|
20.3.2023 |
GA |
Iris Oifigiúil an Aontais Eorpaigh |
L 80/91 |
CINNEADH (CBES) 2023/613 ÓN gCOISTE POLAITIÚIL AGUS SLÁNDÁLA
an 14 Márta 2023
maidir le Ceann Misin ar Mhisean CBSC an Aontais Eorpaigh i Mailí (EUCAP Sahel Mali) (EUCAP Sahel Mali/1/2023) a cheapadh
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38, an tríú mír, de,
Ag féachaint do Chinneadh 2014/219/CBES ón gComhairle an 15 Aibreán 2014 maidir le misean CBSC an Aontais Eorpaigh i Mailí (EUCAP Sahel Mali) (1), agus go háirithe Airteagal 7(1) de,
De bharr an mhéid seo a leanas:
|
(1) |
De bhun Airteagal 7(1) de Chinneadh 2014/219/CBES, údaraítear don Choiste Polaitiúil agus Slándála, i gcomhréir le hAirteagal 38, an tríú mír, den Chonradh, na cinntí ábhartha a ghlacadh a bhaineann le rialú polaitiúil agus treoir straitéiseach Mhisean CBSC an Aontais Eorpaigh i Mailí (EUCAP Sahel Mali), lena n-áirítear an cinneadh maidir leis an gCeann Misin a cheapadh. |
|
(2) |
An 8 Nollaig 2020, ghlac an Coiste Polaitiúil agus Slándála Cinneadh (CBES) 2020/2199 (2) lena gceaptar Hervé FLAHAUT mar Cheann Misin ar EUCAP Sahel Mali ón 1 Eanáir 2021. |
|
(3) |
An 10 Eanáir 2023, ghlac an Chomhairle Cinneadh (CBES) 2023/96 (3) lena gcuirtear síneadh le sainordú EUCAP Sahel Mali go dtí an 31 Eanáir 2025. |
|
(4) |
An 20 Feabhra 2023, mhol Ardionadaí an Aontais do Ghnóthaí Eachtracha agus don Bheartas Slándála Peter KOLDING a cheapadh ina Cheann Misin ar EUCAP Sahel Mali go dtí an 31 Eanáir 2024, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar Peter KOLDING mar Cheann Misin ar Mhisean CBSC an Aontais Eorpaigh i Mailí (EUCAP Sahel Mali) ón 11 Aibreán 2023 go dtí an 31 Eanáir 2024.
Airteagal 2
Tiocfaidh an Cinneadh seo i bhfeidhm ar dháta a ghlactha.
Beidh feidhm aige ón 11 Aibreán 2023.
Arna dhéanamh sa Bhruséil, an 14 Márta 2023.
Thar ceann an Choiste Pholaitiúil agus Slándála
D. PRONK
An Cathaoirleach
(1) IO L 113, 16.4.2014, lch.21.
(2) Cinneadh (CBES) 2020/2199 ón gCoiste Polaitiúil agus Slándála an 8 Nollaig 2020 maidir le Ceann Misin mhisean CBSC an Aontais Eorpaigh a cheapadh i Mailí (EUCAP Sahel Mali) (EUCAP Sahel Mali/2/2020) (IO L 434, 23.12.2020, lch. 54).
(3) Cinneadh (CBES) 2023/96 ón gComhairle an 10 Eanáir 2023 lena leasaítear Cinneadh 2014/219/CBES maidir le Misean CBSC an Aontais Eorpaigh i Mailí (EUCAP Sahel Mali) (IO L 8, 11.01.2023, lch. 2).