1.   

An 24 Meitheamh 2022, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Is leis na gnóthais seo a leanas a bhaineann an fógra sin:

—	KKR & Co. Inc. (SAM),

—	Hitachi Transport System, Ltd. (an tSeapáin).

Gheobhaidh KKR & Co. Inc. urlámhas aonair ar Hitachi Transport System ina iomláine de réir bhrí Airteagal 3(1)(b) den Rialachán um Chumaisc.

Baintear an comhchruinniú amach trí bhíthin tairiscint phoiblí a fógraíodh an 28 Aibreán 2022.

2.   

Is iad seo a leanas gníomhaíochtaí gnó na ngnóthas lena mbaineann:

—

Is gnólacht infheistíochta domhanda é KKR & Co., gnólacht a thairgeann bainistíocht sócmhainní malartacha chomh maith le réitigh margaí caipitil agus árachais. Urraíonn KKR cistí infheistíochta lena ndéantar infheistiú i gcothromas príobháideach, i gcreidmheas agus i sócmhainní réadacha agus tá comhpháirtithe straitéiseacha aige a bhainistíonn cistí fálaithe,

—	Is cuideachta atá lonnaithe sa tSeapáin é Hitachi Transport System, cuideachta atá gníomhach i seirbhísí ginearálta lóistíochta ar conradh agus seirbhísí seolta lasta a sholáthar.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i ndáil le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara gur cás é seo ab fhéidir a chóireáil faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta a fhoilsithe seo. Ba cheart an tagairt seo a leanas a lua i gcónaí:

M.10829 – KKR / HITACHI TRANSPORT SYSTEM

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála seo thíos:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË