|
9.6.2020 |
GA |
Iris Oifigiúil an Aontais Eorpaigh |
L 181/1 |
CINNEADH (AE) 2020/751 ÓN gCOMHAIRLE
an 27 Bealtaine 2020
maidir le tabhairt i gcrích an Chomhaontaithe idir an tAontas Eorpach agus Poblacht na Bealarúise maidir le daoine a chónaíonn gan údarú a ligean ar ais
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 79(3), i gcomhar le pointe (a) d’Airteagal 218(6) de,
Ag féachaint don togra ón gCoimisiún Eorpach,
Ag féachaint don toiliú ó Pharlaimint na hEorpa (1),
De bharr an mhéid seo a leanas:
|
(1) |
I gcomhréir le Cinneadh (AE) 2019/2228 ón gComhairle (2), síníodh an Comhaontú idir an tAontas Eorpach agus Poblacht na Bealarúise maidir le daoine a chónaíonn gan údarú a ligean ar ais (“an Comhaontú”) an 8 Eanáir 2020, faoi réir a thabhairt i gcrích ar dháta is déanaí. |
|
(2) |
I nDearbhú Chruinniú Mullaigh Chomhpháirtíocht an Oirthir an 7 Bealtaine 2009, d’athdheimhnigh an tAontas agus na tíortha comhpháirtíochta a dtacaíocht pholaitiúil i dtreo léirscaoileadh iomlán an chórais víosaí i dtimpeallacht shlán, agus i dtreo soghluaisteacht a chur chun cinn trí chomhaontuithe éascaithe víosaí agus comhaontuithe um ligean ar ais le tíortha Chomhpháirtíocht an Oirthir a thabhairt i gcrích. |
|
(3) |
Is é cuspóir an Chomhaontaithe nósanna imeachta tapa agus éifeachtacha a bhunú chun daoine nach gcomhlíonann, nó nach gcomhlíonann a thuilleadh, na coinníollacha maidir le teacht isteach, láithreacht nó cónaí i gcríoch na Bealarúise nó i gcríoch Bhallstát den Aontas a shainaithint agus a fhilleadh go sábháilte ordúil, agus idirthuras na ndaoine sin a éascú de mheon an chomhair. |
|
(4) |
Ba cheart don Choimisiún ionadaíocht a dhéanamh thar ceann an Aontais sa Choiste Comhpháirteach um Ligean Ar Ais arna bhunú le hAirteagal 19 den Chomhaontú. |
|
(5) |
I gcomhréir le hAirteagail 1 agus 2 de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, agus gan dochar d’Airteagal 4 den Phrótacal sin, níl Éire rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm. |
|
(6) |
I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, níl an Danmhairg rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm. |
|
(7) |
Ba cheart an Comhaontú a fhormheas, |
TAR ÉIS AN CINNEADH SEO A GHLACADH:
Airteagal 1
Leis seo, déantar an Comhaontú idir an tAontas Eorpach agus Poblacht na Bealarúise maidir le daoine a chónaíonn gan údarú a ligean ar ais a fhormheas thar ceann an Aontais.
Tá téacs an Chomhaontaithe i gceangal (3) leis an gCinneadh seo .
Airteagal 2
Tabharfaidh Uachtarán na Comhairle, thar ceann an Aontais, an fógra dá bhforáiltear in Airteagal 23(2) den Chomhaontú (4).
Airteagal 3
Déanfaidh an Coimisiún, le cúnamh ó ionadaithe na mBallstát, ionadaíocht thar ceann an Aontais laistigh den Chomhchoiste um Ligean Ar Ais arna chur ar bun de bhun Airteagal 19 den Chomhaontú.
Airteagal 4
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 27 Bealtaine 2020.
Thar ceann na Comhairle
An tUachtarán
G. GRLIĆ RADMAN
(1) Toiliú an 13 Bealtaine 2020 (nár foilsíodh fós san Iris Oifigiúil).
(2) Cinneadh (AE) 2019/2228 ón gComhairle an 19 Nollaig 2019 maidir le síniú, thar ceann an Aontais, an Chomhaontaithe idir an tAontas Eorpach agus Poblacht na Bealarúise maidir le daoine a chónaíonn gan údarú a ligean ar ais (IO L 333, 27.12.2019, lch. 141).
(3) “Níl téacs an Chomhaontaithe ann sa Ghaeilge.”.
(4) Déanfaidh Ardrúnaíocht na Comhairle dáta theacht i bhfeidhm an Chomhaontaithe a fhoilsiú in Iris Oifigiúil an Aontais Eorpaigh.