|
4.7.2022 |
GA |
Iris Oifigiúil an Aontais Eorpaigh |
L 177/75 |
CINNEADH (CBES) 2022/1105 ÓN gCOISTE POLAITIÚIL AGUS SLÁNDÁLA
an 15 Meitheamh 2022
maidir le glacadh le rannchuidiú Phoblacht Shóisialach Vítneam le Misean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) (EUTM RCA/2/2022)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38, an tríú mír, de,
Ag féachaint do Chinneadh (CBES) 2016/610 ón gComhairle an 19 Aibreán 2016 maidir le Misean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) (1), agus go háirithe Airteagal 8(2) de,
De bharr an mhéid seo a leanas:
|
(1) |
De bhun Airteagal 8(2) de Chinneadh (CBES) 2016/610, thug an Chomhairle údarú don Choiste Polaitiúil agus Slándála cinntí ábhartha a dhéanamh maidir le glacadh le rannchuidithe molta ó tríú Stáit le EUTM RCA. |
|
(2) |
I ndiaidh na moltaí ó Cheannasaí Mhisean AE agus ó Choiste Míleata an Aontais Eorpaigh i dtaca le rannchuidiú ó Phoblacht Shóisialach Vítneam, ba cheart rannchuidiú ón tríú Stát sin a ghlacadh agus í a mheas mar rannchuidiú suntasach. |
|
(3) |
I gcomhréir le hAirteagal 5 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní bhíonn an Danmhairg rannpháirteach i ndréachtú agus cur chun feidhme cinntí agus gníomhaíochtaí de chuid an Aontais a bhfuil impleachtaí acu in ábhair cosanta, |
TAR ÉIS AN CINNEADH SEO A GHLACADH:
Airteagal 1
1. Glactar leis an rannchuidiú ó Phoblacht Shóisialach Vítneam le Misean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) agus meastar gur rannchuidiú suntasach é.
2. Tá Poblacht Shóisialach Vítneam díolmhaithe ó ranníocaíochtaí airgeadais le buiséad EUTM RCA.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 15 Meitheamh 2022.
Thar ceann an Choiste Pholaitiúil agus Slándála
D. PRONK
An Cathaoirleach