a)

tograí comhpháirteacha a fhorbairt lena sainaithneofar na príomhfhadhbanna agus na príomhshrianta san fhorbairt eacnamaíoch agus lena dtabharfar aghaidh orthu trí bhearta nua chun gníomhaíocht eacnamaíoch, cruthú post agus an comhrac i gcoinne an dídhaonraithe i gcríocha GECC a chur chun cinn, rud lena n-áiritheofar comhtháthú eacnamaíoch agus sóisialta, agus na tograí sin a chur in iúl do rialtais an dá thír ionas go bhféadfaidh siad obair i bpáirt le chéile chun beartais phoiblí a shainiú agus a chur chun feidhme, sin agus chun tacaíocht a fháil ón Aontas;

b)

An cóineasú institiúideach, eacnamaíoch, sóisialta, cultúrtha agus comhshaoil a chothú sna críocha atá cumhdaithe ag GECC, agus úsáid á baint as “éifeacht na teorann” mar dheis don fhorbairt chríochach agus shocheacnamaíoch, agus Spriocanna Forbartha Inbhuanaithe Chlár Oibre 2030 á n-urramú san am céanna;

c)

sásraí a bhunú chun na críocha a bhainistiú agus a nuachóiriú, sásraí a mbeidh sé de bhua acu na daoine a choinneáil san áit agus a mhealladh ann, dinimic fostaíochta a chruthú agus a chomhdhlúthú agus inbhuanaitheacht na n-infheistíochtaí in earnáil tháirgiúil an gheilleagair a áirithiú;

d)

fiontraíocht áitiúil agus nuálaíocht chríochach a spreagadh mar bhonn faoin bhforbairt chríochach chomhtháite, agus, ar an dul sin, an t-iomaíochas eacnamaíoch, inbhuanaitheacht an chomhshaoil, an dea-chaoi atá nasctha le comhtháthú sóisialta a chothú, mar aon le cruthú gnó agus cruthú post a spreagadh agus infheistíocht a mhealladh;

e)

bearta a chur chun feidhme chun deireadh a chur le costais chomhthéacsúla a ghearrann pionós ar ghnólachtaí agus ar shaoránaigh áitiúla nó bearta a chur chun feidhme chun na costais sin a íoslaghdú;

f)

sásraí a fhorbairt lena gcuirtear chun cinn an geilleagar ciorclach, comhtháthú leanúnach eolais nua sa chóras eacnamaíoch, comhtháthú iomaíoch sa gheilleagar domhanda, mar aon le húsáid modhanna digiteacha;

g)

an caidreamh idir na chomhaltaí a spreagadh, rud a bheadh bunaithe ar chomhlántachtaí, ar acmhainní inginiúla agus ar stair na cómhaireachtála le céad bliain anuas, sin agus samhail de shaoránacht na hEorpa a chur chun cinn a bheadh dírithe ar shochair choiteanna agus ar cheartas sóisialta;

h)

iarrachtaí agus acmhainní a cheangal le chéile trí chomhphleanáil agus trí chomhbhainistiú trealaimh, seirbhísí agus bonneagair atá ann faoi láthair, nó a bheidh ann arís, sna críocha atá cumhdaithe ag GECC, agus úsáid na nithe sin a chur chun cinn mar uirlis chun cómhaireachtála i measc an phobail;

i)

cláir agus tionscadail um chomhar críochach atá á gcómhaoiniú ag an Aontas Eorpach a chur chun feidhme agus a bhainistiú; conarthaí agus comhaontuithe eile a chur chun feidhme agus a bhainistiú d’fhorbairt na ngníomhaíochtaí uile a d’fhéadfadh leas a bhaint as na hionstraimí airgeadais a ndéanann an dá thír a nglacadh agus a bhforáil;

j)

spreagadh a thabhairt d’acmhainneacht na n-ithreacha tionsclaíocha agus do tharraingteacht na gnólachtaí agus iad a chur chun cinn;

k)

na limistéir thraidisiúnta trádála atá ar chríocha GECC a athbheochan trí bhíthin seirbhísí tacaíochta trádála áitiúla agus ionaid siopadóireachta amuigh faoin aer a thabhairt ar an bhfód;

l)

féachaint le seirbhísí iompair phoiblí áitiúla idir na príomh-GECCanna a fheabhsú, agus ar an dul sin an tsoghluaisteacht a chur chun cinn mar shlat tomhais ar úsáid inbhuanaithe na n-acmhainní atá ann cheana;

m)

scrúdú a dhéanamh an bhféadfaí stádas an “oibrí teorann” a chur chun feidhme agus a aithint;

n)

sásraí agus cláir choiteanna a chur chun feidhme chun na córais riarachán agus an bonneagar atá sna limistéir trasteorann a nuachóiriú;

o)

ábhar dhátheangach a chruthú i limistéar GECC, agus an t-ábhar sin a chur chun cinn, go háirithe i dtaca le soláthar na seirbhísí;

p)

cláir chomhpháirteacha oiliúna a chur chun feidhme – trí bhíthin comhaontuithe agus prótacail le heintitis sa chóras eolaíochta agus teicneolaíochta, sin agus le comhlachtaí oiliúna agus le comhlachtaí ábhartha eile – faoin gcreatlach ghnó atá ann, d’fhonn tacú le tionscadail nuálacha a chur chun feidhme, le sealbhú scileanna nua agus acmhainní daonna a cháiliú, rud lena ndíreofar ar oibrithe dífhostaithe agus oibrithe gníomhacha nó ar oibrithe féinfhostaithe;

q)

comhpháirtíochtaí a spreagadh idir na hionaid éagsúla oiliúna agus oideachais atá i láthair ar chríocha GECC, i ndlúthchomhar le húdaráis áitiúla eile, d’fhonn comhthionscadail a fhorbairt;

r)

comhordú na n-acmhainní teorann i ndáil leis an gcosaint shibhialta a neartú, agus an tslándáil a neartú chomh maith, trí theagmhálacha a chur chun cinn agus a éascú idir na comhlachtaí inniúla ar thaobh na Spáinne agus ar thaobh na Portaingéile araon, d’fhonn acmhainní daonna agus acmhainní ábhartha a phleanáil agus a bhainistiú go comhpháirteach chun rioscaí a imghabháil agus chun gníomhaíochtaí comhpháirteacha a chur á ndéanamh i gcás éigeandála nó tubaiste;

s)

comhoibriú le lucht riaracháin sa dá thír chun cúram na sláinte a fheabhsú;

t)

cláir chomhpháirteacha a bhunú chun gníomhaíocht eacnamaíoch a spreagadh, cláir a bheadh á neartú ag an gcaidreamh idir an Phortaingéil agus an Spáinn, sin agus de bharr rannpháirtíocht eagraíochtaí gairmiúla laistigh de GECC;

u)

tairiscint seirbhísí poiblí a eagrú, rud a bheadh bunaithe ar “cárta euro-shaoránach” – an phríomhuirlis chun na tairbhí a bhaineann leis an gcómhaireachtáil a scaipeadh;

v)

plean a fhorbairt le spreagadh a chur faoin turasóireacht maille le critéir don rialachas comhoibríoch, rud a ceapadh chun GECC Eurocidade Porta da Europa a chlaochlú agus ceann scríbe turasóireachta den chéad scoth a dhéanamh de, agus leas á bhaint as a chuid sainiúlachtaí coiteanna, sin agus as an stair comhroinnte atá san áit;

w)

plean comhtháite le haontaí téamacha agus aontaí speisialaithe a fhorbairt chun acmhainní táirgiúla dúchasacha atá ann a chur chun cinn ar bhealach comhpháirteach agus d’fhonn fáltais na scálaí a ghiniúint;

x)

gníomhaíochtaí seach-churaclaim bliantúla agus comhpháirteacha agus imeachtaí spóirt agus cultúrtha a eagrú chun oiliúint an aosa óig a chur chun cinn i gcleachtadh na hEora-shaoránachta;

y)

imeachtaí Ibéaracha a thabhairt chun cinn i limistéar geografach GECC, imeachtaí a d’fhéadfadh turasóirí, cuairteoirí agus infheistíochtaí a mhealladh, sin agus idirphlé agus malartuithe trádála, cultúrtha agus gnó le gnólachtaí éagsúla a chothú;

z)

na cinn atá ábhartha maidir le comhar trasteorann agus comhar idir-réigiúnach, agus inniúlachtaí inmheánacha gach comhalta de Eurocidade Porta da Europa á n-urramú san am céanna, i gcomhréir le hAirteagal 7(2) de Rialachán GECC (1).

IV.1)

IV.2)

IV.3)

Ainm oifigiúil: Município de Almeida

Seoladh poist: Praça da Liberdade, no 8, Almeida, 6355-130 an Phortaingéil

Seoladh gréasáin: https://www.cm-almeida.pt/

Cineál ballraíochta: comhlacht áitiúil

Ainm oifigiúil: Ayuntamiento de Fuentes de Oñoro

Seoladh poist: Plaza España, 1, Fuentes de Oñoro, 37480 España

Seoladh gréasáin: https://ayuntamientofuentesdeonoro.com/

Cineál ballraíochta: comhlacht áitiúil

Ainm oifigiúil: Ayuntamiento de Ciudad Rodrigo

Seoladh poist: Plaza Mayor, 27, Ciudad Rodrigo, 37500 España

Seoladh gréasáin: https://www.ciudadrodrigo.es/

Cineál ballraíochta: comhlacht áitiúil

Ainm oifigiúil: Freguesia de Vilar Formoso

Seoladh poist: Rua do Externato, no 11, Vilar Formoso, 6355-265 Portugal

Seoladh gréasáin: http://www.jf-vilarformoso.pt/

Cineál ballraíochta: comhlacht áitiúil