1.   

Fl-10 ta’ Lulju 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Česká spořitelna, a.s. (CS, iċ-Ċekja), li tappartjeni għall-Bank Erste Group AG (l-Awstrija),

—	Československá obchodní banka, a.s. (ČSOB, iċ-Ċekja), li jappartjeni għall-Grupp KBC (il-Belġju),

—	Komerční banka, a.s. (KB, iċ-Ċekja), li jappartjeni għall-Grupp Société Générale (Franza).

CS, ČSOB u KB jakkwistaw skont it-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ kumpanija ġdida li tikkostitwixxi impriża konġunta (il-“JV”, iċ-Ċekja).

Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi impriża konġunta.

2.   

L-attivitajiet kummerċjali tal-impriżi kkonċernati huma:

—	CS: hija kumpanija bankarja li topera fiċ-Ċekja, li tipprovdi servizzi bankarji u finanzjarji lil individwi, impriżi żgħar u ta’ daqs medju, muniċipalitajiet u entitajiet oħra tas-settur pubbliku kif ukoll lil korporazzjonijiet u istituzzjonijiet finanzjarji multinazzjonali.

—	ČSOB: hija kumpanija bankarja li topera fiċ-Ċekja. ČSOB toffri prodotti u servizzi bankarji lil kull grupp ta’ klijenti, jiġifieri individwi, SMEs u lil klijenti korporattivi u istituzzjonali.

—	KB: hija kumpanija bankarja li topera fiċ-Ċekja u fiż-ŻEE, li tipprovdi firxa wiesgħa ta’ servizzi bankarji bl-imnut, korporattivi u ta’ investiment.

—	Il-JV se tipprovdi servizzi ta’ identifikazzjoni elettronika fiċ-Ċekja.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.9787 — česká spořitelna/Československá obchodní banka/Komerční banka/JV

Il-kummenti jistgħu jintbagħtu lill-Kummissjoni permezz tal-posta elettronika, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

E-mail: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË