Réamhrá agus bunús dlí

An 5 Meitheamh 2025, fuair an Banc Ceannais Eorpach (BCE) iarraidh ó Chomhairle an Aontais Eorpaigh ar thuairim maidir le togra le haghaidh rialachán ón gComhairle lena leasaítear Rialachán (CE) Uimh. 974/98 a mhéid a bhaineann leis an euro a thabhairt isteach sa Bhulgáir (1). An 1 Iúil 2025, fuair BCE iarraidh ó Chomhairle an Aontais Eorpaigh ar thuairim maidir le togra le haghaidh rialachán ón gComhairle lena leasaítear Rialachán (CE) Uimh. 2866/98 a mhéid a bhaineann leis an euro a thabhairt isteach sa Bhulgáir (2).

Tá inniúlacht Chomhairle Rialaithe BCE tuairim a thabhairt bunaithe ar Airteagal 140(3) den Chonradh ar Fheidhmiú an Aontais Eorpaigh. I gcomhréir leis an gcéad abairt d'Airteagal 17.5 de Rialacha Nós Imeachta an Bhainc Ceannais Eorpaigh, tá an Chomhairle Rialaithe tar éis an tuairim seo a ghlacadh.

Barúlacha

1.

Leis na rialacháin atá beartaithe, beifear in ann an euro a thabhairt isteach mar airgeadra na Bulgáire tar éis aisghairm mhaolú na Bulgáire i gcomhréir leis an nós imeachta a leagtar amach in Airteagal 140(2) den Chonradh.

2.

Fáiltíonn BCE roimh an rialachán beartaithe.

---

(1)  COM(2025) 301 final.

(2)  COM(2025) 372 final.