European flag

Iris Oifigiúil
an Aontais Eorpaigh

GA

Sraith L


2026/1760

15.7.2026

CINNEADH (CBES) 2026/1760 ÓN gCOISTE POLAITIÚIL AGUS SLÁNDÁLA

an 14 Iúil 2026

lena n-aisghairtear Cinneadh (CBES)2026/514 maidir le Ceannasaí Fórsa an Aontais Eorpaigh a cheapadh le haghaidh oibríocht slándála muirí de chuid an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) (EUNAVFOR ASPIDES/4/2026)

TÁ AN COISTE POLAITIÚIL AGUS SLÁNDÁLA,

Ag féachaint don Chonradh ar an Aontas Eorpach, agus go háirithe Airteagal 38 de,

Ag féachaint do Chinneadh (CBES) 2024/583 ón gComhairle an 8 Feabhra 2024 maidir le hoibríocht slándála muirí de chuid an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) (1), agus go háirithe Airteagal 4(2) de,

De bharr an mhéid seo a leanas:

(1)

An 8 Feabhra 2024, ghlac an Chomhairle Cinneadh (CBES) 2024/583 lenar bunaíodh oibríocht slándála muirí de chuid an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES).

(2)

De bhun Airteagal 4(2) de Chinneadh (CBES) 2024/583, d’údaraigh an Chomhairle an Coiste Polaitiúil agus Slándála cinntí a dhéanamh maidir le Ceannasaí Fórsa an Aontais Eorpaigh a cheapadh ar EUNAVFOR ASPIDES (‘Ceannasaí Fórsa an Aontais Eorpaigh’).

(3)

An 3 Márta 2026, ghlac an Coiste Polaitiúil agus Slándála Cinneadh (CBES) 2026/514 (2), lenar ceapadh an Seachaimiréal Milos ARGENTON ina Cheannasaí Fórsa an Aontais ar EUNAVFOR ASPIDES ón 14 Márta 2026.

(4)

An 1 Iúil 2026, chuir Cathaoirleach Choiste Míleata an Aontais Eorpaigh in iúl don Choiste Polaitiúil agus Slándála nach bhféadfaí na coinníollacha chun Ceannasaí Fórsa nua an Aontais Eorpaigh a cheapadh a chomhlíonadh.

(5)

Ba cheart, dá bhrí sin, Cinneadh (CBES) 2026/514 a aisghairm,

TAR ÉIS AN CINNEADH SEO A GHLACADH:

Airteagal 1

Aisghairtear Cinneadh (CBES) 2026/514.

Airteagal 2

Tiocfaidh an Cinneadh seo i bhfeidhm ar dháta a ghlactha.

Beidh feidhm aige ón 14 Iúil 2026.

Arna dhéanamh sa Bhruiséil, an 14 Iúil 2026.

Thar ceann an Choiste Pholaitiúil agus Slándála

An Cathaoirleach

L. MANDEL VENSILD


(1)   IO L, 2024/583, 12.2.2024, ELI: http://data.europa.eu/eli/dec/2024/583/oj.

(2)  Cinneadh (CBES) 2026/514 ón gCoiste Polaitiúil agus Slándála an 3 Márta 2026 maidir le Ceannasaí Fórsa an Aontais Eorpaigh a cheapadh le haghaidh oibríocht slándála muirí de chuid an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) (EUNAVFOR ASPIDES/2/2026) (IO L, 2026/514, 10.3.2026, ELI: http://data.europa.eu/eli/dec/2026/514/oj).


ELI: http://data.europa.eu/eli/dec/2026/1760/oj

ISSN 1977-0839 (electronic edition)