|
31.3.2022 |
GA |
Iris Oifigiúil an Aontais Eorpaigh |
L 103/3 |
RIALACHÁN (AE) 2022/510 ÓN gCOIMISIÚN
an 29 Márta 2022
lena leasaítear Rialachán (CE) Uimh. 297/95 ón gComhairle a mhéid a bhaineann le táillí na Gníomhaireachta Leigheasra Eorpaí a choigeartú don ráta boilscithe le héifeacht ón 1 Aibreán 2022
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 297/95 ón gComhairle an 10 Feabhra 1995 maidir le táillí is iníochta leis an nGníomhaireacht Eorpach um Meastóireacht ar Tháirgí Íocshláinte (1), agus go háirithe Airteagal 12, an cúigiú fomhír, de,
De bharr an mhéid seo a leanas:
|
(1) |
I gcomhréir le hAirteagal 67(3) de Rialachán (CE) Uimh. 726/2004 ó Pharlaimint na hEorpa agus ón gComhairle (2), is éard atá in ioncam na Gníomhaireachta Leigheasra Eorpaí ranníocaíocht ón Aontas agus táillí a íocann gnóthais leis an nGníomhaireacht sin. Leagtar síos i Rialachán (CE) Uimh. 297/95 catagóirí agus leibhéil na dtáillí sin. |
|
(2) |
Ba cheart na táillí sin a thabhairt cothrom chun dáta faoi threoir ráta boilscithe 2020 agus 2021. Ba é an ráta boilscithe san Aontas, mar a fhoilsítear ag Oifig Staidrimh an Aontais Eorpaigh (3), 0,3 % in 2020 agus 5,3 % in 2021. |
|
(3) |
Ar mhaithe le simplíocht, ba cheart leibhéil choigeartaithe na dtáillí a shlánú go dtí an EUR 100 is gaire. |
|
(4) |
Dá bhrí sin, ba cheart Rialachán (CE) Uimh. 297/95 a leasú dá réir sin. |
|
(5) |
Ar chúiseanna deimhneachta dlíthiúla, ní bheidh feidhm ag an Rialachán seo maidir le hiarratais bhailí atá ar feitheamh an 1 Aibreán 2022. |
|
(6) |
I gcomhréir le hAirteagal 12 de Rialachán (CE) Uimh. 297/95, tá an nuashonrú le déanamh le héifeacht ón 1 Aibreán 2022. Is iomchuí, dá bhrí sin, go dtiocfaidh an Rialachán seo i bhfeidhm mar ábhar práinne agus go mbeidh feidhm aige ón dáta sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (CE) Uimh. 297/95 mar a leanas:
|
(1) |
leasaítear Airteagal 3 mar a leanas:
|
|
(2) |
In Airteagal 4, an chéad fhomhír, cuirtear “EUR 77 900” in ionad “EUR 73 800”; |
|
(3) |
leasaítear Airteagal 5 mar a leanas:
|
|
(4) |
in Airteagal 6, an chéad fhomhír, cuirtear “EUR 46 900” in ionad “EUR 44 400”; |
|
(5) |
leasaítear Airteagal 7 mar a leanas:
|
|
(6) |
leasaítear Airteagal 8 mar a leanas:
|
Airteagal 2
Ní bheidh feidhm ag an Rialachán seo maidir le hiarratais bhailí atá ar feitheamh an 1 Aibreán 2022.
Airteagal 3
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Aibreán 2022.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 29 Márta 2022.
Thar ceann an Choimisiúin
An tUachtarán
Ursula VON DER LEYEN
(1) IO L 35, 15.2.1995, lch. 1.
(2) Rialachán (CE) Uimh. 726/2004 ó Pharlaimint na hEorpa agus ón gComhairle an 31 Márta 2004 lena leagtar síos nósanna imeachta Comhphobail maidir le húdarú agus maoirseacht táirgí íocshláinte lena n-úsáid ag an duine agus le haghaidh úsáid tréidliachta agus lena mbunaítear Gníomhaireacht Leigheasra Eorpach (IO L 136, 30.4.2004, lch. 1).
(3) Eurostat, táscairí euro 11/2022, arna fhoilsiú an 20 Eanáir 2022