European flag

Iris Oifigiúil
an Aontais Eorpaigh

GA

Sraith L


2025/186

28.1.2025

CINNEADH CUR CHUN FEIDHME (AE) 2025/186 ÓN gCOIMISIÚN

an 24 Eanáir 2025

maidir le bearta éigeandála áirithe a bhaineann leis an ngalar crúb agus béil sa Ghearmáin agus lena n-aisghairtear Cinneadh Cur Chun Feidhme (AE) 2025/87

(tugadh fógra faoi leis an doiciméad C(2025)654)

(Is é an téacs Gearmáinise amháin atá barántúil)

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (‘Dlí maidir le Sláinte Ainmhithe’) (1), agus go háirithe Airteagal 259(1) de,

De bharr an mhéid seo a leanas:

(1)

Is galar víreasach tógálach é an galar crúb agus béil a bhíonn ar ainmhithe in ord mamach Artiodactyla agus d’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseacht choinsíneachtaí na n-ainmhithe sin agus a dtáirgí laistigh den Aontas agus ar onnmhairí go tríú tíortha.

(2)

I gcás ráig den ghalar crúb agus béil in ainmhithe de speicis liostaithe, tá riosca suntasach ann go leathfadh an galar sin go bunaíochtaí eile ina bhfuil ainmhithe de speicis liostaithe ar coimeád.

(3)

Le Rialachán Tarmligthe (AE) 2020/687 ón gCoimisiún (2) forlíontar na rialacha maidir le rialú na ngalar liostaithe dá dtagraítear in Airteagal 9(1), pointí (a), (b) agus (c) de Rialachán (AE) 2016/429, agus a shainmhínítear mar ghalair i gcatagóirí A, B agus C i Rialachán Cur Chun Feidhme (AE) 2018/1882 ón gCoimisiún (3). Go háirithe, foráiltear in Airteagail 21 agus 22 de Rialachán Tarmligthe (AE) 2020/687 maidir le crios srianta a bhunú i gcás ráig de ghalar i gcatagóir A, lena n-áirítear an galar crúb agus béil, agus maidir le bearta áirithe a bheidh le cur i bhfeidhm ann. Foráiltear in Airteagal 21(1) den Rialachán Tarmligthe sin gur cuid den chrios srianta crios cosanta, crios faireachais, agus, más gá, criosanna srianta breise timpeall na gcriosanna cosanta agus faireachais nó cóngarach dóibh.

(4)

Glacadh Cinneadh Cur Chun Feidhme (AE) 2025/87 ón gCoimisiún (4) ar bhonn Rialachán (AE) 2016/429, agus leagtar síos ann bearta éigeandála eatramhacha áirithe a bhaineann le hionfhabhtú le víreas an ghalair crúb agus béil sa Ghearmáin mar fhreagairt ar an ráig a deimhníodh an 10 Eanáir 2025 i stát cónaidhme Brandenburg, gar do theorainn an stáit sin le stát cónaidhme Bheirlín. Go sonrach, foráiltear le Cinneadh Cur Chun Feidhme (AE) 2025/87 go gcuimseoidh na criosanna cosanta agus faireachais atá le bunú ag an nGearmáin i stát cónaidhme Brandenburg tar éis na ráige sin, i gcomhréir le Rialachán Tarmligthe (AE) 2020/687, ar a laghad na limistéir a liostaítear san Iarscríbhinn a ghabhann leis an gCinneadh Cur Chun Feidhme sin.

(5)

Bunaíodh méid na gcriosanna cosanta agus faireachais mar aon le fad na mbeart atá le cur i bhfeidhm sna criosanna sin ar na critéir a leagtar síos in Airteagal 64(1) de Rialachán (AE) 2016/429 agus ar na rialacha a leagtar síos i Rialachán Tarmligthe (AE) 2020/687, lena n-áirítear an staid eipidéimeolaíoch a mhéid a bhaineann leis an ngalar crúb agus béil sna limistéir atá buailte ag an ngalar sin, agus staid eipidéimeolaíoch fhoriomlán sa Ghearmáin maidir leis an ngalar sin, mar aon leis an leibhéal riosca maidir le leathadh breise an ghalair. Cuirtear caighdeáin idirnáisiúnta an Chóid um Shláinte na nAinmhithe Talún ón Eagraíocht Dhomhanda um Shláinte Ainmhithe san áireamh agus fad na mbeart á chinneadh.

(6)

Chun aon suaitheadh nach bhfuil gá leis ar thrádáil laistigh den Aontas a chosc agus chun bacainní gan údar ar thrádáil ag tríú tíortha a sheachaint, is gá an crios srianta i dtaca leis an ngalar crúb agus béil, ina bhfuil na criosanna cosanta agus faireachais, a shainiú go tapa ar leibhéal an Aontais i stáit chónaidhme Bheirlín agus Brandenburg sa Ghearmáin i gcomhar leis an mBallstát sin.

(7)

I bhfianaise a phráinní atá an staid eipidéimeolaíoch sa Ghearmáin a mhéid a bhaineann le leathadh an ghalair crúb agus béil agus an ghá cosc a chur ar leathadh an ghalair sin ón mbunaíocht atá buailte sa Ghearmáin go codanna eile den Bhallstát sin agus go Ballstáit eile nó go tríú tíortha, is iomchuí go mbeadh feidhm ag na bearta a leagtar síos sa Chinneadh Cur Chun Feidhme seo a luaithe is féidir.

(8)

Agus an staid eipidéimeolaíoch atá ann faoi láthair san Aontas a mhéid a bhaineann leis an ngalar crúb agus béil á cur san áireamh, ba cheart feidhm a bheith ag an gCinneadh seo go dtí an 11 Feabhra 2025.

(9)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN CINNEADH SEO A GHLACADH:

Airteagal 1

Áiritheoidh an Ghearmáin an méid seo a leanas:

(a)

go mbunóidh údarás inniúil an Bhallstáit sin láithreach criosanna srianta ina bhfuil criosanna cosanta agus faireachais i gcomhréir le hAirteagal 21 de Rialachán Tarmligthe (AE) 2020/687 agus faoi na coinníollacha a leagtar síos san Airteagal sin;

(b)

go gcuimseoidh an crios cosanta agus an crios faireachais dá dtagraítear i bpointe (a) ar a laghad na limistéir a liostaítear san Iarscríbhinn a ghabhann leis an gCinneadh Cur Chun Feidhme seo;

(c)

maidir leis na bearta is gá a chur i bhfeidhm sna criosanna cosanta agus faireachais, go gcuirfear i bhfeidhm iad ar a laghad go dtí na dátaí a liostaítear san Iarscríbhinn a ghabhann leis an gCinneadh seo.

Airteagal 2

Aisghairtear Cinneadh Cur Chun Feidhme (AE) 2025/87.

Airteagal 3

Beidh feidhm ag an gCinneadh seo go dtí an 11 Feabhra 2025.

Airteagal 4

Is chuig Poblacht Chónaidhme na Gearmáine a dhírítear an Cinneadh seo.

Arna dhéanamh sa Bhruiséil, an 24 Eanáir 2025.

Thar ceann an Choimisiúin

Olivér VÁRHELYI

Comhalta den Choimisiún


(1)   IO L 84, 31.3.2016, lch. 1, ELI: http://data.europa.eu/eli/reg/2016/429/oj.

(2)  Rialachán Tarmligthe (AE) 2020/687 ón gCoimisiún an 17 Nollaig 2019 lena bhforlíontar Rialachán (AE) 2016/429 ó Pharlaimint na hEorpa agus ón gComhairle, a mhéid a bhaineann le rialacha maidir le galair liostaithe áirithe a chosc agus a rialú (IO L 174, 3.6.2020, lch. 64, ELI: http://data.europa.eu/eli/reg_del/2020/687/oj).

(3)  Rialachán Cur Chun Feidhme (AE) 2018/1882 ón gCoimisiún an 3 Nollaig 2018 maidir le rialacha áirithe coiscthe agus rialaithe galar a chur i bhfeidhm i leith catagóirí galar liostaithe agus lena mbunaítear liosta speiceas agus grúpaí speiceas a bhfuil riosca suntasach ag gabháil leo maidir le leathadh na ngalar liostaithe sin (IO L 308, 4.12.2018, lch. 21, ELI: http://data.europa.eu/eli/reg_impl/2018/1882/oj).

(4)  Cinneadh Cur Chun Feidhme (AE) 2025/87 ón gCoimisiún an 13 Eanáir 2025 maidir le bearta éigeandála eatramhacha áirithe a bhaineann le galar crúb agus béil sa Ghearmáin (IO L 2025/87, 14.1.2025, ELI: http://data.europa.eu/eli/dec_impl/2025/87/oj).


IARSCRÍBHINN

Criosanna cosanta agus faireachais a bhunaítear timpeall ar an ráig dheimhnithe

Uimhir thagartha ADIS na ráige

Limistéir a bhunaítear mar chriosanna cosanta agus faireachais, cuid den chrios srianta sa Ghearmáin dá dtagraítear in Airteagal 1

An dáta a bheidh sé infheidhme go dtí

DE-FMD-2025-00001

Crios cosanta le haghaidh ráig DE-FMD-2025-00001:

Brandenburg:

 

Landkreis Märkisch-Oderland:

—

Gemeinde Hoppegarten mit der Gemarkung Hönow,

 

Landkreis Barnim:

—

Gemeinde Ahrensfelde mit den Gemarkungen Eiche und Mehrow.

Berlin:

Teile des Bezirks Marzahn-Hellersdorf :

—

nördlich begrenzt durch die Stadtgrenze entlang der Landsberger Chaussee später Berliner Straße bis zur Mahlsdorfer Straße,

—

östlich begrenzt von der Mahlsdorfer Straße südlich entlang der Stadtgrenze bis zur Riesaer Straße,

—

südlich begrenzt von der Riesaer Straße bis Alice-Salomon-Platz, weiter entlang der Hellersdorfer Straße bis zur Einmündung Neue Grottkauer Straße über Märkischer Garten/Feldberger Ring bis zum Fluss Neue Wuhle,

—

westlich begrenzt durch den Fluss Neue Wuhle in nördlicher Richtung bis Landsberger Allee/Stadtgrenze

11.2.2025

Crios faireachais le haghaidh ráig DE-FMD-2025-00001:

Brandenburg:

Landkreis Märkisch-Oderland:

—

Gemeinde Hoppegarten den Gemarkungen Dahlwitz-Hoppegarten und Münchehofe,

—

Gemeinde Neuenhagen bei Berlin,

—

Gemeinde Fredersdorf-Vogelsdorf,

—

Gemeinde Petershagen/Eggersdorf,

—

Gemeinde Altlandsberg mit den Gemarkungen Altlandsberg, Bruchmühle, Buchholz und Wegendorf,

Landkreis Barnim:

—

Gemeinde Ahrensfelde mit den Gemarkungen Ahrensfelde, Lindenberg und Blumberg,

—

Gemeinde Werneuchen mit den Gemarkungen Werneuchen, Krummensee, Seefeld und Löhme,

—

Gemeinde Panketal mit der Gemarkung Schwanebeck,

—

Stadt Bernau bei Berlin mit der Gemarkung Birkholz und der Ortslage Helenenau der Gemarkung Börnicke,

Landkreis Oder-Spree:

—

Gemeinde Schöneiche bei Berlin mit der Gemarkung Schöneiche bei Berlin.

Berlin:

—

Bezirk Marzahn-Hellersdorf, sofern nicht bereits Teil der Schutzzone,

—

Bezirk Lichtenberg,

—

Teile des Bezirks Pankow,

—

nördlich begrenzt vom Ingwäonenweg 32 Berlin, weiter Straße 73 bis Strömannstraße, Strömannstraße bis Straße 72, Straße 72 bis Alt Karow 51,

—

östlich begrenzt durch die Bezirksgrenze, ab Bernauer Straße Stadtgrenze,

—

südlich begrenzt von der Herbert Baum Straße bis Jüdischer Friedhof Weißensee, kompletter Jüdischer Friedhof Weißensee,

—

westlich begrenzt durch Alt Karow bis Straße 52, Straße 52 bis Straße 45, Straße 45 bis Straße 47, Straße 47 bis Karower Damm, Karower Damm bis Alt-Blankenburg, Alt Blankenburg bis Krugstege - Heinersdorfer Straße, Heinerstdorfer Straße bis Heinersdorfer Graben, Heinersdorfer Graben bis Muspelsteig, Muspelsteig bis Haakonweg, Haakonweg bis Darßer Straße, Darßer Straße bis Roelckestraße, Roelckestraße bis Rennbahnstraße, Rennbahnstraße bis Parkstraße, Parkstraße bis Berliner Straße, Berliner Straße bis Herbert-Baum Straße,

—

Teile des Bezirks Treptow-Köpenick,

—

nördlich begrenzt durch die Landesgrenze zu Brandenburg (Landkreis Märkisch-Oderland) sowie im nordwestlichen Verlauf durch die Bezirksgrenze zu Marzahn-Hellersdorf (Forstflächen Jagen 321 sowie Jagen 465),

—

südwestlich begrenzt von der Genovevastraße, dem Däumlingsweg sowie den Forstflächen Jagen 319 und 320,

—

südlich begrenzt durch die S- und Regional-Bahn Trasse,

—

südöstlich begrenzt durch die Schöneicher Straße, Schöneicher Landstraße sowie die Landesgrenze zu Brandenburg (Landkreis Oder-Spree).

11.2.2025


ELI: http://data.europa.eu/eli/dec_impl/2025/186/oj

ISSN 1977-0839 (electronic edition)