28.7.2021   

MT

Il-Ġurnal Uffiċjali tal-Unjoni Ewropea

C 301/7


Notifika minn qabel ta’ konċentrazzjoni

(Kawża M.10205 — Orange/CDC/EDF/OC)

(Test b’rilevanza għaż-ŻEE)

(2021/C 301/06)

1.   

Fl-20 ta’ Lulju 2021, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament (KE) Nru 139/2004 tal-Kunsill (1) u wara rinviju skont l-Artikolu 4, paragrafu 5 ta’ dan ir-Regolament.

Din in-notifika tikkonċerna l-impriżi li ġejjin:

—

Orange S.A. (“Orange”, Franza),

—

la Caisse des Dépôts et Consignations S.A.S. (“CDC”, Franza),

—

EDF S.A. (“EDF”, Franza),

—

Orange Concessions S.A.S (“OC”, Franza) esklussivament ikkontrollata minn Orange.

Orange, CDC u EDF jakkwistaw fit-tifsira tal-Artikolu 3, paragrafu 1, punt b) u l-Artikolu 3, paragrafu 4 tar-Regolament dwar l-Għaqdiet il-kontroll konġunt ta’ OC kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet ta’ negozju ta’ l-impriżi kkonċernati huma:

—

Orange: kumpanija tal-komunikazzjoni elettronika, tal-kontenut, taċ-ċibersigurtà u tas-servizzi finanzjarji mobbli. Orange hija attiva fit-telekomunikazzjonijiet fissi kemm fis-swieq bl-ingrossa kif ukoll bl-imnut, kif ukoll fit-tnedija u t-tħaddim ta’ netwerks tat-telekomunikazzjoni broadband fi Franza,

—

CDC: stabbiliment speċjali skont il-liġi Franċiża fdat b’kompiti ta’ interess ġenerali (depożiti fuq kotba tat-tfaddil li jiffinanzjaw akkomodazzjoni soċjali għall-kiri u tiġdid urban, depożiti u depożiti regolati, pensjonijiet tas-sigurtà soċjali u teżor) u attivitajiet miftuħa għall-kompetizzjoni fis-setturi ambjentali, tal-proprjetà immobbli, tas-servizzi u tal-investiment u tal-investiment,

—

EDF: kumpanija attiva fil-produzzjoni u l-bejgħ bl-ingrossa tal-elettriku, il-kummerċ, it-trażmissjoni, id-distribuzzjoni u l-provvista tal-elettriku, il-bejgħ bl-ingrossa u bl-imnut tal-gass, u l-provvista ta’ servizzi tal-enerġija fi Franza u lil hinn minnha,

—

OC: kumpanija attiva fid-disinn, l-implimentazzjoni u t-tħaddim, f’żoni skarsament popolati, ta’ netwerks tal-broadband b’inizjattiva pubblika fi Franza u servizzi ta’ aċċess għall-internet fis-suq esklussivament fis-swieq bl-ingrossa.

3.   

Wara analiżi preliminari, il-Kummissjoni ssib li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.   

Il-Kummissjoni tistieden lill-partijiet terzi interessati sabiex jippreżentaw il-kummenti li jista’ jkollhom dwar il-konċentrazzjoni proposta.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Ir-referenza li ġejja għandha tiġi speċifikata:

M.10205 — Orange/CDC/EDF/OC

Il-kummenti jistgħu jintbagħtu lill-Kummissjoni bl-email, bil-faks jew bil-posta. Uża d-dettalji ta’ kuntatt hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

Commission européenne

Direction générale de la concurrence

Greffe des concentrations

1049 Bruxelles

BELGIQUE


(1)  ĠU L 24 tad-29.1.2004, p. 1 (ir-“Regolament dwar l-Għaqdiet”).