(1)

L-Artikolu 10 tar-Regolament (UE) Nru 1308/2013 jipprevedi li l-iskali tal-Unjoni għall-klassifikazzjoni tal-karkassi tal-majjali jridu japplikaw f’konformità mal-Anness IV, il-punt B, ta’ dak ir-Regolament. L-Anness IV, it-Taqsima B.IV, il-punt 1, ta’ dak ir-Regolament jipprevedi li għall-klassifikazzjoni tal-karkassi tal-majjali, il-kontenut tal-laħam dgħif irid jiġi vvalutat permezz ta’ metodi ta’ gradazzjoni awtorizzati mill-Kummissjoni, li jistgħu jiġu awtorizzati biss metodi ta’ valutazzjoni ppruvati statistikament ibbażati fuq il-kejl fiżiku ta’ waħda jew aktar mill-partijiet anatomiċi tal-karkassa tal-majjal u li l-metodi ta’ gradazzjoni huma soġġetti għall-konformità mar-rata ta’ tolleranza massima għal żball statistiku fil-valutazzjoni. Dik it-tolleranza hija ddefinita fl-Anness V, il-Parti A, il-punt 1, it-tieni paragrafu, tar-Regolament Delegat tal-Kummissjoni (UE) 2017/1182 (2).

(2)

Id-Deċiżjoni tal-Kummissjoni 2005/1/KE (3) awtorizzat l-użu ta’ sitt metodi għall-gradazzjoni tal-karkassi tal-majjali fiċ-Ċekja.

(3)

Iċ-Ċekja talbet lill-Kummissjoni tawtorizza l-metodu l-ġdid li ġej: “Fat-O-Meater II (FOM II)”. Għal dak l-iskop, iċ-Ċekja ppreżentat deskrizzjoni dettaljata tal-prova tad-dissezzjoni, li tindika l-prinċipji li fuqhom huwa bbażat dan il-metodu l-ġdid, ir-riżultati tal-prova tad-dissezzjoni u l-ekwazzjonijiet użati għall-valutazzjoni tal-perċentwal tal-laħam dgħif fil-protokoll imsemmi fl-Artikolu 11(3) tar-Regolament Delegat (UE) 2017/1182.

(4)

Iċ-Ċekja talbet ukoll lill-Kummissjoni tawtorizza formola aġġornata għal tliet metodi (“Zwei-Punkte-Messverfahren”, “Ultra-sound IS-D-05” u “Needle IS-D-15”) diġà awtorizzati bid-Deċiżjoni 2005/1/KE għall-gradazzjoni tal-karkassi tal-majjali fit-territorju tagħha.

(5)

L-eżami ta’ dawk it-talbiet żvela li l-kundizzjonijiet u r-rekwiżiti minimi għall-awtorizzazzjoni tal-metodi l-ġodda ta’ gradazzjoni u għall-aġġornament tal-ekwazzjonijiet għall-metodi awtorizzati, kif stabbilit fl-Anness V, il-Parti A, tar-Regolament Delegat (UE) 2017/1182, huma ssodisfati. Għalhekk, jenħtieġ li l-metodu l-ġdid ta’ gradazzjoni u l-formuli l-ġodda jiġu awtorizzati fiċ-Ċekja.

(6)

Iċ-Ċekja talbet lill-Kummissjoni biex tkun awtorizzata tipprevedi mod ta’ preżentazzjoni tal-karkassi tal-majjali differenti mill-preżentazzjoni standard stabbilita fl-Anness IV, it-Taqsima B.III, tar-Regolament (UE) Nru 1308/2013.

(7)

Sakemm ma jkunux ġew awtorizzati b’mod espliċitu minn Deċiżjoni ta’ Implimentazzjoni tal-Kummissjoni, jenħtieġ li l-modifiki tal-metodi ta’ gradazzjoni jew tal-apparati tagħhom ma jkunux permessi.

(8)

Għal raġunijiet ta’ ċarezza u ċertezza legali, jenħtieġ li d-Deċiżjoni 2005/1/KE titħassar.

(9)

Il-miżuri previsti f’din id-Deċiżjoni huma f’konformità mal-opinjoni tal-Kumitat għall-Organizzazzjoni Komuni tas-Swieq Agrikoli,

(a)

il-metodu ta’ gradazzjoni “Zwei-Punkte-Messverfahren” u l-metodi ta’ valutazzjoni marbuta miegħu, li d-dettalji tagħhom jinsabu fl-Anness, il-Parti I;

(b)

l-apparat “Fat-O-Meater (FOM)” u l-metodi ta’ valutazzjoni marbuta miegħu, li d-dettalji tagħhom jinsabu fl-Anness, il-Parti II;

(c)

l-apparat “Hennessy Grading Probe (HGP 4)” u l-metodi ta’ valutazzjoni marbuta miegħu, li d-dettalji tagħhom jinsabu fl-Anness, il-Parti III;

(d)

l-apparat “Ultra FOM 300” u l-metodi ta’ valutazzjoni relatati miegħu, li d-dettalji tagħhom jinsabu fl-Anness, il-Parti IV;

(e)

l-apparat “Ultra-sound IS-D-05” u l-metodi ta’ valutazzjoni marbuta miegħu, li d-dettalji tagħhom jinsabu fl-Anness, il-Parti V;

(f)

l-apparat “Needle IS-D-15” u l-metodi ta’ valutazzjoni marbuta miegħu, li d-dettalji tagħhom jinsabu fl-Anness, il-Parti VI;

(g)

l-apparat “Fat-O-Meater II (FOM II)” u l-metodi ta’ valutazzjoni marbuta miegħu, li d-dettalji tagħhom jinsabu fl-Anness, il-Parti VII.

(a)

mingħajr widnejn, fejn il-widnejn ikunu tneħħew qabel il-karkassa tintiżen u tiġi kklassifikata. Fil-każ ta’ preżentazzjoni bħal din, il-piż tal-karkassa sħuna rreġistrat għandu jkun aġġustat skont il-formola li ġejja:

il-piż tal-karkassa sħuna = il-piż tal-karkassa sħuna mingħajr widnejn + 0,274 kg;

(b)

bis-sonza, qabel ma jintiżnu u jiġu ggradati. Fil-każ ta’ preżentazzjoni bħal din, il-piż tal-karkassa sħuna rreġistrat għandu jkun aġġustat skont il-formola li ġejja:

piż tal-karkassa sħuna = 1,65651 + 0,96139 × piż tal-karkassa sħuna bis-sonża;

(c)

bis-sonza, u mingħajr widnejn, fejn il-widnejn ikun tneħħew qabel il-karkassa tintiżen u tiġi kklassifikata. Fil-każ ta’ preżentazzjoni bħal din, il-piż tal-karkassa sħuna rreġistrat għandu jkun aġġustat skont il-formola li ġejja:

il-piż tal-karkassa sħuna = 1,65651 + 0,96139 × (il-piż tal-karkassa sħuna bis-sonza u mingħajr widnejn + 0,274 kg).