2005D0464 — MT — 19.10.2005 — 001.001


Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B

DEĊIŻJONI TAL-KUMMISSJONI

tal-21 ta’ Ġunju 2005

dwar l-implimentazzjoni ta’ programmi ta’ stħarriġ li għandhom jitwettqu fl-Istati Membri dwar l-influwenza tat-tjur fit-tjur ta' l-irziezet u l-għasafar selvaġġi

(notifikata taħt id-dokument C(2005) 1827)

(Test b’rilevanza għaż-ŻEE)

(2005/464/KE)

(ĠU L 164, 24.6.2005, p.52)

Emendat bi:

 

 

Il-Ġurnal Uffiċjali

  No

page

date

►M1

DEĊIŻJONI TAL-KUMMISSJONI tas-17 ta’ Ottubru 2005

  L 273

21

19.10.2005




▼B

DEĊIŻJONI TAL-KUMMISSJONI

tal-21 ta’ Ġunju 2005

dwar l-implimentazzjoni ta’ programmi ta’ stħarriġ li għandhom jitwettqu fl-Istati Membri dwar l-influwenza tat-tjur fit-tjur ta' l-irziezet u l-għasafar selvaġġi

(notifikata taħt id-dokument C(2005) 1827)

(Test b’rilevanza għaż-ŻEE)

(2005/464/KE)



IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċiżjoni tal-Kunsill 90/424/KEE tas-26 ta' Ġunju 1990 dwar in-nefqa fil-qasam veterinarju ( 1 ) u b'mod partikolari l-Artikolu 20 tagħha,

Billi:

(1)

Id-Deċiżjoni 90/424/KEE tipprevedi kontribuzzjoni finanzjarja Komunitarja biex jittieħdu l-miżuri tekniċi u xjentifiċi meħtieġa għall-iżvilupp tal-leġiżlazzjoni veterinarja Komunitarja u għal edukazzjoni u taħriġ veterinarju.

(2)

Il-Kumitat Xjentifiku dwar is-Saħħa ta’ l-Annimali u l-Benesseri ta’ l-Annimali f’rapport ta' nhar is-27 ta’ Ġunju 2000 irrakkomanda li jsir stħarriġ dwar l-influwenza tat-tjur fuq qatgħat tat-tjur ta' l-irziezet u għasafar selvaġġi, l-iktar biex tiġi ddeterminata l-prevalenza ta' l-infezzjonijiet mas-sottotipi tal-virus ta' l-influwenza tat-tjur H5 u H7.

(3)

Id-Direttiva tal-Kunsill 92/40/KEE tad-19 ta’ Mejju 1992 li tintroduċi miżuri Komunitarji għall-kontroll ta’ l-influwenza tat-tjur ( 2 ) tiddefinixxi l-miżuri ta’ kontroll Komunitarji li jridu jiġu applikati fil-każ ta’ tifqigħa ta’ l-influwenza tat-tjur fit-tjur ta' l-irziezet. Madankollu, ma tipprevedix stħarriġ regolari ta’ dik il-marda fit-tjur ta' l-irziezet u fl-għasafar selvaġġi.

(4)

Għaldaqstant, id-Deċiżjonijiet tal-Kummissjoni 2002/649/KE ( 3 ) u 2004/111/KE ( 4 ) ipprevedew il-preżentazzjoni ta’ programmi ta’ sorveljanza għall-influwenza tat-tjur mill-Istati Membri lill-Kummissjoni.

(5)

Id-Deċiżjonijiet tal-Kummissjoni 2002/673/KE ( 5 ) u 2004/630/KE ( 6 ) approvaw programmi mressqa mill-Istati Membri għall-istħarriġ dwar l-influwenza tat-tjur fit-tjur ta' l-irziezet u l-għasafar selvaġġi għall-perjodi speċifikati f’dawk il-programmi.

(6)

Waqt dan l-istħarriġ, f’bosta Stati Membri nstabet il-preżenza ta’ sottotipi differenti ta’ virus ta’ l-influwenza tat-tjur H5 u H7. Għalkemm il-prevalenza bħalissa tal-virus ta’ l-influwenza tat-tjur tista’ tiġi kkunsidrata bħala pjuttost baxxa, huwa importanti li s-sorveljanza titkompla u titjib sabiex tkun tista’ tinftehem iktar l-epidemjoloġija tal-virus ta’ l-influwenza patoġenika baxxa u l-vajruses ma jitħallewx jiċċirkulaw mingħajr wieħed ma jintebaħ bihom fil-popolazzjoni tat-tjur ta' l-irziezet. Ir-riżultati ta’ l-istħarriġ mwettaq fl-Istati Membri kienu verament utili fl-immonitorjar tal-preżenza tas-sottotipi tal-virus ta’ l-influwenza tat-tjur li tista’ tippreżenta riskju sostanzjali jekk jgħaddu minn mutazzjoni għal forma iktar virulenti. Meta jitqiesu r-riżultati miksuba u s-sitwazzjoni ta' bħalissa tal-mard fil-Komunità, jidher xieraq li għandu jiżdied l-ammont totali tal-kontribuzzjoni Komunitarja biex tiġi żgurata sorveljanza aħjar

(7)

Skond dan, l-Istati Membri għandhom iressqu il-programmi tagħhom għas-servejs għall-influwenza tat-tjur lill-Kummissjoni għall-approvazzjoni sabiex tingħata l-għajnuna finanzjarja mill-Komunità.

(8)

Il-miżuri previsti f'din id-Deċiżjoni huma fi qbil ma' l-opinjoni tal-Kumitat Permanenti għall-Katina ta' l-Ikel u s-Saħħa ta' l-Annimali,

ADOTTAT DIN ID-DECIZJONI:



Artikolu 1

Sat- ►M1  13 ta’ Settembru 2005 ◄ , l-Istati Membri jridu jressqu għall-approvazzjoni programmi lill-Kummissjoni għall-implimentazzjoni tas-servejs dwar l-influwenza tat-tjur u l-għasafar selvaġġi bi qbil ma’ dan l-Anness.

Artikolu 2

Il-kontribuzzjoni finanzjarja Komunitarja għall-miżuri previsti fl-Artikolu 1 se tkun ta’ rata ta’ 50 % ta’ l-infiq mġarrab fl-Istati Membri sa total massimu ta’ EUR 1 200 000 għall-Istati Membri.

Artikolu 3

L-ammonti massimi ta’ l-infiq ta’ l-ittestjar li jrid jintradd lura m’għandux jeċċedi:

it-test ELISA

:

1 EUR kull test;

agal gel immune diffusion test

:

0,6 EUR kull test;

it-test HI għall-H5/H7

:

4 EUR kull test;

test għall-iżolament tal-virus

:

30 EUR kull test;

▼M1

Test PCR:

:

EUR 10 għal kull test.

▼B

Artikolu 4

Din id-Deċiżjoni hija indirizzata lill-Istati Membri.




ANNESS

Programmi ta’ stħarriġ li għandhom jitwettqu fl-Istati Membri dwar l-influwenza tat-tjur fit-tjur u għasafar selvaġġi fl-2005 u fl-2006.

A.   GĦANIJIET

1. L-istima tal-prevalenza ta’ l-infezzjonijiet mis-sottotipi tal-virus ta’ l-influenza H5 u H7 fl-ispeċi differenti tat-tjur ta' l-irziezet bir-repetizzjoni ta’ eżerċizzji ta’ screening minn qabel previsti fid-Deċiżjonijiet 2004/111/KE u 2004/630/KE f’mod modifikat u aktar iffukat.

2. Biex titkompla s-sorveljanza ta’ l-influenza tat-tjur fuq bażi volontarja fl-għasafar selvaġġi. Ir-riżultat ta’ sorveljanza bħal din għandha tipprovdi informazzjoni utli għal sistema ta’ twissija bikrija tal-varjetajiet li jistgħu jiddaħħlu fil-qatgħat tat-tjur ta’ l-irziezet mill-għasafar selvaġġi.

3. Biex tikkontribwixxi għall-għarfien dwar it-theddid ta’ l-influwenza tat-tjur fuq is-saħħa ta’ l-annimali mill-ambjent naturali selvaġġ.

4. Sabiex titrawwem il-konnessjoni u l-integrazzjoni tan-netwerks umani u veterinarji għas-sorveljanza tal-influwenza.

B.   REKWIŻITI U KRITERJI ĠENERALI GĦALL-ISTĦARRIĠ DWAR IT-TJUR TA’ L-IRZIEZET

1. Il-kampjunar se jkopri l-perjodu xieraq għall-perjodi ta’ produzzjoni għal kull kategorija tat-tjur ta’ l-irziezet kif meħtieġ. Per eżempju, f’ħafna Stati Membri f’żmien il-Milied jinqatlu ammont kbir ta’ tjur ta’ l-irziezet (partikolarment, id-dundjani u l-wiżż). Il-kampjunar mhux se jiġi estiż lil hinn mill-31 ta’ Jannar 2006.

2. Il-31 ta’ Marzu 2006 se tkun id-data għat-tressiq tar-riżultati finali tas-stħarriġ.

3. L-ittestjar tal-kampjunar mhux se jsir fil-Laboratorji Nazzjonali għall-influwenza tat-tjur (NL) fl-Istati Membri jew minn laboratorji oħra awtorizzati mill-awtoritajiet kompetenti jew taħt il-kontroll ta’ l-NL.

4. Ir-riżultati kollha (kemm seroloġiċi u kemm viroloġiċi) se jintbagħatu lil-Laboratorju tar-Referenza Komunitarja (CRL) biex jinġabru flimkien. Għandu jiġi żgurat fluss tajjeb ta’ informazzjoni. Is-CRL se jipprovdi appoġġ tekniku u se jżomm stokk ikbar ta’ reaġenti diagnostiċi. L-antiġeni għall-użu fl-istħarriġ se jiġu fornuti lill-NL mis-CRL biex tiġi żgurata l-uniformità.

5. L-iżolati tal-virus ta’ l-influwenza tat-tjur (AI) se jingħataw lis-CRL bi qbil mal-leġiżlazzjoni Komunitarja. Il-vajruses tas-sottotip H5/H7 se jingħataw mingħajr dewmien u se jkunu soġġetti għat-testijiet standard ta’ karatterizzazzjoni (nucleotide sequencing/IVPI) skond id-Direttiva 92/40/KEE. Barraminnhekk, is-CRL jeħtieġ li l-H5 u l-H7 sera pożittiva miġbura mill-anseriformes jiġu ppreżentati “blind” sabiex l-arkivju jiġi stabbilit biex jiffaċilita l-izvilupp tat-testijiet ġejjiena.

6. Kull sejbiet pożittivi se jiġu investigati retrospettivament fl-istabbiliment u l-konklużjonijiet ta’ din l-investigazzjoni se jiġu rrapportati lill-Kummissjoni u lis-CRL.

7. Il-protokolli speċifiċi li jakkumpanjaw il materjal li qed jintbgħat lis-CRL u t-tabelli tar-rapportar għall-ġbir tad-data ta' l-istħarriġ se jipprovdihom is-CRL. F’dawk it-tabelli se jintwerew il-metodi tat-testijiet fil-laboratorju: It-tabelli provduti se jintużaw biex jagħtu r-riżultati f’dokument wieħed.

8. Se jinġabru kampjuni tad-demm għall-eżami seroloġiku mill-ispeċi kollha tat-tjur ta’ l-irziezet li jinkludu dawk mrobbija fis-sistemi fejn t-tjur jistgħu jimirħu, minn għall-inqas 5 sa 10 għasafar (minbarra papri, wizz u summien) għal kull stabbiliment, u minn kmamar differenti, jekk hemm iktar minn kamra waħda f'kull stabbiliment.

9. Il-kampjunar se jiġi stratifikat mat-territorju ta’ l-Istat Membru kollu, biex il-kampjuni jistgħu jitqiesu bħala rappreżentattivi għat-total ta’ l-Istat Membru.

a) in-numru ta’ stabbilimenti għall-kampjunar (minbarra papri, wizz u dundjani); dak in-numru se jiġi ddefinit sabiex tkun żgurata l-identifikazzjoni ta’ mill-inqas stabbiliment wieħed infettat jekk il-prevalenza ta’ l-istabbilimenti infettati huwa ta’ mill-inqas 5 %, b’intervall ta’ kunfidenza ta’ 95 %; (ara tabella 1) u

b) se jiġi ddefinit in-numru ta’ għasafar ikkampjunati minn kull stabbiliment sabiex tiġi żgurata l-probabbilità ta' 95 % li jiġi identifikat għall-inqas għasfur wieħed bħala pożittiv jekk il-prevalenza ta’ l-għasafar seropożittivi huwa ≥ 30 %.

10. Id-disinn tal-kampjunar se jqis ukoll:

a) It-tipi ta’ produzzjoni u r-riskji speċifiċi tagħhom se jiġu immirati għall-produzzjoni free-range u dawk it-tjur ta' l-irziezet li jinżammu jimirħu fil-beraħ kif ukoll jitqiesu fatturi oħra bħall-multi age, l-użu ta’ l-ilma tal-wiċċ, tul ta’ ħajja relattivament itwal, il-preżenza ta’ wieħed jew iktar mill-ispeċi fl-istabbiliment u fatturi rilevanti oħra.

b) In-numru ta’ stabbilimenti ta’ dundjani, papri u wizz biex jiġu kkampjunati, se jiġi ddefinit sabiex tkun żgurata l-identifikazzjoni ta’ mill-inqas stabbiliment wieħed infettat jekk il-prevalenza ta’ l-istabbilimenti infettati huwa ta’ mill-inqas 5 %, b’intervall ta’ kunfidenza ta’ 99 % (ara tabella 2);

c) Meta fi Stat Membru ikun hemm numru sinifikanti ta’ stabbilimenti li jipproduċu r-ratiti (għasafar li ma jtirux) u s-summien dawn se jiġu inklużi fil-programm. Fir-rigward għas-summien se jiġu kkampjunati biss dawk is-summien adulti (jew dawk li qed ibidu)

d) Il-perjodu ta’ żmien għall-kampjunar se jaħbat mal-produzzjoni ta’ l-istaġun. Madankollu, fejn jinħtieġ, il-kampjunar jista’ jiġi adattat għal perjodi oħra identifikati fil-livell lokali, li f’dan iż-żmien il-preżenza ta’ tjur ta’ l-irziezet oħra li fuqhom jgħix il-mard fl-istabbiliment iżid iktar iċ-ċans li jidħol il-mard.

e) L-Istati Membri li għandhom jieħdu kampjuni għall-marda tan-Newcastle, biex iżommu l-istatus tagħhom bħala pajjiżi li ma jlaqqmux kontra il-marda tan-Newcastle fi qbil mad-Deċiżjoni tal-94/327/KE ( 7 ), jistgħu jużaw dawn il-kampjuni mill-qatgħat li qed ibidu għas-sorveljanza ta’ l-antikorpi H5/H7.



Tabella 1

Numru ta’ razez għall-kampjunar ta’ kull kategorija tat-tjur ta' l-irziezet (minbarra l-istabbilimenti tad-dundjani, tal-papri u tal-wizz)

In-numru ta’ rziezet għall kull kategorija tat-tjur ta' l-irziezet Kull Stat Membru Ġdid

In-numru ta' rziezet għall-kampjunar

Sa limitu ta' 34

Kollha

35-50

35

51-80

42

81-250

53

> 250

60



Tabella 2

In-Numru ta’ stabbilimenti tad-dundjani, tal-papri u tal-wizz għall-kampjunar

Numru ta’ stabbilimenti kull Stat Membru

In-numru ta' stabbilimenti għall-kampjunar

Sa limitu ta' 46

Kollha

47-60

47

61-100

59

101-350

80

> 350

90

C.   ĦTIĠIJIET SPEĊIFIĊI GĦALL-IDENTIFIKAZZJONI TA’ L-INFEZZJONIJIET BIS-SOTTOTIPI H5/H7 TA’ L-INFLUENZA TAT-TJUR FIL-PAPRI, IL-WIZZ U S-SUMMIEN

1. Kampjuni tad-demm għall-ittestjar seroloġiku se jittieħdu preferibbilment mill-għasafar li qegħdin jinżammu barra fl-għelieqi.

2. Minn kull stabbiliment magħżul, se jittieħdu minn 40 sa 50 kampjun tad-demm għall-ittestjar seroloġiku.

▼M1

D.   STĦARRIĠ GĦALL-INFLUWENZA TAT-TJUR FL-GĦASAFAR SELVAĠĠI

F’ dawk l-Istati Membri fejn is-sorveljanza ser tinvolvi wkoll l-għasafar selvaġġi, il-linji ta’ gwida li ġejjin għandhom jiġu segwiti.

D.1.   Għamla u implimentazzjoni ta’ l-istħarriġ

1. Ser tkun meħtieġa kooperazzjoni ma’ l-istituzzjonijiet ta’ konservazzjoni u ta’ l-osservazzjoni ta’ l-għasafar u ta’ l-istazzjonijiet fejn jiġu mmarkati l-għasafar. Il-ġbir tal-kampjuni fejn huwa xieraq għandu jsir minn personal minn dawn il-gruppi/stazzjonijiet jew minn kaċċaturi.

2. Sorvelljanza attiva fuq għasafar li huma ħajjin jew kaċċati ser tkun immirata lejn:

a) il-popolazzjoni ta’ speċi ta’ għasafar selvaġġi li jippreżentaw riskju ogħla biex jiġu identifikati, bbażat fuq:

i) l-oriġini u r-rotti ta’ migrazzjoni;

ii) in-numri ta’ għasafar selvaġġi fil-Komunita; u

iii) il-possibbiltà ta’ kuntatt ma’ tjur domestiċi.

b) l-identifikazzjoni tas-siti li qegħdin f’ riskju, bbażata fuq:

i) siti ta’ taħlit ta’ numru għoli ta’ għasafar migratorji li jinvolvu speċi differenti u b’ mod partikolari dawk li huma elemkati fil-Parti F;

ii) qrubija mal-farms tat-tjur domestiċi, u;

iii) lokazzjoni matul ir-rotti migratorji.

Il-ġbir tal-kampjuni għandu jqis il-bixra migratorja skond l-istaġun, li jista’ jvarja fi Stati Membri differenti, u l-ispeċi ta’ għasafar li huma elenkati fl-Anness F.

3. Is-sorveljanza passiva ta’ l-għasafar selvaġġi li jinstabu mejtin tista’ timmira primarjament lejn l-okkorrenza ta’ mortalità mhux normali jew lejn tfaqqigħ sinifikanti ta’ mard fil-:

a) speċi ta’ għasafar selvaġġi li huma elenkati fil-Parti F u għasfar selvaġġi oħrajn li jgħixu f’ kuntatt magħhom; u

b) f’siti li jissmemmew fil-punt 2 (b) (i).

L-okkorrenza tal-mortalità f’ bosta speċi fl-istess sit għandha tkun fattur ieħor li għandu jitiqes.

D.2.   Proċeduri ta’ ġbir tal-kampjuni

1. Imselħiet mill-kavità ġenitali u intestinali għall-eżaminazzjoni viroloġika għandhom jittieħdu. Aktar minn hekk għall-għasafar ‘ta’ l-ewwel sena’ fil-ħarifa, l-ispeċi ospitanti li għandhom suxxettibbiltà għolja u iktar kuntatt mat-tjur (bħalma huma l-papri Mallard) jistgħu joffru l-ogħla ċans ta’ suċċess.

2. Minbarra l-imselħiet mill-kavità ġenitali jew mill-feċi, għandhom ukoll jinġabru kampjuni mit-tessuti (il-moħħ, il-qalb, il-pulmuni, il-kliewi u l-imsaren) ta’ għasafar selvaġġi li jinstabu mejtin jew li ġew sparati għall-iżolazzjoni virali u l-analiżi molekolari (PCR). Tekniċi molekolari għandhom isiru biss f’ laboratorji li jistgħu jiggarantixxu assikurazzjoni tal-kwalità u billi jintużaw metodi li huma rikonoxxuti mis-CRL għall-influwenza tat-tjur.

3. Il-kampjuni għandhom jinġabru minn speċi differenti ta’ għasfar ħajjin u ħielsa. Għasafar ta’ l-ilma u għasafar tax-xtut għandhom ikunu dawk li huma l-iktar fil-mira

4. Imselħiet li fihom il-feċi, jew il-feċi miġbur reċentament għandhom jittieħdu minn għasafar selvaġġi li ġew minsuba, kkaċċati u misjuba mejtin reċentement.

5. Jista’ jiġi permess il-ġbir ta’ ħames kampjuni mill-istess speċi miġbura fl-istess sit u fl-istess ħin. Għandha tingħata attenzjoni partikolari għall-ħażna u t-trasport tal-kampjuni. Jekk it-trasport rapidu fi żmien 48 siegħa lejn il-laboratorju (fil-medju għat-trasport f’ temperatura ta’ 4° Celsius) mhux garantit, il-kampjuni għandhom jinħażnu biex jiġu trasportati fid-dry ice f’ temperatura ta’ -70° Celsius.

▼B

E.   L-ITTESTJAR FIL-LABORATORJU;

It-testijiet fil-laboratorju se jsiru fi qbil mal-proċeduri diagnostiċi għall-konfermazzjoni u d-diagnostika differenzjali ta’ l-influenza fit-tjur (AI) stabbiliti fl-Anness III għad-Direttiva 92/40/KEE (inkluża l-eżaminazzjoni tas-sera mill-papri u l-wizz permezz tat-test tal-haemagglutination-inhibition (HI). Madankollu jekk huma previsti testijiet tal-laboratorju mhux stabbiliti fid-Direttiva 92/40/KEE, jew deskritti fil-Manwal OIE Terrestriali, l-Istati Membri se jipprovdu d-data ta’ validazzjoni meħtieġa lis-CRL, waqt li jressqu il-programm tagħhom għall-approvazzjoni lill-Kummissjoni. Is-sejbiet kollha seroloġiċi pożittivi se jkunu kkonfermati mill-laboratorji Nazzjonali għall-influenza tat-tjur permezz ta’ test tal-haemagglutination-inhibition, billi jużaw razez deżinjati mill-Laboratorju tar-Referenza Komunitarja:

H5

a) Test inizjali fejn jintuża id-Duck/Denmark/64650/03 (H5N7)

b) Tittestja is-sjeropożittivi kollha bl-Ostrich/Denmark/72420/96 (H5N2) sabiex telimina l-antikorp bir-reazzjoni inkroċjata N7.

H7

a) Test inizjali fejn jintuża Turkey/England/647/77 (H7N7)

b) Tittestja is-sjeropożittivi kollha bl-African Starling/983/79 (H7N1) sabiex telimina l-antikorp bir-reazzjoni inkroċjata N7.

▼M1

F.   IL-LISTA TA’ L-ISPEĊI TA’ GĦASAFAR SELVAĠĠI LI JIPPREŻENTAW RISKJU OGĦLA FIR-RIGWARD TA’ L-INFLUWENZA TAT-TJUR ( 8 )



 

Isem bil-Latin

Isem bil-Malti (bl-Ingliż u bl-isem ġenerali Malti, fejn mhux disponibbli)

1.

Anser albifrons

White-fronted Goose (wiżża)

2.

Anser fabalis

Bean Goose (wiżża)

3.

Anas platyrhynchos

Kuluvert

4.

Anas strepera

Borka sekonda/Kuluvert griż ta’ l-ilma ħelu

5.

Anas acuta

Silfjun

6.

Anas clypeata

Northern Shoveler

7.

Anas Penelope

Eurasian Wigeon

8.

Anas crecca

Sarsella

9.

Anas querquedula

Sarsella Ħamra

10.

Aythya ferina

Common Pochard (papra tal-ġenus Aythya)

11.

Aythya fuligula

Tufted Duck (bħal fuq)

12.

Vanellus vanellus

Venewwa

13.

Philomachus pugnax

Girwiel

14.

Larus ribibundus

Gawwija Rasha Kannella

15.

Larus canus

Gawwija Sekonda



( 1 ) ĠU L 224, 18.8.1990, p. 19. Deċiżjoni kif emendata l-aħħar bid-Direttiva 2003/99/KE tal-Parlament Ewropew u tal-Kunsill (ĠU L 325, 12.12.2003, p. 31).

( 2 ) ĠU L 167, 22.6.1992, p. 1. Direttiva kif l-aħħar emendata bir-Regolament (KE) Nru 806/2003 (ĠU L 122, 16.5.2003, p. 1).

( 3 ) ĠU L 213, 9.8.2002, p. 38.

( 4 ) ĠU L 32, 5.2.2004, p. 20. Deċiżjoni kif emendata bid-Deċiżjnoi 2004/615/KE (ĠU L 278, 27.8.2004, p. 59).

( 5 ) ĠU L 228, 24.8.2002, p. 27. Deċiżjoni kif emendata bid-Deċiżjnoi 2003/21/KE (ĠU L 8, 14.1.2003, p. 37).

( 6 ) ĠU L 287, 8.9.2004, p. 7. Id-Deċiżjoni kif emendata l-aħħar minn 2004/679/KE (ĠU L 310, 7.10.2004, p. 75).

( 7 ) ĠU L 146, 11.6.1994, p. 17.

( 8 ) Kull speċi ta’ għasafar selvaġġi li jgħixu fil-Komunità, inklużi l-ispeċi li huma elenkati fit-tabella f’ din il-Parti, huma koperti mir-reġim ta’ protezzjoni tad-Direttiva 79/409/KEE dwar il-konservazzjoni ta’ l-għasafar selvaġġi u għalhekk għandha tingħata kull konsiderazzjoni lejn il-kondizzjonijiet ta’ din id-Direttiva għal kull sorveljanza għall-Influwenza tat-Tjur.