(1)

Il-linji gwida li jinsabu fl-Arranġament dwar il-Krediti għall-Esportazzjoni Uffiċjalment Appoġġati (l-“Arranġament”), żviluppati fi ħdan il-qafas tal-Organizzazzjoni għall-Kooperazzjoni u l-Iżvilupp Ekonomiċi (“OECD”), ġew trasposti u b’hekk magħmula legalment vinkolanti fl-Unjoni bis-saħħa tar-Regolament (UE) Nru 1233/2011 tal-Parlament Ewropew u tal-Kunsill (1).

(2)

L-Artikolu 6 tal-Arranġament attwalment tipprojbixxi l-għoti ta’ kwalunkwe kreditu għall-esportazzjoni jew appoġġ ta’ għajnuna marbutama’ impjanti tal-ġenerazzjoni tal-elettriku li jaħdmu bil-faħam li ma għandhomx qbid u ħżin effettiv tal-karbonju, ħlief fejn il-kreditu għall-esportazzjoni jew l-appoġġ ta’ għajnuna marbuta jintuża biex jipprovdi tagħmir biex jitnaqqas it-tniġġis, li ma jestendix il-ħajja utli ta’ impjant bħal dan.

(3)

Skont l-Artikolu 6 tal-Arranġament, il-Parteċipanti fl-Arranġament (il-“Parteċipanti”) kellhom jirrieżaminawh sal-31 ta’ Diċembru 2022 bl-għan li jkomplu jsaħħu t-termini u l-kundizzjonijiet tiegħu sabiex jikkontribwixxi għall-għan komuni li jiġi indirizzat it-tibdil fil-klima.

(4)

Fil-konklużjonijiet tiegħu tal-15 ta’ Marzu 2022, il-Kunsill ħabbar l-intenzjoni tal-Istati Membri li jiddeterminaw sa tmiem l-2023 fil-politiki nazzjonali tagħhom l-iskadenzi bbażati fuq ix-xjenza tagħhom stess għat-tmiem tal-krediti għall-esportazzjoni uffiċjalment appoġġati għal proġetti fis-settur tal-enerġija mill-fjuwils fossili, għajr f’ċirkostanzi limitati u definiti b’mod ċar li huma konsistenti ma’ limitu ta’ tisħin ta’ 1,5 oC u l-għanijiet tal-Ftehim ta’ Pariġi.adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima (2).

(5)

Il-parteċipanti qablu li jadottaw fi proċedura bil-miktub deċiżjoni li tintroduċi żewġ artikolu wieħed ġdid u li temenda l-Artikolu 6. Id-deċiżjoni prevista tirrikjedi li s-Segretarjat tal-OECD iħejji rapport pubbliku dwar it-tranżazzjonijiet fis-settur tal-enerġija kull sena.

(6)

Huwa xieraq li tiġi stabbilita l-pożizzjoni li għandha tittieħed f’isem l-Unjoni rigward id-deċiżjoni tal-Parteċipanti dwar l-emendi tal-Arranġament, billi dik id-deċiżjoni ser tkun vinkolanti fuq l-Unjoni u ser tkun kapaċi tinfluwenza b’mod deċiżiv il-kontenut tad-dritt tal-Unjoni, bis-saħħa tal-Artikolu 2 tar-Regolament (UE) Nru 1233/2011.

(7)

Jenħtieġ għalhekk li l-pożizzjoni tal-Unjoni tkun li tappoġġa d-deċiżjoni dwar l-emendi tal-Arranġament abbażi tal-abbozz tat-test mehmuż ma’ din id-Deċiżjoni,