|
Iris Oifigiúil |
GA Sraith L |
|
2026/1565 |
14.7.2026 |
RIALACHÁN CUR CHUN FEIDHME (AE) 2026/1565 ÓN gCOIMISIÚN
an 13 Iúil 2026
lena leasaítear Rialachán Cur Chun Feidhme (AE) 2024/3084 a mhéid a bhaineann le ráitis maidir le dícheall cuí a chur isteach, dearbhuithe simplithe le haghaidh micrea-oibreoirí príomhúla nó oibreoirí príomhúla beaga, socruithe teagmhasacha agus bearta eile lena simplítear úsáid an chórais faisnéise
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2023/1115 ó Pharlaimint na hEorpa agus ón gComhairle an 31 Bealtaine 2023 maidir le tráchtearraí agus táirgí áirithe atá bainteach leis an dífhoraoisiú agus leis an díghrádú foraoisí a chur ar fáil ar mhargadh an Aontais agus a onnmhairiú ón Aontas agus lena n-aisghairtear Rialachán (AE) Uimh. 995/2010 (1), agus go háirithe Airteagal 33(3) de,
De bharr an mhéid seo a leanas:
|
(1) |
Le Rialachán (AE) 2023/1115, leagtar síos rialacha chun íoslaghdú a dhéanamh ar an méid a chuireann an tAontas leis an dífhoraoisiú agus leis an díghrádú foraoisí. Leasaíodh le Rialachán (AE) 2025/2650 ó Pharlaimint na hEorpa agus ón gComhairle (2) é a mhéid a bhaineann le hoibleagáidí áirithe oibreoirí agus trádálaithe. Tugadh isteach catagóirí nua dar teideal ‘oibreoir iartheachtach’ agus ‘micrea-oibreoir príomhúil nó oibreoir príomhúil beag’ go háirithe. Leis na leasuithe, saortar oibreoirí iartheachtacha agus trádálaithe ón oibleagáid ráitis maidir le dícheall cuí a chur isteach sa chóras faisnéise dá dtagraítear in Airteagal 33 de Rialachán (AE) 2023/1115 (an ‘Córas Faisnéise’) agus tugtar isteach leo an fhéidearthacht micrea-oibreoirí príomhúla agus d’oibreoirí príomhúla beaga dearbhú simplithe a chur isteach sa chóras faisnéise. |
|
(2) |
Le Rialachán Cur Chun Feidhme (AE) 2024/3084 ón gCoimisiún (3) leagtar síos na rialacha maidir le feidhmiú an Chórais Faisnéise. Ba cheart an Rialachán Cur Chun Feidhme sin a bheith i gcomhréir leis na leasuithe ar Rialachán (AE) 2023/1115 a rinneadh trí bhíthin Rialachán (AE) 2025/2650. |
|
(3) |
Na rialacha maidir le Ráitis maidir le Dícheall Cuí a shannadh sa Chóras Faisnéise do na húdaráis inniúla, ba cheart iad a mhodhnú chun iad a ailíniú leis na rialacha maidir le Dearbhuithe Simplithe a shannadh. |
|
(4) |
Ba cheart roinnt sainmhínithe a mhodhnú agus a chur isteach chun na hathruithe a tugadh isteach i Rialachán (AE) 2023/1115 a léiriú. |
|
(5) |
De bhun Airteagal 4a de Rialachán (AE) 2023/1115, tá sé d’oibleagáid ar mhicrea-oibreoirí nó oibreoirí príomhúla beaga dearbhú simplithe a chur isteach agus féadfaidh siad é a thabhairt cothrom le dáta i gcás ina dtagann aon athrú mór ar an bhfaisnéis a sholáthair siad. Dá bhrí sin, ba cheart rialacha a leagan síos chun go mbeifear in ann dearbhú simplithe a chur isteach agus na nuashonruithe sin a dhéanamh. |
|
(6) |
Chun solúbthacht oibríochtúil an bhonneagair TF a óstálann an Córas Faisnéise lena n-áirítear a fheidhmiúlachtaí foluiteacha, agus in-oiriúnaitheacht an bhonneagair sin le haghaidh na todhchaí a áirithiú, ba cheart an tagairt do bhonneagar TRACES a scriosadh. |
|
(7) |
Chun aghaidh a thabhairt ar theorainneacha teicniúla maidir le méid comhaid na ráiteas maidir le dícheall cuí agus na ndearbhuithe simplithe is féidir a chur isteach sa Chóras Faisnéise, agus chun aon chur isteach ar nósanna imeachta custaim a sheachaint, ba cheart rialacha sonracha a leagan síos chun grúpáil uimhreacha tagartha nó aitheantóirí dearbhúcháin aonair a chumasú sa Chóras Faisnéise trí ráiteas nua maidir le dícheall cuí nó dearbhú simplithe nua a chur isteach. |
|
(8) |
Chun go mbeidh na húdaráis inniúla in ann úsáideoirí an Chórais Faisnéise agus a gcuntais a bhainistiú, is gá feidhm shaincheaptha a fhorbairt sa Chóras Faisnéise. An tráth céanna, ba cheart rialacha a leagan síos a chuireann ar a chumas don Choimisiún dul i gcomhar leis na húdaráis inniúla i gcás ina bhfuil gá le saineolas náisiúnta nó i gcás inar gá údarás inniúil faisnéis a fhíorú chun go mbailíochtóidh an Coimisiún iarrataí a bhaineann leis an gCóras Faisnéise. |
|
(9) |
I gcás ina soláthraítear rochtain ar an gCóras Faisnéise trí sheirbhís ghréasáin, ba cheart na coinníollacha is gá don idirnascadh sin a sholáthar leis an gCóras Faisnéise. |
|
(10) |
Chun sainaithint uathúil úsáideoirí an Chórais Faisnéise a áirithiú, níor cheart gach úsáideoir a bheith in ann ach clárú amháin a dhéanamh sa chóras agus ba cheart gur gá aitheantóir a sholáthar chun an tsainaithint uathúil sin a chumasú. |
|
(11) |
Ina theannta sin, ba cheart a áirithiú trí bhíthin an Chórais Faisnéise gur féidir le húsáideoirí an Chórais Faisnéise a bhfaisnéis chlárúcháin a choimeád cothrom le dáta. |
|
(12) |
Chun slándáil an Chórais Faisnéise a áirithiú agus infhaighteacht leanúnach an Chórais a ráthú, ba cheart an Coimisiún a bheith in ann bearta a chur i bhfeidhm i gcás inar gá chun coinníollacha a fhorchur maidir le hidirghníomhuithe aonair leis an gCóras Faisnéise. |
|
(13) |
De bhun Airteagal 33(3), pointe (b), de Rialachán (AE) 2023/1115, tá an Coimisiún chun socruithe teagmhasacha a bhunú i gcás nach mbeidh feidhmiúlachtaí an Chórais Faisnéise ar fáil. Chun comhlíontacht leanúnach leis na hoibleagáidí faoi Rialachán (AE) 2023/1115 a áirithiú, ba cheart a chuimsiú leis na socruithe teagmhasacha sin oibleagáidí faisnéise agus soláthar uimhreach tagartha teagmhasaí agus aitheantóra dearbhúcháin teagmhasaigh. |
|
(14) |
Chun gur féidir na bearta a leagtar síos sa Rialachán seo a chur i bhfeidhm go pras, ba cheart an Rialachán seo a theacht i bhfeidhm an tríú lá tar éis lá a fhoilsithe in Iris Oifigiúil an Aontais Eorpaigh. |
|
(15) |
Chun tréimhse leordhóthanach a thabhairt d’ailíniú teicniúil an Chórais Faisnéise leis na rialacha modhnuithe maidir le Ráitis maidir le Dícheall Cuí a shannadh d’údaráis inniúla, ba cheart cur i bhfeidhm na rialacha sin a chur siar. |
|
(16) |
Tá na bearta dá bhforáiltear sa Rialachán seo i gcomhréir leis an tuairim ón gCoiste a bunaíodh le hAirteagal 36(1) de Rialachán (AE) 2023/1115, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán Cur Chun Feidhme (AE) 2024/3084 mar a leanas:
|
(1) |
cuirtear an méid seo a leanas in ionad Airteagal 1: ‘Airteagal 1 Ábhar Leis an Rialachán seo, leagtar síos na rialacha maidir le feidhmiú an Chórais Faisnéise, lena n-áirítear rialacha maidir le cosaint sonraí pearsanta, sonraí a mhalartú le córais TF eile agus socruithe teagmhasacha i gcás nach mbeadh fáil ar fheidhmiúlachtaí an Chórais Faisnéise.’ |
|
(2) |
leasaítear Airteagal 2 mar a leanas:
|
|
(3) |
leasaítear Airteagal 3 mar a leanas:
|
|
(4) |
in Airteagal 4, cuirtear an méid seo a leanas in ionad mhír 2: ‘2. I gcás táirge ábhartha ina bhfuil adhmad nó a rinneadh le hadhmad, iontrálfaidh úsáideoirí an Chórais Faisnéise ainmneacha eolaíocha iomlána na speiceas adhmaid atá sna táirgí ábhartha nó a ndearnadh iad leo sa Ráiteas maidir le Dícheall Cuí.’ |
|
(5) |
cuirtear Airteagal 4a seo a leanas isteach: ‘Airteagal 4a Dearbhuithe Simplithe a chur isteach, a thabhairt cothrom le dáta agus a tharraingt siar 1. Cuirfidh úsáideoir an Chórais Faisnéise an Dearbhú Simplithe isteach sa Chóras Faisnéise seachas i gcás ina gcuirtear faisnéis ar fáil i gcomhréir le mír 2. 2. I gcás ina bhfuil an fhaisnéis uile a liostaítear in Iarscríbhinn III a ghabhann le Rialachán (AE) 2023/1115 ar fáil i gcóras nó i mbunachar sonraí atá ann cheana faoi dhlí an Aontais nó faoi dhlí na mBallstát, cuirfidh an Córas Faisnéis ar a gcumas do na Ballstáit an fhaisnéis sin, agus i gcás inarb ábhartha, aon nuashonrú ar an bhfaisnéis sin, a chur ar fáil sa Chóras Faisnéise in aghaidh an mhicrea-oibreora phríomhúil nó an oibreora phríomhúil bhig dá dtagraítear in Airteagal 4a(4) de Rialachán (AE) 2023/1115. Sannfaidh an Córas Faisnéise aitheantóir dearbhúcháin don fhaisnéis a chuirtear ar fáil in aghaidh an mhicrea-oibreora phríomhúil aonair nó an oibreora phríomhúil bhig aonair. Cuirfidh an Ballstát lena mbaineann an t-aitheantóir dearbhúcháin in iúl don mhicrea-oibreoir príomhúil nó don oibreoir príomhúil beag agus úsáidfidh an micrea-oibreoir príomhúil nó an t-oibreoir príomhúil beag sin é chun críocha Rialachán (AE) 2023/1115 agus an Rialacháin seo. 3. Cuirfear nuashonrú ar an Dearbhú Simplithe isteach sa Chóras Faisnéise agus cuirfear ar fáil ann é i gcomhréir le míreanna 1 agus 2. Coinneofar an t-aitheantóir dearbhúcháin a bhaineann leis an Dearbhú Simplithe i gcás nuashonraithe. 4. Coimeádfaidh an Córas Faisnéise taifead ar na Dearbhuithe Simplithe agus ar aon nuashonrú orthu. 5. I gcás ina ndéantar nuashonrú ar Dhearbhú Simplithe, gníomhachtófar próifíliú nua riosca ar an Dearbhú Simplithe iomlán a tugadh cothrom le dáta i gcomhréir le hAirteagal 6. 6. Tríd an gCóras Faisnéise, cuirfear ar a gcumas d’úsáideoirí an Chórais Faisnéise Dearbhuithe Simplithe a tharraingt siar. 7. Ní tharraingeofar Dearbhuithe Simplithe siar tar éis don úsáideoir Córais Faisnéise chéanna an Dearbhú Simplithe a úsáid mar thagairt i gcomhréir le hAirteagal 8a.’ |
|
(6) |
leasaítear Airteagal 5 mar a leanas:
|
|
(7) |
leasaítear Airteagal 6 mar a leanas:
|
|
(8) |
cuirtear an méid seo a leanas in ionad Airteagail 7 agus 8: ‘Airteagal 7 Uimhreacha tagartha, aitheantóirí dearbhúcháin agus uimhreacha fíorúcháin a shannadh agus a chur ar fáil 1. Sannfaidh an Córas Faisnéise uimhir thagartha don Ráiteas maidir le Dícheall Cuí agus aitheantóir dearbhúcháin don Dearbhú Simplithe a chuireann úsáideoir an Chórais Faisnéise isteach gan moill mhíchuí tar éis an próifíliú riosca dá dtagraítear in Airteagal 6 a thabhairt i gcrích. An tráth céanna, sannfaidh sé uimhir fíorúcháin a bhaineann leis an Ráiteas maidir le Dícheall Cuí nó an Dearbhú Simplithe. 2. Cuirfear an uimhir thagartha nó an t-aitheantóir dearbhúcháin agus an uimhir fíorúcháin lena mbaineann ar fáil d’úsáideoir an Chórais Faisnéise tar éis an próifíliú riosca dá dtagraítear in Airteagal 6 a thabhairt i gcrích. 3. Tríd an gCóras Faisnéise, cuirfear ar a gcumas do na húdaráis inniúla moill a chur ar an uimhir thagartha nó an t-aitheantóir dearbhúcháin agus an uimhir fíorúcháin lena mbaineann a chur ar fáil chun a shuí an gcomhlíonann na táirgí ábhartha Airteagal 3 de Rialachán (AE) 2023/1115 agus, go háirithe, chun a fhíorú nach bhfuil an cás sainaitheanta dá dtagraítear in Airteagal 6(1) den Rialachán seo infheidhme maidir leis an táirge ábhartha sin. Beidh an mhoill sin chomh gearr agus is féidir agus ní rachaidh sí thar an tréimhse a leagtar amach in Airteagal 17(3) de Rialachán (AE) 2023/1115. Féadfar síneadh a chur leis an tréimhse sin faoi rogha an údaráis inniúil a fhad is gá, ar feadh tréimhsí breise mar a leagtar amach in Airteagal 17(3) de Rialachán (AE) 2023/1115, chun a seiceálacha a dhéanamh agus chun a n-oibleagáidí faoi Rialachán (AE) 2023/1115 agus faoin Rialachán seo a chomhlíonadh. Airteagal 8 Ráitis maidir le Dícheall Cuí agus Dearbhuithe Simplithe a dhiúltú 1. Féadfaidh na húdaráis inniúla Ráiteas maidir le Dícheall Cuí nó Dearbhú Simplithe a dhiúltú le linn na tréimhse a leagtar síos in Airteagal 17(3) de Rialachán (AE) 2023/1115 a thosaíonn an uair a shainaithnítear ard-riosca neamhchomhlíonta sa Chóras Faisnéise de bhun Airteagal 6. Ní bheifear in ann Ráiteas maidir le Dícheall Cuí a dhiúltú a thuilleadh tar éis uimhir thagartha Ráitis maidir le Dícheall Cuí a chur ar fáil d’úsáideoir an Chórais Faisnéise. 2. Maidir leis an táirge ábhartha a dearbhaíodh i Ráiteas maidir le Dícheall Cuí a diúltaíodh nó i nDearbhú Simplithe a diúltaíodh, measfar nach gcumhdaítear é le Ráiteas maidir le Dícheall Cuí ná le Dearbhú Simplithe mar a cheanglaítear in Airteagal 3, pointe (c) de Rialachán (AE) 2023/1115 ó thráth a dhiúltaithe ar aghaidh. 3. Léireofar an diúltú sa Chóras Faisnéise trí stádas sonrach a shannadh don Ráiteas maidir le Dícheall Cuí nó don Dearbhú Simplithe lena mbaineann.’ |
|
(9) |
cuirtear Airteagal 8a seo a leanas isteach i gCaibidil II: ‘Airteagal 8a Ráitis maidir le Dícheall Cuí agus Dearbhuithe Simplithe a ghrúpáil laistigh den Chóras Faisnéise 1. Féadfaidh úsáideoirí an Chórais Faisnéise Ráitis aonair maidir le Dícheall Cuí nó Dearbhuithe Simplithe aonair a ghrúpáil trí Ráiteas nua maidir le Dícheall Cuí nó Dearbhú Simplithe nua a chur isteach ina ndéantar tagairt do Ráitis aonair maidir le Dícheall Cuí nó do Dhearbhuithe Simplithe aonair a chuir an t-úsáideoir céanna Córais Faisnéise isteach cheana, nó a chuir ionadaí údaraithe isteach cheana le haghaidh an oibreora nó an mhicrea-oibreora phríomhúil nó an oibreora phríomhúil bhig chéanna, más infheidhme, trí bhíthin na n-uimhreacha tagartha nó na n-aitheantóirí dearbhúcháin a cuireadh isteach cheana (“Ráiteas maidir le Dícheall Cuí nó Dearbhú Simplithe grúpáilte”). 2. Sannfaidh an Córas Faisnéise stádas sonrach do na Ráitis aonair maidir le Dícheall Cuí nó do na Dearbhuithe Simplithe aonair a luaithe a dhéanfar tagairt dóibh sa Ráiteas grúpáilte maidir le Dícheall Cuí nó sa Dearbhú Simplithe grúpáilte chun a shainaithint gur grúpáladh iad agus go gcuirtear an Ráiteas grúpáilte maidir le Dícheall Cuí nó an Dearbhú Simplithe grúpáilte ina n-ionad. 3. Déanfaidh an Ráiteas grúpáilte maidir le Dícheall Cuí nó an Dearbhú Simplithe grúpáilte ionadaíocht don Ráiteas aonair maidir le Dícheall Cuí nó don Dearbhú Simplithe aonair chun Rialachán (AE) 2023/1115 a chomhlíonadh. Dá bhrí sin, an Ráiteas grúpáilte maidir le Dícheall Cuí nó an Dearbhú Simplithe grúpáilte, cumhdófar leis táirgí ábhartha a chur ar an margadh nó a onnmhairiú a áirítear sna Ráitis aonair maidir le Dícheall Cuí nó sna Dearbhuithe Simplithe aonair dá dtagraítear sa Ráiteas grúpáilte nó sa Dearbhú grúpáilte. Chun Airteagail 4(7) agus 26(4) de Rialachán (AE) 2023/1115 a chomhlíonadh, cuirfidh úsáideoirí an Chórais Faisnéise uimhir thagartha nó aitheantóir dearbhúcháin an Ráitis grúpáilte maidir le Dícheall Cuí nó an Dearbhaithe Shimplithe ghrúpáilte in iúl nó ar fáil seachas na huimhreacha tagartha aonair nó na haitheantóirí dearbhúcháin aonair dár sannadh stádas sonrach i gcomhréir le mír 2.’ |
|
(10) |
leasaítear Airteagal 9 mar a leanas:
|
|
(11) |
leasaítear Airteagal 10 mar a leanas:
|
|
(12) |
in Airteagal 11, cuirtear an méid seo a leanas in ionad mhír 1: ‘1. Beidh rochtain ag an gCoimisiún ar na sonraí, ar an bhfaisnéis agus ar na doiciméid uile sa Chóras Faisnéise chun iad a phróiseáil i gcomhréir le hAirteagail 21 agus 27(1) de Rialachán (AE) 2023/1115, chun tuarascálacha a dhéanamh agus chun an Córas Faisnéise a fhorbairt, a fheidhmiú agus a chothabháil.’ |
|
(13) |
in Airteagal 12(5), cuirtear an méid seo a leanas in ionad na chéad abairte: ‘Ní stórálfaidh an Córas Faisnéise na sonraí pearsanta atá sna Ráitis maidir le Dícheall Cuí ar feadh tréimhse is faide ná 5 bliana ón dáta a chuirtear an Ráiteas maidir le Dícheall Cuí isteach sa Chóras Faisnéise, nó, i gcás grúpáil de bhun Airteagal 8a, ó dháta na grúpála; Ní stórálfaidh an Córas Faisnéise na sonraí pearsanta sna Dearbhuithe Simplithe ar feadh tréimhse is faide ná 5 bliana ón dáta a tharraingeofar siar an Dearbhú Simplithe ón gCóras Faisnéise.’; |
|
(14) |
in Airteagal 15, cuirtear mír 4 seo a leanas leis: ‘4. Féadfaidh an Coimisiún na bearta seo a leanas a chur i bhfeidhm:
Cuirfidh an Coimisiún na húdaráis inniúla agus na húsáideoirí Córais Faisnéise ar an eolas gan mhoill faoi bhearta a dhéantar de bhun na míre seo.’ |
|
(15) |
cuirtear Airteagal 15a seo a leanas isteach: ‘Airteagal 15a Socruithe teagmhasacha 1. Faoin 30 Nollaig 2026, soláthróidh an Coimisiún an méid seo a leanas ar shuíomh gréasáin a mbeidh rochtain ag an bpobal air:
2. Áireofar sna bearta teagmhasacha dá dtagraítear i mír 1, pointe (b) ceann amháin de na nithe seo a leanas ar a laghad:
|
Airteagal 2
Tiocfaidh an Rialachán seo i bhfeidhm an tríú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm ag Airteagal 1, pointe (2)(c) ón 15 Deireadh Fómhair 2026.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 13 Iúil 2026.
Thar ceann an Choimisiúin
An tUachtarán
Ursula VON DER LEYEN
(1) IO L 150, 9.6.2023, lch. 206, ELI: http://data.europa.eu/eli/reg/2023/1115/oj.
(2) Rialachán (AE) 2025/2650 ó Pharlaimint na hEorpa agus ón gComhairle an 19 Nollaig 2025 lena leasaítear Rialachán (AE) 2023/1115 a mhéid a bhaineann le hoibleagáidí áirithe oibreoirí agus trádálaithe (IO L, 2025/2650, 23.12.2025, ELI: http://data.europa.eu/eli/reg/2025/2650/oj).
(3) Rialachán Cur Chun Feidhme (AE) 2024/3084 ón gCoimisiún an 4 Nollaig 2024 maidir le feidhmiú an chórais faisnéise de bhun Rialachán (AE) 2023/1115 ó Pharlaimint na hEorpa agus ón gComhairle maidir le tráchtearraí agus táirgí áirithe atá bainteach leis an dífhoraoisiú agus leis an díghrádú foraoisí a chur ar fáil ar mhargadh an Aontais agus a onnmhairiú ón Aontas (IO L, 2024/3084, 6.12.2024, ELI: http://data.europa.eu/eli/reg_impl/2024/3084/oj).
ELI: http://data.europa.eu/eli/reg_impl/2026/1565/oj
ISSN 1977-0839 (electronic edition)