Dírítear aird Jorge Elieser MÁRQUEZ MONSALVE (Uimh. 31) agus Remigio CEBALLOS ICHASO (Uimh. 37), na daoine a luaitear in Iarscríbhinn I a ghabhann le Cinneadh (CBES) 2017/2074 ón gComhairle (1) agus in Iarscríbhinn IV a ghabhann le Rialachán (AE) 2017/2063 ón gComhairle (2) a bhaineann le bearta sriantacha i bhfianaise na staide i Veiniséala, ar an bhfaisnéis seo a leanas:

Tá sé beartaithe ag an gComhairle ainmniú na ndaoine thuasluaite a choimeád, srianta taistil san áireamh, agus leasú déanta ar na ráitis ar chúiseanna.

Cuirtear in iúl do na daoine sin, leis seo, go bhféadfaidh siad iarraidh a chur faoi bhráid na Comhairle chun go bhfaighidh siad an ráiteas beartaithe ar chúiseanna maidir lena n-ainmniú a choimeád, faoin  14 Samhain 2025 , chuig an seoladh seo a leanas:

Comhairle an Aontais Eorpaigh

An Ardrúnaíocht

RELEX.1 Gnóthaí Cothrománacha agus Domhanda

Rue de la Loi/Wetstraat 175

1048 Bruxelles/Brussel

BELGIQUE/BELGIË

ríomhphost: sanctions@consilium.europa.eu

---

(1)   IO L 295, 14.11.2017, lch. 60

(2)   IO L 295, 14.11.2017, lch. 21