|
14.4.2023 |
GA |
Iris Oifigiúil an Aontais Eorpaigh |
C 132/77 |
P9_TA(2022)0341
Staidreamh ar ionchur agus aschur talmhaíochta ***I
Rún reachtach ó Pharlaimint na hEorpa an 4 Deireadh Fómhair 2022 ar an togra le haghaidh rialachán ó Pharlaimint na hEorpa agus ón gComhairle maidir le staidreamh ar ionchur agus aschur talmhaíochta agus lena n-aisghairtear Rialachán (CE) Uimh. 1165/2008, Rialachán (CE) Uimh. 543/2009, Rialachán (CE) Uimh. 1185/2009 agus Treoir 96/16/CE ón gComhairle (COM(2021)0037 – C9-0009/2021 – 2021/0020(COD))
(An gnáthnós imeachta reachtach: an chéad léamh)
(2023/C 132/23)
Tá Parlaimint na hEorpa,
|
— |
ag féachaint don togra ón gCoimisiún chuig Parlaimint na hEorpa agus chuig an gComhairle (COM(2021)0037), |
|
— |
ag féachaint d’Airteagal 294(2) agus d’Airteagal 338(1) den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9-0009/2021), |
|
— |
ag féachaint d’Airteagal 294(3) den Chonradh ar Fheidhmiú an Aontais Eorpaigh, |
|
— |
ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 17 Meitheamh 2022 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh, |
|
— |
ag féachaint do Riail 59 dá Rialacha Nós Imeachta, |
|
— |
ag féachaint don tuarascáil ón gCoiste um Thalmhaíocht agus um Fhorbairt Tuaithe (A9-0285/2021), |
|
1. |
ag glacadh a seasaimh ar an gcéad léamh mar a leagtar amach ina dhiaidh seo é; |
|
2. |
ag formheas an ráitis chomhpháirtigh ó Pharlaimint na hEorpa agus ón gComhairle atá i gceangal leis an rún seo, a fhoilseofar i sraith C d’Iris Oifigiúil an Aontais Eorpaigh; |
|
3. |
ag cur sonrú sa ráiteas ón gCoimisiún atá i gceangal leis an rún seo, a fhoilseofar i sraith C d’Iris Oifigiúil an Aontais Eorpaigh; |
|
4. |
á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil; |
|
5. |
á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta. |
P9_TC1-COD(2021)0020
Seasamh ó Pharlaimint na hEorpa arna ghlacadh ar an gcéad léamh an 4 Deireadh Fómhair 2022 chun go nglacfaí Rialachán (AE) 2022/… ó Pharlaimint na hEorpa agus ón gComhairle maidir le staidreamh ar ionchur agus aschur talmhaíochta, lena leasaítear Rialachán (CE) Uimh. 617/2008 ón gCoimisiún agus lena n-aisghairtear Rialacháin (CE) Uimh. 1165/2008, (CE) Uimh. 543/2009 agus (CE) Uimh. 1185/2009 ó Pharlaimint na hEorpa agus ón gComhairle agus Treoir 96/16/CE ón gComhairle
(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Rialachán (AE) 2022/2379.)
IARSCRÍBHINN A GHABHANN LEIS AN RÚN REACHTACH
RÁITEAS COMHPHÁIRTEACH Ó PHARLAIMINT NA hEORPA AGUS ÓN gCOMHAIRLE MAIDIR LE RIALACHÁN (AE) 2022/2379, A MHÉID A BHAINEANN LENA THÁBHACHTAÍ ATÁ SÉ CLÁR A BHUNÚ I nGACH BALLSTÁT A BHEIDH I SEILBH NAnÚDARÁS NÁISIÚNTA INNIÚIL MAIDIR LE hÚSÁID TÁIRGÍ UM CHOSAINT PLANDAÍ SA TALMHAÍOCHT
Mar chuid den Chomhaontú Glas don Eoraip, leagtar béim sa Straitéis “Ón bhFeirm go dtí an Forc” agus sa Straitéis Bhithéagsúlachta ar an ngá atá le haistriú chuig córas bia inbhuanaithe, go háirithe trí úsáid agus riosca lotnaidicídí a laghdú 50 % faoi 2030 agus tríd an bhfeirmeoireacht orgánach agus gnéithe tírdhreacha ard-bhithéagsúlachta ar thalamh talmhaíochta a mhéadú.
Faoi Rialachán (AE) 2022/2379 ó Pharlaimint na hEorpa agus ón gComhairle (1) (SAIO), ní féidir bailiú iomlán sonraí maidir le húsáid táirgí um chosaint plandaí ag úsáideoirí gairmiúla i ngníomhaíocht talmhaíochta, arb ionann é agus 95 % den úsáid i ngach Ballstát, a bhaint amach ach amháin nuair is infheidhme faoi dhlí an Aontais ceanglas dlíthiúil a chur ar úsáideoirí gairmiúla táirgí um chosaint plandaí a dtaifid a tharchur i bhformáid leictreonach chuig údaráis náisiúnta inniúla.
Aithníonn Parlaimint na hEorpa agus an Chomhairle a thábhachtaí atá sé an ceanglas sin a thabhairt isteach i reachtaíocht an Aontais agus gealltanas a thabhairt go n-oibreoidh siad le chéile chun na críche sin.
RÁITEAS ÓN gCOIMISIÚN MAIDIR LE RIALACHÁN (AE) 2022/2379, MAIDIR LE hOBAIR LEANÚNACH CHUN A ÁIRITHIÚ GO mBEIDH FÁIL AR NA TAIFID ATÁ LE COINNEÁIL AG ÚSÁIDEOIRÍ GAIRMIÚLA TÁIRGÍ COSANTA PLANDAÍ I bhFORMÁID LEICTREONACH DE BHUN AIRTEAGAL 67(1) DE RIALACHÁN (CE) UIMH. 1107/2009
Leis an gComhaontú Glas don Eoraip agus leis an Straitéis “Ón bhFeirm go dtí an Forc”, bunaítear laghdú ar úsáid lotnaidicídí ceimiceacha agus an riosca a bhaineann leo mar phríomhchuspóir don Aontas. D’fhonn beartais éifeachtacha agus beartais a bhfuil tionchar leo a áirithiú, tá ríthábhacht le sonraí stóinsithe agus sonraí cuimsitheacha maidir le húsáid lotnaidicídí ar leibhéal na feirme. Maidir leis an obair leanúnach chun a áirithiú go mbeidh fáil ar na taifid a choinníonn úsáideoirí gairmiúla táirgí cosanta plandaí i bhformáid leictreonach, is toisc chumasúcháin thábhachtach í chun na hoibleagáidí tuairiscithe maidir le lotnaidicídí a chur chun feidhme, oibleagáidí ar cuid de Rialachán (AE) 2022/2379 ó Pharlaimint na hEorpa agus ón gComhairle (2) (SAIO) iad.
Dá bhrí sin, d’ullmhaigh an Coimisiún Dréacht-Rialachán Cur Chun Feidhme ón gCoimisiún, ar bhonn Airteagal 67(4) de Rialachán (CE) Uimh. 1107/2009 ó Pharlaimint na hEorpa agus ón gComhairle (3), a mhéid a bhaineann le hinneachar agus le formáid na dtaifead ar úsáid táirgí cosanta plandaí atá le coinneáil ag úsáideoirí gairmiúla i gcomhréir le hAirteagal 67(1) de Rialachán (CE) Uimh. 1107/2009.
Dá nglacfaí an Rialachán Cur Chun Feidhme sin mar a fhoráiltear faoi láthair, dhéanfaí an coimeád taifead a cheanglaítear faoi Rialachán (CE) Uimh. 1107/2009 a rialú go mionsonrach, lena n áirítear trí na heilimintí atá le taifeadadh ag na húsáideoirí gairmiúla a shainaithint, agus trína áirithiú go mbeidh na taifid sin ar fáil i bhformáid leictreonach ón 1 Eanáir 2025 ar a dhéanaí.
Tá an dréacht den Rialachán Cur Chun Feidhme sin á phlé faoi láthair ag an mBuanchoiste um Plandaí, Ainmhithe, Bia agus Beatha, an Roinn Fíteacógaisíochta — Reachtaíocht. Tá sé ar intinn ag an gCoimisiún tuairim an choiste a lorg de bhun Airteagal 5 de Rialachán (AE) Uimh. 182/2011 ó Pharlaimint na hEorpa agus ón gComhairle (4) sna míonna amach romhainn.
Beartaíonn an Coimisiún an Rialachán Cur Chun Feidhme sin a ghlacadh roimh dheireadh 2022.
(1) Rialachán (AE) 2022/2379 ó Pharlaimint na hEorpa agus ón gComhairle an 23 Samhain 2022 maidir le staidreamh i ndáil le hionchur agus aschur talmhaíochta, lena leasaítear Rialachán (CE) Uimh. 617/2008 ón gComhairle agus lena n aisghairtear Rialacháin (CE) Uimh. 1165/2008, (CE) Uimh. 543/2009 agus (CE) Uimh. 1185/2009 ó Pharlaimint na hEorpa agus ón gComhairle agus Treoir 96/16/CE ón gComhairle (IO L 315, 7.12.2022, lch. 1).
(2) Rialachán (AE) 2022/2379 ó Pharlaimint na hEorpa agus ón gComhairle an 23 Samhain 2022 maidir le staidreamh i ndáil le hionchur agus aschur talmhaíochta, lena leasaítear Rialachán (CE) Uimh. 617/2008 ón gComhairle agus lena n aisghairtear Rialacháin (CE) Uimh. 1165/2008, (CE) Uimh. 543/2009 agus (CE) Uimh. 1185/2009 ó Pharlaimint na hEorpa agus ón gComhairle agus Treoir 96/16/CE ón gComhairle (IO L 315, 7.12.2022, lch. 1).
(3) Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n aisghairtear Treoir 79/117/CEE agus Treoir 91/414/EEC ón gComhairle (IO L 309, 24.11.2009, lch. 1).
(4) Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).