(1)

Ir-Regolament tal-Kunsill (KE) Nru 2866/98 tal-31 ta’ Diċembru 1998 dwar ir-rati tal-kambju bejn l-euro u l-muniti tal-Istati Membri li jadottaw l-euro (2) jiddetermina r-rati tal-kambju mill-1 ta’ Jannar 1999.

(2)

Skont l-Artikolu 4 tal-Att ta’ Adeżjoni tal-2003, l-Estonja hija Stat Membru b’deroga kif iddefinit fl-Artikolu 139(1) tat-Trattat dwar il-Funzjonament tal-Unjoni Ewropea (minn issa 'l quddiem “it-Trattat”).

(3)

Skont id-Deċiżjoni tal-Kunsill 2010/416/UE tat-13 ta’ Lulju 2010 bi qbil mal-Artikolu 140(2) tat-Trattat dwar l-adozzjoni mill-Estonja tal-euro fl-1 ta’ Jannar 2011 (3), l-Estonja tissodisfa l-kundizzjonijiet meħtieġa għall-adozzjoni tal-euro u d-deroga tal-Estonja għandha tiġi revokata mill-1 ta’ Jannar 2011.

(4)

L-introduzzjoni tal-euro fl-Estonja teħtieġ l-adozzjoni tar-rata ta’ konverżjoni bejn l-euro u l-kroon Estonjan. Din ir-rata ta’ konverżjoni għandha tkun iffissata għal 15,6466 kroon Estonjani għal kull euro, li tikkorrispondi mar-rata ċentrali preżenti tal-kroon fil-mekkaniżmu tar-rata tal-kambju (ERM II).

(5)

Ir-Regolament (KE) Nru 2866/98 għandu għalhekk jiġi emendat skont dan,