|
9.5.2009 |
MT |
Il-Ġurnal Uffiċjali tal-Unjoni Ewropea |
L 116/6 |
REGOLAMENT TAL-KUMMISSJONI (KE) Nru 379/2009
tat-8 ta' Mejju 2009
li tikkonċerna l-awtorizzazzjoni ta' użu ġdid tas-6-phytase EC 3.1.3.26 bħala addittiv fl-għalf għal tiġieġ għat-tismin, dundjani għat-tismin, tiġieġ li jbidu, papri għat-tismin, ħnienes (miftuma), ħnieżer għat-tismin u ħnieżer nisa (detentur tal-awtorizzazzjoni Danisco Animal Nutrition, entità legali Danisco (UK) Limited)
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 dwar l-addittivi għall-użu fin-nutriment tal-annimali (1), u b’mod partikolari l-Artikolu 9(2) tiegħu,
Billi:
|
(1) |
Ir-Regolament (KE) Nru 1831/2003 jistipula l-awtorizzazzjoni ta' addittivi għall-użu fin-nutriment tal-annimali u r-raġunijiet u l-proċeduri biex tingħata din l-awtorizzazzjoni. |
|
(2) |
F’konformità mal-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tal-preparazzjoni stipulata fl-Anness ma' dan ir-Regolament. Din l-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
|
(3) |
L-applikazzjoni tikkonċerna l-awtorizzazzjoni ta' użu ġdid tal-preparazzjoni tas-6-phytase EC 3.1.3.26 prodott mis-Schizosaccharomyces pombe (ATCC 5233), bħala addittiv fl-għalf għal tiġieġ għat-tismin, dundjani għat-tismin, tiġieġ li jbidu, papri għat-tismin, ħnienes (miftuma), ħnieżer għat-tismin u ħnieżer nisa li għandhom jiġu klassifikati fil-kategorija ta' addittivi “addittivi żootekniċi”. |
|
(4) |
L-użu tas-6-phytase EC 3.1.3.26 prodott mis-Schizosaccharomyces pombe (ATCC 5233) kien awtorizzat mingħajr limitu ta’ żmien għal tiġieġ għat-tismin bir-Regolament tal-Kummissjoni (KE) Nru 1743/2006 (2) u għal għaxar snin bir-Regolament tal-Kummissjoni (KE) Nru 785/2007 (3) għal tiġieġ għat-tismin, dundjani għat-tismin, tiġieġ li jbidu, papri għat-tismin, ħnienes (miftuma), ħnieżer għat-tismin u ħnieżer nisa. |
|
(5) |
Ġiet ippreżentata dejta ġdida flimkien ma’ applikazzjoni għall-awtorizzazzjoni ta’ formulazzjoni ġdida għas-6-phytase EC 3.1.3.26, prodotta mis-Schizosaccharomyces pombe (ATCC 5233), għal tiġieġ għat-tismin, dundjani għat-tismin, tiġieġ li jbidu, papri għat-tismin, ħnienes (miftuma), ħnieżer għat-tismin u ħnieżer nisa. |
|
(6) |
L-Awtorità Ewropea dwar is-Sigurtà fl-Ikel (“l-Awtorità”) iddikjarat fl-opinjoni tagħha tal-10 ta' Diċembru 2008 (4), li l-opinjoni preċedenti tagħha adottata fis-17 ta’ Ottubru 2006 (5) tapplika bis-sħiħ għal din il-formulazzjoni ġdida tas-6-phytase EC 3.1.3.26. Għalhekk, l-Awtorità kkonkludiet li l-preparazzjoni tas-6-phytase EC 3.1.3.26, il-formulazzjoni ġdida, prodotta mis-Schizosaccharomyces pombe (ATCC 5233), hija effettiva għal speċi fil-mira u hija sikura għas-saħħa tal-annimal, tal-bniedem, jew l-ambjent. L-Awtorità tirrakkomanda miżuri xierqa għas-sigurtà ta' min jużaha. Hija ma tikkunsidrax li hemm il-bżonn għal ħtiġijiet speċifiċi ta' sorveljanza wara t-tqegħid fis-suq. Din l-opinjoni tivverifika wkoll ir-rapport dwar il-metodu ta' analiżi tal-addittiv fl-għalf f'għalf imressaq mil-Laboratorju ta' Referenza tal-Komunità stabbilit mir-Regolament (KE) Nru 1831/2003. |
|
(7) |
Il-valutazzjoni ta’ dik il-preparazzjoni turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, huma sodisfatti. Għaldaqstant, l-użu ta' din il-preparazzjoni għandu jiġi awtorizzat, kif speċifikat fl-Anness ma' dan ir-Regolament. |
|
(8) |
Il-miżuri stipulati f'dan ir-Regolament huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li tifforma parti mill-kategorija ta' addittivi “addittivi żootekniċi” u mill-grupp funzjonali “sustanzi li jsaħħu d-diġestibilità”, hija awtorizzata bħala addittiv fin-nutriment tal-annimali suġġetta għall-kundizzjonijiet stipulati f'dan l-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, 8 ta’ Mejju 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU L 268, 18.10.2003, p. 29.
(2) ĠU L 329, 25.11.2006, p. 16.
(4) Il-Ġurnal tal-EFSA (2008) 915, 1-10.
(5) Il-Ġurnal tal-EFSA (2006) 404, 1-20.
ANNESS
|
Numru ta’ identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
||||||||||||||||||||||||||||||||||
|
Unità ta' attività/kg ta' għalf sħiħ b'kontenut ta' umdità ta' 12 % |
|||||||||||||||||||||||||||||||||||||||||||
|
Kategorija ta' addittivi żootekniċi. Grupp funzjonali: sustanzi li jsaħħu d-diġestibilità |
|||||||||||||||||||||||||||||||||||||||||||
|
4a1640 |
Danisco Animal Nutrition (entità legali Danisco (UK) Limited) |
6-phytase EC 3.1.3.26 |
|
Tiġieġ għat-tismin |
— |
250 FTU |
— |
|
29 ta’ Mejju 2019 |
||||||||||||||||||||||||||||||||||
|
Dundjani għat-tismin |
— |
250 FTU |
— |
||||||||||||||||||||||||||||||||||||||||
|
Tiġieġ li jbidu |
— |
150 FTU |
— |
||||||||||||||||||||||||||||||||||||||||
|
Papri għat-tismin |
— |
250 FTU |
— |
||||||||||||||||||||||||||||||||||||||||
|
Ħnienes (miftuma) |
— |
250 FTU |
— |
||||||||||||||||||||||||||||||||||||||||
|
Ħnieżer għat-tismin |
— |
250 FTU |
— |
||||||||||||||||||||||||||||||||||||||||
|
Ħnieżer nisa |
— |
500 FTU |
— |
||||||||||||||||||||||||||||||||||||||||
(1) 1 FTU huwa l-ammont ta' enżima li jillibera 1 mikromole ta' fosfat inorganiku fil-minuta mis-sustrat tal-phytate tas-sodju f' pH ta' 5,5 u 37 °C.
(2) Dettalji tal-metodi analitiċi huma disponibbli fl-indirizz tal-Laboratorju ta' Referenza tal-Komunità li ġej: www.irmm.jrc.be/crl-feed-additives.www.irmm.jrc.be/crl-feed-additives