(1)

Il-Ftehim bejn il-Komunità Ewropea tal-Enerġija Atomika (Euratom) u l-Organizzazzjoni għall-Iżvilupp tal-Enerġija fil-Peniżola Koreana (KEDO) (1) (il-“Ftehim”) skada fil-31 ta’ Mejju 2024.

(2)

Il-Bord Eżekuttiv tal-KEDO mistenni jiddeċiedi li jkompli l-KEDO bħala organizzazzjoni internazzjonali wara l-31 ta’ Mejju 2024.

(3)

Huwa fl-interess tal-Euratom li tkompli s-sħubija tagħha fil-KEDO lil hinn mill-31 ta’ Mejju 2024 għal raġunijiet finanzjarji u legali.

(4)

Jenħtieġ li l-estensjoni tal-Ftehim tapplika b’mod retroattiv mill-31 ta’ Mejju 2024.

(5)

Minħabba n-natura ripetittiva u twila tal-proċess ta’ estensjoni preċedenti tal-Ftehim u n-nuqqas ta’ kwalunkwe impenn finanzjarju mill-Euratom u mill-Istati Membri, jenħtieġ li l-estensjonijiet futuri tal-Ftehim jibbenefikaw minn approċċ simplifikat abbażi ta’ mandat usa’ mill-Kunsill biex il-Kummissjoni tinnegozja tali estensjonijiet futuri. Dak il-mandat usa’ jkun jippermetti lill-Kummissjoni tinnegozja aktar minn tiġdid wieħed tal-Ftehim, dment li dak it-tiġdid tas-sħubija tal-Euratom fil-KEDO ma jkollu l-ebda impatt finanzjarju fuq il-baġit tal-Unjoni. Jenħtieġ li tali negozjati jkunu mingħajr preġudizzju għall-prerogattiva tal-Kunsill skont l-Artikolu 101 tat-Trattat li jistabbilixxi l-Komunità Ewropea tal-Enerġija Atomika (Trattat KEEA) li japprova l-konklużjoni mill-Kummissjoni tal-ftehimiet imġedda li għandhom isiru mill-Euratom. Jenħtieġ li l-Kummissjoni tinforma lill-Kunsill bi kwalunkwe tiġdid tal-Ftehim,