European flag

Il-Ġurnal Uffiċjali
tal-Unjoni Ewropea

MT

Is-serje C


C/2026/4995

13.10.2026

Pubblikazzjoni tal-komunikazzjoni ta’ emenda standard approvata ta’ speċifikazzjoni tal-prodott ta’ indikazzjoni ġeografika f’konformità mal-Artikolu 5(4) tar-Regolament Delegat tal-Kummissjoni (UE) 2025/27 (1)

(C/2026/4995)

KOMUNIKAZZJONI TAL-APPROVAZZJONI TA’ EMENDA STANDARD

(Artikolu 24 tar-Regolament (UE) 2024/1143)

“Haut-Poitou”

Numru ta’ referenza tal-UE: PDO-FR-A0726-AM02 — 7.7.2026

1.   Isem il-prodott

Haut-Poitou

2.   Tip ta’ indikazzjoni ġeografika

☑

DOP

☐

IĠP

3.   Settur

☐

Prodotti agrikoli

☑

Inbejjed

☐

Xarbiet spiritużi

4.   Pajjiż li għalih tappartjeni ż-żona ġeografika

Franza

5.   Awtorità tal-Istat Membru li tikkomunika l-emenda standard

Isem

Il-Ministeru għall-Agrikoltura u għas-Sovranità tal-Ikel, id-Direttorat Ġenerali għall-Prestazzjoni Ekonomika u Ambjentali tal-Intrapriżi

6.   Kwalifika bħala emenda standard

L-awtoritajiet Franċiżi jiddikjaraw li t-talba ppreżentata tikkonforma mar-rekwiżiti tar-Regolamenti (UE) Nru 1308/2013 u (UE) 2024/1143.

L-emendi tal-ispeċifikazzjoni tal-prodott huma emendi standard skont id-definizzjoni stabbilita fl-Artikolu 24(4) tar-Regolament (UE) 2024/1143.

It-talba għal emenda tad-DOP Haut-Poitou ma tinvolvi l-ebda waħda mit-tliet sitwazzjonijiet li jikkostitwixxu emenda tal-Unjoni, jiġifieri:

(a)

ma tinkludix tibdil fl-isem jew fl-użu tal-isem, jew fil-kategorija ta’ prodott jew fil-prodotti deżinjati mill-indikazzjoni ġeografika;

(b)

ma tirriskjax li tħassar ir-rabta mal-ambjent ġeografiku;

(c)

ma tinvolvix restrizzjonijiet ġodda fuq il-kummerċjalizzazzjoni tal-prodott.

Għalhekk, l-awtoritajiet Franċiżi jqisu li t-talba tikkwalifika għal emenda hekk imsejħa “standard”.

7.   Deskrizzjoni tal-emenda/i standard approvata/i

Titolu

Ismijiet ġeografiċi

Deskrizzjoni

Il-grupp ta’ produtturi tad-denominazzjoni għalhekk iddeċieda li jiddeżinja l-inbejjed permezz ta’ unità ġeografika usa’, bl-użu tat-terminu “Vin de Loire” minflok “Val de Loire”.

Din il-bidla timxi mal-istrateġiji ta’ komunikazzjoni adottati mill-produtturi tal-inbejjed tal-Loire.

L-objettiv huwa li din l-identità tkun tista’ tinqara aħjar u tkun allinjata aħjar mar-realtà tal-inbejjed prodotti mill-operaturi fil-baċir.

☑

L-emenda taffettwa d-dokument uniku

Titolu

Iż-żona ġeografika u ż-żona fil-viċinanza immedjata

Deskrizzjoni

Ir-referenza għall-Kodiċi Ġeografiku Uffiċjali ġiet aġġornata fir-rigward tal-lista ta’ muniċipalitajiet fiż-żona ġeografika u fiż-żona fil-prossimità immedjata u tal-ismijiet ta’ ċerti muniċipalitajiet.

Ma saret l-ebda bidla fil-konfini taż-żoni kkonċernati.

☑

L-emenda taffettwa d-dokument uniku

Titolu

Varjetajiet tad-dwieli

Deskrizzjoni

It-tħassir tar-regoli dwar il-proporzjon fl-użu. Din l-emenda ma hijiex se taffettwa l-inbejjed, peress li r-regoli dwar it-taħlit tal-varjetajiet baqgħu l-istess.

☐

L-emenda taffettwa d-dokument uniku

Titolu

Densità tat-tħawwil

Deskrizzjoni

it-tnaqqis tad-densità minima minn 4 200 għal 4 000 pjanta għal kull ettaru u tad-distanza bejn il-pjanti fil-flanni ta’ bejn 1 u 0,90 m. It-tnaqqis żgħir fid-densità tat-tħawwil mitlub għandu jagħmilha possibbli li jiġu rikonoxxuti l-użi attwali adattati għall-iktar sitwazzjonijiet aridi, u li din il-prattika tiġi awtorizzata fiż-żoni kollha jekk l-episodji ta’ nixfa jsiru iktar frekwenti.

☑

L-emenda taffettwa d-dokument uniku

Titolu

Regoli taż-żbir

Deskrizzjoni

Emenda tar-regoli biex jinżammu żewġ metodi ta’ żbir (Guyot jew cordon), biex jiżdied l-għadd ta’ għejun u friegħi li jagħtu l-frott (2 għejun oħra għall-inbejjed bojod) u biex issir distinzjoni bejn iż-żbir tal-varjetajiet bojod u suwed (li jikkonservaw 2 għejun inqas).

☑

L-emenda taffettwa d-dokument uniku

Titolu

Għoli tal-faxxina

Deskrizzjoni

It-tnaqqis tal-għoli tal-faxxina fuq il-kannizzati għad-dwieli b’żabra Guyot (minn 0,6 għal 0,5 darbiet id-distanza bejn il-flanni) u l-limitazzjoni tal-għoli tal-faxxina għad-dwieli cordon. F’kuntest ta’ tisħin, dan l-iżvilupp jirregola aħjar l-għoli tal-faxxina tad-dwieli cordon u, għad-dwieli fuq il-kannizzati b’żabra Guyot, huwa mod kif titnaqqas l-evapotraspirazzjoni u jitnaqqas ir-riskju li r-rimjiet jitkissru mir-riħ.

☐

L-emenda taffettwa d-dokument uniku

Titolu

Prattiki oħra ta’ kultivazzjoni

Deskrizzjoni

L-introduzzjoni tal-obbligu li tinżamm il-kopertura tal-veġetazzjoni bejn il-flanni jew li tiġi kkontrollata l-veġetazzjoni spontanja permezz tal-ħdim tar-raba’ jew l-użu ta’ erbiċidi ta’ bijokontroll.

☐

L-emenda taffettwa d-dokument uniku

Titolu

Irrigazzjoni

Deskrizzjoni

L-awtorizzazzjoni tal-irrigazzjoni għal din id-denominazzjoni b’deroga skont l-Artikolu D. 645-5 tal-Kodiċi Rurali, li timponi sistema ta’ taqtir. Din it-talba hija ġġustifikata mill-aridità ta’ ċerti żoni ta’ din il-vinja li jinsabu 50 km fin-Nofsinhar tal-Loire.

☑

L-emenda taffettwa d-dokument uniku

Titolu

Tagħbija massima ta’ kull roqgħa tal-art

Deskrizzjoni

B’rabta mal-awtorizzazzjoni tal-irrigazzjoni, ġiet introdotta dispożizzjoni li tillimita t-tagħbija medja massima għal kull roqgħa tal-art għad-dwieli irrigati. It-tagħbija massima tad-dwieli mhux irrigati ma nbidlitx.

☐

L-emenda taffettwa d-dokument uniku

Titolu

Ħsad

Deskrizzjoni

It-tħassir tal-projbizzjoni fuq il-ħsad. L-għarfien espert tal-operaturi jagħmilha possibbli li tingħeleb din ir-restrizzjoni, peress li l-monitoraġġ tal-maturazzjoni jissaħħaħ fil-kuntest tar-reġistri previsti fl-ispeċifikazzjoni tal-prodott.

☐

L-emenda taffettwa d-dokument uniku

Titolu

Maturazzjoni tal-għeneb

Deskrizzjoni

Iż-żamma tar-regoli attwali (minimu ta’ 60 % tal-Cabernet Franc fl-inbejjed ħomor, minimu ta’ 40 % tal-Cabernet Franc, 20 % tal-Pinot Noir u 20 % tal-Gamay fl-inbejjed rożè). Il-kitba mill-ġdid proposta hija meħtieġa wara t-tħassir tar-regoli dwar il-proporzjon fl-użu, peress li l-ispeċifikazzjoni tal-prodott irreferiet għal dawn ir-regoli dwar il-varjetajiet tad-dwieli.

☐

L-emenda taffettwa d-dokument uniku

Titolu

Standards analitiċi

Deskrizzjoni

It-tħassir tal-projbizzjoni fuq l-użu tal-faħam għall-użu enoloġiku għall-inbejjed rożè, it-tħassir tal-projbizzjoni fuq l-użu tal-laqx tal-injam għall-inbejjed bojod u rożè u ż-żieda minn 12 għal 12,5 % fil-qawwa alkoħolika totali skont il-volum tal-inbejjed bojod u rożè li jiġu mqawwijin.

☑

L-emenda taffettwa d-dokument uniku

Titolu

Kapaċità tal-kantini tal-inbid

Deskrizzjoni

Tnaqqis minn 1,4 għal 1,2 darba l-volum medju vinifikat. Dan it-tnaqqis, iġġustifikat mill-predominanza tal-inbejjed bojod b’newba rapida, se jippermetti t-tnaqqis tal-kostijiet tal-investiment għall-operaturi l-ġodda jew għal dawk li jixtiequ jespandu l-vinji tagħhom.

☐

L-emenda taffettwa d-dokument uniku

Titolu

Perjodu li matulu l-inbejjed jistgħu jiċċirkolaw bejn l-imħażen awtorizzati

Deskrizzjoni

It-tħassir biex issir referenza għar-regolamentazzjoni ġenerali.

☐

L-emenda taffettwa d-dokument uniku

Titolu

Rabta maż-żona ġeografika

Deskrizzjoni

Informazzjoni dwar iż-żona ġeografika: L-aġġornament tad-data dwar il-klima biex titqies l-evoluzzjoni fil-klima, u l-kitba mill-ġdid tal-elementi storiċi, abbażi tal-ħidma ta’ storiku li ffoka fuq l-emerġenza tal-vinja tal-Haut-Poitou. Dawn il-kjarifiki jsaħħu s-sens ta’ appartenenza tal-operaturi għal skop komuni, bl-għeruq fit-territorju u fl-istorja.

Informazzjoni dwar il-kwalità u l-karatteristiċi tal-prodotti: Kjarifika dwar kif l-inbejjed rożè jsiru permezz ta’ għasir dirett, maċerazzjoni qasira jew bil-metodu saignée. Dan is-suppliment x’aktarx li jipprovdi ċertezza legali għad-diversità tal-prattiki fil-vinja.

Din l-informazzjoni hija prinċipalment aġġornament tad-data storika u ma taffettwax id-dokument uniku.

☐

L-emenda taffettwa d-dokument uniku

Titolu

Miżuri tranżizzjonali

Deskrizzjoni

It-tħassir ta’ dan il-kapitolu mill-ispeċifikazzjoni tal-prodott, li d-dispożizzjonijiet kollha tiegħu huma antikwati jew ma għadhomx rilevanti bħala riżultat tal-emendi proposti (varjetajiet tad-dwieli, densità).

☐

L-emenda taffettwa d-dokument uniku

Titolu

Regoli dwar il-preżentazzjoni u t-tikkettar

Deskrizzjoni

Emenda editorjali biex tiġi ċċarata n-natura fakultattiva tal-indikazzjoni tal-varjetà tal-għeneb fuq it-tikketti.

☑

L-emenda taffettwa d-dokument uniku

Titolu

Obbligi ta’ dikjarazzjoni

Deskrizzjoni

Dikjarazzjoni minn qabel tal-użu tal-irqajja’ tal-art: tħassir tat-tiġdid taċitu u kjarifika tal-kontenut ta’ din id-dikjarazzjoni. L-obbligu ta’ dikjarazzjoni annwali taż-żoni affettwati għandu jagħmilha possibbli li wieħed ikun jaf b’mod iktar preċiż il-bażi tal-kontrolli.

Dikjarazzjoni minn qabel tal-bejgħ bl-ingrossa: minn dikjarazzjoni annwali qabel il-kummerċjalizzazzjoni tal-ewwel lott tas-sena għal dikjarazzjoni sistematika qabel kull irtirar. L-għan huwa li jkunu jistgħu jiġu organizzati aħjar il-kontrolli fuq il-prodotti.

Dikjarazzjoni tad-dispaċċ barra mit-territorju nazzjonali: żieda tal-obbligu li l-grupp ta’ produtturi jiġi infurmat bid-denominazzjoni flimkien mal-korp ta’ kontroll. Din l-emenda tirrifletti wkoll l-ambizzjoni li tittejjeb l-effiċjenza tas-sistema ta’ kontroll.

☐

L-emenda taffettwa d-dokument uniku

Titolu

Żamma tar-reġistri

Deskrizzjoni

Reġistru tad-dwieli: sostituzzjoni tar-reġistru eżistenti tad-dwieli bi tliet reġistri ġodda (monitoraġġ tal-irqajja’ tal-art b’perċentwal ta’ nuqqasijiet, reġistru tal-kultivazzjoni b’reġistrazzjoni tat-trattamenti, reġistru ta’ monitoraġġ tal-maturazzjoni).

Reġistru tal-fabbriki tal-inbid: it-tħassir ta’ dan ir-reġistru, li ħoloq duplikazzjoni flimkien mal-obbligi regolatorji bħall-pjan tal-kantina u r-reġistru tal-immaniġġar. Ir-reġistru tal-monitoraġġ tal-lottijiet maħsuba għall-bejgħ bl-ingrossa jew għall-imballaġġ għandu jinżamm l-istess.

Dwieli taħt miżura tranżizzjonali: it-tħassir ta’ dan ir-reġistru ma għadux meħtieġ

☐

L-emenda taffettwa d-dokument uniku

Titolu

Punti ewlenin li jridu jiġu kkontrollati

Deskrizzjoni

Bidliet sostantivi u formali fit-tabella tal-punti ewlenin li jridu jiġu kkontrollati sabiex jiġu mmirati aħjar il-punti ta’ kontroll li jkollhom impatt fuq il-karatteristiċi tal-prodott. L-għan hawnhekk huwa li jinżammu biss ir-regoli essenzjali u li jitħassru d-dispożizzjonijiet li huma inqas importanti (nuqqasijiet, għoli tal-kannizzati, prattiki oħra ta’ kultivazzjoni, prattiki enoloġiċi, imballaġġ) jew li ma għadhomx applikabbli (varjetajiet ta’ dwieli għall-użu, miżuri tranżizzjonali). Fid-dawl tat-tħassir tar-regoli dwar il-proporzjon fl-użu tal-varjetajiet, ġie miżjud punt biex jissaħħaħ il-kontroll tat-taħlitiet.

☐

L-emenda taffettwa d-dokument uniku

Titolu

Referenzi

Deskrizzjoni

Id-dettalji ta’ kuntatt tal-Istitut Nazzjonali tal-Oriġini u l-Kwalità (INAO) ġew aġġornati.

Id-dispożizzjoni li tikkonċerna l-kontroll tal-ispeċifikazzjoni tal-prodott ġiet emendata.

☐

L-emenda taffettwa d-dokument uniku

DOKUMENT UNIKU

Denominazzjonijiet ta’ oriġini u indikazzjonijiet ġeografiċi tal-inbejjed

“Haut-Poitou”

Numru ta’ referenza tal-UE: PDO-FR-A0726-AM02 — 7.7.2026

1.   Isem/Ismijiet

Haut-Poitou

2.   Tip ta’ indikazzjoni ġeografika

☑

DOP

☐

IĠP

3.   Pajjiż li għalih tappartjeni ż-żona ġeografika definita

Franza

4.   Klassifikazzjoni tal-prodott agrikolu f’konformità mal-intestatura u l-kodiċi tan-Nomenklatura Magħquda, kif imsemmi fl-Artikolu 6(1) tar-Regolament (UE) 2024/1143

2204 - Inbejjed ta’ għeneb frisk, inklużi inbejjed imqawwija; most tal-għeneb għajr dak tal-intestatura 2009

5.   Kategoriji ta’ prodotti tad-dwieli kif elenkati fl-Anness VII, il-Parti II, tar-Regolament (UE) Nru 1308/2013

1.

Inbid

6.   Deskrizzjoni tal-inbid/inbejjed

Prodott tad-dwieli

Inbejjed bojod mhux frizzanti

Karatteristiċi organolettiċi

Apparenza viżiva

Id-denominazzjoni ta’ oriġini kkontrollata Haut-Poitou hija rriżervata għall-inbejjed bojod.

Aroma

L-inbejjed bojod mhux frizzanti spiss ikollhom aromi ta’ fjuri u ta’ frott li jikkombinaw fjuri bojod, fjuri sofor u frott taċ-ċitru.

Togħma

L-inbejjed bojod mhux frizzanti ikollhom karattru frisk

Informazzjoni addizzjonali dwar il-karatteristiċi organolettiċi

Dawn jistgħu jiġu żviluppati bl-użu ta’ tekniki differenti: għasir dirett, maċerazzjoni qasira, metodu saignée.

Karatteristiċi analitiċi

Qawwa alkoħolika totali massima (f’% tal—volum)

—

Qawwa alkoħolika effettiva minima (f’% tal-volum)

—

Aċidità totali minima

—

Unità ta’ aċidità totali minima

f’milliekwivalenti għal kull litru

Aċidità volatili massima (f’milliekwivalenti għal kull litru)

—

Total massimu ta’ diossidu tal-kubrit (f’milligrammi għal kull litru):

—

Informazzjoni addizzjonali dwar il-karatteristiċi analitiċi

L-inbejjed bojod mhux frizzanti jkollhom qawwa alkoħolika naturali minima skont il-volum ta’ 10,5 %.

Wara l-fermentazzjoni, l-inbejjed bojod ikollhom kontenut massimu ta’ zokkor fermentabbli (glukożju u fruttożju) ta’ 3 grammi għal kull litru.

Wara li jiġu mqawwijin, dawn l-inbejjed ma jkollhomx qawwa alkoħolika totali skont il-volum ta’ iktar minn 12,5 %.

☑

Kwalunkwe karatteristika analitika li mhijiex indikata f’din it-taqsima hija fil-limiti stipulati mil-leġiżlazzjoni applikabbli tal-UE.

Prodott tad-dwieli

Inbejjed ħomor mhux frizzanti

Karatteristiċi organolettiċi

Apparenza viżiva

L-inbejjed ħomor mhux frizzanti huma eleganti, b’lewn li jxaqleb lejn ir-rubin.

Aroma

Spiss ikollhom aromi ta’ frott aħmar żgħir u ċirasa qarsa.

Togħma

Ikollhom noti ta’ ħwawar u jkunu friski.

Informazzjoni addizzjonali dwar il-karatteristiċi organolettiċi

—

Karatteristiċi analitiċi

Qawwa alkoħolika totali massima (f’% tal-volum)

—

Qawwa alkoħolika effettiva minima (f’% tal-volum)

—

Aċidità totali minima

—

Unità ta’ aċidità totali minima

f’milliekwivalenti għal kull litru

Aċidità volatili massima (f’milliekwivalenti għal kull litru)

—

Total massimu ta’ diossidu tal-kubrit (f’milligrammi għal kull litru):

—

Informazzjoni addizzjonali dwar il-karatteristiċi analitiċi

L-inbejjed ħomor mhux frizzanti jkollhom qawwa alkoħolika naturali minima skont il-volum ta’ 11 %.

Il-fermentazzjoni malolattika titlesta għall-inbejjed ħomor.

L-inbejjed ħomor lesti biex jiġu kkummerċjalizzati bl-ingrossa jew bl-imballaġġ ikollhom kontenut ta’ aċidu maliku ta’ mhux iktar minn 0,4 grammi għal kull litru.

Wara l-fermentazzjoni, l-inbejjed ħomor ikollhom kontenut massimu ta’ zokkor fermentabbli (glukożju u fruttożju) ta’ 2,5 grammi għal kull litru.

Wara li jiġu mqawwijin, dawn l-inbejjed ma jkollhomx qawwa alkoħolika totali skont il-volum ta’ iktar minn 12,5 %.

☑

Kwalunkwe karatteristika analitika li mhijiex indikata f’din it-taqsima hija fil-limiti stipulati mil-leġiżlazzjoni applikabbli tal-UE.

Prodott tad-dwieli

Inbejjed rożé mhux frizzanti

Karatteristiċi organolettiċi

Apparenza viżiva

Id-denominazzjoni ta’ oriġini kkontrollata Haut-Poitou hija rriżervata għall-inbejjed rożè.

Aroma

L-inbejjed rożè mhux frizzanti jkollhom aromi qawwijin ta’ frott misjur.

Togħma

L-inbejjed rożè mhux frizzanti jkunu ħfief, b’nervożità iżda mingħajr ma jkunu aggressivi.

Informazzjoni addizzjonali dwar il-karatteristiċi organolettiċi

—

Karatteristiċi analitiċi

Qawwa alkoħolika totali massima (f’% tal-volum)

—

Qawwa alkoħolika effettiva minima (f’% tal-volum)

—

Aċidità totali minima

—

Unità ta’ aċidità totali minima

f’milliekwivalenti għal kull litru

Aċidità volatili massima (f’milliekwivalenti għal kull litru)

—

Total massimu ta’ diossidu tal-kubrit (f’milligrammi għal kull litru):

—

Informazzjoni addizzjonali dwar il-karatteristiċi analitiċi

L-inbejjed rożè mhux frizzanti jkollhom qawwa alkoħolika naturali minima skont il-volum ta’ 10,5 %.

Wara l-fermentazzjoni, l-inbejjed rożè jkollhom kontenut massimu ta’ zokkor fermentabbli (glukożju u fruttożju) ta’ 3 grammi għal kull litru.

Wara li jiġu mqawwijin, dawn l-inbejjed ma jkollhomx qawwa alkoħolika totali skont il-volum ta’ iktar minn 12,5 %.

☑

Kwalunkwe karatteristika analitika li mhijiex indikata f’din it-taqsima hija fil-limiti stipulati mil-leġiżlazzjoni applikabbli tal-UE.

7.   Prattiki tal-produzzjoni tal-inbid

7.1.   Prattiki enoloġiċi speċifiċi użati biex isir l-inbid jew l-inbejjed u r-restrizzjonijiet rilevanti għall-produzzjoni tagħhom

Prattika tal-produzzjoni tal-inbid

Densità tat-tħawwil

Tip ta’ prattika enoloġika

Prattika tal-kultivazzjoni

Deskrizzjoni

Id-densità minima tat-tħawwil tad-dwieli hija ta’ 4 000 pjanta għal kull ettaru. Dawn id-dwieli ma jistax ikollhom distanza ta’ iktar minn 2,20 metri bejn il-flanni u distanza ta’ inqas minn 0,90 metri bejn il-pjanti fl-istess flann.

Prattika tal-produzzjoni tal-inbid

Regoli taż-żbir

Tip ta’ prattika enoloġika

Prattika tal-kultivazzjoni

Deskrizzjoni

Id-dwieli jinżabru b’żabra Guyot jew b’żabra cordon.

Varjetajiet bojod u griżi:

—

B’żabra Guyot, id-dwieli jinżabru sa massimu ta’ 14-il għajn għal kull pjanta. Id-dwieli jistgħu jinżabru b’żewġ għejun addizzjonali għal kull pjanta, diment li fl-istadju fenoloġiku li jikkorrispondi għal 11 jew 12-il werqa (blanzuni separati), in-numru ta’ friegħi li jagħtu l-frott tas-sena għal kull pjanta jkun ta’ 14 jew inqas.

—

B’żabra cordon, id-dwieli jinżabru sa massimu ta’ 16-il għajn għal kull pjanta. Id-dwieli jistgħu jinżabru b’żewġ għejun addizzjonali għal kull pjanta, diment li fl-istadju fenoloġiku li jikkorrispondi għal 11 jew 12-il werqa (blanzuni separati), in-numru ta’ friegħi li jagħtu l-frott tas-sena għal kull pjanta jkun ta’ 16 jew inqas.

Varjetajiet suwed:

—

B’żabra Guyot, id-dwieli jinżabru sa massimu ta’ 12-il għajn għal kull pjanta. Id-dwieli jistgħu jinżabru b’żewġ għejun addizzjonali għal kull pjanta, diment li fl-istadju fenoloġiku li jikkorrispondi għal 11 jew 12-il werqa (blanzuni separati), in-numru ta’ friegħi li jagħtu l-frott tas-sena għal kull pjanta jkun ta’ 12 jew inqas.

—

B’żabra cordon, id-dwieli jinżabru sa massimu ta’ 14-il għajn għal kull pjanta. Id-dwieli jistgħu jinżabru b’żewġ għejun addizzjonali għal kull pjanta, diment li fl-istadju fenoloġiku li jikkorrispondi għal 11 jew 12-il werqa (blanzuni separati), in-numru ta’ friegħi li jagħtu l-frott tas-sena għal kull pjanta jkun ta’ 14 jew inqas.

Prattika tal-produzzjoni tal-inbid

Tqawwija

Tip ta’ prattika enoloġika

Prattika enoloġika speċifika

Deskrizzjoni

It-tekniki ta’ tqawwija sottrattiva huma awtorizzati għall-inbejjed ħomor u r-rata massima ta’ konċentrazzjoni parzjali meta mqabbla mal-volumi użati hija ffissata għal 10 %. Wara li jiġu mqawwijin, l-inbejjed ma jridux jaqbżu l-qawwa alkoħolika totali skont il-volum ta’ 12,50 %.

Prattika tal-produzzjoni tal-inbid

Irrigazzjoni

Tip ta’ prattika enoloġika

Prattika enoloġika speċifika

Deskrizzjoni

L-irrigazzjoni permezz ta’ sistema ta’ taqtir tista’ tiġi awtorizzata, f’konformità mad-dispożizzjonijiet tal-Artikolu D. 645-5 tal-Kodiċi Rurali u tas-Sajd Marittimu, f’każ ta’ stress idriku li jista’ jikkomprometti l-kwalità tal-produzzjoni tal-inbid.

7.2.   Rendimenti massimi

L-inbejjed/Il-kategoriji/Il-varjetajiet/It-tipi kollha

Inbejjed bojod mhux frizzanti

Rendiment massimu

Rendiment massimu

72

Unità ta’ rendiment massimu

ettolitru għal kull ettaru

L-inbejjed/Il-kategoriji/Il-varjetajiet/It-tipi kollha

Inbejjed ħomor u rożè mhux frizzanti

Rendiment massimu

Rendiment massimu

66

Unità ta’ rendiment massimu

ettolitru għal kull ettaru

8.   Indikazzjoni tal-varjetà jew tal-varjetajiet ta’ għeneb tal-inbid li minnhom jiġi prodott l-inbid jew jiġu prodotti l-inbejjed

—

Cabernet franc N

—

Gamay N

—

Gamay de Bouze N

—

Gamay de Chaudenay N

—

Merlot N

—

Pinot noir N

—

Sauvignon B - Sauvignon blanc

—

Sauvignon gris G - Fié gris

9.   Definizzjoni qasira taż-żona ġeografika definita

1°-   Żona ġeografika

Il-ħsad tal-għeneb, il-vinifikazzjoni u l-produzzjoni tal-inbejjed isiru fit-territorju tal-muniċipalitajiet li ġejjin, abbażi tal-kodiċi ġeografiku uffiċjali tas-sena 2025:

—

Dipartiment ta’ Deux-Sèvres: Doux;

—

Dipartiment ta’ Vienne: Amberre, Avanton, Beaumont Saint-Cyr, Chabournay, Champigny en Rochereau, Cherves, Chouppes, Cissé, Coussay, Craon, Cuhon, Dissay, Jaunay-Marigny, Lencloître, Maisonneuve, Massognes, Mirebeau, Neuville-de-Poitou, Saint-Georges-lès-Baillargeaux, Saint-Martin-la-Pallu, Thurageau, Vouzailles, Yversay.

2°–   Żona tar-roqgħa tal-art definita

L-inbejjed iridu jsiru esklużivament mid-dwieli li jinsabu fiż-żona tar-roqgħa tal-art tal-produzzjoni approvata mill-Istitut Nazzjonali tal-Oriġini u tal-Kwalità fil-laqgħat tal-kumitat nazzjonali kompetenti li saru fis-16 ta’ Novembru 2010 u fit-8 ta’ Ġunju 2016.

L-Istitut Nazzjonali tal-Oriġini u tal-Kwalità jissottometti l-mapep li jistabbilixxu l-konfini tal-irqajja’ taż-żoni ta’ produzzjoni approvati b’dan il-mod lill-kunsilli lokali tal-muniċipalitajiet elenkati fil-paragrafu 1.

10.   Rabta maż-żona ġeografika

Kategoriji ta’ prodotti tad-dwieli

1.

Inbid

Sommarju tar-rabta

Iż-żona ġeografika, li tinsab qrib is- “Seuil du Poitou”, li timmarka t-tranżizzjoni bejn il-Baċir ta’ Pariġi u l-Baċir ta’ Aquitain, hija l-estensjoni l-iktar fin-Nofsinhar tar-reġjun tal-vitikultura ta’ “Val de Loire”.

Iż-żona ġeografika hija bbażata fuq pjanura mmewġa b’altitudni ta’ bejn 80 metru u 120 metru, b’diversi għoljiet li jlaħħqu għoli sa madwar 150 metru. Ftit mogħdijiet tal-ilma jaqsmu din il-pjanura u jsawru r-riljievi. Verifika tal-osservazzjoni u l-analiżi mwettqa mill-vitikulturi dwar l-imġiba tad-dwieli tagħhom sabiex jiddefinixxu l-post korrett tal-vinji. Iż-żona tal-irqajja’ tal-art definita għall-ħsad tal-għeneb tikklassifika l-iktar irqajja’ tal-art favorevoli, raggruppati skont it-tip, bi:

—

ħamrija taflija u tal-ġebla tal-ġir kannella, jew “art ta’ msaġar”, bi skular sew, li tisħon u li jibqgħu tajjeb fir-rebbiegħa u li jiżguraw provvista tal-ilma suffiċjenti iżda moderata lid-dielja, filwaqt li x-xquq fil-blat sottostanti jiffavorixxu l-għeruq fondi tagħha;

—

“varennes”, b’sawra ramlija li tippermetti skular naturali tajjeb u bidu bikri għad-dielja;

—

“terres d’aubues”, li spiss tkun tinsab fuq inklinazzjonijiet weqfin, tajba ħafna għall-għeruq fondi tad-dwieli u li ftit li xejn trodd l-ilma mill-ħamrija għas-sistema tal-għeruq, u dan jirriżulta fi stress moderat tal-ilma li huwa partikolarment favorevoli għall-maturazzjoni tal-għeneb.

Il-varjetà tal-għeneb Cabernet Franc N toktor ferm fil-“petites groies” u fit-“terres d’aubues”, u f’dawn il-kundizzjonijiet issib il-bażi essenzjali għal maturazzjoni kostanti tul is-snin. Iżżid ħjiel ta’ lewn fl-inbejjed rożè u tikkontribwixxi għall-kumplessità tagħhom. L-inbejjed li jirriżultaw ikollhom ukoll struttura tannika sabiħa u jiżviluppaw aromi rikki ta’ frott misjur. Għalhekk jiffurmaw is-sinsla tal-inbejjed ħomor, u jiffurmaw mill-inqas 60 % tal-kompożizzjoni ta’ dawn l-inbejjed.

Il-varjetajiet Sauvignon B u Sauvignon Gris G jitħawlu prinċipalment b’suċċess fuq il-“grosses grossies” u l-inbejjed li jirriżultaw jesprimu karatteristiċi ta’ fjuri, friski u oriġinali. Il-varjetajiet l-oħra jipprovdu rotondità u diversità aromatika fit-taħlitiet.

Għal ġenerazzjonijiet sħaħ, l-operaturi rnexxielhom joħorġu l-kwalitajiet oriġinali ta’ dak li jipproduċu billi, minn naħa waħda, għażlu varjetajiet ta’ dwieli li jirnexxu f’kundizzjonijiet naturali favorevoli għall-iżvilupp tal-potenzjal aromatiku tagħhom u, min-naħa l-oħra, billi jiġġestixxu b’mod ottimali d-dwieli u l-potenzjal ta’ produzzjoni tagħhom, miksub permezz ta’ tħarriġ bir-reqqa u regoli stretti taż-żbir.

Id-dinamiżmu u l-għarfien espert tal-produtturi, kif ukoll ir-rabta storika tagħhom mal-pajsaġġ tal-vitikultura tagħhom, isostnu r-reputazzjoni ta’ din il-vinja antika, li reġgħet tqajmet matul ir-rikostruzzjoni tagħha wara l-kriżi tal-filossera u żdiedet b’mod sinifikanti mis-snin 80 tas-seklu 20. Xhieda ta’ dan id-dinamiżmu, il-fratellanza bakkika ta’ “Tire-Douzils”, stabbilita fl-1953 li kienet għadha attiva fl-2025, għandha l-għan li twassal biex l-inbejjed ta’ Haut-Poitou jkunu magħrufa u apprezzati, u b’hekk issaħħaħ dak li Jules Guyot sostna fl-“Etude des vignobles de France” (Studju tal-vinji ta’ Franza, Ed. Jeanne Laffitte, 1876), miġbur fil-qosor kif ġej: “Il-klima ta’ Vienne hija tajba ħafna għad-dwieli, ftit kiesħa u ftit umduża fir-rebbiegħa, ftit taħraq fis-sajf, suxxettibbli ħafna għal ġlata tardiva, iżda dan jista’ saħansitra jagħti lill-inbid ċerti kwalitajiet li ma jkollux f’postijiet oħra. Il-klima friska tagħti lill-għeneb u lill-frott l-ieħor kollu finezza li ma tkunx preżenti fejn is-sħana hija l-element permanenti u dominanti tal-veġetazzjoni”.

11.   Rekwiżiti oħra applikabbli

Titolu tar-rekwiżit/tad-deroga

Regoli dwar it-tikkettar

Qafas legali

Leġiżlazzjoni nazzjonali

Tip ta’ rekwiżit/deroga ulterjuri

Dispożizzjonijiet addizzjonali dwar it-tikkettar

Deskrizzjoni tar-rekwiżit/tad-deroga

Id-dettalji fakultattivi kollha għandhom jinkitbu fuq it-tikketti, b’karattri li d-daqs tagħhom, kemm fl-għoli kif ukoll fil-wisa’, ma għandux ikun akbar mid-doppju ta’ dak tal-karattri li jifformaw l-isem tad-denominazzjoni ta’ oriġini kkontrollata.

Id-daqs tal-ittri tal-isem ġeografiku “Vin de Loire” ma jridx ikun akbar, kemm fl-għoli kif ukoll fil-wisa’, minn żewġ terzi tal-ittri li jiffurmaw l-isem tad-denominazzjoni ta’ oriġini kkontrollata.

Jekk l-indikazzjoni tal-varjetà tal-għeneb tidher fuq it-tikketti, din tinkiteb taħt l-isem tad-denominazzjoni ta’ oriġini kkontrollata b’ittri tal-istess kulur u li d-daqs tagħhom, kemm fl-għoli kif ukoll fil-wisa’, ma jkunx akbar minn żewġ terzi tad-daqs tal-ittri tal-isem tad-denominazzjoni ta’ oriġini kkontrollata.

It-tikkettar tal-inbejjed bid-denominazzjoni ta’ oriġini kkontrollata jista’ jispeċifika l-isem ta’ unità ġeografika iżgħar, diment li:

—

tkun post irreġistrat fil-katast;

—

tkun fuq id-dikjarazzjoni tal-ħsad.

L-isem tal-post irreġistrat fil-katast irid ikun stampat b’ittri li d-daqs tagħhom ma jkunx akbar, kemm fl-għoli kif ukoll fil-wisa’, minn nofs dak tal-ittri li jiffurmaw l-isem tad-denominazzjoni ta’ oriġini kkontrollata.

Titolu tar-rekwiżit/tad-deroga

Żona fil-viċinanza immedjata

Qafas legali

Leġiżlazzjoni nazzjonali

Tip ta’ rekwiżit/deroga ulterjuri

Deroga dwar il-produzzjoni fiż-żona ġeografika definita

Deskrizzjoni tar-rekwiżit/tad-deroga

Iż-żona fi prossimità immedjata, definita bid-deroga għall-vinifikazzjoni u għall-produzzjoni tal-inbejjed, tinkludi t-territorju tal-muniċipalitajiet li ġejjin fid-dipartiment ta’ Vienne, abbażi tal-kodiċi ġeografiku uffiċjali tas-sena 2025: Colombiers, Ouzilly, Scorbé-Clairvaux.

F’konformità mal-Artikolu 5(1) tar-Regolament Delegat tal-Kummissjoni (UE) 2019/33, iż-żona fil-viċinanza immedjata tikkorrispondi għal żona fil-viċinanza immedjata taż-żona definita kkonċernata.

Referenza elettronika għall-pubblikazzjoni tal-ispeċifikazzjoni tal-prodott (URL)

https://info.agriculture.gouv.fr/boagri/document_administratif-95737c0d-e43c-46a7-a2ef-6bb9ddad2c05


(1)  Ir-Regolament Delegat tal-Kummissjoni (UE) 2025/27 tat-30 ta’ Ottubru 2024 li jissupplimenta r-Regolament (UE) 2024/1143 tal-Parlament Ewropew u tal-Kunsill b’regoli dwar ir-reġistrazzjoni u l-protezzjoni ta’ indikazzjonijiet ġeografiċi, speċjalitajiet tradizzjonali garantiti u termini tal-kwalità mhux obbligatorji u li jħassar ir-Regolament Delegat (UE) Nru 664/2014 (ĠU L, 2025/27, 15.1.2025, ELI: http://data.europa.eu/eli/reg_del/2025/27/oj).


ELI: http://data.europa.eu/eli/C/2026/4995/oj

ISSN 1977-0987 (electronic edition)