(1)

Le Cinneadh 2016/C12/02 ón gCoimisiún (2), ceapadh ceathrar comhaltaí den Choiste Comhairleach Staitistiúil Eorpach (“an Coiste”) ar feadh tréimhse 5 bliana. D’imigh sainorduithe na gcomhaltaí sin in éag an 31 Nollaig 2020. D’aontaigh triúr de na comhaltaí le hathnuachan a gcuid sainordaithe.

(2)

Tá duine amháin den cheathrar comhaltaí a ceapadh le Cinneadh 2016/C12/02 nach féidir an sainordú atá aige a athnuachan agus dá bhrí sin ba cheart duine eile a chur ina ionad.

(3)

Is le Cinneadh 2019/C63/05 ón gCoimisiún (3) a ceapadh an t-ochtar comhaltaí eile. Rachaidh a gcuid téarma oifige in éag in 2024. Mar sin féin, tá duine den ochtar comhaltaí sin tar éis éirí as agus dá bhrí sin ba cheart duine eile a chur ina ionad ar feadh a bhfuil fágtha dá théarma oifige.

(4)

Ó tharla go bhfuil liosta na n-iarrthóirí arna bhunú le Cinneadh 2019/C63/05 as dáta, chuir na Ballstáit liosta faoi bhráid an Choimisiúin, arna iarraidh sin dó, liosta na n-iarrthóirí a bhfuil cáilíochtaí seanbhunaithe acu i réimse an staidrimh, ionas gur féidir comhaltaí nua den Choiste a cheapadh.

(5)

Agus an bheirt chomhaltaí nua á roghnú aige, rinne an Coimisiún a dhícheall a áirithiú gur mar a chéile a dhéanann siad ionadaíocht ar úsáideoirí, freagróirí agus páirtithe leasmhara eile i staidreamh an Aontais (lena n-áirítear pobal na heolaíochta, na comhpháirtithe sóisialta agus an tsochaí shóisialta).

(6)

Chuaigh an Coimisiún i gcomhairle le Parlaimint na hEorpa agus leis an gComhairle maidir le hathnuachan na sainorduithe agus na ceapacháin nua, agus thug na hinstitiúidí sin tuairim dhearfach uathu,