1.   Bla ħsara għall-Artikolu 180 tal-Kodiċi u għall-eċċezzjonijiet elenkati fil-paragrafu 2 ta’ dan l-Artikolu, il-merkanzija kollha fit-territorju doganali tal-Komunità għandha titqies li hi merkanzija Komunitarja, sakemm ma jiġix stabbilit li ma jkollhiex stejtus Komunitarju.

2.   Dawn li ġejjin m’għandhomx jitqiesu bħala merkanzija Komunitarja sakemm ma jiġix stabbilit skont l-Artikoli 314 sa 323 ta’ dan ir-Regolament li għandha stejtus Komunitarju:

(a)	merkanzija miġjuba fit-territorju doganali tal-Komunità skont l-Artikolu 37 tal-Kodiċi;

(b)	merkanzija f’ħażna temporanja jew f’żona ħielsa tat-tip I ta’ kontroll skont it-tifsira tal-Artikolu 799 ta’ dan ir-Regolament jew f’maħżen ħieles;

(c)	merkanzija mqiegħda taħt proċedura sospensiva jew f’żona ħielsa tat-tip ta’ kontroll II skont it-tifsira tal-Artikolu 799 ta’ dan ir-Regolament.

3.   B’deroga mill-punt (a) tal-paragrafu 2, merkanzija mdaħħla fit-territorju doganali tal-Komunità għandha titqies li hi merkanzija tal-Komunità sakemm ma jkunx stabbilit li ma jkollhiex stejtus tal-Komunità:

(a)	meta, kemm-il darba tinġarr bl-ajru, il-merkanzija tkun ġiet mgħobbija jew trażbordata f’ajruport fit-territorju doganali tal-Komunità, għall-kunsinna f’ajruport ieħor fit-territorju doganali tal-Komunità, sakemm tinġarr taħt koperta ta’ dokument ta’ trasport waħdieni maħruġ fi Stat Membru; jew

(b)	fejn, kemm il-darba tinġarr bil-baħar, il-merkanzija tkun imbarkata bejn portijiet fit-territorju doganali tal-Komunità minn servizz ta’ tbaħħir regolari awtorizzat skont l-Artikoli 313b.”

1.   Kumpanija tat-tbaħħir tista’ tiġi awtorizzata li tistabbilixxi servizzi regolari tat-tbaħħir wara applikazzjoni għand l-awtoritajiet doganali tal-Istati Membri li fit-territorju tiegħu dik il-kumpanija tkun stabbilita jew, fin-nuqqas ta’ dan, li fit-territorju tiegħu jkollha uffiċċju reġjonali, sakemm il-kundizzjonijiet f’dan l-Artikolu u fl-Artikolu 313c ikun sodisfatti.

2.   L-awtorizzazzjoni għandha tingħata biss lill-kumpaniji tat-tbaħħir li:

(a)	ikunu stabbiliti fit-territorju doganali tal-Komunità jew li jkollhom uffiċċju reġjonali hemmhekk u li d-dokumentazzjoni tagħhom tkun disponibbli għall-awtoritajiet doganali kompetenti;

(b)	jissodisfaw l-kundizzjonijiet stipulati fl-Artikolu 14h;

(c)	jiddeterminaw il-bastiment(i) li għandhom jintużaw għas-servizz regolari ta’ tbaħħir u jispeċifikaw il-portijiet fejn se jieqfu ladarba tkun ingħatat l-awtorizzazzjoni;

(d)

jimpenjaw ruħhom li fuq ir-rotot ta’ servizzi regolari ta’ tbaħħir ma jkunx hemm waqfiet f’xi port li jkun f’territorju ‘l barra mit-territorju doganali tal-Komunità jew f’xi żona ħielsa tat-tip ta’ kontroll I f’port fit-territorju doganali tal-Komunità, u li ma jsir l-ebda trażbord ta’ merkanzija fuq il-baħar;

(e)	jintrabtu li jirreġistraw mal-awtorità li tagħti l-awtorizzazzjoni l-ismijiet tal-bastimenti li jkunu assenjati għal servizzi regolari tat-tbaħħir u l-portijiet fejn se jieqfu.

3.   L-applikazzjoni għal awtorizzazzjoni għal servizzi regolari tat-tbaħħir għandha tispeċifika l-Istati Membri li jkunu kkonċernati minn dak is-servizz. L-awtoritajiet doganali tal-Istat Membru li magħhom tkun saret applikazzjoni (l-awtorità awtorizzanti) għandhom jinnotifikaw lill-awtoritajiet doganali tal-Istati Membri kkonċernati bis-servizz ta’ tbaħħir (l-awtoritajiet korrispendenti) permezz tas-sistema elettronika ta’ informazzjoni u komunikazzjoni li tissemma fl-Artikolu 14x.

Bla ħsara għall-paragrafu 4, fi żmien 45 jum mindu tasal notifka bħal din, l-awtoritajiet rispettivi jistgħu jiċħdu l-applikazzjoni fuq il-bażi li l-kundizzjoni fil-punt (b) tal-paragrafu 2 ma tkunx sodisfata u jikkomunikaw iċ-ċaħda permezz tas-sistema elettronika ta’ informazzjoni u komunikazzjoni li tissemma fl-Artikolu 14x. L-awtorità rispettiva għandha tindika r-raġunijiet għaċ-ċaħda u d-dispożizzjonijiet legali marbuta mal-offiżi mwettqa. F’dak il-każ, l-awtorità li tagħti l-awtorizzazzjoni m’għandhiex tagħti l-awtorizzazzjoni u għandha tinnotifika ċ-ċaħda lill-applikant u tistqarr ir-raġunijiet taċ-ċaħda.

Meta ma tingħata ebda tweġiba mill-awtoritajiet doganali rispettivi, l-awtorità doganali awtorizzanti, wara li tkun eżaminat jekk il-kundizzjonijiet għall-awtorizzazzjoni ġewx sodisfatti, għandha toħroġ awtorizzazzjoni li għandha tkun aċċettata mill-Istati Membri l-oħra kkonċernati mis-servizz ta’ tbaħħir. Is-sistema elettronika ta’ informazzjoni u komunikazzjoni msemmija fl-Artikolu 14x għandha tintuża biex tinħażen l-awtorizzazzjoni u biex tinnotifika lill-awtoritajiet rispettivi li l-awtorizzazzjoni tkun ingħatat.

4.   Meta l-kumpanija tat-tbaħħir ikollha ċ-Ċertifikat AEO imsemmi fil-punt (a) jew (c) tal-Artikolu 14a(1), ir-rekwiżiti stipulati fil-punti (a) u (b) tal-paragrafu 2 ta’ dan l-Artikolu, u kif imsemmi fil-paragrafu 3 ta’ dan l-Artikolu, għandhom jitqiesu li jkunu ġew sodisfati.”

1.   Ladarba jkun ġie awtorizzat servizz regolari ta’ tbaħħir skont l-Artikolu 313b, il-kumpanija tat-tbaħħir konċernata għandha tiġi obbligata li tuża l-awtorizzazzjoni għall-bastimenti li hija tkun irreġistrat għal dak l-iskop.

2.   Il-kumpanija tat-tbaħħir għandha tinforma lill-awtorità awtorizzanti bi kwalunkwe ċirkustanza li jinqala’ wara li tkun ingħatat l-awtorizzazzjoni u li jkun jista’ jinfluwenza l-kontinwazzjoni jew il-kontenut tagħha.

Meta tiġi rtirata awtorizzazzjoni mill-awtorità awtorizzanti jew fuq talba tal-kumpanija tat-tbaħħir, l-awtorità awtorizzanti għandha tinnotifika l-irtirar lill-awtoritajiet rispettivi bl-użu tas-sistema elettronika ta’ informazzjoni u komunikazzjoni msemmija fl-Artikolu 14x.

3.   Il-proċedura stabbilita fl-Artikolu 313b(3) għandha tapplika f’każ li l-awtorizzazzjoni jkollha tiġi emendata biex tkopri Stati Membri li ma kinux inklużi fl-awtorizzazzjoni oriġinali jew minn awtorizzazzjoni preċedenti. Id-dispożizzjonijiet tal-Artikolu 313b(4) għandhom japplikaw mutatis mutandis.

1.   Il-kumpanija tat-tbaħħir awtorizzata biex tistabbilixxi servizzi tat-tbaħħir regolari għandha tikkomunika lill-awtorità awtorizzanti dan li ġej:

(a)	l-ismijiet tal-bastimenti assenjati għas-servizz regolari tat-tbaħħir;

(b)	l-ewwel port fejn il-bastiment jibda l-operat tiegħu bħala servizz regolari ta’ tbaħħir;

(c)	il-portijiet ta’ waqfa;

(d)	kull tibdil fl-informazzjoni msemmija fil-punti (a), (b) u (c);

(e)	id-data u l-ħin meta jidħlu fis-seħħ it-tibdiliet imsemmija fil-punt (d).

2.   L-informazzjoni kkomunikata skont il-paragrafu 1 għandha tkun reġistrata mill-awtorità awtorizzanti fis-sistema elettronika ta’ informazzjoni u komunikazzjoni msemmija fl-Artikolu 14x fi żmien ġurnata waħda tax-xogħol mill-jum li fih tkun ikkomunikata. Għandha tkun aċċessibbli għall-awtoritajiet doganali li topera fil-portijiet li jkunu jinsabu fit-territorju doganali tal-Komunità.

Ir-reġistrazzjoni għandha tidħol fis-seħħ fl-ewwel jum tax-xogħol wara dak tar-reġistrazzjoni.

1.   L-awtoritajiet doganali jistgħu jitolbu prova mill-kumpanija tat-tbaħħir li d-dispożizzjonijiet tal-Artikoli 313b sa 313e ikunu ġew osservati.

2.   Meta l-awtoritajiet doganali jistabbilixxu li d-dispożizzjonijiet imsemmija fil-paragrafu 1 ma jkunux ġew osservati, għandhom immedjatament jinfurmaw lill-awtoritajiet doganali kollha kkonċernati mis-servizz tat-tbaħħir bl-użu tas-sistema elettronika ta’ informazzjoni u komunikazzjoni msemmija fl-Artikolu 14x b’mod li dawk l-awtoritajiet ikunu jistgħu jieħdu l-miżuri meħtieġa.”