European flag

Il-Ġurnal Uffiċjali
ta'l-Unjoni Ewropea

MT

Is-serje L


2025/110

31.1.2025

DEĊIŻJONI TA’ IMPLIMENTAZZJONI TAL-KUMMISSJONI (UE) 2025/110

tat-23 ta’ Jannar 2025

dwar l-eżenzjonijiet mid-dazju anti-dumping estiż fuq ċerti partijiet tar-rota li joriġinaw mir-Repubblika tal-Poplu taċ-Ċina skont ir-Regolament (KE) Nru 88/97

(notifikata bid-dokument C(2025) 209)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Unjoni Ewropea (1), u b’mod partikolari l-Artikolu 13(4) tiegħu,

Wara li kkunsidrat ir-Regolament tal-Kunsill (KE) Nru 71/97 tal-10 ta’ Jannar 1997 li jestendi d-dazju anti-dumping definittiv impost mir-Regolament (KEE) Nru 2474/93 fuq roti li joriġinaw mir-Repubblika tal-Poplu taċ-Ċina għall-importazzjonijiet ta’ ċerti partijiet ta’ roti mir-Repubblika tal-Poplu taċ-Ċina, u li jimponi d-dazju estiż fuq dawn l-importazzjonijiet reġistrati taħt ir-Regolament (KE) Nru 703/96 (2) u b’mod partikolari l-Artikolu 3 tiegħu,

Wara li kkunsidrat ir-Regolament ta’ Implimentazzjoni tal-Kummissjoni (UE) 2020/45 tal-20 ta’ Jannar 2020 li jemenda r-Regolament ta’ Implimentazzjoni (UE) 2019/1379 dwar l-estensjoni tad-dazju anti-dumping impost fuq l-importazzjonijiet ta’ roti li joriġinaw mir-Repubblika tal-Poplu taċ-Ċina għall-importazzjonijiet ta’ ċerti partijiet tar-rota li joriġinaw mir-Repubblika tal-Poplu taċ-Ċina bir-Regolament tal-Kunsill (KE) Nru 71/97 (3),

Wara li kkunsidrat ir-Regolament tal-Kummissjoni (KE) Nru 88/97 tal-20 ta’ Jannar 1997 dwar l-awtorizzazzjoni għall-eżenzjoni tal-importazzjoni ta’ uħud mill-partijiet tar-rota li joriġinaw mir-Repubblika Popolari taċ-Ċina mill-estensjoni permezz tar-Regolament tal-Kunsill (KE) Nru 71/97, tad-dazju anti-dumping impost mir-Regolament tal-Kunsill (KEE) Nru 2474/93 (4), u b’mod partikolari l-Artikoli 4 sa 7 tiegħu,

Wara li informat lill-Istati Membri,

Billi:

(1)

Dazju anti-dumping japplika fuq l-importazzjonijiet ta’ partijiet essenzjali tar-rota li joriġinaw mir-Repubblika tal-Poplu taċ-Ċina (“iċ-Ċina”) (“id-dazju estiż”) bħala riżultat tal-estensjoni tad-dazju anti-dumping impost fuq l-importazzjonijiet ta’ roti li joriġinaw miċ-Ċina permezz tar-Regolament (KE) Nru 71/97.

(2)

Skont l-Artikolu 3 tar-Regolament (KE) Nru 71/97, il-Kummissjoni għandha s-setgħa tadotta l-miżuri meħtieġa biex tawtorizza l-eżenzjoni tal-importazzjonijiet ta’ partijiet essenzjali tar-rota li ma jevitawx id-dazju anti-dumping.

(3)

Dawn il-miżuri ta’ implimentazzjoni huma stabbiliti fir-Regolament (KE) Nru 88/97 (“ir-Regolament ta’ eżenzjoni”), kif emendat, li jistabbilixxi s-sistema ta’ eżenzjoni speċifika.

(4)

Fuq din il-bażi, il-Kummissjoni eżentat għadd ta’ assemblaturi tar-rota mid-dazju estiż (“il-partijiet eżentati”).

(5)

Permezz tar-Regolament ta’ Implimentazzjoni (UE) 2023/611 (5), il-Kummissjoni ppubblikat f’Il-Ġurnal Uffiċjali tal-Unjoni Ewropea l-lista tal-partijiet li qegħdin jiġu eżaminati u l-lista aġġornata tal-partijiet eżentati.

(6)

Kif previst fl-Artikolu 16(2) tar-Regolament ta’ eżenzjoni, il-Kummissjoni ppubblikat f’Il-Ġurnal Uffiċjali tal-Unjoni Ewropea listi sussegwenti tal-partijiet eżentati. Id-Deċiżjoni ta’ Implimentazzjoni tal-Kummissjoni (UE) 2024/1279 (6) l-aktar reċenti dwar l-eżenzjonijiet skont ir-Regolament ta’ eżenzjoni ġiet adottata fit-8 ta’ Mejju 2024.

(7)

Għall-finijiet ta’ din id-Deċiżjoni, japplikaw id-definizzjonijiet stabbiliti fl-Artikolu 1 tar-Regolament ta’ eżenzjoni.

1.   TALBIET GĦAL EŻENZJONI

(8)

Bejn il-21 ta’ April 2023 u t-23 ta’ Awwissu 2024, il-Kummissjoni rċeviet mingħand il-partijiet elenkati fit-Tabelli 1 u 2, talbiet għal eżenzjoni bl-informazzjoni meħtieġa sabiex tiddetermina jekk dawn it-talbiet kinux ammissibbli f’konformità mal-Artikolu 4 tar-Regolament ta’ eżenzjoni.

(9)

Il-partijiet li talbu eżenzjoni ngħataw il-possibbiltà li jikkummentaw dwar il-konklużjonijiet tal-Kummissjoni rigward l-ammissibbiltà tat-talbiet tagħhom.

(10)

F’konformità mal-Artikolu 5(1) tar-Regolament ta’ eżenzjoni, sakemm tittieħed deċiżjoni dwar il-merti tat-talbiet mill-partijiet li qegħdin jitolbu eżenzjoni, il-pagament tad-dazju estiż fir-rigward ta’ kull importazzjoni ta’ partijiet essenzjali tar-rota ddikjarati għaċ-ċirkolazzjoni libera minn dawn il-partijiet elenkati fit-Tabelli 1 u 2 ta’ hawn taħt ġie sospiż minn dakinhar li l-Kummissjoni rċeviet it-talbiet debitament sostanzjati rispettivi tagħhom skont l-Artikolu 4(1) u (2) tar-Regolament ta’ eżenzjoni.

2.   AWTORIZZAZZJONI TA’ EŻENZJONI

(11)

Ġie konkluż l-eżami tal-merti tat-talba tal-partijiet elenkati fit-Tabella 1.

Tabella 1

Kodiċi addizzjonali TARIC

Isem

Indirizz

899I

Adrisport SAS

7 Z.A. de Bellevue

56390 Colpo - Franza

899M

Delta Sport Sp. z o.o.

Strzała, ul. Zamiejska 17

08-199 Siedlce - il-Polonja

(12)

Matul l-eżami tagħha, il-Kummissjoni stabbiliet li l-valur tal-partijiet li joriġinaw miċ-Ċina kkostitwixxa anqas minn 60 % tal-valur totali tal-partijiet tar-roti kollha assemblati mill-partijiet elenkati fit-Tabella 1.

(13)

Konsegwentement, il-Kummissjoni kkonkludiet li l-operazzjonijiet tal-assemblaġġ tal-partijiet elenkati fit-Tabella 1 jaqgħu barra mill-kamp ta’ applikazzjoni tal-Artikolu 13(2) tar-Regolament (UE) 2016/1036.

(14)

Għal din ir-raġuni, u f’konformità mal-Artikolu 7(1) tar-Regolament ta’ eżenzjoni, il-partijiet elenkati fit-Tabella 1 issodisfaw il-kundizzjonijiet għall-eżenzjoni mid-dazju estiż.

(15)

F’konformità mal-Artikolu 7(2) tar-Regolament ta’ eżenzjoni, jenħtieġ li l-eżenzjoni ssir effettiva mid-data li fiha tiġi riċevuta t-talba li tkun debitament sostanzjata skont l-Artikolu 4(1) u (2) tar-Regolament ta’ eżenzjoni. Id-dejn doganali fir-rigward tad-dazju estiż mill-parti li qiegħda titlob eżenzjoni jenħtieġ li, għalhekk, jitqies null mill-istess data.

(16)

Il-partijiet interessati ġew infurmati bil-konklużjonijiet tal-Kummissjoni dwar il-merti tat-talbiet tagħhom rispettivament u ngħataw opportunità biex jikkummentaw dwarhom. Ma ġie riċevut l-ebda kumment.

(17)

Peress li l-eżenzjoni tapplika biss għall-partijiet speċifikament imsemmija fit-Tabella 1, jenħtieġ li l-partijiet eżentati jinnotifikaw lill-Kummissjoni (7) mingħajr dewmien b’kull bidla għal din l-eżenzjoni (pereżempju, wara li jinbidel l-isem, il-forma ġuridika jew l-indirizz jew wara li jiġu stabbiliti entitajiet ġodda tal-assemblaġġ).

(18)

F’każ li r-referenza tinbidel, jenħtieġ li l-parti eżentata tipprovdi l-informazzjoni rilevanti, inkluż dwar kull modifika fl-attività tagħha marbuta ma’ operazzjonijiet tal-assemblaġġ. Fejn xieraq, il-Kummissjoni se taġġorna r-referenzi għal tali parti.

3.   SOSPENSJONI TAL-PAGAMENTI TAD-DAZJI GĦALL-PARTIJIET LI QEGĦDIN JIĠU EŻAMINATI

(19)

L-eżami tal-merti tat-talbiet mill-partijiet elenkati fit-Tabella 2 għadu għaddej. Sakemm tittieħed deċiżjoni dwar il-merti tat-talbiet tagħhom, il-pagament tad-dazju estiż minn dawn il-partijiet huwa sospiż.

(20)

Billi s-sospensjonijiet japplikaw biss għall-partijiet speċifikament imsemmija fit-Tabella 2, jenħtieġ li dawn il-partijiet jinnotifikaw lill-Kummissjoni (8) mingħajr dewmien b’kull bidla fihom (pereżempju wara bidla fl-isem, fil-forma ġuridika jew fl-indirizz jew wara li jiġu stabbiliti entitajiet ġodda tal-assemblaġġ).

(21)

F’każ ta’ bidla fir-referenza, jenħtieġ li l-parti kkonċernata tipprovdi l-informazzjoni rilevanti kollha, inkluż dwar kull modifika fl-attivitajiet tagħha marbuta ma’ operazzjonijiet tal-assemblaġġ. Fejn xieraq, il-Kummissjoni se taġġorna r-referenzi ta’ tali parti.

Tabella 2

Kodiċi addizzjonali TARIC

Isem

Indirizz

89AZ

New Cycle GmbH

An der Schmiede 4, 26135 Oldenburg - il-Ġermanja

8031

PROWEN BIKES S.L.

Poligono Industrial La Viñuela, 55 (14900-Lucena) Córdoba - Spanja

4.   AĠĠORNAMENT TAR-REFERENZI GĦALL-PARTIJIET EŻENTATI

(22)

Bejn il-15 ta’ Marzu 2024 u t-30 ta’ Ottubru 2024, il-partijiet eżentati elenkati fit-Tabella 3 nnotifikaw lill-Kummissjoni bil-bidliet f’isimhom u/jew fl-indirizzi tagħhom. Il-Kummissjoni, wara li eżaminat l-informazzjoni ppreżentata, ikkonkludiet li dawn il-bidliet bl-ebda mod ma jaffettwaw l-operazzjonijiet tal-assemblaġġ fir-rigward tal-kundizzjonijiet ta’ eżenzjoni jew sospensjoni stabbiliti fir-Regolament ta’ eżenzjoni.

(23)

Filwaqt li l-eżenzjoni ta’ dawn il-partijiet mid-dazju estiż awtorizzata f’konformità mal-Artikolu 7(1) tar-Regolament ta’ eżenzjoni tibqa’ mhux affettwata, ir-referenzi għal dawn il-partijiet jenħtieġ li jiġu aġġornati.

Tabella 3

Kodiċi addizzjonali TARIC

Referenza preċedenti

Bidla

A221

GTA My Bicycle S.A.S.

Via Borgo Rossi 22, IT-35028 Piove di Sacco (PD)

L-isem u l-indirizz ta’ din il-parti eżentata nbidlu għal:

GTA MY BICYCLE s.r.l

Via Galileo Galilei, 11 - 35020 Codevigo (PD) - l-Italja

C012

F.lli Masciaghi S.p.a.

Via Gramsci 10, IT - 20900 Monza (MB)

L-isem ta’ din il-parti eżentata nbidel għal:

F.lli Masciaghi S.r.l.

C481

FJ Bikes Europe Unipessoal, Lda

Parque Empresarial do Casarão,

Avenida das Ferragens 579,

3750-860 Borralha, Águeda - il-Portugall

L-isem ta’ din il-parti eżentata nbidel għal:

FJ Bikes Europe, S.A.

B960

In Cycles - Montagem e Comércio de Bicicletas Lda

Zona Industrial De Barrô Norte/Sul, N.° 976, Fracçao

A/B e D, AP. 52, 3750-353 Barrô - Águeda, PT

L-indirizz ta’ din il-parti eżentata nbidel għal:

Parque Empresarial Levipor EN 1

3780-394 Malaposta-Anadia - il-Portugall

5.   PARTIJIET LI GĦALIHOM L-AWTORIZZAZZJONI TA’ EŻENZJONI HIJA REVOKATA

(24)

L-awtorizzazzjoni ta’ eżenzjoni jenħtieġ li tiġi revokata għall-parti elenkata fit-Tabella 4.

Tabella 4

Kodiċi addizzjonali TARIC

Isem

Indirizz

A970

Sintema Sport S.R.L.

Via delle Valli 7

20847 Albiate (MB) - l-Italja

(25)

Skont informazzjoni disponibbli għall-pubbliku, fil-11 ta’ April 2018 il-Qorti Taljana rilevanti ddikjarat lil Sintema Sport srl falluta. Għalhekk, il-kumpanija waqqfet l-attivitajiet tagħha.

(26)

Minħabba f’hekk, il-Kummissjoni kkonkludiet li l-awtorizzazzjoni ta’ eżenzjoni mogħtija lill-partijiet elenkati fit-Tabella 4 jenħtieġ li tiġi revokata, skont l-Artikolu 10 tar-Regolament ta’ eżenzjoni.

(27)

Il-parti elenkata fit-Tabella 4 ġiet informata dwar il-konklużjonijiet tal-Kummissjoni u ngħatat l-opportunità tikkummenta dwarhom. Ma wasal l-ebda kumment,

ADOTTAT DIN ID-DEĊIŻJONI:

Artikolu 1

Il-partijiet elenkati fit-Tabella f’dan l-Artikolu huma b’dan eżentati mill-estensjoni permezz tar-Regolament (KE) Nru 71/97 tad-dazju anti-dumping definittiv fuq roti li joriġinaw mir-Repubblika tal-Poplu taċ-Ċina impost permezz tar-Regolament tal-Kunsill (KEE) Nru 2474/93 (9) fuq l-importazzjonijiet ta’ ċerti partijiet tar-roti mir-Repubblika tal-Poplu taċ-Ċina.

F’konformità mal-Artikolu 7(2) tar-Regolament (KE) Nru 88/97, kif emendat, l-eżenzjoni għandha ssir effettiva mid-data li fiha tiġi riċevuta t-talba għal eżenzjoni rispettiva tal-partijiet. Dawn id-dati huma previsti fil-kolonna tat-Tabella intitolata “Data effettiva”.

L-eżenzjoni għandha tapplika biss għall-partijiet speċifikament imsemmija fit-Tabella f’dan l-Artikolu.

Il-partijiet eżentati għandhom jinnotifikaw lill-Kummissjoni mingħajr dewmien b’kull bidla fl-isem u fl-indirizz tagħhom, filwaqt li jipprovdu l-informazzjoni rilevanti kollha, partikolarment dwar kull modifika fl-attivitajiet tal-partijiet marbuta mal-operazzjonijiet tal-assemblaġġ fir-rigward tal-kundizzjonijiet ta’ eżenzjoni.

Partijiet eżentati

Kodiċi addizzjonali TARIC

Isem

Indirizz

Data effettiva

899I

Adrisport SAS

7 Z.A. de Bellevue

56390 Colpo - Franza

21.4.2023

899M

Delta Sport Sp. z o.o.

Strzała, ul. Zamiejska 17

08-199 Siedlce - il-Polonja

22.5.2023

Artikolu 2

Il-partijiet elenkati fit-Tabella f’dan l-Artikolu qegħdin jiġu eżaminati f’konformità mal-Artikolu 6 tar-Regolament (KE) Nru 88/97.

Is-sospensjonijiet tal-pagament tad-dazju anti-dumping estiż f’konformità mal-Artikolu 5 tar-Regolament (KE) Nru 88/97 għandhom isiru effettivi mid-dati li fihom jiġu riċevuti t-talbiet għas-sospensjoni rispettivi tal-partijiet. Dawn id-dati huma previsti fil-kolonna tat-Tabella intitolata “Data effettiva”.

Dawn is-sospensjonijiet tal-pagamenti għandhom japplikaw biss għall-partijiet li qegħdin jiġu eżaminati speċifikament imsemmija fit-Tabella f’dan l-Artikolu.

Il-partijiet li qegħdin jiġu eżaminati għandhom jinnotifikaw lill-Kummissjoni mingħajr dewmien b’kull bidla fl-operazzjonijiet tal-assemblaġġ tagħhom marbuta mal-kundizzjonijiet ta’ sospensjoni u għandhom jipprovdu lill-Kummissjoni l-informazzjoni rilevanti kollha bħala evidenza. Dawn il-bidliet jinkludu kwalunkwe bidla fl-ismijiet, fl-attivitajiet, fil-forom ġuridiċi, u fl-indirizzi tal-partijiet, iżda mhumiex limitati biss għalihom.

Il-partijiet li qegħdin jiġu eżaminati

Kodiċi addizzjonali TARIC

Isem

Indirizz

Data effettiva

89AZ

New Cycle GmbH

An der Schmiede 4, 26135 Oldenburg - il-Ġermanja

5.4.2024

8031

PROWEN BIKES S.L.

Poligono Industrial La Viñuela, 55 (14900-Lucena) Córdoba - Spanja

23.8.2024

Artikolu 3

Ir-referenzi aġġornati għall-partijiet eżentati elenkati fit-Tabella f’dan l-Artikolu huma previsti fil-kolonna intitolata “Referenza ġdida”. Dawn l-aġġornamenti għandhom jidħlu fis-seħħ fid-dati previsti fil-kolonna tat-Tabella intitolata “Data effettiva”.

Il-kodiċijiet addizzjonali TARIC korrispondenti li qabel kienu attribwiti għal dawk il-partijiet eżentati kif previst fil-kolonna tat-Tabella intitolata “Kodiċi addizzjonali TARIC” jibqgħu l-istess.

Partijiet eżentati li għalihom għandha tiġi aġġornata r-referenza

Kodiċi addizzjonali TARIC

Referenza preċedenti

Referenza ġdida

Data effettiva

A221

GTA My Bicycle S.A.S.

Via Borgo Rossi 22, IT-35028 Piove di Sacco (PD)

GTA MY BICYCLE s.r.l

Via Galileo Galilei, 11 - 35020 Codevigo (PD) - l-Italja

13.9.2024

C012

F.lli Masciaghi S.p.a.

Via Gramsci 10, IT - 20900 Monza (MB)

F.lli Masciaghi S.r.l.

Via Gramsci 10,

20900 Monza (MB) - l-Italja

3.2.2024

C481

FJ Bikes Europe Unipessoal, Lda

Parque Empresarial do Casarão,

Avenida das Ferragens 579,

3750-860 Borralha, Águeda - il-Portugall

FJ Bikes Europe, S.A.

Parque Empresarial do Casarão,

Avenida das Ferragens 579,

3750-860 Borralha, Águeda - il-Portugall

29.4.2024

B960

In Cycles - Montagem e Comércio de Bicicletas Lda

Zona Industrial De Barrô Norte/Sul, N.° 976, Fracçao

A/B e D, AP. 52, 3750-353 Barrô - Águeda, PT

In Cycles - Montagem e Comércio de Bicicletas Lda

Parque Empresarial Levipor EN 1

3780-394 Malaposta-Anadia - il-Portugall

30.10.2024

Artikolu 4

L-awtorizzazzjoni ta’ eżenzjoni mill-pagament tad-dazju anti-dumping estiż hija b’dan revokata għall-partijiet elenkati fit-Tabella f’dan l-Artikolu.

Ir-revoka għandha ssir effettiva mid-dati previsti fil-kolonna tat-Tabella intitolata “Data effettiva”.

Partijiet li għalihom l-awtorizzazzjoni ta’ eżenzjoni hija revokata

Kodiċi addizzjonali TARIC

Isem

Indirizz

Data effettiva

A970

Sintema Sport S.R.L.

Via delle Valli 7

20847 Albiate (MB) – l-Italja

11.4.2018

Artikolu 5

Din id-Deċiżjoni hija indirizzata lill-Istati Membri u lill-partijiet elenkati fl-Artikoli 1 sa 4 u ppubblikata f’Il-Ġurnal Uffiċjali tal-Unjoni Ewropea.

Magħmul fi Brussell, it-23 ta’ Jannar 2025.

Għall-Kummissjoni

Maroš ŠEFČOVIČ

Membru tal-Kummissjoni


(1)   ĠU L 176, 30.6.2016, p. 21, ELI: http://data.europa.eu/eli/reg/2016/1036/oj.

(2)   ĠU L 16, 18.1.1997, p. 55, ELI: http://data.europa.eu/eli/reg/1997/71/oj. .

(3)   ĠU L 16, 21.1.2020, p. 7, ELI: http://data.europa.eu/eli/reg_impl/2020/45/oj.

(4)   ĠU L 17, 21.1.1997, p. 17, ELI: http://data.europa.eu/eli/reg/1997/88/oj.

(5)  Ir-Regolament ta’ Implimentazzjoni tal-Kummissjoni (UE) 2023/611 tas-17 ta’ Marzu 2023 li jemenda r-Regolament (KE) Nru 88/97 dwar l-awtorizzazzjoni għall-eżenzjoni tal-importazzjoni ta’ wħud mill-partijiet tar-rota li joriġinaw mir-Repubblika Popolari taċ-Ċina mill-estensjoni tar-Regolament tal-Kunsill (KE) Nru 71/97 tad-dazju anti-dumping impost mir-Regolament tal-Kunsill (KEE) Nru 2474/93 (ĠU L 80, 20.3.2023, p. 67, ELI: http://data.europa.eu/eli/reg_impl/2023/611/oj), l-Anness I u l-Anness II.

(6)  Id-Deċiżjoni ta’ Implimentazzjoni tal-Kummissjoni(UE) 2024/1279 tat-8 ta’ Mejju 2024 dwar l-eżenzjonijiet mid-dazju anti-dumping estiż fuq ċerti partijiet tar-rota li joriġinaw mir-Repubblika tal-Poplu taċ-Ċina skont ir-Regolament (KE) Nru 88/97 (ĠU L, 2024/1279, 21.5.2024, ELI: http://data.europa.eu/eli/dec_impl/2024/1279/oj).

(7)  Il-partijiet huma avżati biex jużaw l-indirizz elettroniku li ġej: TRADE-BICYCLE-PARTS@ec.europa.eu.

(8)  Il-partijiet huma avżati biex jużaw l-indirizz elettroniku li ġej: TRADE-BICYCLE-PARTS@ec.europa.eu.

(9)  Ir-Regolament tal-Kunsill (KEE) Nru 2474/93 tat-8 ta' Settembru 1993 li jimponi dazju definittiv anti-dumping lejn il-Komunità ta' biċikletti li joriġinaw fir-Repubblika Popolari taċ-Ċina u jiġbor definittivament id-dazju proviżorju anti-dumping (ĠU L 228, 9.9.1993, p. 1, ELI: http://data.europa.eu/eli/reg/1993/2474/oj).


ELI: http://data.europa.eu/eli/dec_impl/2025/110/oj

ISSN 1977-074X (electronic edition)