1.   Il-Konfederazzjoni Żvizzera għandha tassoċja ruħha ma’ l-Azzjoni Konġunta 2008/124/PESK ta’ l-4 ta’ Frar 2008 dwar il-Missjoni ta’ l-Unjoni Ewropea għall-Istat tad-Dritt fil-Kosovo, EULEX KOSOVO (minn issa ’l quddiem “EULEX KOSOVO”), u ma’ kwalunkwe Azzjoni Konġunta jew Deċiżjoni li permezz tagħhom il-Kunsill ta’ l-Unjoni Ewropea jiddeċiedi li jestendi l-EULEX KOSOVO, skond id-dispożizzjonijiet ta’ dan il-Ftehim u kwalunkwe arranġament implimentattiv meħtieġ.

2.   Il-kontribut tal-Konfederazzjoni Żvizzera lill-EULEX KOSOVO hu mingħajr preġudizzju għall-awtonomija tat-teħid ta’ deċiżjonijiet ta’ l-Unjoni Ewropea.

3.   Il-Konfederazzjoni Żvizzera għandha tiżgura li l-persunal tagħha jipparteċipa fl-EULEX KOSOVO jwettaq il-missjoni tiegħu b’konformità ma’:

4.   Il-persunal sekondat lill-EULEX KOSOVO mill-Konfederazzjoni Żvizzera għandu jwettaq id-doveri tiegħu u jġib ruħu biss bil-ħsieb ta’ l-interess ta’ l-EULEX KOSOVO.

5.   Il-Konfederazzjoni Żvizzera għandha tinforma fi żmien debitu lill-Kmandant ta’ l-Operazzjoni Ċivili u lill-Kap tal-Missjoni ta’ l-EULEX KOSOVO (minn issa ’l quddiem “Kap tal-Missjoni”) bi kwalunkwe bidla fil-kontribut tagħha lill-EULEX KOSOVO.

6.   Persunal sekondat lill-EULEX KOSOVO għandu jagħmel eżami mediku, jitlaqqam u jkun ċertifikat medikament b’saħħtu għax-xogħol minn awtorità kompetenti mill-Konfederazzjoni Żvizzera. Il-persunal sekondat lill-EULEX KOSOVO għandu jipproduċi kopja ta’ din iċ-ċertifikazzjoni.

1.   L-istatus tal-persunal ikkontribwit lill-EULEX KOSOVO mill-Konfederazzjoni Żvizzera għandu jkun irregolat mid-dispożizzjonijiet dwar l-istatus tal-missjoni, kif previst fl-Artikolu 10,1 ta’ l-Azzjoni Konġunta 2008/124/PESK ta’ l-4 ta’ Frar dwar il-Missjoni ta’ l-Unjoni Ewropea għall-Istat tad-Dritt fil-Kosovo, EULEX KOSOVO.

2.   L-istatus tal-persunal ikkontribwit lill-kwartieri ġenerali jew lill-elementi tal-kmand li jinsabu ’l barra mill-KOSOVO għandhom ikunu rregolati b’arranġamenti bejn il-kwartieri ġenerali u l-elementi tal-kmand ikkonċernati u l-Konfederazzjoni Żvizzera.

3.   Mingħajr preġudizzju għall-ftehim dwar l-istatus tal-missjoni msemmi fil-paragrafu 1 ta’ dan l-Artikolu, jekk disponibbli, il-Konfederazzjoni Żvizzera għandha teżerċita ġurisdizzjoni fuq il-persunal tagħha li jkun qed jipparteċipa fl-EULEX KOSOVO.

4.   Il-Konfederazzjoni Żvizzera għandha tkun responsabbli biex twieġeb kwalunkwe talba, minn jew li tikkonċerna kwalunkwe membru tal-persunal tagħha, marbuta mal-parteċipazzjoni fl-EULEX KOSOVO. Il-Konfederazzjoni Żvizzera għandha tkun responsabbli li tressaq kwalunkwe azzjoni, b’mod partikolari legali jew dixxiplinarja, kontra kwalunkwe membru tal-persunal tagħha, skond il-liġijiet u r-regolamenti tagħha.

5.   Il-Konfederazzjoni Żvizzera timpenja ruħha li tagħmel dikjarazzjoni fir-rigward tar-rinunzja ta’ pretensjonijiet kontra kwalunkwe Stat parteċipanti fl-EULEX KOSOVO, u li tagħmel dan meta tkun qed tiffirma dan il-Ftehim. Mudell għal tali dikjarazzjoni huwa anness ma’ dan il-Ftehim.

6.   L-Istati Membri ta’ l-Unjoni Ewropea jintrabtu li jagħmlu dikjarazzjoni fir-rigward tar-rinunzja ta’ pretensjonijiet, għall-parteċipazzjoni tal-Konfederazzjoni Żvizzera fl-EULEX KOSOVO, u li jagħmlu dan meta jiffirmaw dan il-Ftehim. Mudell għal tali dikjarazzjoni huwa anness ma’ dan il-Ftehim.

1.   Il-Konfederazzjoni Żvizzera għandha tieħu miżuri xierqa biex tiżgura li l-informazzjoni klassifikata ta’ l-UE tkun protetta skond ir-Regolamenti ta’ Sigurtà tal-Kunsill ta’ l-Unjoni Ewropea, li jinsabu fid-Deċiżjoni tal-Kunsill 2001/264/KE tad-19 ta’ Marzu 2001, u skond gwida oħra maħruġa minn awtoritajiet kompetenti, inkluż il-Kap tal-Missjoni.

2.   Fejn l-UE u l-Konfederazzjoni Żvizzera jkunu kkonkludew Ftehim dwar Proċeduri ta’ Sigurtà għall-Iskambju ta’ Informazzjoni Klassifikata, id-dispożizzjonijiet ta’ tali ftehim għandhom japplikaw fil-kuntest ta’ l-EULEX KOSOVO.

1.   Il-persunal kollu li jipparteċipa fl-EULEX KOSOVO għandu jibqa’ taħt il-kmand sħiħ ta’ l-awtoritajiet nazzjonali tiegħu.

2.   L-awtoritajiet nazzjonali għandhom jittrasferixxu l-kontroll operattiv lill-Kmandant ta’ l-Operazzjonijiet Ċivili, li għandu jeżerċita kmand u kontroll fil-livell strateġiku.

3.   Il-Kap tal-Missjoni għandu jassumi r-responsabbiltà u jeżerċita kmand u kontroll ta’ l-EULEX KOSOVO fuq il-post ta’ l-operazzjoni.

4.   Il-Kap tal-Missjoni għandu jeżerċita kmand u kontroll fuq il-persunal, gruppi u unitajiet ta’ l-Istati kontribwenti kif inkarigat mill-Kmandant ta’ l-Operazzjoni Ċivili flimkien mar-responsabbiltà amministrattiva u loġistika inkluż fuq l-assi, ir-riżorsi u l-informazzjoni għad-dispożizzjoni ta’ l-EULEX KOSOVO.

5.   Il-Konfederazzjoni Żvizzera għandu jkollha l-istess drittijiet u obbligi f’termini ta’ l-immaniġgjar ta’ kuljum ta’ l-operazzjoni bħall-Istati Membri parteċipanti ta’ l-Unjoni Ewropea li qed jieħdu sehem fl-operazzjoni, skond l-istrumenti legali msemmijin fl-Artikolu 1, il-paragrafu 1, ta’ dan il-Ftehim.

6.   Il-Kap tal-Missjoni għandu jkun responsabbli għall-kontroll dixxiplinarju fuq il-persunal ta’ l-EULEX KOSOVO. Meta jkun meħtieġ, azzjoni dixxiplinarja għandha tittieħed mill-awtorità nazzjonali kkonċernata.

7.   Għandu jinħatar Mexxej tal-Kontinġent Nazzjonali (NCL) mill-Konfederazzjoni Żvizzera biex jirrappreżenta l-kontinġent nazzjonali tagħha fl-EULEX KOSOVO. L-NCL għandu jirrapporta lill-Kap tal-Missjoni dwar kwistjonijiet nazzjonali u għandu jkun responsabbli għad-dixxiplina ta’ kuljum tal-kontinġent.

8.   Id-deċiżjoni biex tintemm l-operazzjoni għandha tittieħed mill-Unjoni Ewropea, wara konsultazzjoni mal-Konfederazzjoni Żvizzera, sakemm il-Konfederazzjoni Żvizzera tkun għadha qed tikkontribwixxi għall-EULEX KOSOVO fid-data tat-tmiem ta’ l-operazzjoni.

1.   Il-Konfederazzjoni Żvizzera għandha tassumi l-ispejjeż kollha assoċjati mal-parteċipazzjoni tagħha fl-operazzjoni minbarra l-ispejjeż li huma soġġetti għal finanzjament komuni, kif stabbilit fil-baġit operattiv ta’ l-operazzjoni.

2.   F’każ ta’ mewt, korriment, telf jew ħsara lill-popolazzjoni lokali jew lill-persuni ġuridiċi fejn titwettaq l-operazzjoni, il-Konfederazzjoni Żvizzera għandha, meta r-responsabbiltà tagħha tkun ġiet stabbilita, tħallas kumpens skond il-kondizzjonijiet previsti fil-ftehim dwar l-istatus tal-missjoni, jekk disponibbli, kif imsemmi fl-Artikolu 2 (1) ta’ dan il-Ftehim.

1.   Dan il-Ftehim għandu jidħol fis-seħħ fl-ewwel jum ta’ l-ewwel xahar wara li l-Partijiet ikunu notifikaw lil xulxin bit-tlestija tal-proċeduri interni meħtieġa għal dan il-għan.

2.   Dan il-Ftehim għandu jiġi applikat b’mod proviżorju mid-data tal-firma.

3.   Dan il-Ftehim għandu jibqa’ fis-seħħ sakemm idum il-kontribut tal-Konfederazzjoni Żvizzera lill-operazzjoni.