“4401 49 10

Qoxra u skart tal-produzzjoni, skrapp, rifjuti u residwi

Din is-subintestatura tinkludi prodotti sekondarji, li ma jistgħux jintużaw bħala injam, tal-ipproċessar industrijali tal-injam tond u tal-manifattura tal-prodotti tal-injam.

Pereżempju, rifjuti mill-impjanti tal-issegar jew tal-inċanar (ċangaturi, borduri, tirqim, eċċ.); skart ieħor tal-manifattura (qlub taz-zkuk għall-fuljetti, rifjuti tal-fuljetti, eċċ.); planki miksura; qoxra u ċana; skart u skrapp ieħor tax-xogħol tal-injam ħieles minn kontaminazzjoni (pereżempju, minn viti, imsiemer, żebgħa).

Injam li jerħi ż-żebgħa eżawrit u injam tal-ikkonzar huma inklużi wkoll f’din is-subintestatura.

4401 49 90

Oħrajn

Din is-subintestatura tinkludi l-iskart u l-iskrapp tal-injam ta’ wara l-konsum bħal ċestuni u pallets qodma li ma jistgħux jintużaw bħala tali, l-iskart u l-iskrapp tal-injam segregati mill-iskart tal-kostruzzjoni u d-demolizzjoni (kemm jekk ikkontaminati mekkanikament jew kimikament kif ukoll jekk le) u li ma jistgħux jintużaw bħala injam.”