|
16.2.2023 |
GA |
Iris Oifigiúil an Aontais Eorpaigh |
C 57/5 |
ACHOIMRE AR AN GCINNEADH ÓN GCOIMISIÚN
an 12 Iúil 2022
A bhaineann le himeacht faoi airteagal 101 den chonradh ar fheidhmiú an aontais eorpaigh
(Cás AT.40522-METAL PACKAGING)
(A bhfuil fógra tugtha ina leith faoi uimhir dhoiciméid C(2022)4761 final
(Is ag an téacs sa bhéarla a bheidh an t-údarás agus aige sin amháin)
(2023/C 57/04)
An 12 Iúil 2022 ghlac an Coimisiún cinneadh a bhaineann le nós imeachta faoi Airteagal 101 den Chonradh ar Fheidhmiú an Aontais Eorpaigh. I gcomhréir le forálacha Airteagal 30 de Rialachán (CE) Uimh. 1/2003 (1) ón gComhairle, foilsíonn an Coimisiún anseo ainmneacha na bpáirtithe agus príomhábhar an chinnidh, lena n-áirítear aon phionós a fhorchuirtear, ag féachaint do leas dlisteanach na ngnóthas i leith a rúin ghnó a chosaint.
1. RÉAMHRÁ
|
(1) |
An 12 Iúil 2022, ghlac an Coimisiún Cinneadh inar thángthas ar an gconclúid gur ghlac seolaithe an Chinnidh seo páirt i sárú leanúnach aonair ar Airteagal 101 den Chonradh ar Fheidhmiú an Aontais Eorpaigh (“an Conradh”) in earnáil na pacáistíochta miotail sa Ghearmáin a mhair ón 11 Márta 2011 go dtí an 18 Meán Fómhair 2014. |
|
(2) |
Is ar na heintitis dhlítheanacha seo a leanas a díríodh an Cinneadh:
|
|
(3) |
Tagraítear freisin do na gnóthais atá i gceist sa chás seo mar na “páirtithe” nó, ar bhonn aonair, “páirtí”. |
2. TUAIRISC AR AN gCÁS
2.1. Nós imeachta
|
(4) |
Rinne an Coimisiún imscrúdú ar an gcás arna iarraidh sin don Bundeskartellamt, Údarás Iomaíochta na Gearmáine. |
|
(5) |
In mí Aibreáin 2018, rinne an Coimisiún cigireachtaí gan fhógra agus chuir sé tús le himeachtaí in aghaidh Crown agus Silgan de bhun Airteagal 2(1) de Rialachán (CE) Uimh. 773/2004. Le Cinneadh a glacadh an 1 Deireadh Fómhair 2021, cuireadh deireadh leis na himeachtaí maidir le críocha uile LEE, cé is moite den Ghearmáin. |
|
(6) |
Chuir Crown iarratas ar thrócaire isteach agus chomhoibrigh sé leis an gCoimisiún faoin bhFógra Trócaire. |
|
(7) |
Ina dhiaidh sin, chuir Crown agus Siligan iarratais fhoirmiúla ar shocraíocht an cháis isteach chuig an gCoimisiún de bhun Airteagal 10a(2) de Rialachán (CE) Uimh. 773/2004. Ina n-aighneachtaí socraíochta, d’admhaigh gach páirtí a dhliteanas i leith an tsáraithe agus thug siad le fios uasmhéid na fíneála a mheasann siad go bhforchuirfidh an Coimisiún í, agus a nglacfadh sé léi faoi chuimsiú nós imeachta um réiteach. |
|
(8) |
An 19 Bealtaine 2022, d’eisigh an Coimisiún ráiteas agóidí a díríodh ar na páirtithe, agus thug siad freagra ar an ráiteas agóidí trína dheimhniú go léiríonn na fíorais agus an measúnú dlíthiúil ar an sárú mar a leagtar amach sa Chinneadh inneachar a n-aighneachtaí maidir le réiteach agus go raibh siad tiomanta i gcónaí an nós imeachta um réiteach a leanúint. |
|
(9) |
D’eisigh an Coiste Comhairleach um Chleachtais Srianta agus Riochtaí Ceannasacha tuairim fhabhrach an 5 Iúil 2022. An 8 Iúil 2022, d’eisigh an tOifigeach Éisteachta an tuarascáil chríochnaitheach uaidh. |
2.2. Achoimre ar an sárú
|
(10) |
Ba éard a bhí sa sárú
|
|
(11) |
Ba é aidhm fhoriomlán na malartuithe sin trédhearcacht níos fearr a chruthú i margadh na Gearmáine. Chuir na teagmhálacha seo ar a gcumas do na páirtithe sonraí mionsonraithe a fháil ar na méideanna díolacháin bliantúla is déanaí (i.e. iad siúd an bhliain roimhe sin) le haghaidh dúntóirí miotail maidir lena gcustaiméirí sa Ghearmáin sa bhliain roimhe sin, agus léargas a fháil ar roinnt coinníollacha trádála sa Ghearmáin maidir le cannaí miotail BPA-NI agus dúntóirí miotail BPA-NI do chustaiméirí sa Ghearmáin. I gcás dúntóirí miotail, leis na malartuithe faisnéise sin fuarthas réidh le neamhchinnteachtaí faoi bhonn custaiméirí an pháirtí eile agus a sholáthairtí dá chustaiméirí, agus i gcás cannaí miotail BPA-NI agus dúntóirí miotail BPA-NI faoi iompar tráchtála a chéile maidir le paraiméadair thrádála a bhí riachtanach sna himthosca ar mhargadh na Gearmáine. Ar an iomlán, bhí na páirtithe in ann a n-iompar margaidh agus a n-iarrachtaí iomaíocha a chur in oiriúint do mhargadh na Gearmáine le haghaidh cannaí miotail BPA-NI agus dúntóirí miotail atá brataithe le laicir atá saor ó BPA nó le laicir ina bhfuil BPA. |
|
(12) |
Ba éard a bhí san iompar sin cruinnithe, glaonna gutháin agus malartuithe ríomhphoist. |
|
(13) |
Bunaithe ar an bhfianaise sin, cuireadh tús le céim 1 den iompar an 11 Márta 2011 agus tháinig deireadh léi an 21 Márta 2014. Cuireadh tús le céim II den iompar an 18 Aibreán 2013 ar a dhéanaí agus tháinig deireadh léi an 18 Meán Fómhair 2014. Mar sin, mhair an t-iompar ón 11 Márta 2011 go dtí an 18 Meán Fómhair 2014. |
|
(14) |
De réir an chinnidh, na malartuithe faisnéise agus comhordú, is sárú aonair leanúnach iad ar Airteagal 101 den Chonradh agus tá cairtéal ann dá mbarr. |
|
(15) |
Baineann an t-iompar le dúntóirí miotail agus cannaí miotail BPA-NI a sholáthraítear do chustaiméirí sa Ghearmáin. Mar sin, is í an Ghearmáin raon feidhme geografach an iompair. |
|
(16) |
Rinne an dá chéim den sárú difear don iomaíocht idir an dá pháirtí ar chríoch iomlán Ballstáit, is í sin an Ghearmáin, ar cuid mhór den mhargadh inmheánach í. Dá bharr sin, d’fhéadfadh an sárú éifeacht shuntasach a bheith aige ar thrádáil idir na Ballstáit de réir bhrí Airteagal 101(1) den Chonradh. |
2.3. Seolaithe
|
(17) |
Maidir le rannpháirtíocht Crown san iompar, ba cheart na heintitis dhlítheanacha seo a leanas a bheith faoi dhliteanas i gcomhpháirt agus go leithleach:
|
|
(18) |
Maidir le rannpháirtíocht Siligan san iompar, ba cheart na heintitis dhlítheanacha seo a leanas a bheith faoi dhliteanas i gcomhpháirt agus go leithleach:
|
2.4. Leigheasanna
|
(19) |
Leis an gcinneadh cuirtear Treoirlínte 2006 maidir le Fíneálacha i bhfeidhm. |
2.4.1. Bunmhéid na fíneála
|
(20) |
Baineann an sárú le táirgí éagsúla, agus léirítear é sin sna luachanna díolacháin éagsúla a úsáidtear chun na fíneálacha a shocrú maidir le céim I agus céim II den sárú. I gcás an dá chéim den sárú, tá na fíneálacha bunaithe ar luach dhíolacháin na bpáirtithe a baineadh amach sa Ghearmáin in 2013, i.e. an bhliain ghnó iomlán dheireanach dá rannpháirtíocht sa sárú mar seo a leanas. |
|
(21) |
Maidir le céim I, is é luach ábhartha na ndíolachán chun an fhíneáil a ríomh luach na ndúntóirí miotail a dhíoltar le custaiméirí sa Ghearmáin in 2013. |
|
(22) |
Maidir le céim II, is é luach ábhartha na ndíolachán chun an fhíneáil a ríomh luach na ndúntóirí miotail agus na gcannaí miotail a dhíoltar le custaiméirí sa Ghearmáin in 2013. Ach, mar gheall ar imthosca sonracha an cháis seo, is iomchuí gan ach cion de na díolacháin sin a chur san áireamh chun na fíneálacha a ríomh. Baineann Céim II leis an aistriú ó dhúntóirí miotail agus cannaí miotail atá brataithe le laicir thraidisiúnta (iad siúd ina bhfuil BPA) go táirgí atá brataithe le laicir atá saor ó BPA. Le linn céim II den sárú, bhí díolachán dúntóirí miotail BPA-NI agus cannaí miotail BPA-NI ag fás de réir a chéile agus ba chéatadán teoranta iad de na dúntóirí miotail agus cannaí miotail BPA-NI a díoladh le custaiméirí sa Ghearmáin. Measann an Coimisiún go bhfuil […] % de luach na ndíolachán cannaí miotail in 2013, agus […] % de luach na ndíolachán dúntóirí miotail in 2013, ina n-athróga ionadacha iomchuí do luach ábhartha na ndíolachán i gcás chéim II. |
|
(23) |
Tá cairtéal, de réir a nádúir, ar na srianta iomaíochta is díobhálaí. Is iondúil go n-éilíonn cairtéil céatadán tosaigh de 15 % ar a laghad. Thairis sin, cuireann an Coimisiún san áireamh gur cairtéal ilghnéitheach a bhí ann. Is é 16 % cion de luach na ndíolachán atá le cur san áireamh. |
|
(24) |
I gcás chéim I, is é 1 107 lá (iolraitheoir 3.03) an fad atá le cur san áireamh. I gcás chéim II, is mar a leanas an fad agus na hiolraitheoirí ábhartha:
|
|
(25) |
Cuireann an Coimisiún céatadán 16 % de luach na ndíolachán i bhfeidhm chun an méid breise a ríomh (“táille iontrála”). |
2.4.2. Coigeartuithe ar an mbunmhéid
|
(26) |
Níor suíodh aon imthoisc ghéaraitheach ná mhaolaitheach sa chás seo. |
2.4.3. An teorainn láimhdeachais 10 % a chur i bhfeidhm
|
(27) |
Aon cheann de na fíneálacha arna ríomh d’aon cheann de na páirtithe, ní mó iad ná 10 % de láimhdeachas iomlán an ghnóthais in 2021. |
2.4.4. Fógra Trócaire 2006 a chur i bhfeidhm: fíneálacha a laghdú
|
(28) |
Ba é Crown an chéad ghnóthas a chuir fianaise nua thábhachtach ar fáil in éineacht lena iarratas trócaire, chomh maith le faisnéis chomhthacaíoch. Tugtar laghdú 50 % ar an bhfíneáil do Crown. |
2.4.5. Fógra Socraíochta a chur i bhfeidhm
|
(29) |
Agus an Fógra Socraíochta á chur i bhfeidhm, rinneadh laghdú breise 10 % ar mhéid na bhfíneálacha a gearradh ar gach páirtí. |
3. CONCLÚID
|
(30) |
Forchuireann an Coimisiún fíneáil EUR 7 670 000 ar Crown agus EUR 23 852 000 ar Siligan. |
(1) IO L 1, 4.1.2003, lch. 1. Rialachán arna leasú le Rialachán (CE) Uimh. 411/2004 (IO L 68, 6.3.2004, lch. 1).