Ismijiet (Trażlitterazzjoni bl-alfabett Latin)

Ismijiet

Informazzjoni għall-identifikazzjoni

Raġunijiet għall-elenkar

Data tal-elenkar

“7.

Mohammad-Reza Gharaei ASHTIANI

(Ortografija Farsi)

Pożizzjoni(jiet): Viċi Kap Kmandant tal-Forzi Armati tal-Iran

Data tat-twelid: 1960

Post tat-twelid: Tehran, Iran

Nazzjonalità: Iranjana

Sess: raġel

Mohammad-Reza Gharaei Ashtiani ilu minn Awwissu 2024 il-Viċi Kap Kmandant tal-Forzi Armati tal-Iran.

Kien il-Ministru għad-Difiża tar-Repubblika Iżlamika tal-Iran (Awwissu 2021-Awwissu 2024) u kien responsabbli għall-Ministeru għad-Difiża u l-Loġistika tal-Forzi Armati (MODAFL) elenkat mill-UE.

MODAFL huwa responsabbli għall-ippjanar, il-loġistika u l-finanzjament tal-Forzi Armati tal-Iran. Huwa wkoll attur ewlieni fl-industrija tad-difiża tal-Iran b’għadd ta’ konglomerati u subordinati attivi fir-riċerka u l-iżvilupp, il-manutenzjoni u l-manifattura ta’ tagħmir militari, fost oħrajn il-manifattura ta’ vetturi tal-ajru mingħajr bdot abbord (UAVs).

MODAFL huwa involut ukoll fl-istabbiliment ta’ impjant konġunt għall-produzzjoni ta’ UAVs u l-bejgħ ta’ UAVs lir-Russja bil-ħsieb li jintużaw fil-gwerra ta’ aggressjoni tar-Russja kontra l-Ukrajna.

Fil-funzjoni tiegħu bħala Viċi Kap Kmandant tal-Forzi Armati tal-Iran, Mohammed Reza Gharaei Ashtiani jikkoordina u jissorvelja l-armata konvenzjonali u l-Korp tal-Gwardjani tar-Rivoluzzjoni Iżlamika (IRGC) u huwa soċju qrib tal-Mexxej Suprem tal-Iran. Billi jissorvelja l-IRGC, dan jinkludi wkoll il-Forza Ajruspazjali tal-IRGC, responsabbli għall-programm tal-UAVs tal-Iran. Għalhekk għandu rwol ta’ superviżjoni kemm għall-programm tal-missili kif ukoll għall-programm tal-UAVs. Fir-rwol tiegħu, qed jappoġġa wkoll lill-kooperazzjoni militari tal-Iran mar-Russja.

Bħala Viċi Kap Kmandant tal-Forzi Armati tal-Iran, Mohammad-Reza Gharaei Ashtiani huwa involut direttament fil-programmi tal-missili u tal-UAVs tal-Iran, u huwa involut fit-trasferiment tal-UAVs tal-Iran lir-Russja b’appoġġ għall-gwerra ta’ aggressjoni tagħha kontra l-Ukrajna

31.5.2024

20.

Mohammad Reza KHIABANI

محمدرضا مدرس خیابانی

(Ortografija Farsi)

Pożizzjoni(jiet): Direttur ta' IRISL

Nazzjonalità: Iranjana

Sess: raġel

Entitajiet assoċjati: Islamic Republic of Iran Shipping Lines (IRISL); Islamic Revolutionary Guard Corps Navy (IRGCN); Islamic Revolutionary Guard Corps Research and Self-Sufficiency Jihad Organisation (IRGC/SSJO)

Mohammad Reza Khiabani huwa d-direttur ta’ Islamic Republic of Iran Shipping Lines (IRISL) elenkata mill-UE, li hija trasportatur marittimu ewlieni tal-Iran.

Għal bosta snin, bastimenti li jappartjenu lil IRISL jew lill-kumpaniji affiljati tagħha, jew li huma ġestiti minnhom, ġew implikati fit-trasport marittimu ta’ merkanzija relatata mal-militar u f’attivitajiet oħra li għandhom l-għan li jappoġġaw lir-Russja fil-gwerra ta’ aggressjoni tagħha kontra l-Ukrajna u lil gruppi u entitajiet armati li jdgħajfu l-paċi u s-sigurtà fil-Lvant Nofsani u fir-reġjun tal-Baħar l-Aħmar, b’mod partikolari fir-rigward tal-Korp tal-Gwardjani tar-Rivoluzzjoni Iżlamika (IRGC) u xi wħud mill-fergħat tiegħu, notevolment il-Flotta Navali tal-Korp tal-Gwardjani tar-Rivoluzzjoni Iżlamika (IRGCN) (elenkata mill-UE) u l-Organizzazzjoni Ġiħadista tar-Riċerka u l-Awtosuffiċjenza tal-Korp tal-Gwardjani tar-Rivoluzzjoni Iżlamika (IRGC/SSJO) (elenkata mill-UE).

Il-Flotta Navali tal-Korp tal-Gwardjani tar-Rivoluzzjoni Iżlamika (IRGCN) (elenkata mill-UE) tikkonverti bastimenti tal-kontejners li jappartjenu jew li qabel kienu jappartjenu lil IRISL Group fi trasportaturi tad-droni. L-IRGCN tagħmel parti mill-IRGC, u tinkludi diviżjoni tal-vetturi tal-ajru mingħajr bdot abbord (UAVs) u diviżjoni tal-missili. L-IRGCN hija involuta fil-programmi tal-UAVs u tal-missili tal-Iran, kif ukoll fit-trasferiment tal-missili tal-Iran lil gruppi u entitajiet armati li jdgħajfu l-paċi u s-sigurtà fil-Lvant Nofsani u fir-reġjun tal-Baħar l-Aħmar.

L-IRGC/SSJO hija unità ta’ riċerka u żvilupp li tagħmel parti mill-IRGC u tiżviluppa u timmanifattura radar li jippenetra l-art, sistemi ta’ komunikazzjoni, armi, vetturi tal-ġlied u tagħmir elettroniku tal-gwerra ċibernetika. Għalhekk l-IRGC/SSJO hija involuta fil-programmi tal-UAVs u tal-missili tal-Iran, kif ukoll fit-trasferiment tal-UAVs tal-Iran lir-Russja b’appoġġ għall-gwerra ta’ aggressjoni tagħha kontra l-Ukrajna.

Għalhekk, fil-pożizzjoni maniġerjali prinċipali tiegħu bħala direttur ta’ IRISL, Mohammad Reza Khiabani huwa involut fit-trasferiment tal-UAVs jew tal-missili jew ta’ teknoloġiji relatati tal-Iran lir-Russja b’appoġġ għall-gwerra ta’ aggressjoni tagħha kontra l-Ukrajna u lil gruppi u entitajiet armati li jdgħajfu l-paċi u s-sigurtà fil-Lvant Nofsani u fir-reġjun tal-Baħar l-Aħmar, u huwa assoċjat ma’ fergħat tal-IRGC, b’mod partikolari l-IRGC/SSJO (elenkata mill-UE) u l-IRGCN (elenkata mill-UE).

18.11.2024”;

Ismijiet (Trażlitterazzjoni bl-alfabett Latin)

Ismijiet

Informazzjoni għall-identifikazzjoni

Raġunijiet għall-elenkar

Data tal-elenkar

“20.

Islamic Republic of Iran Shipping Lines (IRISL)

گروه کشتیرانی جمهوری اسلامی ایران

(Ortografija Farsi)

Post tar-reġistrazzjoni: Iran

Individwi assoċjati: Mohammad Reza Khiabani (direttur)

Entitajiet assoċjati: Islamic Revolutionary Guard Corps Navy (IRGCN); Islamic Revolutionary Guard Corps Research and Self-Sufficiency Jihad Organisation (IRGC/SSJO)

Islamic Republic of Iran Shipping Lines (IRISL) hija trasportatur marittimu ewlieni tal-Iran.

Għal bosta snin, bastimenti li jappartjenu lil IRISL jew lill-kumpaniji affiljati tagħha, jew li huma ġestiti minnhom, ġew implikati fit-trasport marittimu ta’ merkanzija relatata mal-militar u f’attivitajiet oħra li għandhom l-għan li jappoġġaw lir-Russja fil-gwerra ta’ aggressjoni tagħha kontra l-Ukrajna u lil gruppi u entitajiet armati li jdgħajfu l-paċi u s-sigurtà fil-Lvant Nofsani u fir-reġjun tal-Baħar l-Aħmar, b’mod partikolari brabta mal-Korp tal-Gwardjani tar-Rivoluzzjoni Iżlamika (IRGC) u xi wħud mill-fergħat tiegħu, notevolment il-Flotta Navali tal-Korp tal-Gwardjani tar-Rivoluzzjoni Iżlamika (IRGCN) (elenkata mill-UE) u l-Organizzazzjoni Ġiħadista tar-Riċerka u l-Awtosuffiċjenza tal-Korp tal-Gwardjani tar-Rivoluzzjoni Iżlamika (IRGC/SSJO) (elenkata mill-UE).

Il-Flotta Navali tal-Korp tal-Gwardjani tar-Rivoluzzjoni Iżlamika (IRGCN) (elenkata mill-UE) tikkonverti bastimenti tal-kontejners li jappartjenu jew li qabel kienu jappartjenu lil IRISL Group fi trasportaturi tad-droni. L-IRGCN tagħmel parti mill-IRGC, u tinkludi diviżjoni tal-vetturi tal-ajru mingħajr bdot abbord (UAV) u diviżjoni tal-missili. L-IRGCN hija involuta fil-programmi tal-UAVs u tal-missili tal-Iran, kif ukoll fit-trasferiment tal-missili tal-Iran lil gruppi u entitajiet armati li jdgħajfu l-paċi u s-sigurtà fil-Lvant Nofsani u fir-reġjun tal-Baħar l-Aħmar.

L-IRGC/SSJO hija unità ta’ riċerka u żvilupp li tagħmel parti mill-IRGC u li tiżviluppa u timmanifattura radar li jippenetra l-art, sistemi ta’ komunikazzjoni, armi, vetturi tal-ġlied u tagħmir elettroniku tal-gwerra ċibernetika. Għalhekk l-IRGC/SSJO hija involuta fil-programmi tal-UAVs u tal-missili tal-Iran, kif ukoll fit-trasferiment tal-UAVs tal-Iran lir-Russja b’appoġġ għall-gwerra ta’ aggressjoni tagħha kontra l-Ukrajna.

Għalhekk, IRISL hija involut fit-trasferiment tal-UAVs jew tal-missili jew ta’ teknoloġiji relatati tal-Iran lir-Russja b’appoġġ għall-gwerra ta’ aggressjoni tagħha kontra l-Ukrajna u lil gruppi u entitajiet armati li jdgħajfu l-paċi u s-sigurtà fil-Lvant Nofsani u fir-reġjun tal-Baħar l-Aħmar, u hija assoċjata ma’ fergħat tal-IRGC, b’mod partikolari l-IRGC/SSJO (elenkata mill-UE) u l-IRGCN (elenkata mill-UE).

18.11.2024”.