Aithníonn an Coimisiún a thábhachtaí atá sé do Pharlaimint na hEorpa súil ghéar a choinneáil ar chur chun feidhme an Rialacháin seo a mhéid a bhaineann leis an sásra coimirce lena gceadaítear fabhair arna ndeonú do na Stáit Aontaithe a chur ar fionraí. Chuige sin, má mholann Parlaimint na hEorpa don Choimisiún imscrúdú coimirce a thionscnamh, déanfaidh an Coimisiún measúnú cúramach i dtaobh an bhfuil údar maith le himscrúdú a thionscnamh ex officio de bharr na n-imthosca agus cuirfidh sé toradh a mheasúnaithe in iúl do Pharlaimint na hEorpa.