|
8.9.2023 |
GA |
Iris Oifigiúil an Aontais Eorpaigh |
L 221/11 |
RIALACHÁN CUR CHUN FEIDHME (AE) 2023/1705 ÓN gCOIMISIÚN
an 7 Meán Fómhair 2023
maidir le hullmhóid ribeaflaivin (vitimín B2) arna táirgeadh ag Bacillus subtilis CGMCC 13326 a údarú mar bhreiseán beathaithe le haghaidh gach speicis ainmhíoch
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 foráiltear maidir le breiseáin a údarú lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú. |
|
(2) |
I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le hullmhóid ribeaflaivin (vitimín B2) arna táirgeadh ag Bacillus subtilis CGMCC 13326 a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas. |
|
(3) |
Baineann an t-iarratas sin le hullmhóid ribeaflaivine arna táirgeadh ag Bacillus subtilis CGMCC 13326 a údarú mar bhreiseán beathaithe le haghaidh gach speicis ainmhíoch, ullmhóid atá le haicmiú i gcatagóir na mbreiseán ‘breiseáin chothaitheacha’ agus san fheidhmghrúpa ‘vitimíní, próivitimíní agus substaintí atá dea-shainithe ó thaobh ceimiceán de agus a bhfuil éifeacht chomhchosúil acu’. |
|
(4) |
Chinn an tÚdarás Eorpach um Shábháilteacht Bia (‘an tÚdarás’) sa tuairim uaidh an 1 Feabhra 2023 (2) go bhfuil an ullmhóid ribeaflaivine arna táirgeadh ag Bacillus subtilis CGMCC 13326 sábháilte do gach speiceas ainmhíoch, do thomhaltóirí agus don chomhshaol faoi na coinníollacha úsáide atá beartaithe. Chinn an tÚdarás freisin gur fóta-íogróir aitheanta é ribeaflaivin a d’fhéadfadh frithghníomhuithe fótailléirgeacha craicinn agus súl a spreagadh agus go bhfuil riosca ag baint le hullmhóid ribeaflaivine arna táirgeadh ag Bacillus subtilis CGMCC 13326 d’úsáideoirí, riosca a bhaineann le nochtadh trí ionanálú agus, in éagmais sonraí, nach féidir leis an Údarás cinneadh a dhéanamh maidir leis an bpoitéinseal greannaithe craicinn agus súl nó le híogrú deirmeach an bhreiseáin. Chinn an tÚdarás go bhfuil an breiseán éifeachtúil chun riachtanais chothaitheacha an ainmhí a chumhdach. Ní mheasann an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh a úsáidtear chun anailís a dhéanamh ar na breiseáin bheathaithe arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003. |
|
(5) |
I bhfianaise an mhéid thuas, measann an Coimisiún go gcomhlíonann ullmhóid ribeaflaivine arna táirgeadh ag Bacillus subtilis CGMCC 13326 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin a údarú. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Údarú
Maidir leis an tsubstaint a shonraítear san Iarscríbhinn, substaint a bhaineann le catagóir na mbreiseán ‘breiseáin chothaitheacha’ agus leis an bhfeidhmghrúpa ‘vitimíní, próivitimíní agus substaintí atá dea-shainithe ó thaobh ceimiceán de, a bhfuil éifeacht chomhchosúil acu’, údaraítear an tsubstaint sin mar bhreiseán beathaithe i gcothú ainmhithe, faoi réir na gcoinníollacha a leagtar síos san Iarscríbhinn sin.
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 7 Meán Fómhair 2023.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29.
(2) EFSA Journal [Iris EPSA] 2023;21(2):7874
IARSCRÍBHINN
|
Uimhir aitheantais an bhreiseáin |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhí |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||||||||||||||||||||
|
mg de shubstaint ghníomhach/kg d’ábhar beatha iomlán ina bhfuil cion taise 12 % |
||||||||||||||||||||||||||||||
|
Catagóir na mbreiseán cothaitheach. Feidhmghrúpa: vitimíní, próivitimíní agus substaintí atá mionsainithe ó thaobh ceimiceán de, a bhfuil éifeacht chomhchosúil acu |
||||||||||||||||||||||||||||||
|
3a825V |
‘Ribeaflaivin’ nó ‘Vitimín B2’ |
Comhdhéanamh an bhreiseáin
Tréithriú na substainte gníomhaí
Arna táirgeadh trí choipeadh le Bacillus subtilis CGMCC 13326 Modh anailíse (1) Maidir le ribeaflaivin in ullmhóid an bhreiseán bheathaithe agus i réamh-mheascáin an bhreiseáin bheathaithe a chinneadh:
Maidir le ribeaflaivin (mar vitimín B2 iomlán) i mbeatha chumaisc a chinneadh:
|
Gach speiceas ainmhíoch |
– |
– |
– |
|
28 Meán Fómhair 2033 |
||||||||||||||||||||||
(1) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://ec.europa.eu/jrc/en/eurl/feed-additives/evaluation-reports