|
25.6.2020 |
MT |
Il-Ġurnal Uffiċjali tal-Unjoni Ewropea |
L 201/5 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/868
tat-18 ta’ Ġunju 2020
li jħassar ir-Regolament ta’ Implimentazzjoni (UE) 2016/1140 dwar il-klassifikazzjoni ta’ ċerti oġġetti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (1), u b’mod partikolari l-Artikolu 57(4) u l-Artikolu 58(2) tiegħu,
Billi:
|
(1) |
Permezz tar-Regolament ta’ Implimentazzjoni (UE) 2016/1140 (2), il-Kummissjoni kklassifikat żewġ prodotti fin-Nomenklatura Magħquda stabbilita fl-Anness I tar-Regolament tal-Kunsill (KEE) Nru 2658/87 (3), wieħed fil-forma ta’ kumpressa li tisħon waħedha biex ittaffi l-uġigħ u l-ieħor fil-forma ta’ ċinturin li jisħon waħdu biex itaffi l-uġigħ, taħt il-kodiċi tan-NM 3824 90 96 bħala prodotti jew preparati kimiċi oħra. |
|
(2) |
Fis-sentenza tal-Kawża C-182/19 (4), il-Qorti tal-Ġustizzja ddeċidiet li r-Regolament ta’ Implimentazzjoni (UE) 2016/1140 mhuwiex validu. |
|
(3) |
Għal raġunijiet ta’ ċertezza tad-dritt, jenħtieġ li jekk att jiġi ddikjarat invalidu mill-Qorti tal-Ġustizzja, dan jitneħħa formalment mill-ordni ġuridiku tal-Unjoni. |
|
(4) |
Għalhekk jenħtieġ li r-Regolament ta’ Implimentazzjoni tal-Kummissjoni (UE) 2016/1140 jitħassar. |
|
(5) |
Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali. |
|
(6) |
Peress li r-Regolament ta’ Implimentazzjoni (UE) 2016/1140 ma jistax jiġi applikat wara s-sentenza tal-Qorti tal-Ġustizzja tas-26 ta’ Marzu 2020, biex jiġu żgurati ċ-ċertezza u ċ-ċarezza tad-dritt, jenħtieġ li dan ir-Regolament jidħol fis-seħħ b’urġenza, |
ADOTTAT DAN IR-REGOLAMENT:
Artikolu 1
|
|
Ir-Regolament ta’ Implimentazzjoni tal-Kummissjoni (UE) 2016/1140 jitħassar. |
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Ġunju 2020.
Għall-Kummissjoni
F’isem il-President,
Philip KERMODE
Aġent Direttur Ġenerali
Id-Direttorat Ġenerali għat-Tassazzjoni u l-Unjoni Doganali
(1) ĠU L 269, 10.10.2013, p. 1.
(2) Ir-Regolament ta’ Implimentazzjoni tal-Kummissjoni (UE) 2016/1140 tat-8 ta’ Lulju 2016 dwar il-klassifikazzjoni ta’ ċerti prodotti fin-Nomenklatura Magħquda (ĠU L 189, 14.7.2016, p. 1).
(3) Ir-Regolament tal-Kunsill (KEE) Nru 2658/87, tat-23 ta’ Lulju, 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana. (ĠU L 256, 7.9.1987, p. 1).
(4) Is-Sentenza tal-Qorti tal-Ġustizzja fil-Kawża tal-26 ta’ Marzu 2020, Pfizer Consumer Healthcare Ltd, C-182/19, ECLI:EU:C:2020:243.