|
17.2.2022 |
GA |
Iris Oifigiúil an Aontais Eorpaigh |
C 76/9 |
Réamhfhógra faoi chomhchruinniú
(Cás M.10404 — PHOENIX / MCKESSON)
(Téacs atá ábhartha maidir le LEE)
(2022/C 76/08)
1.
An 9 Feabhra 2022, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Phoenix Pharmahandel GmbH & Co KG (an Ghearmáin, dá ngairtear “Phoenix” anseo feasta) atá á rialú ag Phoenix Pharma SE, agus |
|
— |
McKesson Europe Holdings GmbH & Co. KGaA (an Ghearmáin, dá ngairtear “McKesson Europe” anseo feasta), a bhaineann le McKesson Corporation. |
Gheobhaidh Phoenix, de réir bhrí Airteagal 3(1)(b) den Rialachán um Chumaisc, rialú ar chodanna de McKesson Europe.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
Oibríonn Phoenix mar sholáthraí comhtháite cúraim sláinte sa Ghearmáin agus i dtíortha Eorpacha eile. Is é príomhghnó Phoenix, earraí cógaisíochta a dháileadh i miondíol agus i mórdhíol cógaisíochta, |
|
— |
Comhlacht cógaisíochta mórdhíola agus miondíola a chuireann lóistíocht agus seirbhísí ar fáil in earnáil an chúraim sláinte is ea McKesson Europe. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10404 — PHOENIX / MCKESSON
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála seo thíos:
Ríomhphost: COMP-MERGER-REGISTRY@ec.europa.eu
Facs +32 22964301
Seoladh poist:
|
an Coimisiún Eorpach |
|
Ard-Stiúrthóireacht na hIomaíochta |
|
Clárlann na gCumasc |
|
1049 An Bhruiséil |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).