<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
  <head>
    <title>2018-04-201804C112201700130-00-TRA-DOC-MT-ARRET-C-0013-17-201802304-07_00</title>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="25/05/2018 15:01:37" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="4/EcNLm5eQaeX1D2qKLAv1kdyCZIejZCQdSIqGBm4X+cYDXD6Z21O1WzVCNm5QZjoagfcmUWEE7/Xu1+aefAJGZc9Q+zP4+qf0XQ7GWYK2jMzyMqWN3YjqMkXpvWiJgIuGVIcLZsDZupm8BmQ6d5REYMPER9ZGBwdByvxOSTexg=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="bonelcl" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0013" name="NumeroOrdre"/>
    <meta content="2017" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="bonelcl" name="Gendoc_DGTGeneratedUser"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 27/03/2018 08:35:10" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="1ef20281eb4c4be3b981bed75ec8aa80" name="DocumentIdentifier"/>
    <meta content="0013" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Sentenza tat‑12.4.2018 – Kawża C‑13/17</div>
      <div id="rId22" style="default">Fédération des entreprises de la beauté</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Is-Sitt Awla)
    </p>
    <p class="C19Centre" id="para-2" title="page-1">
      12 ta’ April 2018  (<span class="note">
<a id="c-1" href="#t-1">1</a>
</span>)*
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Approssimazzjoni tal-leġiżlazzjonijiet – Prodotti kożmetiċi – Regolament (KE) Nru 1223/2009 – Artikolu 10(2) – Evalwazzjoni tas-sigurtà tal-prodott kożmetiku – Kwalifiki tal-persuna responsabbli għal din l-evalwazzjoni – Rikonoxximent tal-ekwivalenza ta’ korsijiet – Dixxiplini simili għall-farmaċija, għat-tossikoloġija jew għall-mediċina – Setgħa diskrezzjonali tal-Istati Membri”
    </p>
    <p class="C02AlineaAltA" id="para-4" title="page-1">
      Fil-Kawża C‑13/17,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-Conseil d’État (il-Kunsill tal-Istat, Franza), permezz ta’ deċiżjoni tas‑16 ta’ Diċembru 2016, li waslet fil-Qorti tal-Ġustizzja fit‑12 ta’ Jannar 2017, fil-proċedura
    </p>
    <p class="C02AlineaAltA" id="para-6" title="page-1">
      Fédération des entreprises de la beauté
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Ministre des Affaires sociales, de la Santé et des Droits des femmes,
    </p>
    <p class="C02AlineaAltA" id="para-9" title="page-1">
      Ministre de l’Éducation nationale, de l’Enseignement supérieur et de la Recherche,
    </p>
    <p class="C02AlineaAltA" id="para-10" title="page-1">
      Ministre de l’Économie et des Finances, li kien Ministre de l’Économie, de l’Industrie et du Numérique,
    </p>
    <p class="C19Centre" id="para-11" title="page-1">
      IL-QORTI TAL-ĠUSTIZZJA (Is-Sitt Awla),
    </p>
    <p class="C02AlineaAltA" id="para-12" title="page-1">
      komposta minn C. G. Fernlund (Relatur), President tal-Awla, S. Rodin u E. Regan, Imħallfin,
    </p>
    <p class="C02AlineaAltA" id="para-13" title="page-1">
      Avukat Ġenerali: H. Saugmandsgaard Øe,
    </p>
    <p class="C02AlineaAltA" id="para-14" title="page-1">
      Reġistratur: V. Giacobbo-Peyronnel, Amministratur,
    </p>
    <p class="C02AlineaAltA" id="para-15" title="page-1">
      wara li rat il-proċedura bil-miktub u wara s-seduta tad‑19 ta’ Ottubru 2017,
    </p>
    <p class="C02AlineaAltA" id="para-16" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Fédération des entreprises de la beauté, minn A. Bost u M. Ragot, avocats,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Franċiż, minn D. Colas, J. Traband, B. Fodda u E. de Moustier, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn O. Beynet u P. Mihaylova, bħala aġenti,</p>
</td>
</tr>
</table>
    <p class="C02AlineaAltA" id="para-20" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tal‑14 ta’ Diċembru 2017,
    </p>
    <p class="C02AlineaAltA" id="para-21" title="page-1">
      tagħti l-preżenti
    </p>
    <p class="C75Debutdesmotifs" id="para-22" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 10(2) tar-Regolament (KE) Nru 1223/2009 tal-Parlament Ewropew u tal-Kunsill tat‑30 ta’ Novembru 2009 dwar il-prodotti kożmetiċi (ĠU 2009, L 342, p. 59).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ kawża bejn il-Fédération des entreprises de la beauté (iktar ’il quddiem il-“FEBEA”) u l-Ministre des Affaires sociales, de la Santé et des Droits des femmes (il-Ministru għall-Affarijiet Soċjali, is-Saħħa u d-Drittijiet tan-Nisa), il-Ministre de l’Éducation nationale, de l’Enseignement supérieur et de la Recherche (il-Ministru għall-Edukazzjoni Nazzjonali, l-Edukazzjoni Għolja u r-Riċerka) u l-Ministre de l’Économie, de l’Industrie et du Numérique (il-Ministru għall-Ekonomija, l-Industrija u d-Diġitali), li sar il-Ministre de l’Économie et des Finances (il-Ministru għall-Ekonomija u l-Finanzi), fir-rigward ta’ rikors intiż għall-annullament tad-digriet tal‑25 ta’ Frar 2015, dwar il-kwalifiki professjonali tal-evalwaturi tas-sigurtà tal-prodotti kożmetiċi għas-saħħa tal-bniedem (JORF tas‑17 ta’ Marzu 2015, p. 4941, iktar ’il quddiem id-“digriet interministerjali tal‑25 ta’ Frar 2015”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Skont il-premessa 4 tar-Regolament Nru 1223/2009, dan “jarmonizza b’mod komprensiv ir-regoli fil-Komunità sabiex jinkiseb suq intern għall-prodotti kożmetiċi filwaqt li jiġi żgurat livell għoli ta’ protezzjoni tas-saħħa tal-bniedem”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Skont il-premessa 19 ta’ dan ir-regolament, l-informazzjoni għandha tkun disponibbli għall-awtoritajiet kompetenti u “għandha tinkludi partikolarment rapport tas-sikurezza tal-prodott li juri li saret valutazzjoni tas-sikurezza”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 1 tal-imsemmi regolament, intitolat “Ambitu u għan”, jipprovdi li dan “jistabbilixxi r-regoli li kull prodott kożmetiku disponibbli fis-suq għandu jkun konformi magħhom, sabiex is-suq intern jaħdem tajjeb u jkun hemm livell għoli ta’ ħarsien tas-saħħa tal-bniedem”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 10 tal-istess regolament, intitolat “Valutazzjoni tas-sikurezza”, jiddisponi, fil-paragrafi 1 u 2 tiegħu:</p>
</td>
</tr>
</table>
    <p class="C02AlineaAltA" id="para-31" title="page-2">
      “1. Sabiex turi li l-prodott kożmetiku jikkonforma mal-Artikolu 3, il-persuna responsabbli għandha tiżgura li l-prodott kożmetiku tkun saritlu evalwazzjoni tas-sikurezza fuq il-bażi tal-informazzjoni relevanti u li jkun sar rapport dwar is-sikurezza tal-prodott kożmetiku skont l-Anness I.
    </p>
    <p class="C02AlineaAltA" id="para-32" title="page-2">
      […]
    </p>
    <p class="C02AlineaAltA" id="para-33" title="page-2">
      Il-Kummissjoni, b’koperazzjoni mill-qrib mal-parteċipanti kollha, għandha tadotta linji gwida xierqa biex tippermetti lill-intrapriżi, b’mod partikulari intrapriżi żgħar u ta’ daqs medju, li jikkonformaw mal-ħtiġijiet stipulati fl-Anness I. Dawk il-linji gwida għandhom jiġu adottati skont il-proċedura regolatorja msemmija fl-Artikolu 32(2).
    </p>
    <p class="C02AlineaAltA" id="para-34" title="page-2">
      2. L-evalwazzjoni tas-sikurezza ta’ prodott kożmetiku, kif stipulat fil-Parti B tal-Anness I għandha ssir minn persuna li jkollha diploma jew evidenza oħra ta’ kwalifiki formali mogħtija wara t-tlestija ta’ kors ta’ studju universitarju ta’ studju teoretiku u prattiku fil-farmaċija, it-tossikoloġija, il-mediċina jew dixxiplina simili, jew ta’ kors rikonoxxut bħala ekwivalenti minn Stat Membru.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Anness I tar-Regolament Nru 1223/2009, dwar “rapport tas-sikurezza ta’ prodott kożmetiku”, jistabbilixxi l-elementi li dan ir-rapport, bħala minimu, għandu jinkludi. B’mod partikolari, fil-punt 4 tal-Parti B tiegħu, intitolat “Valutazzjoni tas-sikurezza tal-prodott kożmetiku”, huwa indikat li l-imsemmi rapport għandu, taħt it-taqsima “Kredenzjali tal-valutatur u l-approvazzjoni tal-Parti B”, jinkludi l-“[p]rova tal-kwalifika tal-valutatur tas-sikurezza”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Dan ir-regolament ġie integrat fil-Ftehim dwar iż-Żona Ekonomika Ewropea tat‑2 ta’ Mejju 1992 (ĠU Edizzjoni Speċjali bil-Malti, Kapitolu 2, Vol. 2, p. 146, iktar ’il quddiem il-“Ftehim taż-ŻEE”), permezz tad-Deċiżjoni tal-Kumitat Konġunt taż-ŻEE Nru 49/2013 tal‑5 ta’ April 2013 li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim taż-ŻEE (ĠU 2013, L 231, p. 23).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Il-premessa 5 tad-Deċiżjoni ta’ Implimentazzjoni tal-Kummissjoni 2013/674/UE tal‑25 ta’ Novembru 2013 dwar il-Linji Gwida għall-Anness I tar-Regolament Nru 1223/2009 (ĠU 2013, L 315, p. 82), tipprovdi:</p>
</td>
</tr>
</table>
    <p class="C02AlineaAltA" id="para-38" title="page-3">
      “Il-linji gwida għandhom jassistu lill-persuni responsabbli biex jilħqu l-konformità mal-obbligi regolatorji tagħhom. Madankollu, dawn mhumiex maħsuba li jissostitwixxu l-għarfien u l-kompetenza tal-eżaminatur ikkwalifikat tas-sikurezza, kif meħtieġ mill-Artikolu 10(2) tar-Regolament (KE) Nru 1223/2009, li għandu jibqa’ jkun l-uniku professjonist li jitħalla jwettaq il-valutazzjoni tas-sikurezza tal-prodott kożmetiku kif deskritt fil-Parti B tal-Anness I.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Il-linji gwida għall-applikazzjoni ta’ dan l-Anness I huma stipulati fl-anness ta’ din id-deċiżjoni ta’ implimentazzjoni (iktar ’il quddiem il-“Linji Gwida”). Il-punt 4.4 ta’ dawn, intitolat “Kredenzjali tal-eżaminatur u approvazzjoni tal-Parti B”, jiddisponi:</p>
</td>
</tr>
</table>
    <p class="C02AlineaAltA" id="para-40" title="page-3">
      “L-eżaminatur tas-sikurezza għandu jkun professjonist bl-għarfien u l-kompetenza meħtieġa biex ifassal valutazzjoni tas-sikurezza preċiża, kif indikat mill-ħtiġijiet ta’ kwalifika fl-Artikolu 10(2) tar-Regolament (KE) Nru 1223/2009. Dik it-taqsima tar-rapport tas-sikurezza ta’ prodott kożmetiku għandha l-għan li tiżgura li dan ir-rekwiżit jiġi sodisfatt u li tiġi pprovduta l-evidenza meħtieġa.
    </p>
    <p class="C02AlineaAltA" id="para-41" title="page-3">
      […]
    </p>
    <p class="C02AlineaAltA" id="para-42" title="page-3">
      Persuna li tkun kisbet il-kwalifiki f’pajjiż terz tista’ taġixxi bħala eżaminatur tas-sikurezza jekk tkun lestiet ‘kors rikonoxxut bħala ekwivalenti [għal kors ta’ studju universitarju ta’ studju teoretiku u prattiku fil-farmaċija, fit-tossikoloġija, fil-mediċina jew f’dixxiplina simili] minn Stat Membru’.
    </p>
    <p class="C02AlineaAltA" id="para-43" title="page-3">
      Għandha tingħata prova tal-kwalifika tal-eżaminatur tas-sikurezza (jiġifieri kopja tad-diploma u, fejn meħtieġ, prova ta’ ekwivalenza) stipulata fl-Artikolu 10 tar-Regolament (KE) Nru 1223/2009.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Franċiż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Skont it-tielet paragrafu tal-Artikolu L. 5131‑2, tal-code de la santé publique (il-Kodiċi tas-Saħħa Pubblika), kif emendat bil-loi no 2014‑201 tal‑24 ta’ Frar 2014 (il-Liġi Nru 2014‑201 tal‑24 ta’ Frar 2014) (JORF tal‑25 ta’ Frar 2014, p. 3250, test Nru 4), “[i]l-persuni kkwalifikati responsabbli mill-evalwazzjoni tas-sigurtà għandhom ikunu lestew kors ta’ studju universitarju kif imsemmi fl-Artikolu 10 tar-Regolament [Nru 1223/2009], jew kors ekwivalenti li jinsab f’lista stabbilita mill-Ministeri responsabbli mis-saħħa, mill-industrija u mill-edukazzjoni ogħla, jew kors rikonoxxut bħala ekwivalenti minn Stat Membru tal-Unjoni Ewropea”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Id-digriet interministerjali tal‑25 ta’ Frar 2015 għandu l-għan, skont il-preambolu tiegħu, li jiddefinixxi “l-korsijiet irrikonoxxuti bħala ekwivalenti għad-diplomi ta’ mediċina, farmaċija u tossikoloġija meħtieġa għall-evalwaturi tas-sigurtà tal-prodotti kożmetiċi għas-saħħa tal-bniedem”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Skont l-Artikolu 1 ta’ dan id-digriet, “il-lista ta’ korsijiet irrikonoxxuti bħala ekwivalenti għall-kors ta’ studju universitarju previst fl-Artikolu 10 tar-Regolament [Nru 1223/2009] u fl-Artikolu L. 5131‑2 tal-Kodiċi tas-Saħħa Pubblika[, kif emendat bil-Liġi Nru 2014‑201,] hija stabbilita fl-anness”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">L-anness tal-imsemmi digriet jistabbilixxi l-lista tad-diplomi kif ġej:</p>
</td>
</tr>
</table>
    <p class="C02AlineaAltA" id="para-49" title="page-4">
      “1. Diploma tal-Istat Franċiż ta’ tabib veterinarju, diploma tal-Istat ta’ veterinarju jew waħda mid-diplomi, ċertifikati jew kwalifiki ta’ veterinarju maħruġa mill-Istati Membri l-oħra tal-Unjoni Ewropea, mill-Istati parti mill-Ftehim [ŻEE] jew mill-Konfederazzjoni Żvizzera.
    </p>
    <p class="C02AlineaAltA" id="para-50" title="page-4">
      2. Diploma nazzjonali Franċiża ta’ dottorat jew waħda mid-diplomi, ċertifikati jew kwalifiki ta’ livell komparabbli mad-dottorat Franċiż maħruġa mill-Istati Membri l-oħra tal-Unjoni Ewropea, mill-Istati parti mill-Ftehim [ŻEE] jew mill-Konfederazzjoni Żvizzera, mogħtija wara xogħol ta’ riċerka fil-kamp tat-tossikoloġija jew tal-ekotossikoloġija.
    </p>
    <p class="C02AlineaAltA" id="para-51" title="page-4">
      3. Diploma nazzjonali Franċiża ta’ masters jew waħda mid-diplomi, ċertifikati jew kwalifiki maħruġa mill-Istati Membri l-oħra tal-Unjoni Ewropea, mill-Istati parti mill-Ftehim [ŻEE] jew mill-Konfederazzjoni Żvizzera rrikonoxxuti, mill-Istat li joħroġhom, bħala li huma ta’ livell ta’ masters (li jagħtu 120 kredit Ewropew ECTS wara l-ewwel diploma li tagħti hija stess 180 kredit Ewropew ECTS).
    </p>
    <p class="C02AlineaAltA" id="para-52" title="page-4">
      Barra minn hekk, din id-diploma, ċertifikat jew kwalifika għandha tippermetti li jiġu ġġustifikati mill-inqas 60 kredit Ewropew ECTS validu fil-qasam tat-tossikoloġija jew l-ekotossikoloġija u fil-qasam tal-evalwazzjoni tar-riskji.
    </p>
    <p class="C02AlineaAltA" id="para-53" title="page-4">
      4. Diploma ta’ studju approfondit (DEA) fit-tossikoloġija jew fl-ekotossikoloġija.
    </p>
    <p class="C02AlineaAltA" id="para-54" title="page-4">
      5. Diploma ta’ studji ogħla speċjalizzati (DESS) fit-tossikoloġija jew fl-ekotossikoloġija.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Skont l-Artikoli L. 613‑3 u L. 613‑4 tal-code de l’éducation (il-Kodiċi tal-Edukazzjoni), kwalunkwe persuna tista’ “titlob iċ-ċertifikazzjoni tal-istudji għolja mwettqa, b’mod partikolari barra mill-pajjiż” u li tali ċertifikazzjoni hija “mogħtija minn bord li l-membri tiegħu jinħatru mill-president tal-università jew mill-kap tal-istituzzjoni ta’ edukazzjoni għolja skont in-natura taċ-ċertifikazzjoni rikjesta”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Il-FEBEA hija organizzazzjoni professjonali li tiġbor flimkien iktar minn 300 impriża li joperaw fis-settur tal-kożmetika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fl‑4 ta’ Settembru 2015, din l-organizzazzjoni ppreżentat, quddiem il-Conseil d’État (il-Kunsill tal-Istat, Franza), il-qorti tar-rinviju, rikors intiż għall-annullament kemm tad-digriet interministerjali tal‑25 ta’ Frar 2015 kif ukoll tad-deċiżjoni tal-ministre des Affaires sociales, de la Santé et des Droits des femmes (il-Ministru għall-Affarijiet Soċjali, is-Saħħa u d-Drittijiet tan-Nisa), tal‑10 ta’ Lulju 2015, li ċaħdet il-kontestazzjoni tagħha kontra dan id-digriet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Insostenn tar-rikors għal annullament tagħha, il-FEBEA ssostni, b’mod partikolari, li l-imsemmi digriet jikser l-Artikolu 10(2) tar-Regolament Nru 1223/2009, minn naħa, inkwantu dan jiddetermina d-dixxiplini meqjusa bħala “simili” għall-farmaċija, għat-tossikoloġija u għall-mediċina, billi jinkludi fih b’mod partikolari l-ekotossikoloġija, filwaqt li dan ir-regolament ma jagħtix tali kompetenza lill-Istati Membri, u min-naħa l-oħra, inkwantu jirrikonoxxi l-ekwivalenza ta’ korsijiet mogħtija fl-Unjoni, fiż-Żona Ekonomika Ewropea (ŻEE) jew fil-Konfederazzjoni Svizzera, filwaqt li r-rikonoxximent ta’ ekwivalenza ta’ korsijiet previst minn din id-dispożizzjoni jista’ jirrigwarda biss diplomi mogħtija fi Stati terzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Il-qorti tar-rinviju tikkunsidra li l-Artikolu 10(2) tar-Regolament Nru 1223/2009 iħalli f’idejn l-Istati Membri sabiex jirrikonoxxu l-korsijiet ikkunsidrati bħala “ekwivalenti” għal korsijiet universitarji ta’ studju teoretiku u prattiku fil-farmaċija, fit-tossikoloġija, fil-mediċina jew f’“dixxiplina simili”, li għandu jkollha kull persuna responsabbli mill-evalwazzjoni tas-sigurtà ta’ prodott kożmetiku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Din il-qorti ma teskludix li, għalkemm il-kunċett ta’ “kors rikonoxxut bħala ekwivalenti”, fis-sens ta’ din id-dispożizzjoni, jirreferi biss għall-korsijiet mogħtija fi Stati li għalihom ma japplikax dan ir-regolament, kif issostni l-FEBEA, l-implimentazzjoni sħiħa tal-imsemmija dispożizzjoni timponi, sabiex tippermetti r-rikonoxximent tal-ekwivalenza ta’ dawn il-korsijiet, li jiġi ppreċiżat minn qabel kemm il-kontenut tal-kunċett ta’ “dixxiplini simili”, fis-sens ta’ din l-istess dispożizzjoni, kif ukoll il-livelli ta’ kwalifiki meħtieġa sabiex ir-rekwiżiti tal-imsemmi regolament ikunu ssodisfatti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">L-imsemmija qorti tirrileva wkoll li l-Artikoli L. 613‑3 u L. 613‑4 tal-Kodiċi tal-Edukazzjoni jippermettu r-rikonoxximent tal-ekwivalenza bejn diploma maħruġa minn università jew istituzzjoni ta’ edukazzjoni għolja stabbilita fi Franza u kors li ma huwiex mogħti fi Stat Membru ieħor tal-Unjoni, fi Stat parti miż-ŻEE jew fil-Konfederazzjoni Svizzera.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">F’dawn iċ-ċirkustanzi, il-Conseil d’État (il-Kunsill tal-Istat) iddeċieda li jissospendi l-proċeduri quddiemu u li jagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-64" title="page-6">
      “1) Ir-rikonoxximent ta’ ekwivalenza tat-taħriġ li l-Istati Membri jistgħu jwettqu skont [l-Artikolu 10(2) tar-Regolament Nru 1223/2009] jikkonċerna biss it-taħriġ mogħti fil-pajjiżi terzi li ma humiex membri tal-Unjoni Ewropea?
    </p>
    <p class="C09Marge0avecretrait" id="para-65" title="page-6">
      2) Id-dispożizzjonijiet [tal-Artikolu 10(2) ta’ dan ir-Regolament] jawtorizzaw lil Stat Membru li jiddetermina dixxiplini li jistgħu jitqiesu bħala ‘simili’ għall-mediċina, għall-farmaċija jew għat-tossikoloġija u livelli ta’ kwalifika li jissodisfaw ir-rekwiżiti [ta’ dan ir-]regolament?
    </p>
    <p class="C09Marge0avecretrait" id="para-66" title="page-6">
      3) F’każ ta’ risposta fl-affermattiv għat-tieni domanda, skont liema kriterji jistgħu dixxiplini jitqiesu bħala ‘simili’ għall-mediċina, għall-farmaċija jew għat-tossikoloġija?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Osservazzjonijiet preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Għandu jitfakkar li, skont il-premessa 4 tar-Regolament Nru 1223/2009, din tal-aħħar hija intiża sabiex tarmonizza b’mod eżawrjenti r-regoli fis-seħħ fl-Unjoni sabiex jiġi stabbilit suq intern għall-prodotti kożmetiċi filwaqt li jiġi żgurat livell għoli ta’ protezzjoni tas-saħħa tal-bniedem. Għal dan l-għan, l-Artikolu 1 ta’ dan ir-regolament jistabbilixxi r-regoli li għandhom ikunu ssodisfatti minn kull prodott kożmetiku mqiegħed fis-suq tal-Unjoni. Għaldaqstant, Stat Membru ma jistax jissuġġetta l-moviment ta’ prodotti kożmetiċi għal kundizzjonijiet supplimentari (ara, f’dan is-sens, is-sentenza tal‑5 ta’ Mejju 1993, Il-Kummissjoni vs Franza, C‑246/91, EU:C:1993:174, punt 7).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Sabiex jiġi żgurat dan il-livell għoli ta’ protezzjoni, kull prodott kożmetiku mqiegħed fis-suq tal-Unjoni għandu jkun sigur għas-saħħa tal-bniedem, is-sigurtà tiegħu għandha tiġi evalwata abbażi ta’ informazzjoni xierqa u rapport dwar din is-sigurtà għandu jiġi stabbilit u inkluż fil-fajl ta’ informazzjoni dwar il-prodott kożmetiku (sentenza tal‑21 ta’ Settembru 2016, European Federation for Cosmetic Ingredients, C‑592/14, EU:C:2016:703, punt 33).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Minn dan jirriżulta li kull tqegħid fis-suq tal-Unjoni ta’ prodott kożmetiku, kif ukoll il-moviment liberu tiegħu fis-suq, jippresupponi li s-sigurtà ta’ dan il-prodott għas-saħħa tal-bniedem ġiet evalwata skont ir-regoli speċifikament stabbiliti mir-Regolament Nru 1223/2009.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">F’dan ir-rigward, l-Artikolu 10(2) tar-Regolament Nru 1223/2009 jispeċifika l-kwalifiki meħtieġa mill-persuna responsabbli għall-evalwazzjoni tas-sigurtà ta’ dawn il-prodotti, billi jindika li din il-persuna għandu jkollha diploma jew kwalifika oħra mogħtija wara t-tlestija ta’ “kors ta’ studju universitarju ta’ studju teoretiku u prattiku fil-farmaċija, it-tossikoloġija, il-mediċina jew dixxiplina simili” jew “ta’ kors rikonoxxut bħala ekwivalenti minn Stat Membru”. Il-punt 4.4 tal-Linji Gwida jżid li din il-persuna għandha tkun professjonista bl-għarfien u bil-kompetenza meħtieġa biex tfassal evalwazzjoni preċiża tas-sigurtà ta’ prodotti kożmetiċi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Għalkemm ir-Regolament Nru 1223/2009 ma fih l-ebda rekwiżit fir-rigward tal-kundizzjonijiet ta’ rikonoxximent ta’ ekwivalenza, fis-sens ta’ dan ir-regolament, mill-punt 4.4 tal-Linji Gwida jirriżulta li l-persuna responsabbli għandha tkun f’pożizzjoni li tipprovdi l-kwalifika tal-persuna responsabbli għall-evalwazzjoni tas-sigurtà u, fejn meħtieġ, prova tal-ekwivalenza tad-diploma ta’ din tal-aħħar.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">F’dan il-każ, sabiex jiddefinixxu l-korsijiet li għandhom jitqiesu bħala “rrikonoxxuti bħala ekwivalenti” mir-Repubblika Franċiża, fis-sens tal-Artikolu 10(2) tar-Regolament Nru 1223/2009, il-Ministri inkwistjoni fil-kawża prinċipali adottaw id-digriet interministerjali tal‑25 ta’ Frar 2015. Il-kwalifiki elenkati f’dan id-digriet jinkludu għadd ta’ diplomi Franċiżi, b’mod partikolari d-diplomi ta’ veterinarju u ta’ studji ta’ ekotossikoloġija, kif ukoll ċerti kwalifiki simili maħruġa minn Stati Membri oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Huwa f’dan il-kuntest li għandhom jiġu eżaminati t-tliet domandi magħmula.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Permezz tal-ewwel domanda tagħha, il-qorti tar-rinviju tistaqsi jekk l-Artikolu 10(2) tar-Regolament Nru 1223/2009 għandux jiġi interpretat fis-sens li r-rikonoxximent ta’ ekwivalenza tal-korsijiet, previst f’din id-dispożizzjoni, jistax jikkonċerna biss il-korsijiet mogħtija fi Stati terzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Mill-formulazzjoni stess ta’ din id-dispożizzjoni jirriżulta li r-rikonoxximent ta’ ekwivalenza minn Stat Membru, skont it-tifsira tagħha, għandu jkopri kors meqjus bħala ekwivalenti għal kors universitarju ta’ studju teoretiku u prattiku fil-farmaċija, fit-tossikoloġija jew fil-mediċina, jew f’dixxiplina simili għal dawn tal-aħħar.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">B’hekk, il-leġiżlatur tal-Unjoni ssuġġetta r-rikonoxximent ta’ ekwivalenza previst fl-Artikolu 10(2) tar-Regolament Nru 1223/2009 għal rekwiżiti li jirreferu, minn naħa, għal-livell tal-kors ikkonċernat u, min-naħa l-oħra, għall-kategorija tas-suġġetti mgħallma matul dawn il-korsijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Kif irrileva l-Avukat Ġenerali fil-punt 31 tal-konklużjonijiet tiegħu, din id-dispożizzjoni, fid-dawl tal-formulazzjoni tagħha, tippermetti li jittieħed kont mhux biss tad-diversità kbira tal-korsijiet adegwati diġà eżistenti, iżda wkoll tal-iżvilupp tagħhom li għadu possibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Barra minn hekk, għandu jiġi kkonstatat li l-Artikolu 10(2) tar-Regolament Nru 1223/2009 ma jinkludi l-ebda indikazzjoni dwar il-post ta’ kisba ta’ diplomi jew ta’ kwalifiki mogħtija wara t-tlestija ta’ kors ta’ studju universitarju ta’ studju teoretiku u prattiku jew ta’ kors irrikonoxxut bħala ekwivalenti għal dan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Minn dan jirriżulta li jistgħu jiġu rrikonoxxuti bħala ekwivalenti għal tali kors universitarju l-korsijiet mogħtija kemm fi Stati terzi kif ukoll fi Stati Membri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Din l-interpretazzjoni ma tistax tiġi kkontestata bl-argumenti mressqa mill-FEBEA f’dan ir-rigward, kemm fir-rigward tas-sistema tal-Unjoni fil-qasam tar-rikonoxximent reċiproku ta’ diplomi miksuba fl-Unjoni u kemm fir-rigward tal-punt 4.4 tal-Linji Gwida, sa fejn dawn jikkonċernaw il-korsijiet mogħtija fi Stati terzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Fil-fatt, l-ewwel nett, ir-rikonoxximent reċiproku ta’ diplomi miksuba fl-Unjoni huwa ċertament is-suġġett ta’ armonizzazzjoni skont l-Artikolu 53 TFUE. Madankollu, anki jekk huwa biss ir-rikonoxximent ta’ diplomi miksuba barra mill-Unjoni li jaqa’ taħt il-kompetenza tal-Istati Membri, jew anki taħt l-evalwazzjoni diskrezzjonali tagħhom, din is-sitwazzjoni hija rrilevanti għall-interpretazzjoni tal-Artikolu 10(2) tar-Regolament Nru 1223/2009.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">F’dan ir-rigward, għandu jitfakkar li r-rikonoxximent reċiproku ta’ diplomi, ta’ ċertifikati u ta’ kwalifiki oħra previst fl-Artikolu 53 TFUE, b’mod partikolari permezz tat-twaqqif ta’ sistema li, minħabba l-armonizzazzjoni tar-regoli u tal-kriterji ta’ rikonoxximent, jobbliga lill-Istati Membri li jirrikonoxxu l-ekwivalenza ta’ ċerti diplomi, mingħajr ma jkunu jistgħu jeħtieġu lill-persuni kkonċernati josservaw kundizzjonijiet supplimentari, bl-għan li jiffavorixxi l-moviment liberu tal-persuni (ara, f’dan is-sens, is-sentenza tal‑14 ta’ Settembru 2000, Hocsman, C‑238/98, EU:C:2000:440, punti 31 sa 34).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Ir-Regolament Nru 1223/2009, min-naħa tiegħu, ma huwiex intiż sabiex jirregola r-rikonoxximent ta’ diplomi, sabiex jiffavorixxi l-moviment liberu tal-persuni, iżda li “jistabbilixxi regoli li kull prodott kożmetiku disponibbli fis-suq għandu jkun konformi magħhom”, fil-kuntest tal-moviment liberu tal-merkanzija, kif tfakkar fil-punt 23 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">B’hekk, il-leġiżlatur tal-Unjoni, permezz ta’ dan ir-regolament, kif jirriżulta mill-premessa 4 tiegħu, armonizza b’mod komprensiv ir-regoli fis-seħħ fl-Unjoni sabiex jiġi stabbilit suq intern għall-prodotti kożmetiċi filwaqt li jiġi żgurat livell għoli ta’ protezzjoni tas-saħħa tal-bniedem. Għal dan l-għan, l-Artikolu 10(2) tal-imsemmi regolament, moqri flimkien mal-punt 4.4 tal-Linji Gwida, jiddisponi li l-persuna responsabbli għall-evalwazzjoni tas-sigurtà ta’ prodott kożmetiku għandu jkollha kwalifika xierqa u suffiċjenti għal dan il-kompitu, sabiex is-saħħa tal-bniedem tingħata protezzjoni sħiħa. Għalhekk, prodott li s-sigurtà tiegħu tkun ġiet evalwata minn persuna li tkun lestiet kors minn dawk previsti f’din id-dispożizzjoni jista’, bħala prinċipju, jinbiegħ liberament fl-Unjoni kollha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Fid-dawl tal-iskop speċifiku u limitat tiegħu, ir-rikonoxximent ta’ ekwivalenza, fis-sens tal-imsemmija dispożizzjoni, ma huwiex intiż sabiex jikkompleta s-sistema ta’ rikonoxximent reċiproku ta’ diplomi miksuba fl-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">It-tieni nett, għalkemm il-punt 4.4 tal-Linji Gwida jindika li persuna li tkun kisbet il-kwalifiki tagħha f’pajjiż terz tista’ taġixxi bħala persuna responsabbli għall-evalwazzjoni tas-sigurtà bil-kundizzjoni li tkun attendiet kors irrikonoxxut bħala ekwivalenti għal kors universitarju ta’ studju teoretiku u prattiku fil-farmaċija, fit-tossikoloġija, fil-mediċina jew f’dixxiplina simili għal dawk minn Stat Membru, din is-sitwazzjoni ma timplikax, fid-dawl tal-formulazzjoni stess tal-Artikolu 10(2) tar-Regolament Nru 1223/2009, li l-korsijiet mogħtija fi Stati terzi biss jistgħu jiġu rrikonoxxuti bħala ekwivalenti għall-korsijiet universitarji ta’ referenza, għall-finijiet ta’ dan ir-regolament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Mill-kunsiderazzjonijiet preċedenti kollha jirriżulta li r-risposta li għandha tingħata għall-ewwel domanda hija li l-Artikolu 10(2) tar-Regolament Nru 1223/2009 għandu jiġi interpretat fis-sens li r-rikonoxximent ta’ ekwivalenza tal-korsijiet, previst f’din id-dispożizzjoni, jista’ jinkludi korsijiet oħrajn u mhux biss dawk mogħtija fi Stati terzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tieni u t-tielet domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Permezz tat-tieni u tat-tielet domanda tagħha, li għandhom jiġu eżaminati flimkien, il-qorti tar-rinviju tistaqsi, essenzjalment, jekk l-Artikolu 10(2) tar-Regolament Nru 1223/2009 għandux jiġi interpretat fis-sens li jagħti lil kull Stat Membru l-kompetenza li jiddetermina liema dixxiplini jistgħu jitqiesu bħala “simili” għall-farmaċija, għat-tossikoloġija jew għall-mediċina kif ukoll il-livelli ta’ kwalifika li jissodisfaw ir-rekwiżiti ta’ dan ir-regolament u, fl-affermattiv, skont liema kriterji jistgħu dixxiplini jitqiesu bħala “simili” fis-sens ta’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Qabelxejn, għandu jiġi kkonstatat li l-kunċett ta’ “dixxiplina simili”, li jinsab fl-imsemmija dispożizzjoni, ma huwiex speċifikat fir-Regolament Nru 1223/2009.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">B’hekk, il-leġiżlatur tal-Unjoni kellu l-intenzjoni, minn naħa, li jippreżerva marġni ta’ diskrezzjoni għall-Istati Membri sabiex ikun żgurat li jkun permess li jittieħed kont tad-diversità kbira tal-korsijiet adegwati diġà eżistenti kif ukoll tal-iżvilupp tagħhom li għadu possibbli u, min-naħa l-oħra, li jimplimenta din id-diskrezzjoni billi jipprevedi li għandhom jiġu kkunsidrati biss dawk il-korsijiet imwettqa f’dixxiplini li huma simili għall-farmaċija, għat-tossikoloġija u għall-mediċina.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Minn dan jirriżulta li, għall-finijiet tal-implementazzjoni tal-Artikolu 10(2) tar-Regolament Nru 1223/2009, kull Stat Membru għandu jkun mogħti ċertu marġni ta’ diskrezzjoni sabiex jiddetermina, taħt ir-responsabbiltà tiegħu stess, kemm dixxiplini simili kif ukoll il-livell tal-kwalifiki meħtieġ, sakemm jiġu rrispettati d-dispożizzjonijiet u l-għanijiet ta’ dan ir-regolament, b’mod partikolari l-għan tal-protezzjoni tas-saħħa tal-bniedem.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">F’dan ir-rigward, għandu jiġi kkonstatat li, sabiex ikun jista’ jiġi żgurat livell għoli ta’ protezzjoni tas-saħħa tal-bniedem, l-evalwazzjoni tas-sigurtà ta’ prodott kożmetiku għandha ssir biss minn persuni li jistgħu jagħtu prova li għandhom kompetenzi indispensabbli sabiex jiggarantixxu din is-sigurtà. B’hekk, l-Istati Membri ma jistgħux jirrikonoxxu, mingħajr ma jaqbżu l-limiti tal-marġni ta’ diskrezzjoni li huma għandhom skont l-Artikolu 10(2) tar-Regolament Nru 1223/2009, korsijiet li ma joffrux l-istess tipi ta’ kwalifiki rilevanti bħal korsijiet adegwati fil-farmaċija, fit-tossikoloġija jew fil-mediċina.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">B’mod partikolari, mill-formulazzjoni ta’ din id-dispożizzjoni jirriżulta li l-kwalifiki meħtieġa mill-persuna responsabbli għall-evalwazzjoni tas-sigurtà għandhom jinkisbu fil-kuntest ta’ studju teoretiku flimkien ma’ studju prattiku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">F’dak li jirrigwarda speċifikament il-kwistjoni jekk dixxiplina tistax titqies bħala “simili” għall-farmaċija, għat-tossikoloġija jew għall-mediċina, għandu jiġi kkonstatat, kif l-Avukat Ġenerali rrileva fil-punti 65 u 66 tal-konklużjonijiet tiegħu, minn naħa, li l-Istati Membri għandhom jivverifikaw il-preżenza ta’ bażi komuni ta’ konoxxenzi xjentifiċi li jidhru indispensabbli għall-finijiet ta’ evalwazzjoni tas-sigurtà ta’ kożmetiċi bl-ikbar ċertezza possibbli, mhux biss fir-rigward tal-ingredjenti li jikkomponu lil dawn tal-aħħar, iżda wkoll fir-rigward tal-prodott finali, u, min-naħa l-oħra, li l-għan li jiġi ggarantit livell għoli ta’ protezzjoni tas-saħħa tal-bniedem jista’ jintlaħaq perfettament biss jekk din il-bażi komuni tkopri kemm konoxxenzi dwar il-bniedem u l-patoloġiji tiegħu kif ukoll konoxxenzi dwar is-sustanzi użati waqt l-immanifatturar tal-prodotti kożmetiċi u dwar l-elementi fiżiċi u kimiċi tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Għalhekk, fid-dawl tal-kunsiderazzjonijiet preċedenti kollha, ir-risposta li għandha tingħata għat-tieni u għat-tielet domanda għandha tkun li l-Artikolu 10(2) tar-Regolament Nru 1223/2009 għandu jiġi interpretat fis-sens li jagħti lil kull Stat Membru l-kompetenza sabiex jiddetermina dixxiplini “simili” għall-farmaċija, għat-tossikoloġija jew għall-mediċina, kif ukoll livelli ta’ kwalifiki li jissodisfaw ir-rekwiżiti ta’ dan ir-regolament, sakemm ikunu konformi mal-għanijiet stabbiliti mill-imsemmi regolament li jikkonsisti, b’mod partikolari, mill-garanzija li l-persuna responsabbli għall-evalwazzjoni tas-sigurtà ta’ prodotti kożmetiċi għandha kwalifika li tippermettiha li tiżgura livell għoli ta’ protezzjoni tas-saħħa tal-bniedem.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija din il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-102" title="page-10">
      Għal dawn il-motivi, Il-Qorti tal-Ġustizzja (Is-Sitt Awla) taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">L-Artikolu 10(2) tar-Regolament (KE) Nru 1223/2009 tal-Parlament Ewropew u tal-Kunsill tat‑30 ta’ Novembru 2009 dwar il-prodotti kożmetiċi, għandu jiġi interpretat fis-sens li r-rikonoxximent ta’ ekwivalenza tal-korsijiet, previst f’din id-dispożizzjoni, jista’ jinkludi korsijiet oħrajn u mhux biss dawk mogħtija fi Stati terzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">L-Artikolu 10(2) tar-Regolament Nru 1223/2009 għandu jiġi interpretat fis-sens li jagħti lil kull Stat Membru l-kompetenza sabiex jiddetermina dixxiplini “simili” għall-farmaċija, għat-tossikoloġija jew għall-mediċina, kif ukoll livelli ta’ kwalifiki li jissodisfaw ir-rekwiżiti ta’ dan ir-regolament, sakemm ikunu konformi mal-għanijiet stabbiliti mill-imsemmi regolament li jikkonsisti, b’mod partikolari, mill-garanzija li l-persuna responsabbli għall-evalwazzjoni tas-sigurtà ta’ prodotti kożmetiċi għandha kwalifika li tippermettiha li tiżgura livell għoli ta’ protezzjoni tas-saħħa tal-bniedem.</p>
</td>
</tr>
</table>
    <p class="C77SignaturesComposition" id="para-105" title="page-11">
      Fernlund Rodin Regan
    </p>
    <p class="C77SignaturesAlinea" id="para-106" title="page-11">
      Mogħtija f’qorti bil-miftuħ fil-Lussemburgu, fit‑12 ta’ April 2018.
    </p>
    <p class="C77Signatures" id="para-107" title="page-11">
      Ir-Reġistratur Il-President tas-Sitt Awla
    </p>
    <p class="C77SignaturesAlinea" id="para-108" title="page-11">
      A. Calot Escobar C. G. Fernlund
    </p>
    <div/>
  <hr class="note"/>
<p class="note">(<span class="note">
<a id="t-1" href="#c-1">1</a>
</span>)*Lingwa tal-kawża: il-Franċiż.</p>
</body>
</html>
