|
18.12.2020 |
GA |
Iris Oifigiúil an Aontais Eorpaigh |
L 430/17 |
CINNEADH (AE) 2020/2138 ÓN gCOMHAIRLE
an 15 Nollaig 2020
maidir leis an seasamh atá le glacadh thar ceann an Aontais Eorpaigh sa Chomhchoiste a bunaíodh leis an gComhaontú um an gComhlimistéar Eitlíochta idir an tAontas Eorpach agus a Bhallstáit, de pháirt, agus an tSeoirsia, den pháirt eile, i dtaca le rialacha nóis imeachta an Chomhchoiste a ghlacadh
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 100(2) de i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Thug an tAontas an Comhaontú um an gComhlimistéar Eitlíochta idir an tAontas Eorpach agus a Bhallstáit, de pháirt, agus an tSeoirsia, den pháirt eile (1) (“an Comhaontú”) i gcrích trí bhíthin Chinneadh (AE) 2020/948 ón gComhairle (2) agus tháinig sé i bhfeidhm an 2 Lúnasa 2020. |
|
(2) |
Le hAirteagal 22 den Chomhaontú bunaítear Comhchoiste atá comhdhéanta d’ionadaithe de chuid na bPáirtithe (“an Comhchoiste”) chun riar agus cur chun feidhme cuí an Chomhaontaithe a áirithiú. |
|
(3) |
Foráiltear le hAirteagal 22(3) den Chomhaontú go bhfuil an Comhchoiste chun a rialacha nóis imeachta a ghlacadh. |
|
(4) |
Chun cur chun feidhme cuí an Chomhaontaithe a áirithiú, ba cheart rialacha nóis imeachta an Chomhchoiste a ghlacadh. |
|
(5) |
Is iomchuí an seasamh atá le glacadh thar ceann an Aontais sa chéad chruinniú den Chomhchoiste a bhunú, ós rud é gur cinneadh a mbeidh éifeachtaí dlíthiúla aige ar an Aontas a bheidh sa chinneadh ón gComhchoiste lena nglactar a rialacha nós imeachta. Ba cheart seasamh an Aontais sa Chomhchoiste a bhunú ar an Dréachtchinneadh ón gComhchoiste, |
TAR ÉIS AN CINNEADH SEO A GHLACADH:
Airteagal 1
1. Is ar an Dréachtchinneadh ón gComhchoiste (3) a bhunófar an seasamh atá le glacadh thar ceann an Aontais sa chéad chruinniú den Chomhchoiste a bunaíodh le hAirteagal 22 den Chomhaontú um an gComhlimistéar Eitlíochta idir an tAontas Eorpach agus a Bhallstáit, de pháirt, agus an tSeoirsia, den pháirt eile, i dtaca le rialacha nós imeachta an Chomhchoiste a ghlacadh.
2. Féadfaidh ionadaithe an Aontais sa Chomhchoiste mionathruithe ar an Dréachtchinneadh ón gComhchoiste a aontú gan cinneadh eile ón gComhairle.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 15 Nollaig 2020.
Thar ceann na Comhairle
An tUachtarán
J. KLOECKNER
(1) IO L 321, 20.11.2012, lch. 3.
(2) Cinneadh (AE) 2020/948 ón gComhairle an 26 Meitheamh 2020 maidir leis an gComhaontú um an gComhlimistéar Eitlíochta idir an tAontas Eorpach agus a Bhallstáit, de pháirt, agus an tSeoirsia, den pháirt eile, a thabhairt i gcrích thar ceann an Aontais (IO L 212, 3.7.2020, lch. 3).
(3) Féach doiciméad ST13385/20 ar http://register.consilium.europa.eu