|
Il-Ġurnal Uffiċjali |
MT Is-serje L |
|
2025/311 |
17.2.2025 |
REGOLAMENT TA’ IMPLIMENTAZZJONI TAL-KUMMISSJONI (UE) 2025/311
tal-14 ta’ Frar 2025
dwar miżuri għall-eradikazzjoni u l-prevenzjoni tal-istabbiliment u t-tixrid fit-territorju tal-Unjoni tad-dubbien tal-frott tal-ispeċijiet Bactrocera dorsalis (Hendel), Bactrocera latifrons (Hendel) u Bactrocera zonata (Saunders)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (1), u b’mod partikolari l-Artikolu 28(1), il-punti (d), (e), (f), (g) u (i), tiegħu,
Billi:
|
(1) |
Id-dubbien tal-frott tal-ispeċijiet Bactrocera dorsalis (Hendel), Bactrocera latifrons (Hendel) u Bactrocera zonata (Saunders) (“il-pesti speċifikati”) huwa elenkat fil-Parti A tal-Anness II tar-Regolament ta’ Implimentazzjoni tal-Kummissjoni (UE) 2019/2072 (2) bħala pesti tal-kwarantina fl-Unjoni. |
|
(2) |
Il-Bactrocera dorsalis (Hendel) u l-Bactrocera zonata (Saunders) huma elenkati wkoll bħala pesti ta’ prijorità fir-Regolament Delegat tal-Kummissjoni (UE) 2019/1702 (3). |
|
(3) |
Il-pesti speċifikati spiss jinstabu f’kunsinni mibgħuta lejn l-Unjoni minn pajjiżi terzi. Mill-2019 ’il quddiem, il-pesti speċifikati nstabu preżenti fil-Belġju, fil-Greċja, fi Franza, fl-Italja, f’Ċipru u fl-Awstrija. L-Istati Membri kkonċernati ħadu miżuri (bħall-qbid intensiv, it-tneħħija ta’ frott infestat u ta’ frott li jkun waqa’ bir-riħ, il-projbizzjoni li jiġi mċaqlaq il-frott infestat) u l-pesti speċifikati għalissa ġew eradikati jew qed jiġu eradikati f’dawk l-Istati Membri. |
|
(4) |
Sabiex jiġi żgurat approċċ uniformi u effiċjenti li jipprevjeni l-istabbiliment u t-tixrid tal-pesti speċifikati fit-territorju tal-Unjoni, huwa xieraq li jiġu adottati miżuri armonizzati li jikkonċernaw l-istħarriġiet għall-pesti speċifikati, il-pjanijiet ta’ kontinġenza, id-demarkazzjoni taż-żoni, l-eradikazzjoni u l-prevenzjoni tal-istabbiliment u t-tixrid tal-pesti speċifikati barra miż-żoni demarkati. |
|
(5) |
Jeħtieġ li tiġi stabbilita lista ta’ pjanti ospitanti għall-pesti speċifikati li jiġu kkultivati fit-territorju tal-Unjoni (“pjanti ospitanti”), għall-istħarriġ u l-eradikazzjoni tal-pesti speċifikati u għall-prevenzjoni tal-istabbiliment u t-tixrid tagħhom. Għall-istess raġuni, jenħtieġ li jittieħdu miżuri xierqa dwar il-frott ta’ dawk il-pjanti (“il-frott speċifikat”). |
|
(6) |
Il-pesti speċifikati jistgħu jidħlu fit-territorju tal-Unjoni permezz ta’ kunsinni kummerċjali jew bagalji tal-passiġġieri u huma kapaċi jinfirxu b’mod attiv. Għalhekk, ir-regoli marbuta mal-istħarriġiet jikkonċernaw ukoll it-tekniki ta’ detezzjoni tal-infestazzjoni tal-frott speċifikat waqt li jkun fuq il-pjanti ospitanti, l-istħarriġiet fiż-żoni fejn jiġi importat u kkummerċjalizzat il-frott speċifikat, il-qbid tal-pesti speċifikati u l-kampjunar ta’ frott possibbilment infestat, sabiex l-awtoritajiet kompetenti jkunu jistgħu jadattaw dawk l-istħarriġiet għall-bijoloġija ta’ dawk il-pesti. |
|
(7) |
Jenħtieġ li l-awtoritajiet kompetenti jitħallew ma jistabbilixxux żona demarkata f’ċerti każijiet, meta, minħabba l-bijoloġija partikolari tal-pest speċifikat jew minħabba l-karatteristiċi tas-sit, jiġi konkluż li l-pest jista’ jiġi eliminat minnufih. Dan huwa l-każ fejn ikun hemm evidenza li l-pesti speċifikati jkunu ġew introdotti fiż-żona bil-frott li fuqu jkunu nstabu, dak il-frott ikun ġie infestat qabel l-introduzzjoni tiegħu fiż-żona kkonċernata u l-pest speċifikat ma jkunx jista’ jistabbilixxi ruħu f’dik iż-żona, fejn il-pest speċifikat jiġi kkonfermat uffiċjalment f’sit tal-produzzjoni b’iżolament fiżiku jew f’sit b’kultivazzjoni protetta u fejn ma jkunx jista’ jistabbilixxi ruħu barra dak is-sit. B’mod partikolari, jenħtieġ li l-awtoritajiet kompetenti jkunu jistgħu jqisu sitwazzjonijiet fejn il-pest speċifikat ma jkunx mistenni li jibqa’ ħaj minħabba kundizzjonijiet xitwin sfavorevoli. |
|
(8) |
Il-protokolli tal-qbid użati fl-istħarriġiet f’żoni demarkati jenħtieġ li jiġu adattati speċifikament għall-bijoloġija tal-pesti speċifikati. Dan huwa meħtieġ biex jiġi żgurat monitoraġġ xieraq tal-preżenza tal-pest speċifikat u tal-proċess ta’ eradikazzjoni. |
|
(9) |
Il-miżuri ta’ eradikazzjoni jenħtieġ li jqisu l-bijoloġija tal-pesti speċifikati bħala dubbien tal-frott u, għalhekk, jinkludu metodi bħal trattamenti tal-qerda tal-pesti rġiel, tekniki tal-applikazzjoni tal-lixka, ġbir u rimi sikur tal-frott li jkun waqa’ bir-riħ u ta’ frott speċifikat maħsud (bikri), trattament tal-ħamrija (pereżempju mekkaniku, kimiku jew mikrobijoloġiku) fiż-żoni tal-produzzjoni tal-pjanti speċifikati u madwarhom għall-qerda tal-istadji marbuta mal-ħamrija tal-pest speċifikat, jew l-użu ta’ teknika bl-insetti sterili. |
|
(10) |
Jenħtieġ li jiġu adottati miżuri biex jiġi evitat it-tixrid tal-pesti speċifikati barra miż-żoni demarkati. Dawk il-miżuri jenħtieġ li jikkonċernaw il-movimenti tal-pjanti ospitanti għat-tħawwil, il-frott speċifikat, u l-ħamrija miż-żona infestata għall-bqija tat-territorju tal-Unjoni. Meta wieħed iqis li tali pjanti ospitanti u tali ħamrija huma l-aktar mod kif x’aktarx jinxterdu l-pesti speċifikati, jenħtieġ li jittieħdu miżuri biex jiġi żgurat li dawn ikunu ħielsa mill-pesti speċifikati, fi kwalunkwe wieħed mill-istadji tagħhom. |
|
(11) |
Jenħtieġ li jingħata biżżejjed żmien biex l-awtoritajiet kompetenti u l-operaturi professjonisti jadattaw għal dan ir-Regolament. Għalhekk, jenħtieġ li dan ir-Regolament japplika mill-1 ta’ Marzu 2025. |
|
(12) |
Barra minn hekk, jenħtieġ li jingħata żmien addizzjonali lill-awtoritajiet kompetenti biex iħejju t-tfassil ta’ kull stħarriġ u jallokaw biżżejjed riżorsi għat-twettiq tiegħu f’konformità mal-metodoloġija tal-kampjunar statistiku. Għalhekk, jenħtieġ li d-dispożizzjoni rispettiva tapplika mill-1 ta’ Jannar 2026. |
|
(13) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Suġġett
Dan ir-Regolament jistabbilixxi miżuri għall-eradikazzjoni, u għall-prevenzjoni tal-istabbiliment u tat-tixrid fit-territorju tal-Unjoni tal-Bactrocera dorsalis (Hendel), il-Bactrocera latifrons (Hendel) u l-Bactrocera zonata (Saunders).
Artikolu 2
Definizzjonijiet
Għall-iskopijiet ta’ dan ir-Regolament, japplikaw id-definizzjonijiet li ġejjin:
|
(1) |
“pesti speċifikati” tfisser dubbien tal-frott tal-ispeċijiet Bactrocera dorsalis (Hendel), Bactrocera latifrons (Hendel) jew Bactrocera zonata (Saunders); |
|
(2) |
“pjanti ospitanti” tfisser pjanti li jagħmlu parti mill-ispeċijiet elenkati fl-Anness I; |
|
(3) |
“frott speċifikat” tfisser il-frott tal-pjanti ospitanti. |
Artikolu 3
Stħarriġiet fit-territorju tal-Unjoni għall-pesti speċifikati
1. It-tfassil u l-iskema tal-kampjunar tal-istħarriġiet ibbażati fuq ir-riskju għall-pesti speċifikati għandhom jippermettu d-detezzjoni b’livell suffiċjenti ta’ kunfidenza ta’ livell baxx ta’ preżenza tal-pest speċifikat fuq il-frott speċifikat.
L-istħarriġiet għandhom ikunu bbażati fuq il-linji gwida ġenerali tal-Awtorità Ewropea dwar is-Sigurtà fl-Ikel (“l-Awtorità”) għal stħarriġiet statistikament sodi u bbażati fuq ir-riskju għall-pesti tal-pjanti u fuq l-informazzjoni xjentifika u teknika dwar il-pest speċifikat imsemmija fil-Kards tal-Istħarriġ dwar il-Pesti tal-Awtorità (4) (“kard tal-istħarriġ dwar il-pesti”).
2. L-istħarriġiet għandhom jitwettqu b’mod partikolari:
|
(a) |
fil-partijiet fruttiferi tal-pjanti ospitanti, bl-użu ta’ tekniki li kapaċi jidentifikaw il-preżenza tal-pest speċifikat; |
|
(b) |
fl-ajruporti u fil-portijiet u madwarhom, fil-faċilitajiet tal-irkanti u tal-bejjiegħa bl-imnut u madwarhom fejn jiġi kkummerċjalizzat il-frott speċifikat, f’żoni fejn jiġi ppakkjat, ipproċessat jew skarikat il-frott speċifikat, f’żoni fejn jiġi prodott il-frott speċifikat, u f’siti rilevanti oħra, kif xieraq; |
|
(c) |
permezz tal-qbid bin-nases xierqa, kif speċifikat fl-Istandard Internazzjonali għall-Miżuri Fitosanitarji (ISPM) 26 (5); kif ukoll |
|
(d) |
fil-każ ta’ kwalunkwe suspett ta’ preżenza tal-pest speċifikat fuq il-frott speċifikat, permezz tal-ġbir ta’ kampjuni tal-frott speċifikat u l-identifikazzjoni tal-pest. |
Artikolu 4
Pjanijiet ta’ kontinġenza għall-pesti ta’ prijorità
L-Istati Membri, meta jfasslu l-pjanijiet ta’ kontinġenza tagħhom għall-Bactrocera dorsalis u l-Bactrocera zonata, għandhom jinkludu f’dawk il-pjanijiet proċeduri biex:
|
(a) |
jiġu identifikati s-sidien ta’ proprjetajiet privati, fiż-żoni fejn għandhom jiġu applikati l-miżuri previsti f’dan ir-Regolament; u |
|
(b) |
jiġi żgurat l-aċċess tal-awtoritajiet kompetenti għall-proprjetajiet imsemmija fil-punt (a). |
L-Istati Membri għandhom jagħmlu rieżami annwali u, fejn meħtieġ, jaġġornaw il-pjanijiet ta’ kontinġenza tagħhom.
Artikolu 5
Stabbiliment ta’ żoni demarkati
1. Meta l-preżenza tal-pest speċifikat tkun ġiet ikkonfermata uffiċjalment, l-awtoritajiet kompetenti għandhom, mingħajr dewmien, jistabbilixxu żona demarkata.
2. Iż-żona demarkata għandha tikkonsisti miż-żoni li ġejjin:
|
(a) |
żona infestata, li hija ż-żona fejn tkun ġiet ikkonfermata l-preżenza ta’ pest speċifikat, u li jkollha raġġ ta’ mill-inqas 500 m madwar il-post(ijiet) tas-sejbiet tal-pest speċifikat; kif ukoll |
|
(b) |
żona ta’ lqugħ b’raġġ ta’ mill-inqas 7 km lil hinn mill-konfini taż-żona infestata. |
3. Id-delimitazzjoni eżatta taż-żona demarkata għandha tqis il-bijoloġija tal-pesti speċifikati, il-livell ta’ infestazzjoni, il-karatteristiċi tal-attirant, u d-distribuzzjoni partikolari tal-pjanti ospitanti fiż-żona kkonċernata.
4. F’każ ta’ sejba tal-pest speċifikat barra miż-żona infestata, iż-żona demarkata stabbilita f’konformità ma’ dan l-Artikolu għandha tiġi aġġustata kif xieraq.
5. Fiż-żoni demarkati, l-awtoritajiet kompetenti għandhom jiżguraw li l-pubbliku ġenerali u l-operaturi professjonisti jkunu konxji mid-delimitazzjoni taż-żoni demarkati u kwalunkwe restrizzjoni possibbli li tikkonċerna l-moviment tal-frott speċifikat.
Artikolu 6
Derogi mill-istabbiliment ta’ żoni demarkati
1. B’deroga mill-Artikolu 5, l-awtoritajiet kompetenti jistgħu jagħżlu li ma jistabbilixxux żona demarkata, jekk jiġi ssodisfat mill-inqas wieħed mill-kriterji li ġejjin:
|
(a) |
jiġi konkluż mill-awtoritajiet kompetenti li l-pest speċifikat ma jistax jistabbilixxi ruħu fiż-żona fejn ikun ġie osservat; |
|
(b) |
ikun hemm evidenza li l-pest speċifikat ikun ġie introdott fiż-żona mal-kunsinna fejn ikun instab, il-frott speċifikat f’dik il-kunsinna jkun ġie infestat qabel l-introduzzjoni tiegħu fiż-żona kkonċernata, u ma tkun saret l-ebda multiplikazzjoni tal-pest speċifikat wara dik l-introduzzjoni; |
|
(c) |
il-preżenza tal-pest speċifikat tkun ġiet ikkonfermata uffiċjalment f’sit tal-produzzjoni b’iżolament fiżiku mill-madwar tiegħu, u dan jipprevjeni lill-pest speċifikat milli jinfirex barra minn dak is-sit; |
|
(d) |
il-preżenza tal-pest speċifikat tkun ġiet ikkonfermata uffiċjalment f’sit tal-produzzjoni li jkun protett b’tali mod li jippermetti li tiġi evitata l-preżenza ulterjuri tal-pesti speċifikati fuq il-pjanti ospitanti u l-frott speċifikat, u jkun ġie konkluż mill-awtoritajiet kompetenti li l-pesti speċifikati ma jistgħux jistabbilixxu ruħhom barra minn dak is-sit tal-produzzjoni minħabba kundizzjonijiet xitwin sfavorevoli. |
2. Meta l-awtorità kompetenti tapplika deroga prevista fil-paragrafu 1, hija għandha:
|
(a) |
tieħu miżuri biex tiżgura l-eradikazzjoni minnufih tal-pest speċifikat u teskludi l-possibbiltà tat-tixrid tiegħu; |
|
(b) |
twettaq stħarriġ intensiv f’żona b’raġġ ta’ mill-inqas 500 m madwar il-post(ijiet) tas-sejba tal-pest speċifikat; kif ukoll |
|
(c) |
fejn xieraq, u b’mod partikolari fil-każ tal-paragrafu 1, il-punti (c) u (d), tapplika miżuri effiċjenti li jipprevjenu t-tixrid tal-pest speċifikat permezz ta’ frott speċifikat jew pjanti ospitanti barra mis-sit tal-produzzjoni. |
Fil-każ tal-paragrafu 1, il-punt (b), jekk l-awtoritajiet kompetenti jikkonkludu li l-pest speċifikat ma jkunx kapaċi jibqa’ ħaj fil-kundizzjonijiet tax-xitwa, il-perjodu għall-istħarriġ jista’ jkun limitat għall-perjodu qabel il-bidu tal-kundizzjonijiet tax-xitwa.
Artikolu 7
Stħarriġiet fiż-żoni demarkati
1. Fiż-żoni demarkati, l-awtoritajiet kompetenti għandhom iwettqu stħarriġiet annwali, kif imsemmi fl-Artikolu 19(1) tar-Regolament (UE) 2016/2031, filwaqt li jqisu l-informazzjoni msemmija fil-kard tal-istħarriġ dwar il-pesti.
2. L-għadd ta’ nases użati għal kull km2 f’tali stħarriġ għandu jiżdied gradwalment mix-xifer saċ-ċentru taż-żona mistħarrġa. Meta jiddeterminaw l-għadd ta’ nases, it-tip ta’ nases, id-disinn tan-nases u l-attiranti possibbli li għandhom jintużaw man-nases, l-Istati Membri għandhom iqisu d-dettalji stabbiliti fil-gwida internazzjonali, u b’mod partikolari l-ISPM 26, kif ukoll il-kard tal-istħarriġ dwar il-pesti.
3. Għandu jiġi kkunsidrat il-kampjunar tal-frott speċifikat li jikber fiż-żona mistħarrġa. Meta jiddeterminaw il-protokolli tal-kampjunar, l-awtoritajiet kompetenti għandhom japplikaw il-kard tal-istħarriġ dwar il-pesti kif ukoll il-prinċipji stabbiliti fil-protokolli rikonoxxuti internazzjonalment għall-kontroll uffiċjali tal-pest speċifikat. Għandhom jintużaw skemi tat-tfassil u tal-kampjunar tal-istħarriġ li permezz tagħhom jista’ jiġi identifikat b’livell ta’ kunfidenza ta’ mill-inqas 95 %, livell ta’ preżenza tal-pest speċifikat ta’ 1 %.
4. Ir-riżultati tal-istħarriġiet imwettqa fiż-żoni demarkati għandhom jiġu ppreżentati lill-Kummissjoni bl-użu tal-mudelli msemmija fl-Anness II.
Artikolu 8
Tneħħija taż-żoni demarkati
Iż-żona demarkata msemmija fl-Artikolu 5 tista’ titneħħa, jekk tiġi ssodisfata waħda mill-kundizzjonijiet li ġejjin:
|
(a) |
il-pest speċifikat, abbażi tal-istħarriġiet imsemmija fl-Artikolu 7, ma jiġix identifikat fiż-żona demarkata għal perjodu ta’ mill-inqas 120 jum; jew |
|
(b) |
l-awtoritajiet kompetenti jikkonkludu li l-pest speċifikat ikun għadda minn perjodu ta’ temperaturi kesħin biżżejjed. |
Artikolu 9
Miżuri ta’ eradikazzjoni
L-awtoritajiet kompetenti għandhom japplikaw, kif xieraq, waħda jew aktar mill-miżuri li ġejjin bl-għan li jiġu eradikati l-pesti speċifikati fiż-żona infestata:
|
(a) |
l-użu ta’ trattamenti għall-qerda tal-pesti rġiel u/jew tekniki ta’ applikazzjoni tal-lixka, bl-użu ta’ attiranti xierqa; |
|
(b) |
il-ġbir u r-rimi sikur ta’ frott li jkun waqa’ bir-riħ u ta’ frott speċifikat maħsud fi stadju bikri tal-maturazzjoni u tat-trattament tal-ħamrija, inkluż wieħed mekkaniku, kimiku jew mikrobijoloġiku, fiż-żoni tal-produzzjoni tal-pjanti speċifikati u madwarhom, sabiex jinqerdu l-istadji marbutin mal-ħamrija tal-pest speċifikat; |
|
(c) |
l-użu ta’ teknika bl-insetti sterili; |
|
(d) |
l-użu ta’ prodotti għall-protezzjoni tal-pjanti f’konformità mar-Regolament (KE) Nru 1107/2009 tal-Parlament Ewropew u tal-Kunsill (6); |
|
(e) |
fejn disponibbli, il-qbid tal-massa tal-pesti speċifikati b’għadd suffiċjenti ta’ nases, inklużi n-nases użati f’konformità mal-Artikolu 7(2). |
Artikolu 10
Miżuri li jipprevjenu t-tixrid tal-pest speċifikat
1. Il-frott speċifikat imkabbar jew maħżun fiż-żona infestata jista’ jiġi mċaqlaq biss minn dik iż-żona lejn iż-żona ta’ lqugħ, jew ’il barra miż-żona demarkata, jekk jiġi trattat b’mod effettiv kontra l-pest speċifikat.
It-trattamenti msemmija fl-ewwel subparagrafu għandhom jinkludu l-użu ta’ prodotti għall-protezzjoni tal-pjanti xierqa u effiċjenti biżżejjed kif awtorizzat skont ir-Regolament (KE) Nru 1107/2009, jew l-użu ta’ metodi alternattivi f’konformità mal-istandards fitosanitarji rikonoxxuti internazzjonalment, u b’mod partikolari l-ISPM 28 (7), bħat-trattament bis-sħana, it-trattament bil-kesħa jew l-irradjazzjoni.
Il-frott speċifikat jista’ wkoll jiġi mċaqlaq miż-żona infestata għal ġoż-żona ta’ lqugħ jew ’il barra miż-żona demarkata:
|
(a) |
għall-fini ta’ trattament xieraq, jekk jittieħdu miżuri effettivi għall-prevenzjoni tat-tixrid tal-pest speċifikat matul it-trasport tiegħu u meta jgħaddi mill-faċilità tat-trattament; |
|
(b) |
jekk joriġina minn barra ż-żona demarkata, ikun qed jgħaddi biss miż-żona infestata, u jittieħdu miżuri effettivi għall-prevenzjoni tal-infestazzjoni tiegħu mill-pest speċifikat; jew |
|
(c) |
jekk il-frott speċifikat ikun inħasad fi staġun tas-sena, kif definit mill-awtoritajiet kompetenti, fejn ma jkun mistenni li jseħħ l-ebda stadju ħaj tal-pest speċifikat f’dak il-frott, minħabba l-bijoloġija riproduttiva tal-pest speċifikat. |
2. Il-pjanti ospitanti maħsuba għat-tħawwil u li jiġu mċaqilqa miż-żona infestata għal ġoż-żona ta’ lqugħ, jew ’il barra miż-żona demarkata, għandhom ikunu ħielsa mill-frott u, fejn il-ħamrija jew materjal ieħor għat-tkabbir ikun imwaħħal magħhom, dik il-ħamrija għandha tkun ħielsa mill-pesti speċifikati.
Madankollu, il-pjanti ospitanti bil-frott jistgħu jiġu mċaqilqa barra miż-żona infestata jew minn ġo fiha, jekk dawk il-pjanti joriġinaw minn barra ż-żona demarkata, u jittieħdu miżuri effettivi għall-prevenzjoni tal-infestazzjoni tal-pjanti mill-pesti speċifikati.
3. L-10 cm ta’ fuq tal-ħamrija tal-wiċċ, mis-siti tal-produzzjoni, fejn ikun tkabbar il-frott speċifikat, tista’ tiġi mċaqilqa biss miż-żona infestata għaż-żona ta’ lqugħ, jew ’il barra miż-żona demarkata, jekk:
|
(a) |
kienet soġġetta għal miżuri xierqa biex jiġi eliminat il-pest speċifikat; jew |
|
(b) |
tkun indifnet f’landfill, mgħottija b’mill-inqas 50 cm ta’ materjal, taħt is-superviżjoni tal-awtoritajiet kompetenti. |
Kwalunkwe trasport ta’ dik il-ħamrija lejn il-post tat-trattament jew tad-dfin għandu jsir f’kundizzjonijiet li jipprevjenu b’mod effettiv it-tixrid tal-pest speċifikat.
4. L-iskart mill-frott speċifikat għandu jintrema b’mod sikur, b’mod li jipprevjeni l-iżvilupp u t-tixrid tal-pest speċifikat.
Artikolu 11
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Marzu 2025.
Madankollu, l-Artikolu 3(1), it-tieni subparagrafu, għandu japplika mill-1 ta’ Jannar 2026.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Frar 2025.
Għall-Kummissjoni
Il-President
Ursula VON DER LEYEN
(1) ĠU L 317, 23.11.2016, p. 4, ELI: http://data.europa.eu/eli/reg/2016/2031/oj.
(2) Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1, ELI: http://data.europa.eu/eli/reg_impl/2019/2072/oj).
(3) Ir-Regolament Delegat tal-Kummissjoni (UE) 2019/1702 tal-1 ta’ Awwissu 2019 li jissupplimenta r-Regolament (UE) 2016/2031 tal-Parlament Ewropew u tal-Kunsill billi jistabbilixxi l-lista ta’ pesti ta’ prijorità (ĠU L 260, 11.10.2019, p. 8, ELI: http://data.europa.eu/eli/reg_del/2019/1702/oj).
(4) EFSA (l-Awtorità Ewropea dwar is-Sigurtà fl-Ikel). Story map for surveillance of non-EU Tephritidae in the EU. https://efsa.europa.eu/plants/planthealth/monitoring/surveillance/tephritidae-pestsurveycards.
(5) Standard Internazzjonali għall-Miżuri Fitosanitarji (ISPM) 26: Establishment of pest-free areas for fruit flies (Tephritidae). https://www.ippc.int/core-activities/standards-setting/ispms.
(6) Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1, ELI: http://data.europa.eu/eli/reg/2009/1107/oj).
(7) Standard Internazzjonali għall-Miżuri Fitosanitarji (ISPM) 28: Phytosanitary treatments for regulated pests. https://www.ippc.int/core-activities/standards-setting/ispms.
ANNESS I
LISTA TA’ OSPITANTI GĦAL KULL SPEĊI TAL-PEST SPEĊIFIKAT
Bactrocera dorsalis:
|
|
Abelmoschus spp. |
|
|
Annona cherimola |
|
|
Annona montana |
|
|
Annona muricata |
|
|
Annona reticulata |
|
|
Annona senegalensis |
|
|
Annona squamosa |
|
|
Averrhoa carambola |
|
|
Capparis spp. |
|
|
Capsicum annuum |
|
|
Capsicum frutescens |
|
|
Carica papaya |
|
|
Citrofortunella floridana |
|
|
Citrofortunella macrocarpa |
|
|
Citrullus colocynthis |
|
|
Citrullus lanatus |
|
|
Citrus amblycarpa |
|
|
Citrus aurantifolia |
|
|
Citrus aurantium |
|
|
Citrus depressa |
|
|
Citrus jambhiri |
|
|
Citrus latifolia |
|
|
Citrus limon |
|
|
Citrus maxima |
|
|
Citrus meyerii |
|
|
Citrus natsudaidai |
|
|
Citrus nobilis |
|
|
Citrus paradisi |
|
|
Citrus reticulata |
|
|
Citrus sinensis |
|
|
Citrus swinglei |
|
|
Citrus unshiu |
|
|
Coccinia grandis |
|
|
Cucumis ficifolius |
|
|
Cucumis melo |
|
|
Cucumis prophetarum |
|
|
Cucumis sativus |
|
|
Cucurbita spp. |
|
|
Cydonia oblonga |
|
|
Diospyros dasyphylla |
|
|
Diospyros decandra |
|
|
Diospyros ebenaster |
|
|
Diospyros lotus |
|
|
Diospyros mespiliformis |
|
|
Diospyros montana |
|
|
Eriobotrya spp. |
|
|
Ficus spp. |
|
|
Fortunella spp |
|
|
Fragaria chiloensis |
|
|
Fragaria vesca |
|
|
Juglans nigra |
|
|
Juglans regia |
|
|
Lagenaria siceraria |
|
|
Malus domestica |
|
|
Malus sylvestris |
|
|
Mangifera indica |
|
|
Momordica balsamina |
|
|
Momordica charantia |
|
|
Momordica cochinchinensis |
|
|
Morus alba |
|
|
Morus nigra |
|
|
Passiflora edulis |
|
|
Persea americana |
|
|
Physalis minima |
|
|
Physalis peruviana |
|
|
Prunus armeniaca |
|
|
Prunus avium |
|
|
Prunus bokhariensis |
|
|
Prunus cerasoides |
|
|
Prunus domestica |
|
|
Prunus persica |
|
|
Psidium cattleianum |
|
|
Psidium guajava |
|
|
Punica granatum |
|
|
Pyrus communis |
|
|
Pyrus pashia |
|
|
Pyrus pyrifoli |
|
|
Sambucus spp. |
|
|
Solanum aculeatissimum |
|
|
Solanum aethiopicum |
|
|
Solanum americanum |
|
|
Solanum anguivi |
|
|
Solanum betaceum |
|
|
Solanum capsicoides |
|
|
Solanum donianum |
|
|
Solanum erianthum |
|
|
Solanum granuloso-leprosum |
|
|
Solanum incanum |
|
|
Solanum lasiocarpum |
|
|
Solanum linnaeanum |
|
|
Solanum lycopersicum |
|
|
Solanum mauritianum |
|
|
Solanum melongena |
|
|
Solanum nigrum |
|
|
Solanum pimpinellifolium |
|
|
Solanum pseudocapsicum |
|
|
Solanum seaforthianum |
|
|
Solanum sessiliflorum |
|
|
Solanum sodomeum |
|
|
Solanum stramoniifolium |
|
|
Solanum torvum |
|
|
Solanum trilobatum |
|
|
Vaccinium reticulatum |
|
|
Vitis vinifera (inklużi l-ibridi) |
|
|
Ziziphus mauritiana |
|
|
Ziziphus mucronata |
Bactrocera latifrons:
|
|
Capsicum annuum |
|
|
Capsicum baccatum |
|
|
Capsicum chinense |
|
|
Capsicum frutescens |
|
|
Citrullus lanatus |
|
|
Citrus aurantifolia |
|
|
Cucumis dipsaceus |
|
|
Cucumis melo |
|
|
Cucumis sativus |
|
|
Cucurbita spp. |
|
|
Lagenaria siceraria |
|
|
Momordica charantia |
|
|
Momordica trifoliolata |
|
|
Passiflora foetida |
|
|
Persea americana |
|
|
Physalis alkekengi |
|
|
Physalis angulate |
|
|
Physalis peruviana |
|
|
Psidium guajava |
|
|
Punica granatum |
|
|
Solanum aculeatissimum |
|
|
Solanum aethiopicum |
|
|
Solanum americanum |
|
|
Solanum anguivi |
|
|
Solanum capsicoides |
|
|
Solanum donianum |
|
|
Solanum erianthum |
|
|
Solanum granuloso-leprosum |
|
|
Solanum incanum |
|
|
Solanum indicum |
|
|
Solanum lanceifolium |
|
|
Solanum lasiocarpum |
|
|
Solanum linnaeanum |
|
|
Solanum lycopersicum |
|
|
Solanum macrocarpon |
|
|
Solanum mammosum |
|
|
Solanum melongena |
|
|
Solanum muricatum |
|
|
Solanum nigrescens |
|
|
Solanum nigrum |
|
|
Solanum pimpinellifolium |
|
|
Solanum pseudocapsicum |
|
|
Solanum scabrum |
|
|
Solanum seaforthianum |
|
|
Solanum sisymbriifolium |
|
|
Solanum stramoniifolium |
|
|
Solanum torvum |
|
|
Solanum trilobatum |
|
|
Solanum viarum |
|
|
Solanum violaceum |
|
|
Solanum virginianum |
|
|
Ziziphus jujuba |
|
|
Ziziphus mauritiana |
|
|
Ziziphus nummularia |
Bactrocera zonata:
|
|
Annona reticulata |
|
|
Annona squamosa |
|
|
Citrullus lanatus |
|
|
Citrus aurantium |
|
|
Citrus limon |
|
|
Citrus paradisi |
|
|
Citrus reticulata |
|
|
Citrus sinensis |
|
|
Cucumis sativus |
|
|
Cucurbita spp. |
|
|
Cydonia oblonga |
|
|
Diospyros kaki |
|
|
Eriobotrya japonica |
|
|
Ficus spp. |
|
|
Lagenaria siceraria |
|
|
Malus domestica |
|
|
Malus sylvestris |
|
|
Mangifera indica |
|
|
Momordica charantia |
|
|
Persea americana |
|
|
Prunus armeniaca |
|
|
Prunus domestica |
|
|
Prunus persica |
|
|
Psidium cattleianum |
|
|
Psidium guajava |
|
|
Punica granatum |
|
|
Pyrus communis |
|
|
Pyrus pyrifolia |
|
|
Pyrus ussuriensis |
|
|
Ziziphus mauritiana |
ANNESS II
MUDELLI GĦAR-RAPPURTAR TAR-RIŻULTATI TAL-ISTĦARRIĠIET IMWETTQA SKONT L-ARTIKOLU 7
PARTI A
MUDELL GĦAR-RAPPORTAR TAR-RIŻULTATI TAL-ISTĦARRIĠIET ANNWALI
|
|
|
|
|
|
|
|
|
|
|
|
|
|
|
|
|||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
Isem |
Data tal-istabbiliment |
Deskrizzjoni |
Numru |
|
Numru |
Data |
||||||||||||||||||||||||||||||||||||||||||||||||||||||||||||||||||||||||||
|
A |
B |
C |
D |
E |
F |
G |
H |
I |
i |
ii |
iii |
iv |
i |
ii |
iii |
iv |
||||||||||||||||||||||||||||||||||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||||||||||||||||||||||||||||
Struzzjonijiet dwar kif jimtela l-mudell
Jekk jimtela dan il-mudell, ma għandux għalfejn jimtela l-mudell fil-Parti B ta’ dan l-Anness.
Għall-kolonna 1: Indika l-isem taż-żona ġeografika, in-numru tat-tifqigħa jew kwalunkwe informazzjoni li tippermetti l-identifikazzjoni ta’ din iż-żona demarkata (ŻD) u d-data meta ġiet stabbilita.
Għall-kolonna 2: Indika d-daqs taż-ŻD qabel il-bidu tal-istħarriġ.
Għall-kolonna 3: Indika d-daqs taż-ŻD wara l-istħarriġ.
Għall-kolonna 4: Indika l-approċċ: Eradikazzjoni. Jekk jogħġbok inkludi r-ringieli kollha li hemm bżonn, skont in-numru ta’ ŻD għal kull pest.
Għall-kolonna 5: Indika ż-żona taż-ŻD fejn twettaq l-istħarriġ, u inkludi r-ringieli kollha li hemm bżonn: Żona infestata (ŻI) jew żona ta’ lqugħ (ŻL) billi tuża ringieli separati. Meta jkun il-każ, indika ż-żona taż-ŻI fejn sar l-istħarriġ (eż. ħdejn iż-ŻL, madwar mixtla, eċċ.) f’ringieli differenti.
Għall-kolonna 6: Indika n-numru u d-deskrizzjoni tas-siti tal-istħarriġ, billi tagħżel waħda mill-entrati li ġejjin għad-deskrizzjoni:
|
1. |
Fil-beraħ (żona ta’ produzzjoni): 1.1. għalqa (ikkultivata, mergħa); 1.2. ġnien bis-siġar tal-frott/vinja; 1.3. mixtla; 1.4. foresta; |
|
2. |
Fil-beraħ (oħrajn): 2.1. ġnien privat; 2.2. siti pubbliċi; 2.3. żona ta’ konservazzjoni; 2.4. pjanti selvaġġi f’żoni għajr żoni ta’ konservazzjoni; 2.5. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam, artijiet mistagħdra, network tat-tisqija u tad-drenaġġ, eċċ.); |
|
3. |
Kundizzjonijiet magħluqa fiżikament: 3.1. serra; 3.2. sit privat, għajr serra; 3.3. sit pubbliku, għajr serra; 3.4. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam). |
Għall-kolonna 7: Indika liema huma ż-żoni ta’ riskju identifikati abbażi tal-bijoloġija tal-pest(i), il-preżenza tal-pjanti ospitanti, il-kundizzjonijiet ekoklimatiċi u l-postijiet ta’ riskju.
Għall-kolonna 8: Indika ż-żoni ta’ riskju inklużi fl-istħarriġ, minn dawk identifikati fil-kolonna 7.
Għall-kolonna 9: Indika l-pjanti, il-frott, iż-żrieragħ, il-ħamrija, il-materjal tal-imballaġġ, l-injam, il-makkinarju, il-vetturi, l-ilma, oħrajn, filwaqt li tispeċifika l-każ speċifiku.
Għall-kolonna 10: Indika l-lista ta’ speċijiet/ġeneri tal-pjanti mistħarrġa bl-użu ta’ ringiela waħda għal kull speċi/ġeneru ta’ pjanta.
Għall-kolonna 11: Indika x-xhur tas-sena meta twettaq l-istħarriġ.
Għall-kolonna 12: Indika d-dettalji tal-istħarriġ, skont ir-rekwiżiti legali speċifiċi ta’ kull pest. Indika b’M/A meta l-informazzjoni ta’ kolonna partikolari ma tkunx applikabbli.
Għall-kolonni 13 u 14: Indika r-riżultati, jekk applikabbli, billi tipprovdi l-informazzjoni disponibbli fil-kolonni korrispondenti. “Mhux determinati” huma dawk il-kampjuni analizzati li għalihom ma nkiseb l-ebda riżultat minħabba fatturi differenti (eż. taħt il-livell ta’ detezzjoni, kampjun mhux ipproċessat-mhux identifikat, antik).
Għall-kolonna 15: Indika n-notifiki tat-tifqigħat tas-sena meta sar l-istħarriġ għas-sejbiet fiż-ŻL. In-numru tan-notifika tat-tifqigħat ma hemmx għalfejn jiġi inkluż meta l-awtorità kompetenti tkun iddeċidiet li s-sejba hija waħda mill-każijiet imsemmija fl-Artikolu 14(2), fl-Artikolu 15(2) jew fl-Artikolu 16 tar-Regolament (UE) 2016/2031. F’dan il-każ, indika r-raġuni għaliex ma pprovdejtx din l-informazzjoni fil-kolonna 16 (“Kummenti”).
PARTI B
Mudell għar-rapportar tar-riżultati tal-istħarriġiet annwali, bl-użu ta’ approċċ ibbażat fuq l-istatistika
|
|
|
|
|
|
|
|
|
|
|
|||||||||||||||||||||||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|||||||||||||||||||||||||||||||||||||||||||||||
|
Isem |
Data tal-istabbiliment |
Deskrizzjoni |
Numru |
Speċijiet ospitanti |
Żona (ettari jew unità oħra iktar rilevanti) |
Unitajiet tal-ispezzjoni |
Deskrizzjoni |
Unitajiet |
Eżamijiet viżwali |
Qbid |
Ittestjar |
Metodi oħra |
Fattur ta’ riskju |
Livelli ta’ riskju |
Numru ta’ postijiet |
Riskji relattivi |
Proporzjon tal-popolazzjoni ospitanti |
Pożittivi |
Negattivi |
Mhux determinati |
Numru |
Data |
|||||||||||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||
Struzzjonijiet dwar kif timla l-mudell
Spjega s-suppożizzjonijiet sottostanti għat-tfassil tal-istħarriġ għal kull pest. Ikteb fil-qosor u ġġustifika:
|
— |
il-popolazzjoni fil-mira, l-unità epidemjoloġika u l-unitajiet tal-ispezzjoni; |
|
— |
il-metodu tad-detezzjoni u s-sensittività tal-metodu; |
|
— |
il-fattur(i) tar-riskju, u indika l-livelli tar-riskju u r-riskji relattivi korrispondenti u l-proporzjonijiet tal-popolazzjoni tal-pjanti ospitanti. |
Għall-kolonna 1: Indika l-isem taż-żona ġeografika, in-numru tat-tifqigħa jew kwalunkwe informazzjoni li tippermetti l-identifikazzjoni ta’ din iż-żona demarkata (ŻD) u d-data meta ġiet stabbilita.
Għall-kolonna 2: Indika d-daqs taż-ŻD qabel il-bidu tal-istħarriġ.
Għall-kolonna 3: Indika d-daqs taż-ŻD wara l-istħarriġ.
Għall-kolonna 4: Indika l-approċċ: Eradikazzjoni jew Trażżin. Jekk jogħġbok inkludi r-ringieli kollha li hemm bżonn, skont in-numru ta’ ŻD għal kull pest u l-approċċi li dawn iż-żoni huma soġġetti għalihom.
Għall-kolonna 5: Indika ż-żona taż-ŻD fejn twettaq l-istħarriġ, u inkludi r-ringieli kollha li hemm bżonn: Żona infettata (ŻI) jew żona ta’ lqugħ (ŻL), bl-użu ta’ ringieli separati. Meta applikabbli, indika ż-żona taż-ŻI fejn twettaq l-istħarriġ (eż. l-aħħar 20 km ħdejn iż-ŻL, madwar il-mixtliet, eċċ.) f’ringieli differenti.
Għall-kolonna 6: Indika n-numru u d-deskrizzjoni tas-siti tal-istħarriġ, billi tagħżel waħda mill-entrati li ġejjin għad-deskrizzjoni:
|
1. |
Fil-beraħ (żona ta’ produzzjoni): 1.1. għalqa (ikkultivata, mergħa); 1.2. ġnien bis-siġar tal-frott/vinja; 1.3. mixtla; 1.4. foresta; |
|
2. |
Fil-beraħ (oħrajn): 2.1. ġonna privati; 2.2. siti pubbliċi; 2.3. żona ta’ konservazzjoni; 2.4. pjanti selvaġġi f’żoni għajr żoni ta’ konservazzjoni; 2.5. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam, artijiet mistagħdra, network tat-tisqija u tad-drenaġġ, eċċ.); |
|
3. |
Kundizzjonijiet magħluqa fiżikament: 3.1. serra; 3.2. sit privat, għajr serra; 3.3. sit pubbliku, għajr serra; 3.4. oħrajn, bi speċifikazzjoni tal-każ partikolari (eż. ħanut tal-pjanti, siti kummerċjali li jużaw materjal tal-imballaġġ magħmul mill-injam, industrija tal-injam). |
Għall-kolonna 7: Indika x-xhur tas-sena meta twettqu l-istħarriġiet.
Għall-kolonna 8: Indika l-popolazzjoni fil-mira magħżula billi tipprovdi kif xieraq il-lista tal-ispeċijiet/ġeneri ospitanti u ż-żona koperta. Il-popolazzjoni fil-mira hija definita bħala l-grupp ta’ unitajiet ta’ spezzjoni. Id-daqs tagħha huwa definit tipikament għal żoni agrikoli bl-ettari, iżda jista’ jkun lottijiet, għelieqi, serer, eċċ. Jekk jogħġbok iġġustifika l-għażla magħmula fis-suppożizzjonijiet sottostanti. Indika l-unitajiet ta’ spezzjoni mistħarrġa. “Unità ta’ spezzjoni” tfisser pjanti, partijiet ta’ pjanti, komoditajiet, materjali, vetturi ta’ pesti li ġew eżaminati bir-reqqa għall-identifikazzjoni u għad-detezzjoni tal-pesti.
Għall-kolonna 9: Indika l-unitajiet epidemjoloġiċi li ġew mistħarrġa, li jindikaw id-deskrizzjoni u l-unità tal-kejl tagħhom. “Unità epidemjoloġika” tfisser żona omoġenja fejn l-interazzjonijiet bejn il-pest, il-pjanti ospitanti u l-fatturi u l-kundizzjonijiet abijotiċi u bijotiċi jirriżultaw fl-istess epidemjoloġija, jekk il-pest ikun preżenti. L-unitajiet epidemjoloġiċi huma suddiviżjoni tal-popolazzjoni fil-mira li huma omoġenji f’termini tal-epidemjoloġija b’mill-inqas pjanta ospitanti waħda. F’xi każijiet il-popolazzjoni tal-pjanti ospitanti kollha f’reġjun/żona/pajjiż tista’ tiġi definita bħala unità epidemjoloġika. Dawn jistgħu jkunu reġjuni tal-klassifikazzjoni komuni ta’ unitajiet territorjali għall-istatistika (NUTS), żoni urbani, foresti, ġonna tal-ward jew irziezet, jew ettari. L-għażla tal-unitajiet epidemjoloġiċi trid tiġi ġġustifikata fis-suppożizzjonijiet sottostanti.
Għall-kolonna 10: Indika l-metodi użati matul l-istħarriġ inkluż in-numru ta’ attivitajiet f’kull każ, skont ir-rekwiżiti legali speċifiċi ta’ kull pest. Indika b’M/A meta l-informazzjoni ta’ kolonna partikolarti ma tkunx disponibbli.
Għall-kolonna 11: Indika stima tal-effettività tal-kampjunar. L-effettività tal-kampjunar tfisser il-probabbiltà li jintgħażlu partijiet ta’ pjanti infettati minn pjanta infettata. Għall-vetturi, hija l-effettività tal-metodu li jaqbad vettur pożittiv meta jkun preżenti fiż-żona tal-istħarriġ. Għall-ħamrija, hija l-effettività tal-għażla ta’ kampjun tal-ħamrija li jkun fih il-pest meta l-pest ikun preżenti fiż-żona tal-istħarriġ.
Għall-kolonna 12: “Sensittività tal-metodu” tfisser il-probabbiltà ta’ metodu li jagħmel detezzjoni korretta tal-preżenza tal-pest. Is-sensittività tal-metodu hija definita bħala l-probabbiltà li ospitant verament pożittiv jittestja pożittiv. Hija l-multiplikazzjoni tal-effettività tal-kampjunar (jiġifieri l-probabbiltà li jintgħażlu partijiet infettati tal-pjanta minn pjanta infettata) bis-sensittività dijanjostika (karatterizzata mill-ispezzjoni viżwali u/jew mit-test tal-laboratorju użati fil-proċess ta’ identifikazzjoni).
Għall-kolonna 13: Ipprovdi l-fatturi ta’ riskju f’kolonni differenti, u uża kemm hemm bżonn ringieli. Għal kull fattur ta’ riskju indika l-livell ta’ riskju u r-riskju relattiv korrispondenti u l-proporzjon tal-popolazzjoni tal-pjanti ospitanti.
Għall-kolonna B: Indika d-dettalji tal-istħarriġ, skont ir-rekwiżiti legali speċifiċi għal kull pest. Indika b’M/A meta l-informazzjoni ta’ kolonna partikolari ma tkunx applikabbli. L-informazzjoni li għandha tiġi pprovduta f’dawn il-kolonni hija relatata mal-informazzjoni inkluża fil-kolonna 10 “Metodi ta’ detezzjoni”.
Għall-kolonna 18: Indika n-numru ta’ siti tal-qbid f’każ li dan in-numru jkun differenti min-numru ta’ nases (il-kolonna 17) (eż. l-istess nassa tintuża f’postijiet differenti).
Għall-kolonna 21: Indika n-numru ta’ kampjuni li nstabu pożittivi, negattivi jew mhux determinati. “Mhux determinati” huma dawk il-kampjuni analizzati li għalihom ma nkiseb l-ebda riżultat minħabba fatturi differenti (eż. taħt il-livell ta’ detezzjoni, kampjun mhux ipproċessat-mhux identifikat, antik).
Għall-kolonna 22: Indika n-notifiki tat-tifqigħat tas-sena meta twettaq l-istħarriġ. In-numru tan-notifika tat-tifqigħat ma hemmx għalfejn jiġi inkluż meta l-awtorità kompetenti tkun iddeċidiet li s-sejba hija waħda mill-każijiet imsemmija fl-Artikolu 14(2), fl-Artikolu 15(2) jew fl-Artikolu 16 tar-Regolament (UE) 2016/2031. F’dan il-każ, indika r-raġuni għaliex ma pprovdejtx din l-informazzjoni fil-kolonna 25 (“Kummenti”).
Għall-kolonna 23: Indika s-sensittività tal-istħarriġ, kif definit fl-Istandard Internazzjonali għall-Miżura Fitosanitarja (ISPM) 31. Dan il-valur tal-livell ta’ kunfidenza miksub tal-ħelsien mill-pesti huwa kkalkulat abbażi tal-eżamijiet (u/jew tal-kampjuni) imwettqa fid-dawl tas-sensittività tal-metodu u tal-prevalenza prevista.
Għall-kolonna 24: Indika l-prevalenza prevista bbażata fuq stima ta’ qabel l-istħarriġ tal-probabbiltà ta’ prevalenza attwali tal-pest fl-għalqa. Il-prevalenza prevista hija stabbilita bħala mira tal-istħarriġ u tikkorrispondi mal-kompromess li l-maniġers tar-riskju qed jagħmlu bejn ir-riskju li jkollhom il-pest u r-riżorsi disponibbli għall-istħarriġ. Tipikament, għal stħarriġ ta’ detezzjoni jiġi stabbilit valur ta’ 1 %.
(1) Ir-Regolament ta’ Implimentazzjoni tal-Kummissjoni (UE) 2019/1715 tat-30 ta’ Settembru 2019 li jistabbilixxi r-regoli għat-tħaddim tas-sistema ta’ ġestjoni tal-informazzjoni għall-kontrolli uffiċjali u l-komponenti tas-sistema tagħha (ir-Regolament IMSOC) (ĠU L 261, 14.10.2019, p. 37, ELI: http://data.europa.eu/eli/reg_impl/2019/1715/oj).
ELI: http://data.europa.eu/eli/reg_impl/2025/311/oj
ISSN 1977-074X (electronic edition)