<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.7-->
  <head>
    <title>2021-04-202104C121202001080-00-TRA-DOC-MT-ORD-C-0108-20-202102076-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="24/09/2021 16:58:51" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ORD" name="TypeDoc"/>
    <meta content="79ipmYRvrDvGmvJDbgCc0jHo+uo+0X1j41J+upWnaOXsIvjoupnKDagNnNKtMyxrBUw2UWYpUAt6te0Z+5ENPG7L74a+RC9zTIVR51kbN9ZkZe6HaMNs2TOleFKm8QvvbTcwGg3K7il/RDng4BvUBT3kv9ztBNyqt5rMPg5VdDY=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="ael" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0108" name="NumeroOrdre"/>
    <meta content="2020" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="ael" name="Gendoc_DGTGeneratedUser"/>
    <meta content="FAST_document_go_ok" name="Gendoc_LastVerificationStatus"/>
    <meta content="ORD_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 26/03/2021 15:18:01" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="f49265c20ac743e5b823f1b983dd920e" name="DocumentIdentifier"/>
    <meta content="0108" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Digriet tal‑14.4.2021 – Kawża C‑108/20</div>
      <div id="rId21" style="default">Finanzamt Wilmersdorf</div>
    </div>
    <p class="C19Centre" id="para-1" title="page-1">
      DIGRIET TAL-QORTI TAL-ĠUSTIZZJA (L-Għaxar Awla)
    </p>
    <p class="C19Centre" id="para-2" title="page-1">
      14 ta’ April 2021  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Artikolu 99 tar-Regoli tal-Proċedura tal-Qorti tal-Ġustizzja – Tassazzjoni – Taxxa fuq il-valur miżjud (VAT) – Direttiva 2006/112/KE – Artikoli 167 u 168 – Dritt għal tnaqqis tal-VAT tal-input imħallsa – Rifjut – Frodi – Katina ta’ kunsinni – Rifjut tad-dritt għal tnaqqis meta l-persuna taxxabbli kienet taf jew kellha tkun taf li, bl-akkwist tagħha, hija kienet qiegħda tipparteċipa fi tranżazzjoni involuta fi frodi tal-VAT”
    </p>
    <p class="C02AlineaAltA" id="para-4" title="page-1">
      Fil-Kawża C‑108/20,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-Finanzgericht Berlin-Brandenburg (il-Qorti tal-Finanzi ta’ Berlin-Brandebourg, il-Ġermanja), permezz ta’ deċiżjoni tal‑5 ta’ Frar 2020, li waslet fil-Qorti tal-Ġustizzja fis‑27 ta’ Frar 2020, fil-proċedura
    </p>
    <p class="C02AlineaAltA" id="para-6" title="page-1">
      HR
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Finanzamt Wilmersdorf,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (L-Għaxar Awla),
    </p>
    <p class="C02AlineaAltA" id="para-10" title="page-1">
      komposta minn M. Ilešič, President tal-Awla, E. Juhász u I. Jarukaitis (Relatur), Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: E. Tanchev,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal HR, minn M. Wulf, Rechtsanwalt,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Ġermaniż, minn J. Möller u S. Eisenberg, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Ċek, minn M. Smolek, J. Vláčil u O. Serdula, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn J. Jokubauskaitė u L. Mantl, bħala aġenti,</p>
</td>
</tr>
</table>
    <p class="C02AlineaAltA" id="para-19" title="page-1">
      wara li rat id-deċiżjoni, meħuda wara li nstema’ l-Avukat Ġenerali, li l-kawża tinqata’ permezz ta’ digriet motivat, konformement mal-Artikolu 99 tar-Regoli tal-Proċedura tal-Qorti tal-Ġustizzja,
    </p>
    <p class="C02AlineaAltA" id="para-20" title="page-1">
      tagħti l-preżenti
    </p>
    <p class="C75Debutdesmotifs" id="para-21" title="page-1">
      Digriet
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 167 u tal-Artikolu 168(a) tad-Direttiva tal-Kunsill 2006/112/KE tat‑28 ta’ Novembru 2006 dwar is-sistema komuni ta’ taxxa fuq il-valur miżjud (ĠU 2006, L 347, p. 1, rettifika fil-ĠU 2007, L 335, p. 60).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn HR u l-Finanzamt Wilmersdorf (l-Uffiċċju tat-Taxxa ta’ Wilmersdorf, il-Ġermanja) (iktar ’il quddiem l-“Awtorità tat-Taxxa”) dwar rifjut tad-dritt għat-tnaqqis tat-taxxa tal-input fuq il-valur miżjud (VAT) imħallsa fuq l-akkwist ta’ xorb magħmul matul is-snin finanzjarji 2009 u 2010.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">L-Artikolu 167 tad-Direttiva 2006/112, li jinsab fil-Kapitolu 1, intitolat “Oriġini u skop tad-dritt ta’ tnaqqis”, tat-Titolu X ta’ din id-direttiva, intitolat “Tnaqqis”, jistabbilixxi li:</p>
</td>
</tr>
</table>
    <p class="C02AlineaAltA" id="para-27" title="page-1">
      “Dritt ta’ tnaqqis iseħħ fil-ħin meta t-taxxa mnaqqsa tiġi imposta.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Taħt l-istess kapitolu, l-Artikolu 168 ta’ din id-direttiva jipprevedi li:</p>
</td>
</tr>
</table>
    <p class="C02AlineaAltA" id="para-29" title="page-2">
      “Sakemm il-merkanzija u s-servizzi jintużaw għall-iskopijiet tat-transazzjonijiet taxxabbli ta’ persuna taxxabbli, il-persuna taxxabbli għandha tkun intitolata, fl-Istat Membru li fih twettaq dawn it-transazzjonijiet, li tnaqqas mll-VAT li għandha tħallas dan li ġej:
    </p>
    <p class="C09Marge0avecretrait" id="para-30" title="page-2">
      (a) il-VAT dovuta jew imħallsa f’dak l-Istat Membru rigward provvisti li sarulha ta’ merkanzija jew servizzi, li twettqu jew li għad iridu jitwettqu minn persuna taxxabli oħra;
    </p>
    <p class="C09Marge0avecretrait" id="para-31" title="page-2">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Skont l-ewwel paragrafu tal-Artikolu 273 tal-imsemmija direttiva:</p>
</td>
</tr>
</table>
    <p class="C02AlineaAltA" id="para-33" title="page-2">
      “L-Istati Membri jistgħu jimponu obbligi oħrajn li jidhrulhom meħtieġa biex jiżguraw il-ġbir korrett ta’ VAT u biex ma ssirx frodi, soġġett għall-ħtieġa ta’ trattament indaqs bejn transazzjonijiet domestiċi u transazzjonijiet li jsiru bejn Stati Membri minn persuni taxxabbli u sakemm dawn l-obbligi, fin-negozju bejn Stati Membri, ma jagħtux lok għal formalitajiet konnessi mal-qsim ta’ fruntieri.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Ġermaniż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 15 tal-Umsatzsteuergesetz (il-Liġi dwar il-VAT, BGBI. 2005 I, p. 386), fil-verżjoni tagħha applikabbli għall-fatti tal-kawża prinċipali, jistabbilixxi, fil-paragrafu 1 tiegħu, li:</p>
</td>
</tr>
</table>
    <p class="C02AlineaAltA" id="para-36" title="page-2">
      “L-imprenditur jista’ jnaqqas it-taxxi tal-input imħallsa segwenti:
    </p>
    <p class="C02AlineaAltA" id="para-37" title="page-2">
      1. it-taxxa legalment dovuta fuq kunsinni u provvisti oħra mwettqa minn imprenditur ieħor għall-finijiet tal-impriża tiegħu. L-eżerċizzju tad-dritt għal tnaqqis jimplika li l-imprenditur ikollu fil-pussess tiegħu fattura maħruġa f’konformità mal-Artikoli 14 u 14a ta’ din il-liġi. […]
    </p>
    <p class="C02AlineaAltA" id="para-38" title="page-2">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Matul is-snin 2009 u 2010, HR operat, b’kollaborazzjoni ma’ żewġha, kummerċ bl-ingrossa ta’ xorb. Fid-dikjarazzjonijiet tal-VAT tagħha relatati ma’ dawn is-snin finanzjarji, hija naqqset il-VAT tal-input imħallsa fir-rigward tal-fatturi maħruġa minn P GmbH, li tammonta għal EUR 993 164 għas-sena 2009 u għal EUR 108 417.87 għas-sena 2010 u li kienet tirrigwarda kunsinni ta’ xorb li twettqu realment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Minn żewġ sentenzi mogħtija minn qorti kriminali, li saru res judicata, jirriżulta li P akkwistat ix-xorb ikkunsinnat lil HR billi wettqet diversi istanzi ta’ frodi fil-qasam tal-VAT. Skont il-konstatazzjonijiet ta’ din il-qorti, il-konjuġi ta’ HR ipprovda lil P kwantitajiet sinjifikattivi ta’ spirti, ta’ kafè u ta’ Red Bull, b’dħul mill-bejgħ ta’ madwar EUR 80 miljun, mingħajr ma ħareġ fatturi għal dawn il-kunsinni. Impjegat ta’ P ħareġ fatturi fittizji dwar ix-xiri ta’ din il-merkanzija li abbażi tagħhom P indebitament invoka d-dritt għal tnaqqis tal-VAT tal-input. Il-konjuġi ta’ HR qiegħed ukoll għad-dispożizzjoni ta’ P listi ta’ prezzijiet u ta’ klijenti potenzjali għal din il-merkanzija. L-imsemmija merkanzija nbiegħet mill-ġdid lil xerrejja differenti, fosthom HR.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Wara l-iskoperta ta’ dawn il-fatti, l-awtorità tat-taxxa rrifjutat lil P il-benefiċċju tad-dritt għat-tnaqqis tal-VAT u għamlet l-istess fir-rigward ta’ HR billi qieset, essenzjalment, li din tal-aħħar kienet tagħmel parti, flimkien mal-impriża tagħha, mill-katina ta’ kunsinni li fiha kienu twettqu l-istanzi ta’ frodi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">HR ressqet kawża quddiem il-qorti tar-rinviju, il-Finanzgericht Berlin-Brandenburg (il-Qorti tal-Finanzi ta’ Berlin-Brandenburg, il-Ġermanja), li quddiemha hija ssostni li hija tissodisfa l-kundizzjonijiet legali sabiex tibbenefika mid-dritt għat-tnaqqis tal-VAT tal-input imħallsa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">L-awtorità tat-taxxa tqis, għall-kuntrarju, li, minħabba l-parteċipazzjoni tal-konjuġi ta’ HR kif ukoll minħabba n-natura mhux tas-soltu ta’ din il-prattika kummerċjali, HR kellha tinduna li hija kienet tagħmel parti, flimkien mal-impriża tagħha, minn katina ta’ kunsinni li fiha kienu twettqu l-istanzi ta’ frodi fil-qasam tal-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Il-qorti tar-rinviju għandha dubji dwar kif għandu jiġi interpretat il-kunċett ta’ “katina ta’ kunsinni”, fid-dawl tad-dritt tal-Unjoni, u dwar jekk ir-relazzjonijiet kummerċjali li huma s-suġġett tal-kawża li tressqet quddiemha jistgħux jaqgħu taħt dan il-kunċett, billi tosserva li la HR, billi invokat id-dritt tagħha għat-tnaqqis tal-VAT tal-input imħallsa fuq il-kunsinni ta’ xorb imwettqa minn P, u lanqas din tal-aħħar, bħala fornitriċi tal-merkanzija, ma wettqu frodi tal-VAT fil-kuntest tat-tranżazzjonijiet inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Fil-fehma tagħha, jista’ jitqies li s-sempliċi fatt li persuna taxxabbli kienet taf jew kellha tkun taf bi frodi fiskali mwettqa fi stadju preċedenti tat-tranżazzjoni inkwistjoni jċaħħadha mid-dritt għat-tnaqqis tal-VAT tal-input imħallsa. Il-kunċett ta’ “katina ta’ kunsinni” huwa għalhekk mifhum fis-sens li huwa biżżejjed li l-oġġett ikkunsinnat ikun is-suġġett ta’ diversi tranżazzjonijiet suċċessivi u l-involviment fil-frodi mwettqa upstream jeżisti minħabba s-sempliċi fatt li din tikkonċerna l-istess oġġett, mingħajr ma jkun neċessarju li l-persuna taxxabbli tkun iffaċilitat jew inkoraġġixxiet il-frodi permezz tat-tranżazzjoni inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Madankollu, il-qorti tar-rinviju tqis li tali interpretazzjoni tal-kunċett ta’ “katina ta’ kunsinni” hija wiesgħa wisq, fid-dawl tal-prinċipji ta’ newtralità fiskali u ta’ proporzjonalità. Fil-fehma tagħha, mill-ġurisprudenza tal-Qorti tal-Ġustizzja jirriżulta li r-rifjut tad-dritt għal tnaqqis fil-każ ta’ frodi jista’ jiġi kkunsidrat biss meta mill-kombinazzjoni speċifika tat-tranżazzjonijiet imwettqa suċċessivament tirriżulta n-natura frawdolenti ta’ dawn it-tranżazzjonijiet meħuda fl-intier tagħhom, bħal fil-każ, pereżempju, fejn il-kunsinni suċċessivi jaqgħu fil-kuntest ta’ pjan globali intiż sabiex irendi iktar diffiċli t-traċċabbiltà tal-oġġetti kkunsinnati u, għaldaqstant, l-iskoperta tal-istanzi ta’ frodi mwettqa fil-katina ta’ kunsinni. Tali analiżi hija sostnuta mill-ġurisprudenza li tissuġġetta r-rifjut tad-dritt għal tnaqqis għal “parteċipazzjoni” jew għal “involviment” tal-persuna taxxabbli. Fil-fehma tagħha, is-sempliċi fatt li l-persuna taxxabbli kienet taf jew kellha tkun taf bil-frodi ma jistax ikun biżżejjed sabiex jikkaratterizza parteċipazzjoni fil-frodi jew involviment fiha, fejn parteċipazzjoni jew involviment jippreżupponu kontribuzzjoni personali għall-frodi, għall-inqas fil-forma ta’ inkoraġġiment jew ta’ faċilitazzjoni. Il-mala fides, bħala ċirkustanza purament suġġettiva, ma tistax tissostitwixxi l-parteċipazzjoni attiva li hija neċessarja sabiex tiġi kkaratterizzata parteċipazzjoni jew involviment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">B’hekk, fil-fehma tagħha, f’każ bħal dak tal-kawża li tressqet quddiemha, fejn ma kienx hemm ħabi tar-relazzjonijiet ta’ provvista u lanqas tal-fornituri, fejn il-frodi mwettqa upstream hija mitmuma kompletament u ma tistax tiġi ffaċilitata jew inkoraġġita u fejn ma jeżistix pjan globali li jipprevedi li l-kunsinni jifformaw parti minn frodi li testendi fuq diversi tranżazzjonijiet, id-dritt għal tnaqqis ma għandux jiġi rrifjutat. It-tranżazzjoni li torbot lil P u HR tista’, f’tali ċirkustanzi, titqies li hija r-riżultat tar-relazzjoni ta’ provvista, indipendenti mit-tranżazzjoni involuta fil-frodi upstream, b’tali mod li l-katina ta’ kunsinni ntemmet ma’ P. Il-kwistjoni dwar jekk il-konjuġi ta’ HR ipprovdiex jew le l-lista tal-klijenti u dik tal-merkanzija inkwistjoni lil P hija irrilevanti, peress li din iċ-ċirkustanza ma tikkontestax il-fatt li l-kunsinni mwettqa minn P lil HR ma kellhom ebda effett fuq il-frodi mwettqa minn din il-kumpannija preċedentement. Barra minn hekk, it-tranżazzjonijiet inkwistjoni ma ppreġudikawx il-qasam tal-VAT, peress li P kien responsabbli għall-ħlas tal-VAT iffatturata, u ma ġġenerax vantaġġ fiskali li seta’ jmur kontra l-għanijiet tad-Direttiva 2006/112.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Il-qorti tar-rinviju tqis li, f’tali ċirkustanzi, iż-żamma tal-effetti ta’ frodi mwettqa fi stadju preċedenti fuq it-tranżazzjonijiet kollha sussegwenti meta l-persuna taxxabbli tkun sempliċement taf jew kellha tkun taf bil-frodi tikkostitwixxi restrizzjoni sproporzjonata għall-prinċipju ta’ newtralità fiskali, filwaqt li tosserva li r-rifjut tad-dritt għal tnaqqis ma jistax ikollu n-natura ta’ sanzjoni. Dan il-kunċett ġuridiku jista’ jiġi kkorroborat, fil-fehma tagħha, mill-fatt li, skont il-ġurisprudenza tal-Qorti tal-Ġustizzja, il-kwistjoni dwar jekk il-VAT dovuta fuq it-tranżazzjonijiet preċedenti jew sussegwenti li jirrigwardaw l-oġġetti kkonċernati tħallsitx lit-Teżor Pubbliku jew le hija mingħajr effett fuq id-dritt tal-persuna taxxabbli li tnaqqas il-VAT tal-input imħallsa. F’dan il-kuntest, il-Qorti tal-Ġustizzja dejjem enfasizzat li l-miżuri li l-Istati Membri għandhom il-possibbiltà jadottaw, skont l-Artikolu 273 tad-Direttiva 2006/112, sabiex jiżguraw il-ġbir eżatt tat-taxxa u sabiex tiġi evitata l-frodi, ma għandhomx imorru lil hinn minn dak li huwa neċessarju sabiex jintlaħqu tali għanijiet. Issa, ma jidhirx li interpretazzjoni estensiva tal-kunċett ta’ “katina ta’ provvisti” hija ta’ natura li tilħaq dawn l-għanijiet. Fl-aħħar nett, in-natura żbaljata ta’ rifjut li jingħata l-benefiċċju tad-dritt għal tnaqqis f’dawn iċ-ċirkustanzi tista’ tirriżulta wkoll mill-ġurisprudenza tal-Qorti tal-Ġustizzja li tgħid li ma hemmx lok li ssir distinzjoni, mill-perspettiva tal-VAT, bejn it-tranżazzjonijiet legali u t-tranżazzjonijiet illegali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Huwa f’dawn iċ-ċirkustanzi li l-Finanzgericht Berlin-Brandenburg (il-Qorti tal-Finanzi ta’ Berlin-Brandebourg) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domanda preliminari li ġejja:</p>
</td>
</tr>
</table>
    <p class="C02AlineaAltA" id="para-51" title="page-5">
      “L-Artikoli 167 u 168a tad-Direttiva tal-Kunsill 2006/112[…] għandhom jiġu interpretati fis-sens li jipprekludu l-applikazzjoni ta’ leġiżlazzjoni nazzjonali li tipprovdi li d-dritt għal tnaqqis [tal-VAT tal-input imħallsa] għandu jiġi rrifjutat ukoll fil-każ ta’ frodi [fil-qasam tal-VAT imwettqa upstream u] li fir-rigward tiegħu [tagħha] l-persuna taxxabbli kellha konoxxenza jew kellu jkollha konoxxenza, minkejja li, fir-rigward tat-tranżazzjoni li kienet id-destinatarja tagħha, ma pparteċipatx fil-frodi fiskali jew kienet involuta fih, u la inkoraġġiet u lanqas iffaċilitat l-imsemmi frodi?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Skont l-Artikolu 99 tar-Regoli tal-Proċedura tal-Qorti tal-Ġustizzja, meta risposta għal domanda preliminari tkun tista’ tiġi dedotta b’mod ċar mill-ġurisprudenza jew meta r-risposta għad-domanda magħmula ma tħalli lok għal ebda dubju raġonevoli, il-Qorti tal-Ġustizzja tista’, f’kull mument, fuq proposta tal-Imħallef Relatur u wara li jinstema’ l-Avukat Ġenerali, tiddeċiedi permezz ta’ digriet motivat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Hemm lok li din id-dispożizzjoni tiġi applikata fil-kuntest ta’ din il-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Permezz tad-domanda tagħha, il-qorti tar-rinviju tistaqsi, essenzjalment, jekk id-Direttiva 2006/112 għandhiex tiġi interpretata fis-sens li tipprekludi prattika nazzjonali li tipprovdi li l-benefiċċju tad-dritt għat-tnaqqis tal-VAT tal-input imħallsa jiġi rrifjutat lil persuna taxxabbli li akkwistat oġġetti li kienu s-suġġett ta’ frodi tal-VAT imwettqa upstream fil-katina ta’ provvisti u li kienet taf jew kellha tkun taf biha, minkejja li ma pparteċipatx b’mod attiv f’din il-frodi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Il-Qorti tal-Ġustizzja fakkret repetutament li l-ġlieda kontra eventwali frodi, evażjoni tat-taxxa u abbużi hija għan irrikonoxxut u inkoraġġut mid-Direttiva 2006/112. F’dan ir-rigward, hija ddeċidiet li l-individwi ma jistgħux jinvokaw in-normi tad-dritt tal-Unjoni b’mod frawdolenti jew abbużiv u li, għaldaqstant, huwa l-obbligu tal-awtoritajiet u tal-qrati nazzjonali li jirrifjutaw id-dritt għal tnaqqis jekk jintwera, fid-dawl ta’ elementi oġġettivi, li dan id-dritt ikun qiegħed jiġi invokat għal għanijiet frawdolenti jew abbużivi (ara, f’dan is-sens, is-sentenzi tas‑6 ta’ Lulju 2006, Kittel u Recolta Recycling, C‑439/04 u C‑440/04, EU:C:2006:446, punti 54 u 55, kif ukoll tas‑16 ta’ Ottubru 2019, Glencore Agriculture Hungary, C‑189/18, EU:C:2019:861, punt 34 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Il-Qorti tal-Ġustizzja fakkret ukoll diversi drabi li l-benefiċċju tad-dritt għal tnaqqis għandu jiġi rrifjutat mhux biss meta frodi titwettaq mill-persuna taxxabbli nnifisha, iżda wkoll meta jiġi stabbilit li l-persuna taxxabbli, li lilha l-oġġetti jew is-servizzi li jservu ta’ bażi sabiex fuqhom ikun ibbażat id-dritt għal tnaqqis ikunu ġew ikkunsinnati jew ipprovduti, kienet taf jew kellha tkun taf li, permezz tal-akkwist ta’ dawn l-oġġetti jew ta’ dawn is-servizzi, hija kienet qiegħda tipparteċipa fi tranżazzjoni involuta fi frodi tal-VAT (ara, f’dan is-sens, is-sentenzi tas‑6 ta’ Lulju 2006, Kittel u Recolta Recycling, C‑439/04 u C‑440/04, EU:C:2006:446, punt 59, tal‑21 ta’ Ġunju 2012, Mahagében u Dávid, C‑80/11 u C‑142/11, EU:C:2012:373, punt 45, kif ukoll tas‑16 ta’ Ottubru 2019, Glencore Agriculture Hungary, C‑189/18, EU:C:2019:861, punt 35 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">F’dan ir-rigward, ġie meqjus li tali persuna taxxabbli għandha, għall-ħtiġijiet tad-Direttiva 2006/112, titqies li tkun ipparteċipat fil-frodi, indipendentement mill-kwistjoni dwar jekk tibbenefikax jew le mill-bejgħ mill-ġdid tal-oġġetti jew mill-użu tas-servizzi fil-kuntest tat-tranżazzjonijiet intaxxati mwettqa minnha downstream, peress li din il-persuna taxxabbli, f’tali sitwazzjoni, tkun qiegħda tgħin lill-awturi ta’ din il-frodi u ssir kompliċi fiha (ara, f’dan is-sens, is-sentenzi tas‑6 ta’ Lulju 2006, Kittel u Recolta Recycling, C‑439/04 u C‑440/04, EU:C:2006:446, punti 56 u 57; tal‑21 ta’ Ġunju 2012, Mahagében u Dávid, C‑80/11 u C‑142/11, EU:C:2012:373, punt 46; tas‑6 ta’ Diċembru 2012, Bonik, C‑285/11, EU:C:2012:774, punt 39; tat‑13 ta’ Frar 2014, Maks Pen, C‑18/13, EU:C:2014:69, punt 27, kif ukoll tat‑22 ta’ Ottubru 2015, PPUH Stehcemp, C‑277/14, EU:C:2015:719, punt 48).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Il-Qorti tal-Ġustizzja ppreċiżat ukoll repetutament, f’sitwazzjonijiet fejn il-kundizzjonijiet materjali tad-dritt għal tnaqqis kienu ssodisfatti, li l-benefiċċju tad-dritt għal tnaqqis jista’ jiġi rrifjutat lill-persuna taxxabbli biss jekk jiġi stabbilit, fid-dawl ta’ elementi oġġettivi, li hija kienet taf jew kellha tkun taf li, permezz tal-akkwist tal-oġġetti jew tas-servizzi li jservu ta’ bażi sabiex jiġi stabbilit id-dritt għal tnaqqis, hija kienet qiegħda tipparteċipa fi tranżazzjoni involuta f’tali frodi mwettqa mill-fornitur jew minn operatur ieħor li jintervjeni upstream jew downstream fil-katina ta’ kunsinni jew ta’ servizzi (ara, f’dan is-sens, is-sentenzi tas‑6 ta’ Diċembru 2012, Bonik, C‑285/11, EU:C:2012:774, punt 40; tat‑13 ta’ Frar 2014, Maks Pen, C‑18/13, EU:C:2014:69, punt 28, u d-digriet tat‑3 ta’ Settembru 2020, Vikingo Fővállalkozó, C‑610/19, EU:C:2020:673, punt 53).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Fil-fatt, il-Qorti tal-Ġustizzja ddeċidiet, f’dan ir-rigward, li ma huwiex kompatibbli mas-sistema tad-dritt għal tnaqqis prevista mid-Direttiva 2006/112 li tiġi ssanzjonata, bir-rifjut ta’ dan id-dritt, persuna taxxabbli li ma kinitx taf jew li ma setgħetx tkun taf li t-tranżazzjoni kkonċernata kienet involuta fi frodi mwettqa mill-fornitur jew li tranżazzjoni oħra li tagħmel parti mill-katina ta’ kunsinni, qabel jew wara dik imwettqa mill-imsemmija persuna taxxabbli, kienet ivvizzjata bi frodi tal-VAT, peress li l-istabbiliment ta’ sistema ta’ responsabbiltà mingħajr nuqqas tmur fil-fatt lil hinn minn dak li huwa neċessarju sabiex jiġu ssalvagwardati d-drittijiet tat-Teżor Pubbliku (ara, f’dan is-sens, is-sentenzi tal‑21 ta’ Ġunju 2012, Mahagében u Dávid, C‑80/11 u C‑142/11, EU:C:2012:373, punti 47 u 48; tas‑6 ta’ Diċembru 2012, Bonik, C‑285/11, EU:C:2012:774, punti 41 u 42, kif ukoll id-digriet tat‑3 ta’ Settembru 2020, Vikingo Fővállalkozó, C‑610/19, EU:C:2020:673, punt 52).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Fl-ewwel lok, kuntrarjament għall-interpretazzjoni tal-ġurisprudenza tal-Qorti tal-Ġustizzja magħmula mill-qorti tar-rinviju, mill-ġurisprudenza esposta fil-punti 21 sa 25 ta’ dan id-digriet jirriżulta b’mod ċar li s-sempliċi fatt li l-persuna taxxabbli akkwistat oġġetti jew servizzi meta kienet taf, bi kwalunkwe mod possibbli, li, permezz ta’ dan l-akkwist, hija kienet qiegħda tipparteċipa fi tranżazzjoni involuta fi frodi tal-VAT imwettqa upstream fil-katina ta’ kunsinni jew ta’ servizzi għandu jitqies, għall-ħtiġijiet tad-Direttiva 2006/112, bħala parteċipazzjoni f’din il-frodi. Kif isostni l-Gvern Ġermaniż, l-uniku att pożittiv li huwa determinanti sabiex jiġġustifika rifjut tad-dritt għal tnaqqis f’tali sitwazzjoni huwa l-akkwist ta’ dawn l-oġġetti jew ta’ dawn is-servizzi. Għaldaqstant, sabiex jiġi ġġustifikat tali rifjut, ma hemmx bżonn li jiġi stabbilit li din il-persuna taxxabbli tkun ipparteċipat attivament fl-imsemmija frodi, b’xi mod jew ieħor, anki jekk sempliċement billi tinkoraġġixxi jew tiffaċilita attivament din il-frodi. Ma jimportax wkoll li hija ma ħbietx ir-relazzjonijiet ta’ provvista tagħha u l-fornituri tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Dan huwa iktar u iktar minnu peress li, skont din il-ġurisprudenza, il-persuna taxxabbli li kellha tkun taf li, bl-akkwist tagħha, hija kienet qiegħda tipparteċipa fi tranżazzjoni involuta fi frodi tal-VAT imwettqa upstream fil-katina ta’ kunsinni jew ta’ servizzi, hija wkoll imċaħħda mid-dritt għal tnaqqis. F’tali sitwazzjoni, huwa n-nuqqas li titwettaq ċerta diliġenza li twassal għal rifjut tad-dritt għal tnaqqis.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">F’dan ir-rigward, għandu jitfakkar li l-Qorti tal-Ġustizzja diġà ddeċidiet diversi drabi li ma huwiex kuntrarju għad-dritt tal-Unjoni li jiġi rikjest li operatur jieħu l-miżuri kollha li jistgħu raġonevolment ikunu meħtieġa sabiex jiġi żgurat li t-tranżazzjoni li huwa jwettaq ma twasslux sabiex jipparteċipa fi frodi fiskali, peress li d-determinazzjoni tal-miżuri li jistgħu, f’każ partikolari, ikunu raġonevolment rikjesti minn persuna taxxabbli li tixtieq teżerċita d-dritt għat-tnaqqis tal-VAT sabiex tiżgura ruħha li t-tranżazzjonijiet tagħha ma jkunux involuti fi frodi mwettqa minn operatur upstream tiddependi essenzjalment miċ-ċirkustanzi tal-każ inkwistjoni (ara, f’dan is-sens, is-sentenzi tal‑21 ta’ Ġunju 2012, Mahagében u Dávid, C‑80/11 u C‑142/11, EU:C:2012:373, punti 54 u 59, kif ukoll tad‑19 ta’ Ottubru 2017, Paper Consult, C‑101/16, EU:C:2017:775, punt 52).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Il-Qorti tal-Ġustizzja ppreċiżat li, meta jkunu jeżistu indizji li jippermettu li tiġi ssuspettata l-eżistenza ta’ irregolaritajiet jew ta’ frodi, operatur avżat jista’, skont iċ-ċirkustanzi tal-każ, ikun obbligat jikseb informazzjoni dwar operatur ieħor li mingħandu huwa għandu l-intenzjoni li jixtri oġġetti jew servizzi sabiex jiżgura ruħu mill-affidabbiltà tiegħu (sentenza tal‑21 ta’ Ġunju 2012, Mahagében u Dávid, C‑80/11 u C‑142/11, EU:C:2012:373, punt 60; digrieti tas‑16 ta’ Mejju 2013, Hardimpex, C‑444/12, mhux ippubblikat, EU:C:2013:318, punt 25, kif ukoll tat‑3 ta’ Settembru 2020, Vikingo Fővállalkozó, C‑610/19, EU:C:2020:673, punt 55).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Barra minn hekk, peress li l-qorti tar-rinviju ssostni, essenzjalment, li l-mala fides tal-persuna taxxabbli ma tistax tikkostitwixxi kriterju li jista’ jissostitwixxi dak tal-parteċipazzjoni attiva ta’ din il-persuna taxxabbli, għandu jiġi osservat li ma jmurx kontra d-dritt tal-Unjoni li operatur jintalab jaġixxi bona fide (ara, f’dan is-sens, is-sentenzi tat‑28 ta’ Marzu 2019, Vinš, C‑275/18, EU:C:2019:265, punt 33, u tas‑17 ta’ Ottubru 2019, Unitel, C‑653/18, EU:C:2019:876, punt 33).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Madankollu, ma huwiex neċessarju li l-mala fides tal-persuna taxxabbli tiġi stabbilita sabiex jiġi rrifjutat lilha l-benefiċċju tad-dritt għal tnaqqis, peress li mill-ġurisprudenza esposta fil-punti 21 sa 25 ta’ dan id-digriet u mill-motivi preċedenti jirriżulta li l-fatt li l-persuna taxxabbli akkwistat oġġetti jew servizzi meta kienet taf jew kellha tkun taf, billi tieħu il-miżuri li setgħu raġonevolment jiġu rikjesti minnha sabiex tiżgura ruħha li din it-tranżazzjoni ma kinitx twassalha sabiex tipparteċipa fi frodi, li, permezz ta’ dan l-akkwist, hija kienet qiegħda tipparteċipa f’tranżazzjoni implikata fi frodi huwa biżżejjed sabiex jitqies, għall-finijiet tad-Direttiva 2006/112, li l-imsemmija persuna taxxabbli pparteċipat f’din il-frodi u sabiex tiġi mċaħħda mill-benefiċċju tad-dritt għal tnaqqis.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Fit-tieni lok, ma tistax tiġi aċċettata l-interpretazzjoni li tgħid li, minn naħa, il-kunċett ta’ “katina ta’ kunsinni” għandu jinftiehem bħala li jkopri biss il-każijiet fejn il-frodi tirriżulta minn kombinazzjoni speċifika ta’ tranżazzjonijiet suċċessivi jew minn pjan globali li jipprevedi li l-kunsinni jkunu parti minn frodi li testendi fuq diversi tranżazzjonijiet u, min-naħa l-oħra, it-tranżazzjoni mwettqa mill-persuna taxxabbli u dik upstream ivvizzjata bi frodi għandhom, apparti minn dawn il-każijiet, jitqiesu bħala tranżazzjonijiet indipendenti, b’mod partikolari meta t-twettiq tal-frodi kien mitmum fil-mument meta seħħet l-ewwel waħda minn dawn it-tranżazzjonijiet, b’tali mod li din il-frodi ma setgħetx tiġi ffaċilitata jew inkoraġġita.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Fil-fatt, tali interpretazzjoni żżid kundizzjonijiet addizzjonali għar-rifjut tad-dritt għal tnaqqis fil-każ ta’ frodi li ma jirriżultawx mill-ġurisprudenza esposta fil-punti 21 sa 25 ta’ dan id-digriet. Kif ġie osservat fil-punt 31 ta’ dan id-digriet, il-fatt li l-persuna taxxabbli akkwistat oġġetti jew servizzi meta kienet taf jew kellha tkun taf li, permezz tal-akkwist ta’ dawn l-oġġetti jew ta’ dawn is-servizzi, hija kienet qiegħda tipparteċipa fi tranżazzjoni involuta fi frodi mwettqa upstream huwa biżżejjed sabiex jitqies li din il-persuna taxxabbli pparteċipat f’din il-frodi u sabiex tiġi mċaħħda mill-benefiċċju tad-dritt għal tnaqqis.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Barra minn hekk, tali interpretazzjoni tinjora l-fatt li frodi mwettqa fi stadju tal-katina ta’ kunsinni jew ta’ servizzi tkun riflessa fl-istadji sussegwenti ta’ din il-katina jekk l-ammont tal-VAT miġbur ma jikkorrispondix għall-ammont dovut minħabba t-tnaqqis fil-prezz tal-oġġetti jew tas-servizzi minħabba l-VAT tal-input mhux miġbura. Fil-każijiet kollha, l-akkwist mill-persuna taxxabbli ta’ oġġetti li kienu s-suġġett ta’ tranżazzjoni upstream ivvizzjata bi frodi jippermetti l-bejgħ tagħhom, kif juru l-fatti tal-kawża prinċipali, b’tali mod li, kif josserva l-Gvern Ċek, dan jiffaċilita l-frodi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Fit-tielet lok, sabiex jiġi evalwat jekk il-persuna taxxabbli pparteċipatx fi frodi, huwa irrilevanti jekk it-tranżazzjoni inkwistjoni tathiex jew le vantaġġ fiskali. Fil-fatt, b’differenza minn dak li ġie deċiż fil-qasam tal-prattiki abbużivi (ara s-sentenzi tal‑21 ta’ Frar 2006, Halifax et, C‑255/02, EU:C:2006:121, punti 74 u 75; tas‑17 ta’ Diċembru 2015, WebMindLicenses, C‑419/14, EU:C:2015:832, punt 36, kif ukoll tal‑10 ta’ Lulju 2019, Kuršu zeme, C‑273/18, EU:C:2019:588, punt 35), il-konstatazzjoni tal-parteċipazzjoni tal-persuna taxxabbli fi frodi tal-VAT ma hijiex suġġetta għall-kundizzjoni li din it-tranżazzjoni tkun tatha vantaġġ fiskali li l-għoti tiegħu jmur kontra l-għan imfittex mid-dispożizzjonijiet tad-Direttiva 2006/112. Bl-istess mod, huwa irrilevanti li t-tranżazzjoni inkwistjoni ma tat lill-persuna taxxabbli ebda vantaġġ ekonomiku, kif tfakkar fil-punti 23 u 34 ta’ dan id-digriet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Fl-aħħar lok, mill-kunsiderazzjonijiet esposti fil-punti 23 u 25 ta’ dan id-digriet, li jgħidu li, minn naħa, l-istabbiliment ta’ sistema ta’ responsabbiltà mingħajr nuqqas imur lil hinn minn dak li huwa neċessarju sabiex jiġu protetti d-drittijiet tat-Teżor Pubbliku u, min-naħa l-oħra, il-persuna taxxabbli li kienet taf jew kellha tkun taf li, bl-akkwist tagħha, hija kienet qiegħda tipparteċipa fi tranżazzjoni involuta fi frodi tgħin lill-awturi ta’ din il-frodi u ssir kompliċi fiha jirriżulta li tali parteċipazzjoni tikkostitwixxi nuqqas li għalih hija responsabbli din il-persuna taxxabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Din l-interpretazzjoni hija ta’ natura li tostakola t-tranżazzjonijiet frawdolenti (ara, f’dan is-sens, is-sentenza tas‑6 ta’ Lulju 2006, Kittel u Recolta Recycling, C‑439/04 u C‑440/04, EU:C:2006:446, punt 58), billi b’mod partikolari ċċaħħad l-oġġetti u s-servizzi li kienu s-suġġett ta’ tranżazzjoni involuta fi frodi mill-kummerċjabbiltà tagħhom, u, għaldaqstant, tipparteċipa fil-ġlieda kontra l-frodi li hija, kif tfakkar fil-punt 21 ta’ dan id-digriet, għan irrikonoxxut u inkoraġġit mid-Direttiva 2006/112. Billi ddeċidiet b’mod kostanti li l-benefiċċju tad-dritt għal tnaqqis għandu jiġi rrifjutat meta l-persuna taxxabbli kienet taf jew kellha tkun taf li, bl-akkwist tagħha, hija pparteċipat fi tranżazzjoni involuta fi frodi, il-Qorti tal-Ġustizzja neċessarjament qieset li rifjut li jkun sar f’dawn il-kundizzjonijiet ma jmurx lil hinn minn dak li huwa neċessarju sabiex jintlaħaq dan l-għan. Bl-istess mod, hija neċessarjament iddeċidiet li tali rifjut ma jistax jitqies bħala ksur tal-prinċipju ta’ newtralità fiskali, li, barra minn hekk, ma jistax jiġi invokat għall-finijiet tat-tnaqqis tal-VAT minn persuna taxxabbli li pparteċipat fi frodi fiskali (ara, b’analoġija, is-sentenzi tat‑28 ta’ Marzu 2019, Vinš, C‑275/18, EU:C:2019:265, punt 33, u tas‑17 ta’ Ottubru 2019, Unitel, C‑653/18, EU:C:2019:876, punt 33).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, ir-risposta li għandha tingħata għad-domanda magħmula hija li d-Direttiva 2006/112 għandha tiġi interpretata fis-sens li ma tipprekludix prattika nazzjonali li tipprovdi li l-benefiċċju tad-dritt għat-tnaqqis tal-VAT tal-input imħallsa jiġi rrifjutat lil persuna taxxabbli li akkwistat oġġetti li kienu s-suġġett ta’ frodi tal-VAT imwettqa upstream fil-katina ta’ provvisti u li kienet taf jew kellha tkun taf biha, minkejja li ma pparteċipatx b’mod attiv f’din il-frodi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li tiddeċiedi fuq l-ispejjeż. L-ispejjeż sostnuti għas‑sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-76" title="page-10">
      Għal dawn il-motivi, Il-Qorti tal-Ġustizzja (L-Għaxar Awla) taqta’ u tiddeċiedi:
    </p>
    <p class="C30Dispositifalinea" id="para-77" title="page-10">
      Id-Direttiva tal-Kunsill 2006/112/KE tat‑28 ta’ Novembru 2006 dwar is-sistema komuni ta’ taxxa fuq il-valur miżjud, għandha tiġi interpretata fis-sens li ma tipprekludix prattika nazzjonali li tipprovdi li l-benefiċċju tad-dritt għat-tnaqqis tat-taxxa tal-input fuq il-valur miżjud (VAT) imħallsa jiġi rrifjutat lil persuna taxxabbli li akkwistat oġġetti li kienu s-suġġett ta’ frodi tal-VAT imwettqa upstream fil-katina ta’ provvisti u li kienet taf jew kellha tkun taf biha, minkejja li ma pparteċipatx b’mod attiv f’din il-frodi.
    </p>
    <div class="signatures">
<p class="C77Signatures" id="para-78" title="page-10">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Ġermaniż.</p>
</body>
</html>
