1.   

Fit-30 ta’ Ottubru 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Waters Corporation (“Waters”) (l-Istati Uniti), u

—	Ċerti sussidjarji u assi tal-unitajiet tan-negozju ta’ Biosciences and Diagnostic Solutions (l-“Impriża fil-Mira”) ta’ Becton, Dickinson and Company (“BD”) (l-Istati Uniti).

Waters takkwista, fis-sens tal-Artikolu 3(1)(b), tar-Regolament dwar l-Għaqdiet, il-kontroll esklużiv tal-impriża fil-mira.

Il-konċentrazzjoni hija mwettqa permezz ta’ xiri ta’ ishma fl-impriża fil-mira.

2.   

L-attivitajiet kummerċjali tal-impriżi kkonċernati huma li ġejjin:

—	Waters hija kumpanija ta’ kejl ta’ speċjalità li tiżviluppa soluzzjonijiet analitiċi tal-fluss tax-xogħol, li primarjament jinvolvu kromatografija likwida, spettrometrija tal-massa u innovazzjonijiet ta’ analiżi termali li jservu l-industriji tal-ħajja, tal-materjali u tax-xjenzi tal-ikel.

—

L-impriża fil-mira hija magħmula mill-unitajiet tan-negozju (a) Biosciences u (b) Diagnostic Solutions ta’ BD. — BD Biosciences hija fornitur ta’ soluzzjonijiet ta’ riċerka dwar l-immunoloġija u l-kanċer u dijanjostika klinika relatata, inklużi strumenti u reaġenti taċ-ċitometrija tal-fluss, u għandha għodod multiomiċi uniċellolari innovattivi. — BD Diagnostic Solutions hija fornitur tal-mikrobijoloġija u tad-dijanjostika tal-mard infettiv, inklużi d-dijanjostika molekulari, l-iskrinjar tal-kanċer ċervikali, prodotti taċ-ċitoloġija, awtomatizzazzjoni tal-mikrobijoloġija u servizzi fiċ-ċentri tal-kura.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil partijiet terzi interessati jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12135 – WATERS / BD (BIOSCIENCES AND DIAGNOSTIC SOLUTIONS BUSINESSES)

Il-kummenti jistgħu jintbagħtu lill-Kummissjoni b’email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË