19.6.2020   

GA

Iris Oifigiúil an Aontais Eorpaigh

L 196/1

RIALACHÁN CUR CHUN FEIDHME (AE) 2020/847 ÓN gCOMHAIRLE

an 18 Meitheamh 2020

lena gcuirtear chun feidhme Rialachán (AE) Uimh. 267/2012 a bhaineann le bearta sriantacha in aghaidh na hIaráine

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 267/2012 ón gComhairle an 23 Márta 2012 a bhaineann le bearta sriantacha i gcoinne na hIaráine agus lena n-aisghairtear Rialachán (AE) Uimh. 961/2010 (1), agus go háirithe Airteagal 46(2) de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)

An 23 Márta 2012, ghlac an Chomhairle Rialachán (AE) Uimh. 267/2012.

(2)

Ar bhonn athbhreithniú ar Iarscríbhinn II a ghabhann le Cinneadh 2010/413/CBES, tháinig an Chomhairle ar an tátal gur cheart na bearta sriantacha i gcoinne gach duine agus gach eintitis atá ar an liosta a leagtar amach san Iarscríbhinn sin a choimeád ar bun, sa mhéid nach luaitear a n-ainmneacha in Iarscríbhinn VI a ghabhann leis an gCinneadh sin.

(3)

Tháinig an Chomhairle ar an tátal freisin gur cheart 10 n-iontráil a áirítear in Iarscríbhinn IX a ghabhann le Rialachán (AE) Uimh. 267/2012 a nuashonrú.

(4)

Ba cheart, dá bhrí sin, Rialachán (AE) Uimh. 267/2012 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasaítear Iarscríbhinn IX a ghabhann le Rialachán (AE) Uimh. 267/2012 mar a leagtar amach san Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, 18 Meitheamh 2020.

Thar ceann na Comhairle

An tUachtarán

A. METELKO-ZGOMBIĆ

(1)   IO L 88, 24.3.2012, lch. 1.

IARSCRÍBHINN

Leasaítear Iarscríbhinn IX a ghabhann le Rialachán (AE) Uimh. 267/2012 mar a leanas:

(1)

faoin gceannteideal “I. Daoine agus eintitis a bhfuil baint acu le gníomhaíochtaí diúracán núicléach nó le gníomhaíochtaí diúracán balaistíoch agus daoine agus eintitis a thugann tacaíocht do Rialtas na hIaráine”, cuirtear na hiontrálacha seo a leanas in ionad na n-iontrálacha comhfhreagracha sa liosta a leagtar amach faoin bhfo-cheannteideal “A. Daoine”:

 

Ainm

Faisnéis aitheantais

Cúiseanna

Dáta an liostaithe

“8.

Ebrahim MAHMUDZADEH

 

Iar-Stiúrthóir Bainistíochta Iran Electronic Industries (féach Cuid B, Uimh. 20). Is Ard-Stiúrthóir ar The Armed Forces Social Security Organization é faoi láthair.

23.6.2008

12.

Mohammad Reza MOVASAGHNIA

 

Iar-cheannaire ar Ghrúpa Tionscal Samen Al A’Emmeh (SAIG), dá ngairtear freisin Cruise Missile Industry Group. Ainmníodh an eagraíocht sin faoi Rún 1747 ó Chomhairle Slándála na Náisiún Aontaithe agus liostaítear í in Iarscríbhinn I a ghabhann le Comhsheasamh 2007/140/CBES.

26.7.2010

25.

Sayed Shamsuddin BORBORUDI

(ar a dtugtar freisin Seyed Shamseddin BORBOROUDI)

Dáta Breithe: 21.9.1969

Iar-Leas-Cheann Atomic Energy Organisation of Iran atá ainmnithe ag na Náisiúin Aontaithe, áit a raibh sé faoi cheannas Feridun Abbasi Davani atá ainmnithe ag na Náisiúin Aontaithe. Tá sé rannpháirteach i gclár núicléach na hIaráine ó 2002 ar a laghad, lena n-áirítear mar iarcheannaire soláthair agus lóistíochta ag AMAD, áit a raibh sé freagrach as cuideachtaí caocha amhail Kimia Madan a úsáid chun trealamh agus ábhar a sholáthar do chlár arm núicléach na hIaráine.

1.12.2011”;

(2)

faoin gceannteideal “I. Daoine agus eintitis a bhfuil baint acu le gníomhaíochtaí diúracán núicléach nó le gníomhaíochtaí diúracán balaistíoch agus daoine agus eintitis a thugann tacaíocht do Rialtas na hIaráine”, cuirtear na hiontrálacha seo a leanas in ionad na n-iontrálacha comhfhreagracha sa liosta a leagtar amach faoin bhfo-cheannteideal “B. Eintitis”:

 

Ainm

Faisnéis aitheantais

Cúiseanna

Dáta an liostaithe

“87.

Khala Afarin Pars (ar a dtugtar freisin PISHRO KHALA AFARIN COMPANY)

An seoladh deiridh aige is eol dúinn: Unit 5, 2nd Floor, No 75, Mehran Afrand St, Sattarkhan St, Tehran.

Tá baint acu le trealamh agus ábhair a cheannach a bhfuil feidhmeanna díreacha acu i gclár núicléach na hIaráine.

1.12.2011

161.

Sharif University of Technology

An seoladh deiridh aige is eol dúinn: Azadi Ave/Street, PO Box 11365-11155, Tehran, Iran, Tel: +98 21 66 161 Ríomhphost: info@sharif.ir

Tá roinnt comhaontuithe comhair ag Sharif University of Technology (SUT) le heagraíochtaí Rialtas na hIaráine atá ainmnithe ag na Náisiúin Aontaithe agus/nó ag an Aontas Eorpach, agus a fheidhmíonn i réimsí míleata nó a bhaineann le réimsí míleata, go háirithe i réimse tháirgeadh agus sholáthar na ndiúracán balaistíoch. Áirítear leis sin: comhaontú leis an Aerospace Industries Organisation atá ainmnithe ag an Aontas Eorpach chun, i measc nithe eile, satailítí a tháirgeadh; oibriú i gcomhar le hAireacht Cosanta na hIaráine agus Iranian Revolutionary Guards Corps (IRGC) maidir le comórtais do bháid chliste; comhaontú níos leithne le hAerfhórsa IRGC lena gcumhdaítear caidreamh na hOllscoile, comhar eagraíochtúil agus straitéiseach a fhorbairt agus a neartú; Is cuid de chomhaontú 6 ollscoil é SUT a thacaíonn le Rialtas na hIaráine trí thaighde a bhaineann leis an gcosaint.

I dteannta a chéile, léirítear leis an méid sin rannpháirtíocht shuntasach le Rialtas na hIaráine i réimsí míleata nó a bhaineann le réímsí míleata arb ionann iad agus tacaíocht do Rialtas na hIaráine.

8.11.2014”;

(3)

faoin gceannteideal “II. Islamic Revolutionary Guard Corps.”, cuirtear na hiontrálacha seo a leanas in ionad na n-iontrálacha comhfhreagracha sa liosta a leagtar amach faoin bhfo-cheannteideal “A. Daoine”:

 

Ainm

Faisnéis aitheantais

Cúiseanna

Dáta an liostaithe

“6.

IRGC Mohammad Ali JAFARI

 

Iar-Cheannasaí IRGC.

23.6.2008

7.

An Briogáidire-Ghinearál Mostafa Mohammad NAJJAR ó IRGC

 

Iar-Aire Gnóthaí Baile agus Iar-Aire MODAFL, a bhfuil freagracht air as gach clár míleata, lena n-áirítear cláir diúracán balaistíoch. Faoi láthair, tá sé ina chomhairleoir sinsearach ag Ceann General Staff of the Armed Forces.

23.6.2008

8.

An Briogáidire-Ghinearál Mohammad Reza NAQDI ó IRGC

Áit bhreithe: Nadjaf, an Iaráic

Dáta Breithe: 1953

Leas-Chomhordaitheoir IRGC. Iar-Leas-Cheannasaí IRGC um Ghnóthaí Cultúrtha agus Sóisialta. Iar-Cheannasaí Fhórsa Frithbheartaíochta Basij.

26.7.2010

11.

An Briogáidire-Ghinearál Hossein SALAMI ó IRGC

 

Ceannasaí IRGC.

26.7.2010

13.

An Briogáidire-Ghinearál Ahmad VAHIDI ó IRGC

 

Uachtarán Supreme National Defense University agus iar-Aire MODAFL.

23.6.2008”.