–

Electrabel SA, ag X. Taton, avocat, agus H. Vanhulle, advocaat,

–

Fédération Belge des Entreprises Électriques agus Gazières ASBL, Organisatie voor Duurzame Energie Vlaanderen ASBL agus Wind4Wallonia 2 SA, ag D. Verhoeven, avocat,

–

Luminus SA, EDF Belgium SA, ActiVent Wallonie SCRL, Eol’Wapi SA, Lumiwind SC agus Luminus Wind Together SC, ag D. Verhoeven, avocat,

–

la Commission de Régulation de l’Électricité et du Gaz (CREG), ag G. Block, M. Vandersmissen agus K. Wauters, advocaten,

–

Rialtas na Beilge, ag P. Cottin, M. Jacobs agus C. Pochet, i gcáil Gníomhairí, le cúnamh ó K. Decroix agus B. Martel, advocaten,

–

Rialtas na Gréige, ag K. Boskovits agus C. Kokkosi, i gcáil Gníomhairí,

–

an Coimisiún Eorpach, ag O. Beynet agus T. Scharf, i gcáil Gníomhairí,

1

Baineann an iarraidh ar réamhrialú le léiriú ar Airteagail 6 go 8 agus 22 de Rialachán (AE) 2022/1854 ón gComhairle an 6 Deireadh Fómhair 2022 maidir le hidirghabháil éigeandála chun aghaidh a thabhairt ar phraghsanna arda fuinnimh (IO 2022 L 261 I, lch. 1), arna léamh i gcomhar le hAirteagal 2(5) agus (9) den Rialachán sin, Airteagal 6 CAE, Airteagal 288 CFAE agus prionsabail na comhréireachta, na tosaíochta, na héifeachtachta agus an chomhair dhílis.

2

Rinneadh an iarraidh seo i dtrí sraith imeachtaí idir, ar an gcéad dul síos, Electrabel SA, ar an dara dul síos, Fédération Belge des Entreprises Électriques et Gazières ASBL, Organizatie voor Duurzame Energie Vlaanderen ASBL agus Wind4Wallonia 2 SA (le chéile, ‘FEBEG agus páirtithe eile’), agus, ar an tríú dul síos, Luminus SA, EDF Belgium SA, ActiVent Wallonie SCRL, Eol’Wapi SA, Lumiwind SC agus Luminus Wind Together SC (le chéile, ‘Luminus agus páirtithe eile’) (le chéile, ‘na hiarratasóirí sna príomhimeachtaí’) i gcoinne Commission de Régulation de l’Électricité et du Gaz (CREG) (an Bheilg) maidir le dlíthiúlacht Chinneadh an 28 Feabhra 2023 ó CREG, a bhaineann le samhail an dearbhaithe atá le cur isteach ag féichiúnaithe an tobhaigh a tugadh isteach i gcomhthéacs na caidhpe ar ioncam margaidh na dtáirgeoirí leictreachais (‘Cinneadh an 28 Feabhra 2023’).

An dlí lena mbaineann

Dlí an Aontais Eorpaigh

CAE

3

Foráiltear le hAirteagal 4(3) CAE mar a leanas:

4

Foráiltear le hAirteagal 6 CAE mar a leanas:

CFAE

5

Is mar seo a leanas atá an fhoclaíocht sa dara mír d’Airteagal 288 CFAE:

Rialachán 2022/1854

6

Foráiltear le haithrisí 1, 5, 28, 30 agus 37 de Rialachán 2022/1854 mar a leanas:

7

Foráiltear le hAirteagal 1 den Rialachán sin, dar teideal ‘Ábhar agus raon feidhme’, mar a leanas:

8

Is mar seo a leanas atá an fhoclaíocht in Airteagal 2 den Rialachán sin, dar teideal ‘Sainmhínithe’:

9

Foráiltear le hAirteagal 6 den Rialachán sin, dar teideal ‘Caidhp shainordaitheach ar ioncaim mhargaidh’, mar a leanas:

10

Foráiltear le hAirteagal 7 de Rialachán 2022/1854, dar teideal ‘An chaidhp ar na hioncaim mhargaidh a chur i bhfeidhm maidir le táirgeoirí leictreachais’, mar a leanas:

11

Foráiltear le hAirteagal 8 den Rialachán sin, dar teideal ‘Bearta náisiúnta géarchéime’, mar a leanas:

12

Foráiltear le hAirteagal 22 den Rialachán sin, dar teideal ‘Teacht i bhfeidhm agus cur i bhfeidhm’, mar a leanas:

Dlí na Beilge

An Dlí Leictreachais

13

Foráiltear le hAirteagal 22b den Dlí a bhaineann le heagrú an mhargaidh leictreachais an 29 Aibreán 1999 (Moniteur belge an 11 Bealtaine 1999, lch. 16264), arna leasú leis an Dlí lena leasaítear an Dlí a bhaineann le heagrú an mhargaidh leictreachais agus lena dtugtar isteach caidhp ar ioncam margaidh na dtáirgeoirí leictreachais an 16 Nollaig 2022 (Moniteur belge an 22 Nollaig 2022, lch. 98819), is infheidhme maidir leis an díospóid sna príomhimeachtaí (‘an Dlí Leictreachais’) mar a leanas:

Cinneadh an 28 Feabhra 2023

14

Ghlac CREG Cinneadh an 28 Feabhra 2023 de bhun an cheathrú fomhír d’Airteagal 22b(6) den Dlí Leictreachais. Leis an gcinneadh sin, cinntear samhail an dearbhaithe agus formáid na ndoiciméad atá le cur isteach ag féichiúnaithe an tobhaigh a bhunaítear le hAirteagal 22b(1) den Dlí sin.

An díospóid sna príomhimeachtaí agus na ceisteanna a tarchuirtear le haghaidh réamhrialú

15

Is daoine dlítheanacha arna rialú ag an dlí príobháideach iad na hiarratasóirí sna príomhimeachtaí ar táirgeoirí agus/nó soláthróirí leictreachais iad a ghintear ó fhoinsí fuinnimh a liostaítear in Airteagal 7(1) de Rialachán 2022/1854 agus a thagann faoi raon feidhme Chinneadh an 28 Feabhra 2023 ós rud é go bhfuil siad faoi réir an tobhaigh a bhunaítear le hAirteagal 22b(2) den Dlí Leictreachais, nó daoine dlítheanacha arna rialú ag an dlí príobháideach seachas táirgeoirí nó soláthróirí leictreachais, ach a thagann faoin raon feidhme sin freisin toisc go bhfuil siad faoi réir an tobhaigh sin, nó cónaidhmeanna gnóthas in earnáil an fhuinnimh a ghníomhaíonn chun leasa a gcomhaltaí.

16

An 29 Márta 2023, thug Electrabel, ar thaobh amháin, agus FEBEG agus páirtithe eile, ar an taobh eile, agus, an 30 Márta 2023, Luminus agus páirtithe eile, trí chaingean os comhair cour d’appel de Bruxelles (Cúirt an Mhargaidh) (an Chúirt Achomhairc, an Bhruiséil, an Bheilg), an chúirt a rinne an tarchur, lena n‑iarrtar go gcuirfí Cinneadh an 28 Feabhra 2023 ar neamhní. Rinne an chúirt sin na trí chaingean sin a uamadh i bhfianaise a gcosúlachtaí.

17

Mar thaca lena gcaingne, ardaíonn na hiarratasóirí sna príomhimeachtaí, sa chéad áit, forais le neamhniú a bhaineann le cineál eisiach na dtoimhdí a bhunaítear le Cinneadh an 28 Feabhra 2023. Maíonn Electrabel, go bunúsach go sáraítear Airteagal 2(5) agus Airteagail 6 go 8 de Rialachán 2022/1854 leis an gcinneadh sin a mhéid a cheanglaítear air ioncam nár réadaíodh iarbhír a dhearbhú, cé go gceanglaítear leis an Rialachán sin an t‑ioncam a fuarthas iarbhír a dhearbhú. Líomhnaíonn FEBEG agus páirtithe eile agus Luminus agus páirtithe eile sárú ar an Rialachán sin, go háirithe ar Airteagail 6 agus 7 de, Airteagal 288 CFAE agus prionsabail thosaíocht agus éifeachacht dhlí an Aontais a mhéid a cuirtear toimhdí dlíthiúla i bhfeidhm sa chinneadh sin chun an t‑ioncam a gcuirtear an chaidhp a bhunaítear le hAirteagal 22b den Dlí Leictreachais i bhfeidhm ina leith a shuíomh. I ndáil leis sin, cuireann siad in iúl go bhfuil na toimhdí sin, ag brath ar an bhfoinse fuinnimh lena mbaineann, neamh-infhrisnéise nó infhrisnéise, ach, sa chás deireanach sin, nach féidir a fhrisnéis ach amháin faoi choinníollacha áirithe agus faoi réir úsáid toimhdí eile. Dar leo, ní fhoráiltear leis an Rialachán sin ach de chaidhp ar ioncam margaidh réadaithe, ionas gur cheart é go bhféadfar ioncam iarbhír a dhearbhú ar a laghad.

18

Dá bhrí sin, déanann na hiarratasóirí sna príomhimeachtaí gearán gur ghlac CREG, i gCinneadh an 28 Feabhra 2023, córas na sé thoimhde dá bhforáiltear i bpointí 1 go 6 den dara mír d’Airteagal 22b(5) den Dlí Leictreachais. Bheadh cánachas 100 % ar ioncam samhailteach mar thoradh ar chóras den sórt sin, atá bunaithe go heisiach ar thoimhdí, cé, de réir Rialachán 2022/1854, go mbeadh feidhm ag an gcaidhp maidir le ‘hioncam margaidh’, eadhon ioncam a fhaigheann táirgeoirí leictreachais iarbhír. Ina theannta sin, foráiltear leis an Rialachán sin go bhfuil feidhm ag an gcaidhp ‘in aghaidh an idirbhirt’, cé, de réir na dtoimhdí uile atá i gceist, go meastar gur díoladh leictreachas ar bhonn laethúil ar phraghas an leictreachais gach lá de na laethanta sin ar mhalartán leictreachais i gcás ina ndíoltar é ar aghaidh, agus díolachán amháin in aghaidh na huaire má dhíoltar é ar an margadh reatha. Bheadh sé d’éifeacht aige sin go n‑eascródh tobhach má sháraítear an chaidhp ar lá nó uair na tréimhse, cé gur meánphraghas faoi bhun na caidhpe nó praghas socraithe níos ísle ná an chaidhp sin é an praghas a fhaightear iarbhír. Ní bheadh aon údar le córas atá bunaithe go heisiach ar thoimhdí a úsáid agus ba é is aidhm dó, i ndáiríre, na méideanna a thoibhítear a mhéadú.

19

Cuireann CREG agus Stát na Beilge i gcoinne na hargóinte sin, ag braith, inter alia, ar aithris 37 de Rialachán 2022/1854, ar dá réir a fhéadfaidh na Ballstáit meastacháin réasúnacha a úsáid chun an chaidhp ar ioncam margaidh a ríomh. Níor leagadh síos leis an Rialachán sin aon riail shonrach lena gceadaítear méid an bharrachais ioncaim a ríomh agus níor thug an Coimisiún aon treoir ina leith sin, contrártha leis an méid dá bhforáiltear in Airteagal 6(5) den Rialachán sin. Ní bheadh cáin ar ioncaim shamhailteacha mar thoradh ar úsáid na dtoimhdí dá bhforáiltear leis an Dlí Leictreachais, agus, thairis sin, d’fhéadfaí na deacrachtaí teicniúla a shárú a bhaineann le cinneadh beacht phraghas gach MWh leictreachais a dhíoltar agus a sheachadtar le linn thréimhse chur i bhfeidhm an tobhaigh. Ina theannta sin, tá údar le cineál neamh-infhrisnéise na dtoimhdí a leagtar amach i bpointí 1 agus 2 den dara fomhír d’Airteagal 22b(5) den Dlí Leictreachais, ós rud é go bhfuil an córas bunaithe ar straitéisí díolacháin a glacadh roimhe sin, i gcomhaontú le hoibreoirí na ngléasraí cumhachta núicléacha lena mbaineann.

20

Cuireann an chúirt a rinne an tarchur in iúl, mar réamhphointe, nach bhfuil aon tionchar ag an bhfíoras go n‑eascraíonn na neamhdhleathachtaí as pointí 1 go 6 den dara fomhír d’Airteagal 22b(5) den Dlí Leictreachais ar a dlínse chun rialú a thabhairt ar dhlíthiúlacht Chinneadh an 28 Feabhra 2023. Maidir leis an tsubstaint, cinneann sí go bhfuil na toimhdí a bhunaítear leis na forálacha sin agus ar a bhfuil a shamhail chun ioncam a dhearbhú bunaithe ag an gcinneadh sin, arb í an chéim roimh chinneadh an tobhaigh is iníoctha ag gach féichiúnaí, bunaithe ar shraith toimhdí nach féidir leis an bhféichiúnaí éalú astu go hiomlán riamh, agus mar thoradh air sin nach mbeidh sé in ann a ioncam iarbhír a dhearbhú.

21

Sonraíonn an chúirt sin, i ndáil leis sin, nach meastar go bhfuil údar teicniúil leordhóthanach leis an sainmhíniú ar thoimhdí atá beartaithe chun straitéisí sonracha díolacháin gach teicneolaíochta nó sainiúlachta eile a léiriú, seachas cead a thabhairt d’fhéichiúnaithe a straitéisí díolacháin agus a n‑ioncaim iarbhír a dhoiciméadú, ar a laghad nuair is féidir. Níl feidhm ag an gcaidhp a bhunaítear le Rialachán 2022/1854 agus, dá bhrí sin, le reachtas na Beilge, ach amháin maidir le leictreachas ó theicneolaíochtaí áirithe agus tá an córas dearbhaithe bunaithe ar inrianaitheacht sonraí áirithe le suiteáil ar leith. Dá bhrí sin, cé go bhféadfadh údar a thabhairt le toimhdí a úsáid le deacrachtaí teicniúla, ní thugtar údar le cineál neamh-infhrisnéise na dtoimhdí sin leo.

22

Ina theannta sin, leanann sé ó Airteagail 6 go 8 de Rialachán 2022/1854, arna léamh i gcomhar le hAirteagal 2(5) agus (9) de, nach mór ríomh an bharrachais ioncaim a dhéanamh ar bhonn an ioncaim margaidh iarbhír a fhaigheann táirgeoirí. Deimhnítear é sin le scéim ghinearálta an chórais a cuireadh i bhfeidhm, lena n‑éilítear, prima facie, tagairt a dhéanamh d’ioncam iarbhír a fuarthas. Thacófaí le haithris 30 den Rialachán sin leis an measúnú sin. Cé gur fíor go luaitear in aithris 37 den Rialachán sin gur cheart an deis a bheith ag na Ballstáit meastacháin réasúnacha a úsáid chun an chaidhp ar ioncam margaidh a ríomh, ní féidir leis an aithris sin, áfach, bac a chur ar fhorálacha an Rialacháin sin. Cuireann an chúirt a rinne an tarchur in iúl freisin, thairis sin, nach bhfuil sí cinnte go n‑údaraítear do na Ballstáit leis an bhféidearthacht cead a thabhairt do na Ballstáit úsáid a bhaint as meastacháin foráil a dhéanamh maidir le córas atá bunaithe ar thoimhdí neamh-infhrisnéise amháin nó ar thoimhdí atá infhrisnéise go páirteach ach ar chaoi a ligtear d’eilimintí arna réamhchinneadh go teoiriciúil ag an mBallstát fanacht, gan an t-ioncam a fhaightear iarbhír a chur san áireamh.

23

Sa dara háit, maidir leis an tréimhse a chumhdaítear leis an gcinneadh atá faoi chonspóid, maíonn Electrabel agus FEBEG agus páirtithe eile, go bunúsach, a mhéid a leagtar síos le Cinneadh an 28 Feabhra 2023 samhail dearbhaithe don tréimhse ón 1 Lúnasa go dtí an 31 Nollaig 2022, cé, de bhun Rialachán 2022/1854, go dtagann an chaidhp i bhfeidhm ar an 1 Nollaig 2022, go sáraítear leis an gcinneadh sin, inter alia, Airteagail 6 go 8, 20 agus 22 den Rialachán sin, Airteagal 288 CFAE, prionsabail thosaíocht agus éifeachacht dhlí an Aontais agus prionsabal an chomhair dhílis. Tugann siad faoi deara go bhforáiltear le togra ón gCoimisiún Eorpach an 14 Meán Fómhair 2022 le haghaidh Rialachán ón gComhairle maidir le hidirghabháil éigeandála chun aghaidh a thabhairt ar phraghsanna arda fuinnimh [COM (2022) 473 final], as ar eascair glacadh Rialachán 2022/1854, go bhféadfadh na Ballstáit cinneadh a dhéanamh maidir le cur i bhfeidhm luath na caidhpe, ach nár coinníodh an fhéidearthacht sin sa leagan den Rialachán sin a glacadh ar deireadh. Thairis sin, ní údaraítear leis an Rialachán sin do na Ballstáit barrachas ioncaim a thobhach go cúlghabhálach.

24

Tugann CREG agus Stát na Beilge freagra, go bunúsach, ar an gcéad dul síos, go bhféadfadh reachtas na Beilge gníomhú mar a rinne sé don tréimhse ón 1 Lúnasa go dtí an 30 Samhain 2022 faoina dhlínse chánach ghinearálta, ar an dara dul síos, go bhforáiltear le hAirteagal 8(1) de Rialachán 2022/1854, thairis sin, go bhféadfaidh na Ballstáit ‘bearta a choinneáil ar bun nó a thabhairt isteach lena gcuirtear teorainn bhreise le hioncam margaidh’ agus, ar an tríú dul síos, go mínítear nach bhfuil gá le foráil den sórt sin leis an bhfíoras nach ndearnadh an fhéidearthacht maidir le cur i bhfeidhm luath deonach an rialacháin sin dá bhforáiltear sa togra le haghaidh rialachán dá dtagraítear sa mhír roimhe seo den bhreithiúnas seo a atáirgeadh sa téacs a glacadh ar deireadh.

25

Tugann an chúirt a rinne an tarchur faoi deara nár thug reachtas na Beilge údar leis an gcúis ar shocraigh sé dáta theacht i bhfeidhm an tobhaigh atá i gceist ar dháta atá éagsúil leis an dáta a leagtar síos le Rialachán 2022/1854 agus nár chuir sé in iúl ach nach bhfuil an córas a cuireadh i bhfeidhm contrártha do phrionsabal na neamh-aisghníomhaíochta in ábhair chánach. Ní chuirtear in iúl le hobair ullmhúcháin an Dlí Leictreachais ach an oiread go bhfuil an tobhach atá i gceist hibrideach, eadhon beart náisiúnta atá neamhspleách ar dhlí an Aontais don tréimhse ón 1 Lúnasa 2022 go dtí an 30 Samhain 2022 agus cur chun feidhme Rialachán 2022/1854 don tréimhse ón 1 Nollaig 2022. I bhfianaise na dtosca sin, measann an chúirt sin go bhféadfadh Airteagal 22(2) den Rialachán sin, prima facie, bac a chur ar bhearta náisiúnta lena gcuirtear chun feidhme an scéim dá bhforáiltear leis an Rialachán sin ó dháta níos luaithe ná an dáta a chuirtear in iúl san fhoráil sin, agus prionsabail na tosaíochta, na héifeachtachta agus an chomhair dhílis á gcur san áireamh. I ndáil leis sin, measann sí nach bhfuil Airteagal 8(1)(a) de Rialachán 2022/1854 soiléir maidir le cé acu a áirítear nó nach n‑áirítear leis an rogha, a thugtar do na Ballstáit leis an bhforáil sin, bearta a choinneáil ar bun nó a thabhairt isteach lena gcuirtear teorainn bhreise le hioncam margaidh an rogha chun scéim maidir le caidhp a chur chun feidhme roimh dháta theacht i bhfeidhm an Rialacháin sin.

26

Sna himthosca sin, chinn an cour d’appel de Bruxelles (an Chúirt Achomhairc, an Bhruiséil, an Bheilg), bac a chur ar na himeachtaí agus na ceisteanna seo a leanas a tharchur chuig an gCúirt Bhreithiúnais le haghaidh réamhrialú:

Na himeachtaí os comhair na Cúirte

27

D’iarr an chúirt a rinne an tarchur go gcuirfí an tarchur seo le haghaidh réamhrialú faoi réir an nós imeachta brostaithe um réamhrialú dá bhforáiltear in Airteagal 105 de Rialacha Nós Imeachta na Cúirte Breithiúnais.

28

Diúltaíodh don iarratas sin le hordú Uachtarán na Cúirte an 10 Eanáir 2024, Electrabel agus páirtithe eile (C‑633/23, EU:C:2024:41).

Na ceisteanna a tharchuirtear le haghaidh réamhrialú

An chéad cheist agus an dara ceist

29

Mar réamhphointe, ba cheart a thabhairt faoi deara, ar thaobh amháin, de réir fhoclaíocht na chéad cheiste agus an dara ceist, ar cheart iad a scrúdú le chéile, go bhfuil amhras ar an gcúirt a rinne an tarchur maidir leis an modh chun an ioncam margaidh a chinneadh a bhfuil feidhm ag an ‘gcaidhpe dá bhforáiltear in Airteagal 6’ de Rialachán 2022/1854 maidir leis. Leanann sé ón iarraidh ar réamhrialú, sa chás seo, go bhfuil an chaidhp ar ioncam margaidh, de bhun Airteagal 22b(4) den Dlí Leictreachais, socraithe ag EUR 130 in aghaidh gach MWh den leictreachas a tháirgtear, cé go bhforáiltear le hAirteagal 6(1) go bhfuil caidhp EUR 180 ar a mhéad ar ioncam margaidh dá dtagraítear san Airteagal sin in aghaidh gach MWh den leictreachas a tháirgtear. Mar sin féin, foráiltear le hAirteagal 8(1)(a) den Rialachán sin, go bunúsach, go bhféadfaidh na Ballstáit, inter alia, bearta a thabhairt isteach lena gcuirtear teorainn bhreise leis an ioncam sin.

30

Dá bhrí sin, ní mór a mheas nach é an chaidhp a leagtar síos leis an reachtaíocht náisiúnta atá i gceist sna príomhimeachtaí an chaidhp ‘dá bhforáiltear in Airteagal 6’ de Rialachán 2022/1854, ach caidhp náisiúnta a leagtar síos faoi Airteagal 8(1) den Rialachán sin.

31

Ar an taobh eile, cé go n‑iarrann an chúirt a rinne an tarchur, lena céad cheist agus a dara ceist, inter alia, léiriú ar Airteagal 6 CAE, ní mhíníonn sí cén fáth a bhfuil gá leis an léiriú sin chun na díospóidí sna príomhimeachtaí a réiteach. Níl aon chúis san iarraidh ar réamhrialú lena mínítear cén fáth a bhfuil amhras ar an gcúirt sin maidir leis an léiriú ar an Airteagal sin nó ní mhínítear an nasc a bhunófaí idir an tAirteagal sin agus an reachtaíocht náisiúnta atá i gceist sna príomhimeachtaí. Dá réir sin, ní cosúil go bhfuil gá le léiriú ar Airteagal 6 CAE chun na díospóidí sin a réiteach.

32

I bhfianaise na mbreithnithe sin, ní mór a thuiscint, lena céad cheist agus lena dara ceist, go bhfiafraíonn an chúirt a rinne an tarchur, go bunúsach, an bhfuil Airteagail 6 go 8 de Rialachán 2022/1854, arna léamh i gcomhar le hAirteagal 2(5) agus (9) de, Airteagal 288 CFAE agus prionsabal na comhréireachta, le léiriú sa chaoi go gcuirtear cosc leo ar reachtaíocht náisiúnta faoina gcinntear méid na n‑ioncam a bhfuil feidhm ag caidhp ar ioncam margaidh dá bhforáiltear de bhun Airteagal 8 maidir leis, de réir na suiteálacha giniúna leictreachais lena mbaineann, ar bhonn toimhdí neamh-infhrisnéise nó ar bhonn toimhdí infhrisnéise, ach nach féidir a fhrisnéis ach amháin, ar thaobh amháin, trí údar a thabhairt leis na hioncaim iarbhír arna réadú ag suiteálacha uile an oibreora lena mbaineann agus, ar an taobh eile, trí thoimhdí eile.

33

I ndáil leis sin, ní mór a mheabhrú go bhforáiltear le hAirteagal 6(1) de Rialacháin 2022/1854, maidir leis na hioncaim mhargaidh de chuid táirgeoirí a fhaightear ó ghiniúint leictreachais ó na foinsí dá dtagraítear in Airteagal 7(1), go gcuirfear caidhp orthu ar leibhéal uasta EUR 180 in aghaidh gach MWh leictreachais a tháirgtear. Cuirtear in iúl le hAirteagal 6(2) go n‑áiritheoidh na Ballstáit go spriocdhírítear leis an gcaidhp ar ioncam margaidh ar ioncam margaidh go léir de chuid táirgeoirí agus, i gcás inarb ábhartha, idirghabhálaithe atá rannpháirteach i margaí mórdhíola leictreachais thar ceann táirgeoirí, gan beann ar chreat ama an mhargaidh ar lena linn a tharlaíonn an t‑idirbheart agus ar cé acu a thrádáiltear an leictreachas go déthaobhach nó i margadh láraithe. Ina theannta sin, foráiltear le mír 3 den Airteagal sin go gcuirfidh na Ballstáit bearta éifeachtacha i bhfeidhm chun cosc a chur ar dhul timpeall ar na hoibleagáidí atá ar tháirgeoirí faoi mhír 2 agus go n‑áiritheoidh siad, go háirithe, go gcuirfear an chaidhp ar ioncam margaidh i bhfeidhm go héifeachtach i gcásanna ina bhfuil táirgeoirí á rialú, nó faoi úinéireacht pháirteach, ag gnóthais eile, go háirithe i gcás inar cuid de ghnóthas atá comhtháite go hingearach iad. Maidir le hAirteagal 6(4) de Rialachán 2022/1854, sonraítear go gcinnfidh na Ballstáit cé acu a chuirfear i bhfeidhm an chaidhp ar ioncam margaidh tráth socraithe na malairte fuinnimh nó dá éis sin.

34

Thairis sin, cé go bhforáiltear le hAirteagal 6(5) go dtabharfaidh an Coimisiún treoir do na Ballstáit maidir le cur chun feidhme an Airteagail sin, tá comhthuiscint ann nár thug an institiúid aon treoir i ndáil leis sin.

35

Maidir le hAirteagal 7 de Rialachán 2022/1854, luaitear ann, i mír 1 de, go bhfuil feidhm ag an gcaidhp ar ioncam margaidh dá bhforáiltear in Airteagal 6 den Rialachán sin maidir le hioncam margaidh ó dhíol leictreachais a ghintear ó na foinsí fuinnimh a liostaítear san fhoráil sin. Sonraítear freisin, i mír 6 de, go soláthróidh táirgeoirí, idirghabhálaithe agus rannpháirtithe ábhartha sa mhargadh, mar aon le hoibreoirí córais, i gcás inarb ábhartha, d’údaráis inniúla na mBallstát, agus i gcás inarb ábhartha, do na hoibreoirí córais agus na hoibreoirí margaidh leictreachais ainmnithe, na sonraí uile is gá chun Airteagal 6 a chur i bhfeidhm, lena n‑áirítear maidir leis an leictreachas a ghintear agus an t‑ioncam gaolmhar sa mhargadh, gan beann ar chreat ama an mhargaidh ina ndéantar an t‑idirbheart ná ar cé acu a dhéantar an leictreachas a thrádáil go déthaobhach, laistigh den ghnóthas céanna nó i margadh láraithe.

36

Foráiltear le hAirteagal 8(1) de Rialachán 2022/1854, óna thaobh féin, go bhféadfaidh na Ballstáit bearta eile a ghlacadh, a liostaítear i bpointí (a) go (e) den mhír sin. Go háirithe, dar le pointe (a), féadfar bearta a choinneáil ar bun nó a thabhairt isteach lena gcuirtear teorainn bhreise le hioncam margaidh na dtáirgeoirí a ghineann leictreachas ó na foinsí a liostaítear in Airteagal 7(1) den Rialachán sin, lena n‑áirítear an fhéidearthacht idirdhealú a dhéanamh idir teicneolaíochtaí, mar aon le hioncam margaidh rannpháirtithe eile sa mhargadh. Sonraítear in Airteagal 8(2) go mbeidh na bearta dá dtagraítear i mír 1, i gcomhréir leis an Rialachán sin, comhréireach agus neamh-idirdhealaitheach, nach gcuirfear comharthaí infheistíochta i mbaol leo, go n‑áireofar leo go gcumhdófar na costais infheistíochta agus oibriúcháin, nach ndéanfaidh siad feidhmiú na margaí mórdhíola leictreachais a shaobhadh, agus go háirithe, ní dhéanfaidh siad difear don ordú fiúntais ná do shocrú na bpraghsanna ar an margadh mórdhíola, agus go mbeidh siad ag luí le dlí an Aontais.

37

Thairis sin, sonraítear in Airteagal 2(5) de Rialachán 2022/1854, chun críocha an Rialacháin sin, go gciallaíonn ‘ioncam margaidh’ ioncam réadaithe a fhaigheann táirgeoir mar mhalairt ar leictreachas a dhíol agus a sheachadadh san Aontas, gan beann ar an bhfoirm chonarthach ina dtarlaíonn malairt den sórt sin, lena n‑áirítear comhaontaithe ceannaigh cumhachta agus oibríochtaí fálaithe eile in aghaidh luaineachtaí i margadh mórdhíola an leictreachais agus gan aon tacaíocht arna deonú ag na Ballstáit san áireamh. Cuirtear in iúl le hAirteagal 2(9) go gciallaíonn ‘barrachas ioncaim’ difríocht dhearfach idir ioncaim mhargaidh na dtáirgeoirí in aghaidh gach MWh leictreachais agus an chaidhp EUR 180 ar ioncam margaidh in aghaidh gach MWh leictreachais dá bhforáiltear in Airteagal 6(1) den Rialachán sin.

38

Dá bhrí sin, ní mór a mheas, cé nach sonraítear in aon cheann d’fhorálacha ábhartha Rialachán 2022/1854 an mhodheolaíocht ar dá réir nach mór na hioncaim mhargaidh nach mór an beart lena gcuirtear caidhp ar ioncaim arna fhorchur leis an Rialachán sin a chur i bhfeidhm maidir leo a chinneadh, go leanann sé mar sin féin ó fhoclaíocht na bhforálacha sin, mar a thug an tAbhcóide Ginearálta faoi deara freisin, go bunúsach, i míreanna 38 agus 39 dá Thuairim, nach féidir an chaidhp sin a chur i bhfeidhm maidir le hioncaim theoiriciúla nach bhfreagraíonn do réaltacht an mhargaidh, ach nach mór é a chur i bhfeidhm maidir le méideanna a léiríonn an t-ioncam iarbhír a fhaigheann na hoibreoirí lena mbaineann.

39

Ina theannta sin, luaitear in aithris 30 den Rialachán sin gur cheart an chaidhp ar ioncaim mhargaidh a shocrú ‘ar ioncaim mhargaidh seachas ar ioncam giniúna iomlán’ agus, gan beann ar an bhfoirm chonarthach ina bhféadfar trádáil leictreachais a dhéanamh, ba cheart feidhm a bheith ag an gcaidhp ar ioncaim mhargaidh maidir le hioncaim mhargaidh ‘réadaithe amháin’.

40

É sin ráite, ós rud é nach sonraítear in aon fhoráil de Rialachán 2022/1854 an modh chun na hioncaim mhargaidh nach mór an beart lena gcuirtear caidhp ar ioncaim a chur i bhfeidhm maidir leo a chinneadh, is faoi na Ballstáit atá sé iad a chinneadh. Mar sin féin, a mhéid a chuireann na Ballstáit an Rialachán sin chun feidhme agus, dá bhrí sin, dlí an Aontais, ní mór dóibh a gcumhachtaí a fheidhmiú i gcomhréir le dlí an Aontais agus, dá réir sin, sa chás seo, ar bhealach lena gcaomhnaítear, go háirithe, éifeachacht fhorálacha an Rialacháin sin (féach, de réir analaí, breithiúnais an 21 Nollaig 2023, an Coimisiún v an Danmhairg (Uastréimhse pháirceála), C‑167/22, EU:C:2023:1020, mír 43 agus an cásdlí dá dtagraítear, agus an 30 Aibreán 2025, Alenopik, C‑745/23, EU:C:2025:294, mír 28).

41

Dá bhrí sin, tá sé fós le cinneadh an gceadaítear do na Ballstáit, i gcomhthéacs an fheidhmithe sin, toimhdí a úsáid chun méid na n‑ioncam margaidh a ndéanann siad an beart lena gcuirtear caidhpe ar ioncaim arna fhorchur le Rialachán 2022/1854 a chur i bhfeidhm a chinneadh go beacht.

42

I ndáil leis sin, ba cheart a thabhairt faoi deara, ar an gcéad dul síos, de réir aithris 37 den Rialachán sin, chun forfheidhmiú éifeachtach na caidhpe ar ioncaim mhargaidh a áirithiú, ba cheart do na táirgeoirí, na hidirghabhálaithe agus na rannpháirtithe ábhartha sa mhargadh na sonraí is gá a sholáthar d’údaráis inniúla na mBallstát agus, i gcás inarb iomchuí, d’oibreoirí córais agus d’oibreoirí ainmnithe sa mhargadh leictreachais, ach, i bhfianaise líon mór na n‑idirbheart aonair nach mór d’údaráis inniúla na mBallstát forfheidhmiú na caidhpe ar ioncam margaidh a áirithiú ina leith, ba cheart an deis a bheith ag na húdaráis sin ‘meastacháin réasúnacha’ a úsáid chun an chaidhp sin a ríomh.

43

Mar a thug an tAbhcóide Ginearálta faoi deara freisin i mír 50 dá Thuairim, is meastachán ar luach ar leith é meastachán de bharr a chineáil agus ní fhreagraíonn sé i gcónaí do luach beacht. Dá réir sin, féadfar glacadh le haon difríocht idir an t‑ioncam iarbhír agus an t‑ioncam a mhuirearaítear gan gá go mbeadh úsáid toimhdí ar neamhréir le Rialachán 2022/1854, ar choinníoll go bhfuil an difríocht sin, a d’fhéadfadh, thairis sin, a bheith diúltach nó dearfach, fós réasúnta, eadhon measartha, agus go bhfuil na meastacháin arna nglacadh de bhun na dtoimhdí sin ionadaíoch ar réaltacht an mhargaidh le linn na tréimhse atá i gceist.

44

Ar an dara dul síos, mar is léir ó Airteagal 1 de, is é is cuspóir do Rialachán 2022/1854, inter alia, go mbunaítear idirghabháil éigeandála chun maolú a dhéanamh ar éifeachtaí praghsanna arda fuinnimh trí bhearta atá eisceachtúil, spriocdhírithe agus lena mbaineann teorainn ama, agus is é is cuspóir do na bearta, go háirithe, caidhp a thabhairt isteach ar ioncaim mhargaidh a fhaigheann táirgeoirí áirithe ó ghiniúint leictreachais agus iad a athdháileadh ar chustaiméirí deiridh leictreachais ar bhealach spriocdhírithe.

45

I gcomhthéacs éigeandáil den sórt sin agus i bhfianaise an chuspóra sin custaiméirí deiridh leictreachais a chosaint, d’fhéadfadh úsáid meastachán réasúnta, lena n‑áirítear i bhfoirm toimhdí, chun bearta gearrthréimhse a chur chun feidhme go tapa a bheith ina modh iomchuí, nó riachtanach fiú, chun éifeachacht an bhirt lena gcuirtear caidhpe ar ioncaim arna fhorchur le Rialachán 2022/1854 a áirithiú agus, dá bhrí sin, an cuspóir sin a bhaint amach.

46

Ar an tríú dul síos, ba cheart a thabhairt faoi deara, de réir Airteagal 6(3) den Rialachán sin, go gceanglaítear ar na Ballstáit bearta éifeachtacha a chur i bhfeidhm chun forfheidhmiú éifeachtach na caidhpe a áirithiú agus chun cosc a chur ar imchéimniú na caidhpe. I bhfianaise an mhéid a fhoráiltear le hAirteagal 6(2) agus Airteagal 7(6) den Rialachán sin, a bhfuil a bhfoclaíocht leagtha amach i míreanna 33 agus 35 faoi seach den bhreithiúnas seo, d’fhéadfadh sé gur gá a áirithiú go ndéanfar líon an‑mhór sonraí a bhailiú agus a rialú. Dá bhrí sin, ceadaítear leis an imthoisc sin glacadh leis, ag brath ar imthosca sonracha an mhargaidh náisiúnta atá i gceist nó ar na deacrachtaí teicniúla a d’fhéadfadh a bheith ann maidir leis an bhféidearthacht an t‑ioncam nach mór a bheith faoi réir na caidhpe arna forchur leis an Rialachán sin a aonrú, go bhféadfadh sé gur ghá toimhdí a úsáid.

47

Aithníonn reachtas an Aontais ualach suntasach an ualaigh riaracháin a d’fhéadfadh a bheith mar thoradh ar chur i bhfeidhm na caidhpe sin, a mhéid a thugtar, le hAirteagal 7(3) de Rialachán 2022/1854, an rogha do na Ballstáit, inter alia, cinneadh a dhéanamh, go háirithe i gcás ina bhfuil ualach suntasach riaracháin i gceist le cur i bhfeidhm na caidhpe dá bhforáiltear in Airteagal 6(1) den Rialachán sin, nach bhfuil feidhm ag an gcaidhp sin maidir le táirgeoirí a ghineann leictreachas le suiteálacha giniúna leictreachais a bhfuil toilleadh suiteáilte suas le 1 MW acu.

48

Leanann sé ó na tosca sin nach gcuirtear cosc le Rialachán 2022/1854 ar Bhallstát toimhdí a úsáid chun méid na n‑ioncam margaidh nach mór a chur faoi réir na caidhpe arna fhorchur leis an Rialachán sin a chinneadh, ar choinníoll go bhfágann na toimhdí sin gur féidir meastacháin réasúnacha a fháil ar na hioncaim sin, atá ionadaíoch ar réaltacht an mhargaidh le linn na tréimhse atá i gceist.

49

I ndáil leis sin, ba cheart a thabhairt faoi deara, ar thaobh amháin, nach bhfuil an fíoras gur roghnaigh Ballstát, i gcás inarb iomchuí, ar bhonn tosca idirdhealaitheacha oibiachtúla, toimhdí a chur i bhfeidhm a athraíonn de réir na n‑oibreoirí, na suiteálacha nó na teicneolaíochta lena mbaineann, nó sraith toimhdí, de chineál a shuíonn nach gcomhlíontar an coinníoll a leagtar amach sa mhír roimhe seo den bhreithiúnas seo, ar choinníoll, i gcás gach ceann de na catagóirí oibreoirí, suiteálacha nó teicneolaíochta a d’fhéadfadh a bheith i gceist, go gceadaítear leis an toimhde a cuireadh i bhfeidhm meastachán réasúnach a fháil ar an ioncam a bhaineann go sonrach leis an gcatagóir sin, agus go n‑údaraítear go sainráite, thairis sin, an fhéidearthacht idirdhealú a dhéanamh idir teicneolaíochtaí le Rialachán 2022/1854, go háirithe Airteagal 8(1)(a) de. Ar an taobh eile, d’fhéadfadh fiú úsáid toimhdí neamh-infhrisnéise an coinníoll sin a chomhlíonadh, go háirithe i gcás ina mbaineann na toimhdí sin le catagóir theoranta shonrach táirgeoirí a ndearnadh an t‑ioncam, mar gheall ar a n‑imthosca féin nó mar gheall ar imthosca sonracha an mhargaidh náisiúnta atá i gceist, a shocrú roimh ré i gcomhaontú leis na húdaráis phoiblí nó ina bhfuil sé teorannaithe leis an reachtaíocht náisiúnta, ionas nach féidir leis na táirgeoirí lena mbaineann imeacht uaidh go héasca.

50

Leanann sé freisin ó na cinntí sin nach féidir a mheas go bhfuil úsáid toimhdí den sórt sin, ós rud é go gcomhlíontar an coinníoll sin, contrártha do phrionsabal na comhréireachta. I ndáil leis sin, ba cheart a mheabhrú go gceanglaítear leis an bprionsabal sin, atá ar cheann de phrionsabail ghinearálta an dlí agus atá ina cheangal ar na Ballstáit a chomhlíonadh agus dlí an Aontais á chur chun feidhme acu, i gcomhréir leis an gcásdlí dá dtagraítear i mír 40 den bhreithiúnas seo, go mbeidh na modhanna a úsáidfear iomchuí chun na cuspóirí dlisteanacha atá á saothrú leis an reachtaíocht atá i gceist a bhaint amach agus nach rachaidh siad thar a bhfuil riachtanach chun iad a bhaint amach (féach, chuige sin, breithiúnais an 21 Feabhra 2008, Netto Supermarkt, C‑271/06 , EU:C:2008:105, mír 19 agus an cásdlí dá dtagraítear, agus an 8 Nollaig 2020, an Ungáir v an Pharlaimint agus an Chomhairle, C‑620/18, EU:C:2020:1001, mír 111).

51

I bhfianaise na héigeandála a bhaineann le beart lena gcuirtear caidhp ar ioncaim arna fhorchur le Rialachán 2022/1854 a chur i bhfeidhm, chun custaiméirí deiridh leictreachais a chosaint, agus i bhfianaise chineál eisceachtúil an bhirt sin agus go bhfuil sé teoranta ó thaobh ama de, is cosúil go bhfuil úsáid toimhdí, lena n‑áirítear, de réir mar a bheidh, neamh-infhrisnéise, chun méid an ioncaim nach mór an beart sin a chur i bhfeidhm maidir leis a chinneadh go beacht, comhréireach, ar choinníoll, mar a luaitear i mír 48 den bhreithiúnas seo, go bhfágann na toimhdí sin gur féidir meastacháin réasúnacha a fháil ar an ioncam sin, atá ionadaíoch ar réaltacht an mhargaidh le linn na tréimhse atá i gceist.

52

Ós rud é go bhfuil an measúnú sonrach ar cé acu a chomhlíontar nó nach gcomhlíontar an coinníoll sin toimhde ar leith de chineál fíorasach, tagann sé faoi inniúlacht na n‑údarás náisiúnta, arna ngníomhú faoi rialú na gcúirteanna náisiúnta, an chúirt a rinne an tarchur sa chás seo. Mar sin féin, i gcomhréir lena cásdlí, féadfaidh an Chúirt Bhreithiúnais, agus rialú á thabhairt ar tharchur chun réamhrialú, soiléiriú a thabhairt atá beartaithe chun treoir a thabhairt don chúirt sin maidir lena measúnú (féach, de réir analaí, breithiúnais an 21 Feabhra 2006, Halifax agus páirtithe eile, C‑255/02, EU:C:2006:121, mír 77, agus an 11 Eanáir 2024, Nárokuj, C‑755/22, EU:C:2024:10, mír 42).

53

Dá bhrí sin, chun críocha an mheasúnaithe sin, ní mór na tosca fíorasacha agus teicniúla uile a bhaineann ní hamháin le staid na n‑oibreoirí agus na suiteálacha lena mbaineann, ach leis an margadh náisiúnta leictreachais freisin, a chur san áireamh. Dá bhrí sin, go háirithe, d’fhéadfadh méid na mbacainní ar shonraí a bhailiú agus a rialú a bheith ábhartha i ndáil leis sin, i bhfianaise na n‑imthosca sonracha sin, lena bhféadfaí a chinneadh, laistigh de thréimhse ama atá comhoiriúnach leis an éigeandáil a bhaineann le baint amach an chuspóra custaiméirí deiridh leictreachais a chosaint, ioncaim bheachta na suiteálacha nó na n‑oibreoirí atá faoi réir na caidhpe atá i gceist, chomh maith le cé acu atá nó nach bhfuil na toimhdí arna mbunú beacht go leor chun róluacháil nó tearc-luacháil shuntasach ar na hioncaim arna ndéanamh ag na hoibreoirí lena mbaineann a sheachaint, agus cé acu atá nó nach bhfuil sásra ceartaitheach ann lena bhféadfaí, i gcás inarb iomchuí, oibreoirí nó údaráis náisiúnta an t‑ioncam iarbhír a éileamh chun toradh na dtoimhdí sin a cheartú mura n‑eascraíonn meastacháin réasúnacha astu, atá ionadaíoch ar réaltacht an mhargaidh le linn na tréimhse atá i gceist.

54

Ina theannta sin, i bhfianaise an mhéid a luaitear i mír 40 den bhreithiúnas seo, ní gá don Chúirt Bhreithiúnais rialú a thabhairt ar léiriú Airteagal 288 CFAE arna iarraidh ag an gcúirt a rinne an tarchur.

55

I bhfianaise na mbreithnithe go léir roimhe seo, is é an freagra ar an gcéad cheist agus ar an dara ceist go bhfuil Airteagail 6 go 8 de Rialachán 2022/1854, arna léamh i gcomhar le hAirteagal 2(5) agus (9) de, agus prionsabal na comhréireachta, le léiriú sa chaoi nach gcuirtear cosc leo ar reachtaíocht náisiúnta faoina gcinntear méid na n‑ioncam a bhfuil feidhm ag caidhp ar ioncam margaidh dá bhforáiltear de bhun Airteagal 8 maidir leis, de réir na suiteálacha giniúna leictreachais lena mbaineann, ar bhonn toimhdí neamh-infhrisnéise nó ar bhonn toimhdí infhrisnéise, ach nach féidir a fhrisnéis ach amháin, ar thaobh amháin, trí údar a thabhairt leis na hioncaim iarbhír arna réadú ag suiteálacha uile an oibreora lena mbaineann agus, ar an taobh eile, trí thoimhdí eile, ar choinníoll go bhfágann na toimhdí sin gur féidir meastacháin réasúnacha a fháil ar na hioncaim sin, ar meastacháin iad atá ionadaíoch ar réaltacht an mhargaidh le linn na tréimhse atá i gceist.

An tríú ceist

56

Lena tríú ceist, fiafraíonn an chúirt a rinne an tarchur, go bunúsach, an bhfuil Airteagail 6 go 8 agus Airteagal 22(2)(c) de Rialachán 2022/1854, arna léamh i gcomhar le hAirteagal 288 CFAE agus prionsabail thosaíocht agus éifeachacht dhlí an Aontais agus prionsabal an chomhair dhílis, le léiriú sa chaoi go gcuirtear cosc leo ar reachtaíocht náisiúnta arna glacadh tar éis theacht i bhfeidhm an Rialacháin sin agus lena bhforáiltear do bheart lena gcuirtear caidhp ar ioncam margaidh a chur i bhfeidhm atá cosúil leis an mbeart arna fhorchur leis an Rialachán sin a chur i bhfeidhm, ach ar feadh tréimhse roimh an tréimhse a leagtar síos leis an Rialachán sin.

57

I ndáil leis sin, ba cheart a thabhairt faoi deara, de réir Airteagal 22(1) de Rialachán 2022/1854, gur tháinig an Rialachán sin i bhfeidhm an lá tar éis lá a fhoilsithe in Iris Oifigiúil an Aontais Eorpaigh, eadhon an 8 Deireadh Fómhair 2022. De réir Airteagal 22(2)(c) den Rialachán sin, bhí feidhm ag Airteagail 6, 7 agus 8 de ón 1 Nollaig 2022 go dtí an 30 Meitheamh 2023.

58

Ní léir ó aon fhoráil de Rialachán 2022/1854 go bhfuil feidhm ag an Rialachán sin maidir le beart lena gcuirtear caidhp ar ioncaim a bhunaítear leis an reachtaíocht náisiúnta ar feadh tréimhse roimh theacht i bhfeidhm an Rialacháin sin nó, a fortiori, nach mór don reachtaíocht sin na coinníollacha a leagtar síos leis an Rialachán sin a chomhlíonadh. Dá bhrí sin, mar a thug an tAbhcóide Ginearálta faoi deara freisin i mír 59 dá Thuairim, in éagmais reachtaíocht an Aontais maidir leis sin, a bhfuil feidhm ratione temporis maidir leis, ní féidir a mheas go mbaintear an rogha de na Ballstáit a gcumhachtaí a fheidhmiú, sa chás seo trí bheart a ghlacadh lena gcuirtear caidhp ar ioncam margaidh atá cosúil leis an mbeart arna fhorchur le Rialachán 2022/1854 a chur i bhfeidhm, ach a bhfuil raon feidhme ama aige atá éagsúil leis an raon feidhme dá bhforáiltear leis an Rialachán sin, nó nach bhféadfaí rogha den sórt sin a fheidhmiú ach amháin faoi réir údarú sainráite reachtóir an Aontais chuige sin.

59

Níl aon tionchar ag an bhfíoras gur glacadh reachtaíocht náisiúnta den sórt sin cé go raibh an Rialachán sin i bhfeidhm cheana féin i ndáil leis sin. Ní thugtar le fios le haon cheann d’fhorálacha den Rialachán sin go raibh sé beartaithe ag reachtas an Aontais, tríd an Rialachán sin a ghlacadh, an rogha sin a bhaint de na Ballstáit ná feidhmiú na rogha sin a chur faoi réir údarú den sórt sin. Os a choinne sin, mar is léir ó fhoclaíocht Airteagal 8(1) de Rialachán 2022/1854, bheartaigh reachtóir an Aontais go sainráite go bhféadfadh na Ballstáit bearta lena gcuirtear caidhp ar ioncam margaidh a thabhairt isteach nó a choinneáil ar bun atá níos déine ná an chaidhp dá bhforáiltear in Airteagal 6(1) den Rialachán sin. Chuige sin freisin, cuirtear in iúl in aithris 1 den Rialachán sin go bhfuil praghsanna an‑ard sna margaí leictreachais ó mhí Mheán Fómhair 2021 ann agus go bhfuil méaduithe móra breise tagtha ar phraghas leictreachais mar aon le luaineacht sa phraghas sin mar thoradh ar chogadh foghach Chónaidhm na Rúise i gcoinne na hÚcráine. Ina theannta sin, thug reachtas an Aontais faoi deara, in aithris 5 den Rialachán sin, go raibh tionchar diúltach ag an ngéarchéim fuinnimh sin ar na Ballstáit uile, cé nach ionann an tionchar sin, agus is léir ó aithris 28 de go raibh méadú foircneach agus marthanach ar phraghsanna ó mhí Feabhra 2022.

60

Cuirtear in iúl leis na tosca sin go raibh láneolas aige ar chumas na mBallstát gníomhú laistigh de raon feidhme a n‑inniúlachtaí, i bhfianaise imthosca sonracha a margaí náisiúnta, gur chinn reachtas an Aontais gan an chaidhp ar ioncam margaidh a rialáil, ar leibhéal an Aontais, thar an raon feidhme ama dá bhforáiltear i Rialachán 2022/1854, nó, a fortiori, a n‑inniúlacht chun an t-ábhar sin a rialáil a bhaint de na Ballstáit ar feadh tréimhse roimh an tréimhse chur i bhfeidhm a leagtar síos sa Rialachán sin.

61

I ndáil leis sin, is fíor, mar a cuireadh in iúl cheana i mír 40 den bhreithiúnas seo, nach mór do na Ballstáit a gcumhachtaí a fheidhmiú i gcomhréir le dlí an Aontais. Mar sin féin, sa chás seo, cé is moite de na ceisteanna a leag an chúirt a rinne an tarchur amach ina céad cheist agus ina dara ceist, ní léir ón iarraidh ar réamhrialú go bhfuil amhras ar an gcúirt sin maidir le comhoiriúnacht shubstainteach na reachtaíochta náisiúnta is cúis leis na díospóidí sna príomhimeachtaí le forálacha eile de dhlí an Aontais a d’fhéadfadh, óna taobh féin de, a bheith infheidhme ratione temporis.

62

Sa chás seo, ní fhéadfaí údar a thabhairt le hAirteagal 288 CFAE nó prionsabail thosaíocht agus éifeachacht dhlí an Aontais nó prionsabal an chomhair dhílis le measúnú difriúil.

63

Ar thaobh amháin, ní féidir le hAirteagal 288 CFAE nó prionsabail thosaíocht agus éifeachacht dhlí an Aontais raon feidhme rialacháin arna chinneadh ag reachtas an Aontais a athrú.

64

Ar an taobh eile, is fíor, de bhun phrionsabal an chomhair dhílis, a leagtar síos in Airteagal 4(3) CAE, go staonann gach Ballstát, go háirithe, ó gach beart lena bhféadfaí baint amach chuspóirí an Aontais a chur i mbaol. Mar sin féin, i bhfianaise, go háirithe, an mhéid a luaitear i mír 60 den bhreithiúnas seo agus ós rud é gur gá go saothraítear le beart lena gcuirtear caidhp ar ioncaim a chur i bhfeidhm atá cosúil leis an gceann dá bhforáiltear le Rialachán 2022/1854, mar gheall ar a chineál féin, cuspóirí atá comhoiriúnach le cuspóirí an Rialacháin sin, ní féidir a mheas, trí bheart den sórt sin a chur i bhfeidhm ar an leibhéal náisiúnta sula bhforchuirtear é ar leibhéal an Aontais, go sáródh Ballstát an prionsabal sin.

65

I bhfianaise na mbreithnithe go léir roimhe seo, is é an freagra ar an tríú ceist ná go bhfuil Airteagail 6 go 8 agus Airteagal 22(2)(c) de Rialachán 2022/1854, arna léamh i gcomhar le hAirteagal 288 CFAE agus prionsabail thosaíocht agus éifeachacht dhlí an Aontais agus prionsabal an chomhair dhílis, le léiriú sa chaoi nach gcuirtear cosc leo ar reachtaíocht náisiúnta arna glacadh tar éis theacht i bhfeidhm an Rialacháin sin agus lena bhforáiltear do bheart lena gcuirtear caidhp ar ioncam margaidh a chur i bhfeidhm atá cosúil leis an mbeart arna fhorchur leis an Rialachán sin a chur i bhfeidhm, ach ar feadh tréimhse roimh an tréimhse a leagtar síos leis an Rialachán sin.

Costais

66

Ós rud é, a mhéid a bhaineann sé leis na páirtithe sna príomhimeachtaí, go bhfuil na himeachtaí mar chéim sa chás os comhair na cúirte a rinne an tarchur, baineann ceist na gcostas leis an gcúirt sin. Níl na costais a tabhaíodh trí bharúlacha a chur faoi bhráid na Cúirte, seachas costais na bpáirtithe sin, inghnóthaithe.

1.

Maidir le hAirteagail 6 go 8 de Rialachán (AE) 2022/1854 ón gComhairle an 6 Deireadh Fómhair 2022 maidir le hidirghabháil éigeandála chun aghaidh a thabhairt ar phraghsanna arda fuinnimh, arna léamh i gcomhar le hAirteagail 2(5) agus 9 de agus prionsabal na comhréireachta,

2.

Maidir le hAirteagail 6 go 8 agus Airteagal 22(2)(c) de Rialachán 2022/1854, arna léamh i gcomhar le hAirteagal 288 CFAE agus prionsabail thosaíocht agus éifeachacht dlí an Aontais agus prionsabal an chomhair dhílis,