|
17.1.2020 |
MT |
Il-Ġurnal Uffiċjali tal-Unjoni Ewropea |
C 16/47 |
Notifika minn qabel ta’ konċentrazzjoni
(Il-Każ M.9408 — Assa Abloy/Agta Record)
(Test b’rilevanza għaż-ŻEE)
(2020/C 16/05)
1.
Fid-9 ta’ Jannar 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Assa Abloy AB (publ) (l-Iżvezja, “Assa Abloy”), |
|
— |
Agta Record ag (l-Iżvizzera, “Agta Record”). |
Assa Abloy takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdani ta’ Agta Record kollha kemm hi. Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
Assa Abloy: manifattura u provvista ta’ bibien pedonali awtomatiċi, bibien industrijali, serraturi, sensuri u sistemi u komponenti għall-kontroll tal-aċċess, kif ukoll il-provvista ta’ servizzi ta’ wara l-bejgħ għal bibien pedonali awtomatiċi u bibien industrijali, |
|
— |
Agta Record: manifattura u provvista ta’ bibien pedonali awtomatiċi u bibien industrijali, kif ukoll il-provvista ta’ servizzi ta’ wara l-bejgħ għal bibien pedonali awtomatiċi u bibien industrijali. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.9408 — Assa Abloy/Agta Record
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email:COMP-MERGER-REGISTRY@ec.europa.eu
Faks+32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ara r-“Regolament dwar l-Għaqdiet”).