dikjarazzjoni għandha tiġi ċertifikata mill-kontroll finanzjarju u mibgħuta lill-Bord Eżekuttiv.

1.   Il-Bord Eżekuttiv għandu jaħtar ditta ta' awdituri ta' reputazzjoni internazzjonali għal perjodu ta' tliet snin minn lista ta' mill-inqas tliet ditti proposti sabiex jiġu verifikati d-dikjarazzjonijiet finanzjarji taċ-Ċentru. Madankollu, l-istess ditta ta' awdituri ma tistax tiġi maħtura għal aktar minn tliet snin konsekuttivi.

2.   L-awdituri għandhom jivverifikaw il-kotba u l-flus kontanti miżmumin fiċ-Ċentru, jivverifikaw li l-inventarji u l-balance sheets ġew imfassla b'mod korrett u b'bonafede, skond proċeduri adegwati ta' accounting, u jiżguraw li l-informazzjoni dwar il-kontijiet taċ-Ċentru tkun korretta.

L-għan tal-verifika għandu jkun li jiġi stabbilit li d-dħul kollu dovut ġie riċevut u li l-infiq kollu sar legalment u korrettament u li l-amministrazzjoni finanzjarja kienet tajba.

L-awdituri għandhom jiċċertifikaw li d-dikjarazzjonijiet finanzjarji ġew imfassla korrettament skond l-istandards internazzjonali ta' l-accounting, u li jirrappreżentaw fedelment u ġustament il-pożizzjoni finanzjarja taċ-Ċentru.

3.   L-awdituri għandhom jagħtu parir liċ-Ċentru dwar kif jittratta r-riskji billi jagħtu opinjonijiet indipendenti dwar il-kwalità tas-sistemi ta' amministrazzjoni u ta' kontroll u billi jagħtu rakkomandazzjonijiet għat-titjib tal-kondizzjonijiet ta' l-implementazzjoni ta' l-operazzjonijiet u għall-promozzjoni ta' l-amministrazzjoni finanzjarja tajba.

L-awdituri għandhom ikunu responsabbli:

4.   L-awdituri għandhom iwettqu dmirijiethom fir-rigward ta' l-attivitajiet u l-unitajiet kollha taċ-Ċentru. Għandhom ikollhom aċċess sħiħ u bla limitu għall-informazzjoni kollha meħtieġa sabiex iwettqu dmirijiethom.

5.   Wara l-għeluq ta' kull sena finanzjarja l-awdituri għandhom ifasslu rapport mhux aktar tard mit-30 ta' Ġunju. Dan ir-rapport għandu jintbagħat lid-Direttur, li min-naħa tiegħu għandu jibagħtu, bil-kummenti tiegħu jekk meħtieġ, lill-Bord Eżekuttiv. Il-Bord Eżekuttiv għandu mbagħad jibgħat ir-rapport lill-Kumitat bir-rakkomandazzjonijiet tiegħu.

Abbażi ta' dan ir-rapport u d-dikjarazzjonijiet finanzjarji, il-Kumitat għandu jagħti kwittanza lid-Direttur fir-rigward ta' l-implementazzjoni tal-budget.

1.   L-uffiċjal ta' l-accounts u l-assistenti uffiċjali tal-accounts għandhom ikunu suġġetti għall-possibbiltà ta' azzjoni dixxiplinarja u, fejn ikun il-każ, għall-pagament ta' kumpens fir-rigward ta' pagamenti magħmula minnhom bi ksur ta' l-Artikolu 19.

Huma għandhom ikunu suġġetti għall-possibbiltà ta' azzjoni dixxiplinarja u għall-pagament ta' kumpens fir-rigward ta' kwalunkwe telf jew ta' ħsara fir-rigward tal-flejjes, l-assi u d-dokumenti fil-kustodja tagħhom, fejn tali telf jew ħsara saru bi ħsieb jew kienu r-riżultat ta' nuqqas serju ta' diliġenza min-naħa tagħhom.

Taħt l-istess kondizzjonijiet, għandhom ikunu responsabbli għall-eżekuzzjoni korretta ta' l-ordnijiet riċevuti minnhom fir-rigward ta' l-użu u l-amministrazzjoni tal-kontijiet bankarji, u partikolarment:

2.   L-amministraturi tal-flejjes akkont għandhom ikunu suġġetti għall-possibbiltà ta' azzjoni dixxiplinarja u, fejn ikun il-każ, għall-pagament ta' kumpens fil-każijiet li ġejjin:

L-amministraturi tal-flejjes akkont għandhom ikunu suġġetti għall-possibbiltà ta' azzjoni dixxiplinarja u għall-pagament ta' kumpens fir-rigward ta' kwalunkwe telf jew ħsara fir-rigward tal-flejjes, l-assi u d-dokumenti fil-kustodja tagħhom, fejn tali telf jew ħsara saru bi ħsieb jew kienu r-riżultat ta' nuqqas serju ta' diliġenza min-naħa tagħhom.

1.   L-uffiċjali ta' l-accounts, l-assistenti uffiċjali ta' l-accounts u l-amministraturi tal-flejjes akkont għandhom ikunu assigurati kontra r-riskji marbuta mad-doveri rispettivi tagħhom.

Iċ-Ċentru għandu jkopri l-spejjeż ta' l-assigurazzjoni relatati magħhom. Għandu jispeċifika l-kategoriji tal-membri tal-persunal li jservu bħala uffiċjali ta' l-accounts, assistenti uffiċjali ta' l-accounts u amministraturi tal-flejjes akkont, kif ukoll il-kondizzjonijiet li taħthom huwa jkopri l-spejjeż ta' l-assigurazzjoni magħmula mill-imsemmija membri tal-persunal sabiex iħarsu kontra r-riskji marbuta mad-doveri rispettivi tagħhom.

2.   Għandhom jingħataw allowances speċjali lill-uffiċjal ta' l-accounts, lill-assistenti uffiċjali ta' l-accounts u lill-amministraturi tal-flejjes akkont. Il-livell ta' dawn l-allowances għandu jiġi stabbilit f'regolament imfassal miċ-Ċentru. L-ammonti li jikkorrispondu għal dawn l-allowances għandhom jiġu akkreditati kull xahar f'kont miftuħ miċ-Ċentru għan-nom ta' kull wieħed minn dawn il-membri tal-persunal sabiex jiġi stabbilit fond ta' garanzija bil-għan li jkun kopert kwalunkwe telf li għalih il-persuna konċernata tista' tagħmel lilha nnifisha responsabbli, safejn tali telf ma ġiex kopert b'rifużjonijiet minn kumpanniji ta' l-assigurazzjoni.

Il-bilanċ ta' kreditu f'dawn il-kontijiet ta' garanzija għandhom jiġu mħallsa lill-persuni konċernati wara t-tmiem tal-ħatra tagħhom bħala uffiċjal ta' l-accounts, assistent uffiċjal ta' l-accounts jew amministratur tal-flejjes akkont u wara li jkunu ngħataw kwittanza finali fir-rigward ta' l-amministrazzjoni tagħhom.

3.   Il-kwittanza mogħtija lill-uffiċjal ta' l-accounts, lill-assistenti uffiċjali ta' l-accounts u lill-amministraturi tal-flejjes akkont jingħataw mid-Direttur, abbażi tar-rapport ta' l-awdituri esterni fi żmien sentejn wara li tagħlaq is-sena finanzjarja konċernata.

1.   Għandu jinżamm inventarju permanenti tal-proprjetà kollha mobbli u immobbli taċ-Ċentru. Għandha titniżżel fl-inventarju biss il-proprjetà mobbli li l-valur tagħha jkun EUR 350 jew aktar. In-numru ta' l-inventarju għandu jitniżżel fuq kull fattura qabel din tiġi imħallsa.

2.   Kwalunkwe bejgħ ta' proprjetà mobbli u ta' tagħmir ta' valur tal-prezz ta' kull unità li jeċċedi EUR 1 000 għandu jiġi reklamat kif dovut, skond direttiva interna li titfassal mid-Direttur.

3.   Kull meta xi proprjetà jew artiklu fl-inventarju jitwarrab, jiġi mormi jew misjub nieqes minħabba telf jew serq, jew minħabba kwalunkwe raġuni oħra, dan għandu jiġi reġistrat fuq nota li tiġi ffirmata kemm mid-Direttur kif ukoll mill-persuna responsabbli għat-tagħmir u ċertifikata mill-korp ta' kontroll intern.

4.   Iċ-Ċentru għandu jżomm inventarju fiżiku u ta' l-accounts, li għandu jiġi bilanċjat fuq bażi regolari. Dan l-ibbilanċjar għandu jiġi approvat mill-korp ta' kontroll intern.

1.   Iċ-Ċentru jista' wkoll jimmaniġġa riżorsi maħsuba għall-eżekuzzjoni ta' attivitajiet stabbiliti għalih fil-Ftehim għan-nom ta' Partijiet terzi. Il-lista ta' dawn ir-riżorsi għandha tingħata f'Anness mal-budget taċ-Ċentru.

2.   Dan ir-Regolament Finanzjarju għandu jkun applikabbli għall-amministrazzjoni ta' dawn ir-riżorsi.

Madankollu, l-amministrazzjoni tar-riżorsi forniti mill-Kummissjoni għandha tkun regolata mid-dispożizzjonijiet finanzjarji stabbiliti fil-ftehim iffirmat mill-Kummissjoni u ċ-Ċentru. Jekk ma jkunx hemmx tali dispożizzjonijiet, dan ir-Regolament Finanzjarju għandu jibqa' applikabbli.

3.   L-estimi korretti ta' l-ispejjeż li jkunu finanzjati b'dawn ir-riżorsi għandhom ikunu wkoll annessi mal-budget taċ-Ċentru. Għandha ssir distinzjoni ċara bejn l-infiq operattiv u l-infiq ta' intervent.

4.   Għandhom jinżammu kontijiet separati għall-amministrazzjoni ta' dawn ir-riżorsi għan-nom ta' Partijiet terzi.

5.   Id-dikjarazzjonijiet finanzjarji ta' kull fond amministrat miċ-Ċentru għan-nom ta' Partijiet terzi għandhom jinkludu balance sheet u kont tad-dħul u ta' l-infiq, li jindikaw is-sitwazzjoni sal-31 ta' Diċembru tas-sena finanzjarja konċernata. Għandhom jiġu ċertifikati konformement mad-dispożizzjonijiet tal-ftehim iffirmat bejn iċ-Ċentru u d-donatur.

Jekk ma jkunx hemm tali dispożizzjonijiet, iċ-ċertifikazzjoni għandha titwettaq mill-kontroll finanzjarju taċ-Ċentru.

6.   Dawn id-dikjarazzjonijiet finanzjarji għandhom jiġu mehmuża bħala Anness mad-dikjarazzjonijiet finanzjarji taċ-Ċentru.