31997D0152



Official Journal L 059 , 28/02/1997 P. 0050 - 0052


Id-Deċiżjoni tal-Kummissjoni

tal-10 ta’ Frar 1997

rigward l-informazzjoni li għandha tiddaħħal fil-file kompjuterizzat tal-kunsinna ta’ annimali jew ta’ prodotti ta’ l-annimali minn pajjiżi terzi li jintbagħtu mill-ġdid

(Test ta’ rilevanza ta’ l-ŻEE)

(97/152/KE)

Il-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċiżjoni tal-Kunsill 92/438/KEE tat-13 ta’ Lulju 1992 dwar kompjuterizzazzjoni tal-proċeduri ta’ importazzjoni veterinarji (il-proġett Shift), li temenda d-Direttivi 90/675/KEE, 91/496/KEE, 91/628/KEE u d-Deċiżjoni 90/424/KEE, u li tħassar id-Deċiżjoni 88/192/KEE [1], kif l-aħħar emendata bl-Att ta’ l-Adeżjoni ta’ l-Awstrija, il-Finlandja u l-Isvezja, u partikolarment l-Artikolu 12 tiegħu,

Billi sistema ta’ informazzjoni trid tkun stabbilita għall-kunsinni ta’ annimali mibgħuta mill-ġdid minn uffiċċjali veterinarji fil-postijiet ta’ l-ispezzjoni fuq il-fruntieri;

Billi kull awtorità konċernata għandha jkollha aċċess kull meta trid għal file komputerizzat ta’ kunsinni ta’ annimali jew prodotti li jerġgħu jintbagħtu;

Billi l-informazzjoni li għandha tiddaħħal fil-file kompjuterizzat għandha tkun stabbilita sabiex tkun kapaċi tidentifika sewwa kunsinni mibgħuta mill-ġdid u r-raġunijiet għal dan;

Billi l-miżuri li hemm pprovdut għalihom f’din id-Deċiżjoni huma skond l-opinjoni tal-Kumitat Permanenti Veterinarju,

ADOTTAT DIN ID-DEĊIŻJONI:

Artikolu 1

L-informazzjoni li għandha tiddaħħal fil-file komputerizzat tal-kunsinni ta’ annimali jew prodotti ta’ l-annimali minn pajjiżi terzi li jkunu mibgħuta mill-ġdid għandhom ikunu kif stabbiliti fl-Anness.

Artikolu 2

Din id-Deċiżjoni hija indirizzata lill-Istati Membri.

Magħmula fi Brussel, fl-10 ta’ Frar 1997.

Għall-Kummissjoni

Franz Fischler

Membru tal-Kummissjoni

[1] ĠU Nru L 243, tal-25.8.1992, p. 27.

--------------------------------------------------

L-ANNESS

INFORMAZZJONI LI GĦANDHA TIDDAĦĦAL FIL-FILE KOMPJUTERIZZAT TA’ KUNSINNI TA’ ANNIMALI JEW PRODOTTI TA’ L-ANNIMALI MINN PAJJIŻI TERZI LI JINTBAGĦTU MILL-ĠDID

1. Post ta’ spezzjoni fuq il-fruntiera

(a) Isem u kodiċi tal-post ta’ ispezzjoni (Animo)

(b) Isem tal-veterinarju responsabbli.

2. Kunsinna

(a) Natura u kodiċi ta’ l-affarijiet (Animo)

(b) Numru/kwantità/unitajiet

(ċ) Ċertifikat tas-sanità:

(i) numru tas-serje,

(ii) data,

(iii) isem u servizz tal-veterinarju li jiffirma ċ-ċertifikat,

(iv) servizzi ta’ l-oriġini tal-veterinarju,

(v) pajjiż ta’ l-oriġini

(d) Numru tas-serje ta’ "L-Anness B"

3. Kummerċjanti

(a) Isem u indirizz tar-razzett u/jew l-istabbiliment ta’ l-oriġini (numru ta’ awtorizzazzjoni fejn xieraq)

(b) Isem u indirizz ta’ l-esportatur

(ċ) Isem u indirizz ta’ l-importatur

4. Movimenti tal-Kunsinna

(a) Il-Pajjiż terz ta’ l-oriġini

(b) Pajjiż terz minn fejn jiġi mibgħut l-barra

(ċ) Reġjun ta’ l-oriġini (fejn xieraq)

(d) L-Istati Membri tad-destinazzjoni/pajjiż tad-destinazzjoni

(e) Konsinjant u indirizz tad-destinazzjoni (numru ta’ awtorizzazzjoni fejn approprjat)

(f) Mezzi tat-trasport:

(i)Bl-ajru: | -numru tat-titjira |

(ii)Triq jew linja: | -numru tar-reġistrazzjoni tal-vettura |

-numru tal-vagun |

(iii)Bil-baħar | -isem tal-vapur |

(iv)Numru tal-karru (jekk applikabbli) |

5. Dispaċċ mill-ġdid

(a) Data u ħin (jekk possibbli) tar-ridispaċċ

(b) Punt tat-tluq (jekk differenti mill-post ta’ ispezzjoni tal-fruntiera tad-dħul)

(ċ) Destinazzjoni (jekk possibbli)

(d) Mezzi tat-trasport:

(i)bl-ajru | -numru tat-titjira |

(ii)triq jew linja: | -numru tar-reġistrazzjoni tal-vettura |

-numru tal-vagun |

(iii)bil-baħar | -isem tal-vapur |

(iv)numru tal-karru |

6. Raġuni tad-dispaċċ mill-ġdid

(a) Iċċekkjar dokumentat:

(i) Kompetenza esterna tal-post ta’ ispezzjoni,

(ii) Nuqqas ta’ ċertifikat/liċenzja,

(iii) ċertifikat/liċenzja invalida,

- kopja u mhux l-oriġinal,

- żbalji oħra formali,

(iv) żbalji fid-dokumenti,

- pajjiż terz,

- reġjun,

- stabbiliment,

- garanziji addizzjonali,

- klawsola protettiva

(b) Iċċekkjar ta’ identità.

(i) diskrepanza bejn ċertifikat/liċenzja u oġġetti.

(ii) nuqqas tal-marka jew ditta regolatorja.

(iii) riżultati ta’ l-eżami viżwali negattivi,

- oġġetti,

- mezzi tat-trasport,

- kura ta’ l-annimali

(ċ) Oġġetti li ma jikkonformawx mar-regoli,

Iċċekkjar fiżiku.

- eżami minn veterinarju,

- testijiet tal-laboratorju,

- kura ta’ l-annimali

7. Kummenti:

--------------------------------------------------