(1)

Le hAirteagal 10 de Rialachán (AE) Uimh. 1308/2013, foráiltear go mbeidh feidhm ag scálaí an Aontais um chonablaigh muc a aicmiú i gcomhréir le pointe B d’Iarscríbhinn IV a ghabhann leis an Rialachán sin. Maidir le conablaigh muc a aicmiú, foráiltear le Roinn B.IV, pointe 1, d’Iarscríbhinn IV a ghabhann leis an Rialachán sin go bhfuil measúnú le déanamh ar an gcion feola trua trí bhíthin modhanna grádúcháin arna n-údarú ag an gCoimisiún, nach bhféadfar a údarú ach modhanna measúnaithe atá cruthaithe de réir staidrimh atá bunaithe ar thomhas fisiceach cuid anatamaíoch amháin nó níos mó den chonablach muice agus go bhfuil modhanna grádúcháin faoi réir uasráta lamháltais le haghaidh earráid staidrimh le linn measúnaithe a chomhlíonadh. Sainítear an lamháltas sin i gCuid A, pointe 1, an dara mír, d’Iarscríbhinn V a ghabhann le Rialachán Tarmligthe (AE) 2017/1182 ón gCoimisiún (2).

(2)

Le Cinneadh 2005/1/CE ón gCoimisiún (3), údaraíodh sé mhodh a úsáid chun conablaigh muc a ghrádú san tSeicia.

(3)

D’iarr an tSeicia ar an gCoimisiún an modh nua seo a leanas a údarú: ‘Fat-O-Meater II (FOM II)’. Chun na críche sin, chuir an tSeicia tuairisc mhionsonraithe i láthair ar an triail dhiosctha, lena léirítear na prionsabail ar a bhfuil an modh nua sin bunaithe, torthaí na trialach diosctha agus na cothromóidí a úsáidtear chun measúnú a dhéanamh ar an gcéatadán feola trua sa phrótacal dá dtagraítear in Airteagal 11(3) de Rialachán Tarmligthe (AE) 2017/1182.

(4)

D’iarr an tSeicia ar an gCoimisiún freisin foirmle nuashonraithe a údarú le haghaidh trí mhodh (‘Zwei-Punkte-Messverfahren’, ‘Ultra-sound IS-D-05’ agus ‘Needle IS-D-15’) atá údaraithe cheana féin le Cinneadh 2005/1/CE chun conablaigh muc a ghrádú ar a críoch.

(5)

Trí na hiarrataí sin a scrúdú, fuarthas amach go gcomhlíontar na coinníollacha agus na híoscheanglais maidir leis na modhanna nua grádúcháin a údarú agus na cothromóidí le haghaidh na modhanna údaraithe a nuashonrú mar a leagtar síos i gCuid A d’Iarscríbhinn V a ghabhann le Rialachán Tarmligthe (AE) 2017/1182. Dá bhrí sin, ba cheart an modh nua grádúcháin agus na foirmlí nua a údarú sa tSeicia.

(6)

D’iarr an tSeicia go n-údarófaí don Choimisiún foráil a dhéanamh maidir le bealach chun conablaigh muc a chur i láthair atá éagsúil leis an gcur i láthair caighdeánach a leagtar síos i Roinn B.III d’Iarscríbhinn IV a ghabhann le Rialachán (AE) Uimh. 1308/2013.

(7)

Níor cheart modhnuithe ar na modhanna grádúcháin ná ar na gairis lena mbaineann a cheadú, ach amháin má údaraítear sin go sainráite le cinneadh cur chun feidhme ón gCoimisiún.

(8)

Ar chúiseanna soiléireachta agus deimhneachta dlíthiúla, ba cheart Cinneadh 2005/1/CE a aisghairm.

(9)

Tá na bearta dá bhforáiltear sa Chinneadh seo i gcomhréir leis an tuairim ón gCoiste um Chomheagrú na Margaí Talmhaíochta,

(a)

an modh grádúcháin ar a dtugtar ‘Zwei-Punkte-Messverfahren’ agus na modhanna measúnaithe lena mbaineann, a leagtar amach sonraí ina leith i gCuid I den Iarscríbhinn;

(b)

an gaireas ar a dtugtar ‘Fat-O-Meater (FOM)’ agus na modhanna measúnaithe lena mbaineann, a leagtar amach sonraí ina leith i gCuid II den Iarscríbhinn;

(c)

an gaireas ar a dtugtar ‘Hennessy Grading Probe (HGP 4)’ agus na modhanna measúnaithe lena mbaineann, a leagtar amach sonraí ina leith i gCuid III den Iarscríbhinn;

(d)

an gaireas ar a dtugtar ‘Ultra FOM 300’ agus na modhanna measúnaithe lena mbaineann, a leagtar amach sonraí ina leith i gCuid IV den Iarscríbhinn;

(e)

an gaireas ar a dtugtar ‘Ultra-sound IS-D-05’ agus na modhanna measúnaithe lena mbaineann, a leagtar amach sonraí ina leith i gCuid V den Iarscríbhinn;

(f)

an gaireas ar a dtugtar ‘Needle IS-D-15’ agus na modhanna measúnaithe lena mbaineann, a leagtar amach sonraí ina leith i gCuid VI den Iarscríbhinn;

(g)

an gaireas ar a dtugtar ‘Fat-O-Meater II (FOM II)’ agus na modhanna measúnaithe lena mbaineann, a leagtar amach sonraí ina leith i gCuid VII den Iarscríbhinn.

(a)

gan chluasa, na cluasa a bheith bainte sula ndéantar an conablach a mheá agus a ghrádú. I gcás cur i láthair den sórt sin, déanfar meáchan taifeadta an chonablaigh the a choigeartú i gcomhréir leis an bhfoirmle seo a leanas:

meáchan an chonablaigh the = meáchan an chonablaigh the gan chluasa + 0,274 kg;

(b)

gan an bhlonag a bheith bainte sula ndéantar é a mheá agus a ghrádú. I gcás cur i láthair den sórt sin, déanfar meáchan taifeadta an chonablaigh the a choigeartú i gcomhréir leis an bhfoirmle seo a leanas:

meáchan an chonablaigh the = 1,65651 + 0,96139 × meáchan an chonablaigh the leis an mblonag;

(c)

gan an bhlonag a bheith bainte agus gan chluasa, na cluasa a bheith bainte sula ndéantar an conablach a mheá agus a ghrádú. I gcás cur i láthair den sórt sin, déanfar meáchan taifeadta an chonablaigh the a choigeartú i gcomhréir leis an bhfoirmle seo a leanas:

meáchan an chonablaigh the = 1,65651 + 0,96139 × (meáchan an chonablaigh the leis an mblonag agus gan chluasa + 0,274 kg).