Official Journal L 236 , 23/09/2003 P. 0832 - 0832
B. BAINISTÍOCHT DRAMHAÍOLA 1. 31993 R 0259: Rialachán (CEE) Uimh. 259/93 ón gComhairle an 1 Feabhra 1993 maidir le loingsiú dramhaíola a mhaoirsiú agus a rialú laistigh den Chomhphobal Eorpach agus isteach ann agus amach as (IO L 30, 6.2.1993, lch. 1), mar atá arna leasú go deireanach le: - 32001 R 2557: Rialachán (CE) Uimh. 2557/2001 ón gCoimisiún an 28.12.2001 (IO L 349, 31.12.2001, lch. 1). (a) Go dtí an 31 Nollaig 2010, cuirfear in iúl do na húdaráis inniúla gach loingsiú dramhaíola chuig an Laitvia lena hathghabháil atá liostaithe in Iarscríbhinní II, III agus IV a ghabhann le Rialachán Uimh. (CEE) 259/93 agus loingsithe dramhaíola nach bhfuil liostaithe sna hIarscríbhinní sin agus próiseálfar iad ar cothrom le hAirteagail 6, 7 agus 8 den Rialachán. (b) De mhaolú ar Airteagal 7(4) de Rialachán Uimh. (CEE) 259/93, déanfaidh na húdaráis inniúla agóid i gcoinne loingsithe dramhaíola lena hathghabháil atá liostaithe in Iarscríbhinní II, III agus IV a ghabhann leis an Rialachán agus i gcoinne loingisthe dramhaíola lena hathghabháil nach bhfuil liostaithe sna hIarscríbhinní sin arb é a gceann scríbe áis a thairbhíonn de mhaolú sealadach ar fhorálacha áirithe de Threoir 96/61/CE maidir le cosc agus rialú iomlánaithe ar an truailliú [5] le linn na tréimhse ina gcuirtear an maolú sealadach i bhfeidhm maidir leis an áis chinn scríbe. 2. 31994 L 0062: Treoir 94/62/CE ó Pharlaimint na hEorpa agus ón gComhairle an 20 Nollaig 1994 maidir le pacáistiú agus dramhaíl pacáistithe (IO L 365, 31.12.1994, lch. 10). De mhaolú ar Airteagal 6 (1) (a) agus (b) de Threoir 94/62/CE, bainfidh an Laitvia amach na spriocanna aisghabhála agus athchúrsála do na hábhair pacáistithe seo a leanas faoi cheann an 31 Nollaig 2007 i gcomhréir leis na spriocanna idirmheánacha seo a leanas: - plaistigh a athchúrsáil: 11% de réir meáchain faoi cheann dháta an aontachais, 12% faoi cheann 2004, 13% faoi cheann 2005 agus 14% faoi cheann 2006; - ráta iomlán athghabhála: 33% de réir meáchain faoi cheann dháta an aontachais, 37% faoi cheann 2004, 42% faoi cheann 2005 agus 46% faoi cheann 2006. 3. 31999 L 0031: Treoir 1999/31/CE ó Pharlaimint na hEorpa agus ón gComhairle an an 26 Aibreán 1999 maidir le líonadh talún le dramhaíl (IO L 182, 16.7.1999, lch. 1). De mhaolú ar an dara fleasc d'Airteagal 2(g) de Threoir 1999/31/CE, agus gan dochar do Threoir 75/442/CEE [6] maidir le dramhaíl, agus do Threoir 91/689/CEE [7] maidir le dramhaíl chontúirteach, ní mheasfar go dtí an 31 Nollaig 2004 sa Laitvia gur líonadh talún láithreán líonta talún a úsáidtear do stóráil shealadach dramhaíola contúirtí arna giniúint laistigh den Laitvia. [5] IO L 257, 10.10.1996, lch. 26. [6] IO L 194, 25.7.1975, lch. 39. Treoir mar atá arna leasú go deireanach le Cinneadh 96/350/CE ón gCoimisiún (IO L 135, 6.6.1996, lch. 32). [7] IO L 377, 31.12.1991, lch. 20. Treoir mar atá arna leasú go deireanach le Treoir 94/31/CE ón gComhairle (IO L 168, 2.7.1994, lch. 28). --------------------------------------------------