Iris Oifigiúil
an Aontais Eorpaigh
GA
Sraith C
|
|
Iris Oifigiúil |
GA Sraith C |
|
C/2025/825 |
4.2.2025 |
Nótaí Míniúcháin a ghabhann le hAinmníocht Chomhcheangailte an Aontais Eorpaigh
(C/2025/825)
De bhun Airteagal 9(1), pointe (a), de Rialachán (CEE) Uimh. 2658/87 ón gComhairle (1), leasaítear na Nótaí Míniúcháin a ghabhann le hAinmníocht Chomhcheangailte an Aontais Eorpaigh (2) mar a leanas:
Ar leathanach 215, cuirtear isteach an nóta míniúcháin seo a leanas:
|
‘4401 49 10 |
Coirt agus dramhaíl táirgeachta, fuíoll, ábhar cuileáilte agus iarmhair Cuimsítear leis an bhfo-cheannteideal seo seachtháirgí de phróiseáil lomán cruinn tionsclaíoch agus de mhonarú táirgí adhmaid, ar seachtháirgí iad nach féidir a úsáid mar adhmad. Mar shampla, ábhar cuileáilte ó mhuilinn sábhadóireachta nó ó mhuilinn phlánála (leadhbanna adhmaid, ciumhaiseanna, gearrthóga etc.); dramhaíl mhonaraíochta eile (croíleacáin lomán veiníre, ábhar cuileáilte ó veinír, etc.); cláir bhriste; coirt agus scamhacháin; dramhaíl agus fuíoll eile a eascraíonn as siúinéireacht agus cearpantóireacht agus atá saor ó éilliú (trí scriúnna, tairní, péint, mar shampla). Cuimsítear ruaimadhmad spíonta agus adhmad súdaireachta san fho-cheannteideal seo freisin. |
|
4401 49 90 |
Eile Cuimsítear leis an bhfo-cheannteideal seo dramhaíl adhmaid iarthomhaltais agus fuíoll adhmaid iarthomhaltais amhail sean-chliathbhoscaí agus seanphailléid nach bhfuil oiriúnach dá bhfeidhm a thuilleadh, dramhaíl adhmaid agus fuíoll adhmaid atá deighilte ó dhramhaíl tógála agus scartála (bíodh sé éillithe go meicniúil nó go ceimiceach nó ná bíodh) agus nach féidir a úsáid mar adhmad.’ |
(1) Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1, ELI: http://data.europa.eu/eli/reg/1987/2658/oj).
ELI: http://data.europa.eu/eli/C/2025/825/oj
ISSN 1977-107X (electronic edition)