|
30.5.2022 |
GA |
Iris Oifigiúil an Aontais Eorpaigh |
L 147/22 |
RIALACHÁN TARMLIGTHE (AE) 2022/826 ÓN gCOIMISIÚN
an 23 Márta 2022
lena gceartaítear agus lena leasaítear Rialachán (AE) 2019/1241 ó Pharlaimint na hEorpa agus ón gComhairle a mhéid a bhaineann le díolúintí ón mbosca leathóg
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/1241 ó Pharlaimint na hEorpa agus ón gComhairle an 20 Meitheamh 2019 maidir le hacmhainní iascaigh a chaomhnú agus éiceachórais mhuirí a chosaint trí bhearta teicniúla, lena leasaítear Rialacháin (CE) Uimh. 1967/2006 agus (CE) Uimh. 1224/2009 ón gComhairle agus Rialacháin (AE) Uimh. 1380/2013, (AE) 2016/1139, (AE) 2018/973, (AE) 2019/472 agus (AE) 2019/1022 ó Pharlaimint na hEorpa agus ón gComhairle, agus lena n-aisghairtear Rialacháin (CE) Uimh. 894/97, (CE) Uimh. 850/98, (CE) Uimh. 2549/2000, (CE) Uimh. 254/2002, (CE) Uimh. 812/2004 agus (CE) Uimh. 2187/2005 ón gComhairle (1), agus go háirithe Airteagal 15(2) de,
De bharr an mhéid seo a leanas:
|
(1) |
I Rialachán (AE) 2019/1241 maidir le hacmhainní iascaigh a chaomhnú agus éiceachórais mhuirí a chosaint trí bhearta teicniúla, tá earráid in Iarscríbhinn V, Cuid C, nach mór a cheartú. |
|
(2) |
Cé go ndéantar tagairt in aithris 5 de Rialachán Tarmligthe (AE) 2021/1160 (2) do “shaighní Danmhargacha”, ní thagraítear ach do “shaighní Danmhargacha” san fhoráil chomhfhreagrach san Iarscríbhinn. I bhfianaise nach ndéantar idirdhealú in Airteagal 6(18) de Rialachán (AE) 2019/1241 idir saighní Danmhargacha agus saighní/“lámhachóirí cuileoige” Albanacha, is féidir a léamh, dá bhrí sin, go bhfuil feidhm mhícheart ag an bhforáil in Iarscríbhinn V mar atá sé maidir le saighní Danmhargacha agus saighní Albanacha araon. |
|
(3) |
Tá Rialachán Tarmligthe (AE) 2021/1160 bunaithe ar mholadh comhpháirteach a rinne an Bheilg, an Danmhairg, an Ghearmáin, an Fhrainc, an Ísiltír agus an tSualainn (“Grúpa Scheveningen”), a bhfuil leas díreach i dtaca le bainistíocht iascaigh acu sa Mhuir Thuaidh, a chur isteach an 19 Deireadh Fómhair 2020. I Roinn 3.1.2 den mholadh comhpháirteach, rinneadh idirdhealú go sonrach idir saighean Dhanmhargach lena ndéantar tarlú an trealaimh iascaireachta fad atá an soitheach ar ancaire (saighneoireacht ancaire) agus saighean Albanach, rud a dheimhníonn gur bheartaigh na Ballstáit an díolúine a iarradh a chur i bhfeidhm maidir le saighean Dhanmhargach amháin. |
|
(4) |
I measúnú CETEI, inar thángthas ar an gconclúid nach bhfuiltear ag súil go mbeidh aon tionchar suntasach ag tabhairt isteach na díolúine sonraí maidir le saighean Dhanmhargach ar an leibhéal cosanta laistigh den limistéar, ní dhéantar tagairt ach amháin do “shaighean” Dhanmhargach (cód giaranna SDN (3)) agus ní do shaighní “Albanacha” ná do shaighní lámhachóra cuileoige/tarraingeora cuileoige (cód giaranna SSC (3)). |
|
(5) |
Ba cheart, dá bhrí sin, Iarscríbhinn V a ghabhann le Rialachán (AE) 2019/1241 a cheartú lena shoiléiriú nach bhfuil feidhm ag an díolúine atá beartaithe ach maidir leis na saighní Danmhargacha sin lena ndéantar tarlú an trealaimh iascaireachta fad atá an soitheach ar ancaire (saighean Dhanmhargach (cód giaranna SDN)). |
|
(6) |
Ós rud é go bhfuil tionchar díreach ag na bearta dá bhforáiltear sa Rialachán seo ar phleanáil an tséasúir iascaireachta maidir le soithí an Aontais agus ar na gníomhaíochtaí eacnamaíocha a bhaineann leo, ba cheart don Rialachán seo teacht i bhfeidhm láithreach tar éis a fhoilsithe, |
TAR ÉIS AN RIALACHÁN SEO A GHLACADH:
Airteagal 1
Ceartaítear Rialachán (AE) 2019/1241 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 23 Márta 2022.
Thar ceann an Choimisiúin
An tUachtarán
Ursula VON DER LEYEN
(1) IO L 198, 25.7.2019, lch. 105.
(2) Rialachán Tarmligthe (AE) 2021/1160 ón gCoimisiún an 12 Bealtaine 2021 lena leasaítear Rialachán (AE) 2019/1241 ó Pharlaimint na hEorpa agus ón gComhairle a mhéid a bhaineann leis an mbosca salán agus leis an mbosca leathóg sa Mhuir Thuaidh (IO L 250, 15.7.2021, lch. 4).
(3) Iarscríbhinn XI a ghabhann le Rialachán Cur Chun Feidhme (AE) Uimh. 404/2011 ón gCoimisiún an 8 Aibreán 2011 lena leagtar síos rialacha mionsonraithe maidir le cur chun feidhme Rialachán (CE) Uimh. 1224/2009 ón gComhairle lena mbunaítear córas rialaithe Comhphobail chun comhlíonadh rialacha an Chomhbheartais Iascaigh a áirithiú (IO L 112, 30.4.2011, lch. 64).
IARSCRÍBHINN
Leasaítear Cuid C d’Iarscríbhinn V a ghabhann le Rialachán (AE) 2019/1241 mar a leanas:
|
(1) |
cuirtear an méid seo a leanas in ionad phointe 2.2(d):
|