<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-03-202503C113202401200-00-TRA-DOC-MT-ARRET-C-0120-24-202502188-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="2/06/2025 14:04:49" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="inL1XyNIfz7C4ZgO95HZG6bmtA9aoPh6yztA9NFB5/I721V7Dd+YwmiIJpnSxGdOed7heBFnaCtAKCnjRS5xfLVfIgCAsQbvPz+sDPV3jfoQk79CgLGsfh9osc+7SUU0f4J/nF4lAe6M54SByGyrQbfWEOJQohKID04K+JN4Stw=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="a3f6e10d-49a7-41c1-92ea-3839f4515544" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0120" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 27-02-25 14:41:37" name="Created"/>
    <meta content="" name="Canevas3_Vademecum"/>
    <meta content="2025-03-24T15:50:02Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="1cd7d80508674cb797cc7ec898f5f4c7" name="DocumentIdentifier"/>
    <meta content="0120" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tat-13.3.2025 – Kawża C‑120/24</div>
      <div id="rId21" style="default">Unigames</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Il-Ħames Awla)
    </p>
    <p class="C19Centre" id="para-2" title="page-1">
      13 ta’ Marzu 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Proċedura ta’ informazzjoni fil-qasam tal-istandards u tar-regolamenti tekniċi u tar-regoli dwar is-servizzi tas-soċjetà tal-informazzjoni – Direttiva (UE) 2015/1535 – Artikolu 1(1) (e) u (f) – Kunċetti ta’ ‘regolament tekniku’ u ta’ ‘regola dwar is-servizzi’ – Leġiżlazzjoni nazzjonali li tipprojbixxi l-inkoraġġiment għall-prattika tal-logħob tal-ażżard, inkluż il-logħob mill-bogħod – Artikolu 5(1) – Obbligu li l-Kummissjoni Ewropea tiġi nnotifikata – emenda għal din il-leġiżlazzjoni li twessa’ l-kamp ta’ applikazzjoni tal-projbizzjoni ta’ inkoraġġiment għal-logħob tal-ażżard – Assenza ta’ komunikazzjoni – Konsegwenzi”
    </p>
    <p class="C02AlineaAltA" id="para-4" title="page-1">
      Fil-Kawża C‑120/24,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-Lietuvos vyriausiasis administracinis teismas (il-Qorti Amministrattiva Suprema tal-Litwanja), permezz ta’ deċiżjoni tal-14 ta’ Frar 2024, li waslet fil-Qorti tal-Ġustizzja fil-15 ta’ Frar 2024, fil-proċedura
    </p>
    <p class="C02AlineaAltA" id="para-6" title="page-1">
      “Unigames” UAB
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Lošimų priežiūros tarnyba prie Lietuvos Respublikos finansų ministerijos,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (Il-Ħames Awla),
    </p>
    <p class="C02AlineaAltA" id="para-10" title="page-1">
      komposta minn M. L. Arastey Sahún (Relatriċi), Presidenta tal-Awla, D. Gratsias, E. Regan, J. Passer u B. Smulders, Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: N. Emiliou,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal “Unigames” UAB, minn M. Rindinas, advokatas,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Litwan, minn S. Grigonis u V. Kazlauskaitė-Švenčionienė, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Taljan, minn S. Fiorentino, bħala aġent, assistit minn F. Meloncelli, avvocato dello Stato,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn M. Escobar Gómez u J. Jokubauskaitė, bħala aġenti,</p>
</td>
</tr>
</table>
    <p class="C02AlineaAltA" id="para-19" title="page-1">
      wara li rat id-deċiżjoni meħuda, wara li nstema’ l-Avukat Ġenerali, li taqta’ l-kawża mingħajr konklużjonijiet,
    </p>
    <p class="C02AlineaAltA" id="para-20" title="page-1">
      tagħti l-preżenti
    </p>
    <p class="C75Debutdesmotifs" id="para-21" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 1(1)(f) u tal-Artikolu 5(1) tad-Direttiva (UE) 2015/1535 tal-Parlament Ewropew u tal-Kunsill tad-9 ta’ Settembru 2015 li tistabbilixxi proċedura għall-għoti ta’ informazzjoni fil-qasam tar-regolamenti tekniċi u tar-regoli dwar is-servizzi tas-Soċjetà tal-Informatika [tal-Informazzjoni] (ĠU 2015, L 241, p. 1).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn “Unigames” UAB u l-Lošimų priežiūros tarnyba prie Lietuvos Respublikos finansų ministerijos (il-Kummissjoni ta’ Sorveljanza tal-Logħob tal-Ażżard fi ħdan il-Ministeru għall-Finanzi tar-Repubblika tal-Litwanja, iktar ’il quddiem il-“Kummissjoni ta’ Sorveljanza”) dwar deċiżjoni tad-direttur ta’ din il-kummissjoni li tikkonstata li Unigames kisret il-projbizzjoni li tinkoraġġixxi l-prattika tal-logħob tal-ażżard u li timponilha multa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">L-Artikolu 1(1) tad-Direttiva 2015/1535 jistabbilixxi:</p>
</td>
</tr>
</table>
    <p class="C02AlineaAltA" id="para-27" title="page-1">
      “Għall-għanijiet ta’ din id-Direttiva, japplikaw id-definizzjonijiet li ġejjin:
    </p>
    <p class="C02AlineaAltA" id="para-28" title="page-1">
      […]
    </p>
    <p class="C09Marge0avecretrait" id="para-29" title="page-2">
      (b) ‘servizz’ tfisser kull servizz tas-Soċjetà tal-Informatika, jiġifieri kull servizz normalment ipprovdut għal rimunerazzjoni, mill-bogħod, b’mezzi elettroniċi u fuq it-talba individwali ta’ riċevitur ta’ servizzi.
    </p>
    <p class="C10Marge1" id="para-30" title="page-2">
      ‘Għall-għanijiet ta’ din id-Direttiva, japplikaw id-definizzjonijiet li ġejjin:
    </p>
    <p class="C11Marge1avecretrait" id="para-31" title="page-2">
      (i) ‘mill-bogħod’ tfisser illi servizz jiġi pprovdut mingħajr ma l-partijiet ikunu preżenti simultanjament,
    </p>
    <p class="C11Marge1avecretrait" id="para-32" title="page-2">
      (ii) ‘b’mezzi elettroniċi’ tfisser illi fil-bidu s-servizz jintbagħat u jiġi rċevut fid-destinazzjoni tiegħu permezz ta’ tagħmir elettroniku għall-ipproċessar (inkluża kompressjoni diġitali) u l-ħażna ta’ data, u dan jiġi trasmess, imwassal u rċevut għalkollox permezz ta’ wajers, bir-radju, b’mezzi ottiċi jew b’mezzi oħra elettro-manjetiċi,
    </p>
    <p class="C11Marge1avecretrait" id="para-33" title="page-2">
      (iii) ‘fuq it-talba individwali ta’ riċevitur tas-servizzi’ tfisser illi s-servizz jiġi pprovdut permezz tat-trasmissjoni ta’ data fuq talba individwali;
    </p>
    <p class="C10Marge1" id="para-34" title="page-2">
      Lista indikattiva tas-servizzi mhux koperti b’din id-definizzjoni hija mogħtija fl-Anness I;
    </p>
    <p class="C02AlineaAltA" id="para-35" title="page-2">
      […]
    </p>
    <p class="C09Marge0avecretrait" id="para-36" title="page-2">
      (e) ‘regola dwar is-servizzi’ tfisser ħtieġa ta’ natura ġenerali li għandha x’taqsam mal-bidu u l-eżerċizzju ta’ attivitajiet ta’ servizzi fit-tifsira tal-punt (b), b’mod partikolari id-dispożizzjonijiet li għandhom x’jaqsmu mal-fornitur tas-servizz, is-servizzi u r-riċevitur tas-servizzi, għajr kull regola li mhijiex speċifikament immirata lejn is-servizzi definiti f’dak il-punt.
    </p>
    <p class="C10Marge1" id="para-37" title="page-2">
      Għall-għanijiet ta’ din id-definizzjoni:
    </p>
    <p class="C11Marge1avecretrait" id="para-38" title="page-2">
      (i) regola għandha tiġi kkunsidrata li tkun speċifikament immirata lejn is-servizzi tas-Soċjetà tal-Informatika fejn, filwaqt li tqis id-dikjarazzjoni tar-raġunijiet tagħha u tal-parti operattiva tagħha, il-mira speċifika u l-għan tad-dispożizzjonijiet kollha jew ta’ xi wħud minnhom individwali tagħha huma dawk li jirregolaw dawn is-servizzi b’mod espliċitu u mmirat,
    </p>
    <p class="C11Marge1avecretrait" id="para-39" title="page-2">
      (ii) regola m’għandhiex tiġi kkunsidrata li tkun speċifikament immirata lejn is-servizzi tas-Soċjetà tal-Informatika jekk din taffettwa dawn is-servizzi biss b’mod impliċitu jew aċċidentali;
    </p>
    <p class="C09Marge0avecretrait" id="para-40" title="page-3">
      (f)  ‘regolament tekniku’ tfisser speċifikazzjonijiet tekniċi u ħtiġiet oħra jew regoli dwar servizzi, inklużi d-dispożizzjonijiet amministrattivi relevanti, li l-osservanza tagħhom hija obbligatorja, de jure jew de facto, fil-każ tat-tqegħid fis-suq, il-forniment ta’ servizz, l-istabbiliment ta’ operatur tas-servizz jew l-użu fi Stat Membru jew f’parti l-kbira minnu, kif ukoll il-liġijiet, ir-regolamenti jew id-dispożizzjonijiet amministrattivi tal-Istati Membri, għajr dawk ipprovduti fl-Artikolu 7, li jipprojbixxu l-fabbrikazzjoni, l-importazzjoni, it-tqegħid fis-suq jew l-użu ta’ prodott, jew li jipprojbixxu l-forniment jew l-użu ta’ servizz, jew l-istabbiliment ta’ fornitur tas-servizz;
    </p>
    <p class="C10Marge1" id="para-41" title="page-3">
      […]
    </p>
    <p class="C09Marge0avecretrait" id="para-42" title="page-3">
      (g) ‘abbozz ta’ regolament tekniku’ tfisser it-test ta’ speċifikazzjoni teknika jew ħtieġa oħra jew ta’ regola dwar is-servizzi, inklużi d-dispożizzjonijiet amministrattivi, ifformulat bil-għan li jsir liġi bħala regolament tekniku, bit-test ikun fi stadju ta’ tħejjija fejn ikun għad jistgħu isiru emendi sostanzjali.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 5(1) ta’ din id-direttiva jipprevedi li:</p>
</td>
</tr>
</table>
    <p class="C02AlineaAltA" id="para-44" title="page-3">
      “Soġġetti għall-Artikolu 7, l-Istati Membri għandhom jikkomunikaw fil-pront lill-Kummissjoni kull abbozz ta’ regolament tekniku, għajr fejn dan sempliċiment jittrasponi t-test ta’ standard internazzjonali jew Ewropew, f’liema każ l-informazzjoni li jkollha x’taqsam mal-istandard relevanti tkun biżżejjed; għandhom ukoll iħallu lill-Kummissjoni tagħmel dikjarazzjoni dwar ir-raġunijiet li jagħmlu meħtieġa l-leġislazzjoni ta’ dan ir-regolament tekniku, fejn dawk ir-raġunijiet ma jkunux diġà ġew magħmula ċari fl-abbozz.
    </p>
    <p class="C02AlineaAltA" id="para-45" title="page-3">
      Fejn ikun xieraq, u għajr jekk ma jkunux diġà bagħtuh b’komunikazzjoni minn qabel, l-Istati Membri għandhom simultanjament jikkomunikaw it-test tad-dispożizzjonijiet bażiċi leġislattivi jew regolatorji interessati prinċipalment u direttament lill-Kummissjoni, jekk it-tagħrif ta’ dan it-test ikun meħtieġ biex jistma l-implikazzjonijiet tal-abozz ta’ regolament tekniku.
    </p>
    <p class="C02AlineaAltA" id="para-46" title="page-3">
      L-Istati Membri għandhom jikkomunikaw l-abbozz tar-regolament tekniku mill-ġdid lill-Kummissjoni skont il-kondizzjonijiet fl-ewwel u fit-tieni subparagrafi ta’ dan il-paragrafu jekk jagħmlu tibdil lill-abbozz li jkollu l-effett li jibdel b’mod sinifikanti l-kamp ta’ applikazzjoni tiegħu, iqassru l-iskeda imfassla oriġinarjament għall-implimentazzjoni, iżidu l-ispeċifikazzjonijiet jew il-ħtiġijiet jew jagħmlu lil dawn tal-aħħar iktar stretti.
    </p>
    <p class="C02AlineaAltA" id="para-47" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Litwan</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 10(19) tal-Lietuvos Respublikos azartinių lošimų Łstatymas Nr. IX-325 (il-Liġi tar-Repubblika tal-Litwanja Nru X-325 dwar il-logħob tal-ażżard), tas-17 ta’ Mejju 2001 (Žin., 2001, Nru 43–1495), fil-verżjoni tagħha applikabbli għat-tilwima fil-kawża prinċipali, jiġifieri l-verżjoni li tirriżulta mil-Liġi Nru XIV-337, tal-20 ta’ Mejju 2021 (TAR, 2021, Nru 2021–12786) (iktar ’il quddiem il-“Liġi dwar il-Logħob tal-Ażżard”), jipprovdi:</p>
</td>
</tr>
</table>
    <p class="C02AlineaAltA" id="para-50" title="page-4">
      “Fil-Litwanja, huwa pprojbit li wieħed jinkoraġġixxi l-prattika tal-logħob tal-ażżard, jiġifieri, taħt kwalunkwe forma u bi kwalunkwe mezz, jippubblika informazzjoni jew iwettaq atti intiżi sabiex jikkonvinċu lill-pubbliku jipparteċipa fih, inklużi l-avvenimenti speċjali, logħob ta’ prova, azzjonijiet promozzjonali, riduzzjonijiet, rigali u inċentivi tal-istess natura implementati mill-organizzatur stess, li jinkoraġġixxu l-prattika tal-logħob tal-ażżard jew tal-logħob tal-ażżard mill-bogħod.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Sad-dħul fis-seħħ tal-Liġi Nru XIV-337, tal-20 ta’ Mejju 2021, l-Artikolu 10(19) tal-Liġi dwar il-logħob tal-ażżard, kif emendata bil-Liġi Nru XII-1734, tal-21 ta’ Mejju 2015 (TAR, 2015, Nru 2015–8980) (iktar ’il quddiem il-“liġi preċedenti dwar il-logħob tal-ażżard”), kien jipprevedi:</p>
</td>
</tr>
</table>
    <p class="C02AlineaAltA" id="para-52" title="page-4">
      “Fil-Litwanja, huwa pprojbit li l-prattika tal-logħob tal-ażżard tiġi mħeġġa bil-mezzi li ġejjin:
    </p>
    <p class="C09Marge0avecretrait" id="para-53" title="page-4">
      (1) tagħti lill-ġugatur id-dritt li jirċievi rigali mill-organizzatur tal-logħob immedjatament jew f’ċertu perijodu ta’ żmien wara l-parteċipazzjoni fil-logħba;
    </p>
    <p class="C09Marge0avecretrait" id="para-54" title="page-4">
      (2) l-organizzazzjoni ta’ logħob jew kompetizzjonijiet, logħob għall-ittestjar, lotteriji u avvenimenti oħra li jinkoraġġixxu l-logħob, inkluż logħob mill-bogħod, barra mill-istabbilimenti tal-logħob jew mis-sit internet tal-operatur.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Unigames hija kumpannija li għandha liċenzja li tawtorizzaha torganizza logħob tal-ażżard. Hija tipprovdi servizzi ta’ logħob mill-bogħod fuq is-sit internet tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Waqt kontroll imwettaq mill-kummissjoni ta’ sorveljanza, din ikkonstatat li f’dan is-sit internet kien hemm ċertu numru ta’ indikazzjonijiet li kellhom jitqiesu li jiksru l-projbizzjoni li titħeġġeġ il-prattika tal-logħob tal-ażżard, prevista fl-Artikolu 10(19) tal-Liġi dwar il-logħob tal-ażżard.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Wara dan il-kontroll, id-direttur ta’ din il-kummissjoni, fid-19 ta’ Mejju 2022, adotta digriet li permezz tiegħu kkonstata l-eżistenza ta’ diversi ksur min-naħa ta’ Unigames u impona fuqu sanzjoni pekunjarja (iktar ’il quddiem id-“deċiżjoni tad-19 ta’ Mejju 2022”). Minn dan id-digriet jirriżulta b’mod iktar preċiż, l-ewwel nett, li, matul il-perijodu mit-13 ta’ Ottubru 2021 sat-3 ta’ Frar 2022, l-imsemmija kummissjoni kkonstatat li, fis-sit internet ta’ Unigames, kien hemm indikazzjonijiet li jinkoraġġixxu lill-viżitaturi ta’ dan is-sit għall-prattika tal-logħob tal-ażżard mill-bogħod, bi ksur tal-Artikolu 10(19) tal-Liġi dwar il-Logħob tal-Ażżard. It-tieni nett, fid-data tal-adozzjoni ta’ dan id-digriet, l-imsemmi sit kien għadu juri indikazzjonijiet li jiksru l-projbizzjoni li titħeġġeġ il-prattika tal-logħob tal-ażżard prevista f’din id-dispożizzjoni. It-tielet nett, permezz tal-imsemmi digriet, Unigames ġiet imposta fuqha multa ta’ EUR 12 662, hija ġiet avżata bil-possibbiltà ta’ sospensjoni tal-liċenzja li tawtorizzaha torganizza logħob tal-ażżard u ġiet ordnata ttemm il-ksur ikkonstatat sa mhux iktar tard mill-20 ta’ Ġunju 2022.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Unigames ippreżentat, quddiem il-Vilniaus apygardos administracinis teismas (il-Qorti Amministrattiva Reġjonali ta’ Vilnjus, il-Litwanja), rikors intiż għall-annullament tad-digriet tad-19 ta’ Mejju 2022, billi invokat illegalità fil-proċedura ta’ adozzjoni tal-Artikolu 10(19) tal-Liġi dwar il-logħob tal-ażżard.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Permezz ta’ sentenza tal-10 ta’ Awwissu 2022, din il-qorti ċaħdet dan ir-rikors, minħabba li l-projbizzjoni li titħeġġeġ il-prattika tal-logħob tal-ażżard ma kinitx ġiet introdotta mill-ġdid fil-liġi dwar il-logħob tal-ażżard, iżda kienet diġà prevista fl-Artikolu 10(19) tal-liġi l-antika dwar il-logħob tal-ażżard. L-imsemmija qorti kkonkludiet li l-awtoritajiet Litwani għalhekk ma kinux obbligati jikkomunikaw lill-Kummissjoni Ewropea, skont id-Direttiva 2015/1535, l-abbozz ta’ emenda tal-Artikolu 10(19) tal-Liġi dwar il-Logħob tal-Ażżard qabel l-adozzjoni tiegħu mil-leġiżlatur nazzjonali. Għaldaqstant, hija ċaħdet bħala infondat l-argument ta’ Unigames li din id-dispożizzjoni ma setgħetx tiġi invokata kontriha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Unigames appellat minn din is-sentenza quddiem il-Lietuvos vyriausiasis administracinis teismas (il-Qorti Amministrattiva Suprema, il-Litwanja), jiġifieri l-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Din il-qorti tqis li l-kawża li għandha quddiemha tqajjem kwistjonijiet ta’ interpretazzjoni tad-Direttiva 2015/1535.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Fl-ewwel lok, il-qorti tar-rinviju tistaqsi jekk ir-regola prevista f’dan l-Artikolu 10(19) tikkostitwixxix “regolament tekniku”, fis-sens tal-Artikolu 1(1)(f) ta’ din id-direttiva. Din l-aħħar dispożizzjoni ssemmi erba’ kategoriji ta’ regolamenti tekniċi, fosthom dik ta’ “regola dwar is-servizzi”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Fis-sentenza tal-4 ta’ Frar 2016, Ince (C‑336/14, EU:C:2016:72, punt 75), il-Qorti tal-Ġustizzja diġà ddeċidiet li ċerti dispożizzjonijiet applikabbli għal-logħob tal-ażżard fil-Ġermanja setgħu jiġu kklassifikati bħala “regoli dwar is-servizzi”, sa fejn dawn kienu jikkonċernaw “servizz tas-soċjetà tal-informazzjoni”, fis-sens tal-imsemmija direttiva. Dawn id-dispożizzjonijiet kienu jinkludu, b’mod partikolari, il-projbizzjoni li jiġi propost logħob tal-ażżard fuq l-internet kif ukoll li jiġi mxandar reklamar għal-logħob tal-ażżard fuq l-internet jew permezz ta’ mezzi ta’ telekomunikazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">F’dan ir-rigward, il-qorti tar-rinviju tenfasizza li, fil-Litwanja, huwa pprojbit mhux li jiġi propost logħob tal-ażżard fuq l-internet, iżda li tiġi mħeġġa l-prattika tal-logħob tal-ażżard, jiġifieri li tiġi ppubblikata informazzjoni jew li jitwettqu atti li jinċentivaw l-għoti ta’ tali logħob, taħt kwalunkwe forma u bi kwalunkwe mezz li jkun.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Din il-qorti tistaqsi jekk ir-regola li tinsab fl-Artikolu 10(19) tal-Liġi dwar il-Logħob tal-Ażżard, sa fejn din tikkonċerna l-informazzjoni ppubblikata mill-operatur tal-logħob tal-ażżard fuq is-sit internet tiegħu, tissodisfax il-kundizzjonijiet kollha sabiex titqies li tapplika għal “servizz”, fis-sens tal-Artikolu 1(1)(b) tad-Direttiva 2015/1535, fid-dawl tal-fatt li din hija pubblikazzjoni ta’ tali informazzjoni min-naħa ta’ dan l-operatur stess. Peress li l-imsemmi operatur joffri servizzi ta’ logħob tal-ażżard lill-viżitaturi tas-sit internet tiegħu, huwa minnu nnifsu li dan is-sit juri informazzjoni dwar l-imsemmi logħob, kif ukoll indikazzjonijiet li jħeġġu lill-viżitaturi jużaw dawn is-servizzi. F’dawn iċ-ċirkustanzi, il-qorti tar-rinviju tixtieq tkun taf jekk il-fatt li huwa l-viżitatur li jaċċedi għall-imsemmi sit bl-intenzjoni li jirrikorri għas-servizzi inkwistjoni jimplikax li dawn tal-aħħar jiġu pprovduti permezz ta’ trażmissjoni ta’ data mitluba mill-persuna li taċċedi s-sit internet, fi kliem ieħor, “fuq it-talba individwali ta’ riċevitur tas-servizzi”, fis-sens ta’ dan l-Artikolu 1(1) (b).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Fit-tieni lok, jekk ir-risposta għall-ewwel domanda kellha tikkonferma li l-Artikolu 10(19) tal-Liġi dwar il-Logħob tal-Ażżard jikkostitwixxi “regolament tekniku”, fis-sens tal-Artikolu 1(1) (f) tad-Direttiva 2015/1535, ikun ukoll rilevanti li jsir magħruf jekk din ir-regola kellhiex tiġi nnotifikata lill-Kummissjoni skont l-Artikolu 5(1) ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">F’dan ir-rigward, il-qorti tar-rinviju tindika li, matul il-proċedura li wasslet għall-adozzjoni tal-Liġi Nru XIV-337, tal-20 ta’ Mejju 2021, il-Kummissjoni ma rċevietx notifika tal-abbozz ta’ emenda tal-Artikolu 10(19) tal-Liġi dwar il-Logħob tal-Ażżard.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Fil-kuntest tad-Direttiva 98/34/KE tal-Parlament Ewropew u tal-Kunsill [tat-22 ta’ Ġunju 1998 li tistabbilixxi proċedura dwar l-għoti ta’ informazzjoni fil-qasam ta’ l-istandards u r-regolamenti tekniċi u r-regoli dwar is-servizzi tas-Soċjetà ta’ l-Informatika (ĠU Edizzjoni Speċjali bil-Malti, Kapitolu 13, Vol. 20, p. 337), kif emendata bid-Direttiva 98/48/KE [tal-Parlament Ewropew u tal-Kunsill tal-20 ta’ Lulju 1998 (ĠU Edizzjoni Speċjali bil-Malti, Kapitolu 13, Vol. 21, p. 8), li d-Direttiva 2015/1535 ħassret iżda li d-dispożizzjonijiet tagħha kienu essenzjalment identiċi għal dawk ta’ din tal-aħħar, il-Qorti tal-Ġustizzja ddeċidiet, fis-sentenza tal-20 ta’ Diċembru 2017, Falbert et (C‑255/16, EU:C:2017:983, punt 23), li, sabiex leġiżlazzjoni nazzjonali ġdida titqies li hija regolament tekniku li għandu jiġi nnotifikat, hija ma kellhiex tillimita ruħha li tirriproduċi jew tissostitwixxi, mingħajr ma żżid speċifikazzjonijiet tekniċi jew ħtiġiet oħra ġodda jew supplimentari, regolamenti tekniċi eżistenti li jkunu ġew debitament innotifikati lill-Kummissjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">F’dan ir-rigward, il-qorti tar-rinviju tenfasizza li l-projbizzjoni prevista fl-Artikolu 10(19) tal-liġi l-antika dwar il-logħob tal-ażżard kellha kamp ta’ applikazzjoni limitat li, mingħajr ma ġie emendat mill-aspett territorjali jew temporali, ġie ppreċiżat b’mod sostanzjali fl-Artikolu 10(19) tal-liġi dwar il-logħob tal-ażżard. Fil-fatt, sempliċi informazzjoni dwar il-logħob tal-ażżard ippubblikata fuq is-sit internet tal-operatur ta’ dan il-logħob ma kinitx taqa’ taħt il-projbizzjoni kif ifformulata f’din il-liġi l-antika. Għalhekk, fil-verżjoni attwali tiegħu, l-Artikolu 10(19) tal-Liġi dwar il-logħob tal-ażżard irrestrinġa l-użu ta’ għodda ta’ kummerċjalizzazzjoni u għalhekk estenda l-kamp ta’ applikazzjoni tal-projbizzjoni li titħeġġeġ il-prattika tal-logħob tal-ażżard.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Filwaqt li tirreferi għas-sentenzi tal-4 ta’ Frar 2016, Ince (C‑336/14, EU:C:2016:72, punt 84) u tas-27 ta’ Ottubru 2016, James Elliott Construction (C‑613/14, EU:C:2016:821, punt 64), din il-qorti tfakkar ukoll li n-nuqqas ta’ Stat Membru li jwettaq l-obbligu ta’ notifika minn qabel ta’ abbozz ta’ regolamenti tekniċi jwassal għan-nuqqas ta’ infurzabbiltà tagħhom fil-konfront tal-individwi, kemm jekk fil-kuntest ta’ proċeduri kriminali jew ta’ tilwima bejn individwi. Għalhekk, hija tistaqsi liema huma l-konsegwenzi li l-awtoritajiet nazzjonali għandhom jisiltu min-nuqqas ta’ twettiq ta’ dan l-obbligu ta’ notifika f’ċirkustanzi bħal dawk inkwistjoni fil-kawża prinċipali, jiġifieri meta l-emendi magħmula għal regolament tekniku ma jkunux ġew innotifikati lill-Kummissjoni, filwaqt li l-verżjoni preċedenti ta’ din ir-regola kienet ġiet innotifikata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">F’dawn iċ-ċirkustanzi, il-Lietuvos vyriausiasis administracinis teismas (il-Qorti Amministrattiva Suprema tal-Litwanja) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari segwenti:</p>
</td>
</tr>
</table>
    <p class="C09Marge0avecretrait" id="para-73" title="page-7">
      “1) Dispożizzjoni nazzjonali bħal dik li tinsab fl-Artikolu 10(19) tal-Lietuvos Respublikos azartinių lošimų įstatymas (il-Liġi tar-Repubblika tal-Litwanja dwar il-Logħob tal-Azzard), sa fejn din tirrigwarda informazzjoni dwar il-logħob tal-azzard ippubblikata fis-sit tal-internet ta’ operatur tal-logħob tal-azzard, tikkostitwixxi “regolament tekniku” fis-sens tal-Artikolu 1(1)(f) tad-Direttiva (UE) 2015/1535 tal-Parlament Ewropew u tal-Kunsill tad-9 ta’ Settembru 2015 li tistabbilixxi proċedura għall-għoti ta’ informazzjoni fil-qasam tar-regolamenti tekniċi u tar-regoli dwar is-servizzi tas-Soċjetà tal-Informatika (kodifikazzjoni)?
    </p>
    <p class="C09Marge0avecretrait" id="para-74" title="page-7">
      2) Id-Direttiva 2015/1535 għandha tiġi interpretata fis-sens li dispożizzjoni tal-leġiżlazzjoni nazzjonali, bħal ma hija l-Liġi tar-Repubblika tal-Litwanja dwar il-Logħob tal-Azzard, li għandha tiġi kkomunikata skont l-Artikolu 5(1) tad-Direttiva 2015/1535 meta din titqies li hija ‘regolament tekniku’, fis-sens tal-Artikolu 1(1)(f) tal-istess direttiva, ma tistax tiġi infurzata kontra operaturi ekonomiċi akkużati bi ksur amministrattiv jekk il-modifiki għad-dispożizzjoni meqjusa bħala regolament tekniku ma jkunux ġew ikkomunikati, filwaqt li l-verżjoni preċedenti tal-liġi kienet ġiet innotifikata?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ammissibbiltà</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Mingħajr ma teċċepixxi formalment l-inammissibbiltà tal-ewwel domanda, Unigames issostni, fir-rigward tal-ammissibbiltà tagħha, li, skont it-teoriji ta’ acte clair u ta’ acte éclairé, il-qorti tar-rinviju ma kinitx obbligata tagħmel din id-domanda lill-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Minn naħa, il-Lietuvos Respublikos teisingumo ministerija (il-Ministeru għall-Ġustizzja tar-Repubblika tal-Litwanja) iddikjara, matul il-proċedura li wasslet għall-adozzjoni tal-Artikolu 10(19) tal-Liġi dwar il-Logħob tal-Ażżard, li din id-dispożizzjoni tikkostitwixxi “regolament tekniku”, fis-sens tad-Direttiva 2015/1535, u informat lil-Lietuvos Respublikos Seimas (il-Parlament tar-Repubblika tal-Litwanja) bl-obbligu li tinnotifika l-abbozz ta’ emenda tal-imsemmija dispożizzjoni lill-Kummissjoni skont din id-direttiva. Konsegwentement, l-interpretazzjoni tal-istess dispożizzjoni hija ovvja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Min-naħa l-oħra, qorti amministrattiva tal-ewwel istanza ddeċidiet li l-Artikolu 10(19) tal-liġi dwar il-logħob tal-ażżard jikkostitwixxi tali regolament tekniku, billi bbażat ruħha fuq l-interpretazzjoni mogħtija mill-Qorti tal-Ġustizzja f’kawżi għal deċiżjoni preliminari simili.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">F’dan ir-rigward, hija ġurisprudenza stabbilita li, fil-kuntest tal-proċedura stabbilita fl-Artikolu 267 TFUE, hija biss il-qorti nazzjonali, li quddiemha tressqet il-kawża u li għandha tassumi r-responsabbiltà għad-deċiżjoni ġudizzjarja li għandha tingħata, li għandha tevalwa, fid-dawl taċ-ċirkustanzi partikolari tal-kawża, kemm in-neċessità ta’ deċiżjoni preliminari sabiex tkun f’pożizzjoni li tagħti s-sentenza tagħha, kif ukoll ir-rilevanza tad-domandi li hija tagħmel lill-Qorti tal-Ġustizzja. Għaldaqstant, meta d-domandi magħmula jkunu jirrigwardaw l-interpretazzjoni tad-dritt tal-Unjoni, il-Qorti tal-Ġustizzja hija, bħala prinċipju, marbuta li tagħti deċiżjoni (sentenza tat-22 ta’ Ottubru 2024, Kolin Inà aat Turizm Sanayi ve Ticaret, C‑652/22, EU:C:2024:910, punt 36 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Fi kwalunkwe każ, ma huwa bl-ebda mod ipprojbit għal qorti nazzjonali li tagħmel domanda lill-Qorti tal-Ġustizzja li, fl-opinjoni ta’ waħda mill-partijiet fil-kawża prinċipali, ir-risposta ma tħalli ebda dubju raġonevoli. Għalhekk, anki jekk jitqies li dan huwa l-każ, tali domanda ma ssirx madankollu inammissibbli. (ara, f’dan is-sens, is-sentenza tad-9 ta’ Marzu 2023, Vapo Atlantic, C‑604/21, EU:C:2023:175, punt 33 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Minn dan isegwi li l-ewwel domanda hija ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il-mertu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Permezz tal-ewwel domanda tagħha, il-qorti tar-rinviju tistaqsi, essenzjalment, jekk l-Artikolu 1(1)(f) tad-Direttiva 2015/1535 għandux jiġi interpretat fis-sens li leġiżlazzjoni nazzjonali li tipprojbixxi li titħeġġeġ il-prattika tal-logħob tal-ażżard mill-bogħod permezz tal-pubblikazzjoni ta’ informazzjoni dwar dan il-logħob fuq is-sit internet ta’ operatur ta’ tali logħob tikkostitwixxi “regolament tekniku”, fis-sens ta’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">F’dan ir-rigward, għandu jitfakkar li l-kunċett ta’ “regolament tekniku” ikopri erba’ kategoriji ta’ miżuri, jiġifieri, l-ewwel nett l-“[i]speċifikazzjoni teknika”, fis-sens tal-Artikolu 1(1)(c) tad-Direttiva 2015/1535, it-tieni nett il-“ħtiġiet oħra”, kif iddefiniti fl-Artikolu 1(1)(d) ta’ din id-direttiva, it-tielet nett, ir-“regola dwar is-servizzi” msemmija fl-Artikolu 1(1)(d) tal-imsemmija direttiva u, r-raba’ nett, “il-liġijiet, ir-regolamenti jew id-dispożizzjonijiet amministrattivi ta’ l-Istati Membri, […] li jipprojbixxu l-fabbrikazzjoni, l-importazzjoni, it-tqegħid fis-suq jew l-użu ta’ prodott, jew li jipprojbixxu l-forniment jew l-użu ta’ servizz, jew l-istabbiliment ta’ fornitur tas-servizz”, fis-sens tal-Artikolu 1(1)(f) tal-istess direttiva (sentenza tat-8 ta’ Ottubru 2020, Admiral Sportwetten et, C‑711/19, EU:C:2020:812, punt 25 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Mill-motivi tat-talba għal deċiżjoni preliminari jirriżulta li, peress li l-kawża prinċipali ma tirrigwardax prodotti, il-qorti tar-rinviju tistaqsi, b’mod partikolari, dwar jekk il-leġiżlazzjoni nazzjonali inkwistjoni fil-kawża prinċipali taqax taħt il-kategorija ta’ “regola dwar is-servizzi”, fis-sens tal-Artikolu 1(1)(e) tad-Direttiva 2015/1535, jew taħt dik ta’ “liġijiet, ir-regolamenti jew id-dispożizzjonijiet amministrattivi tal-Istati Membri […] li jipprojbixxu l-fabbrikazzjoni, l-importazzjoni, it-tqegħid fis-suq jew l-użu ta’ prodott, jew li jipprojbixxu l-forniment jew l-użu ta’ servizzi, jew l-istabbiliment ta’ fornitur tas-servizzi”, fis-sens tal-Artikolu 1(1)(f) ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Fir-rigward tal-kategorija ta’ “regola dwar is-servizzi”, għandu jiġi rrilevat li l-Artikolu 1(1)(e) tal-imsemmija direttiva jiddefinixxi dan il-kunċett bħala li jkopri kull rekwiżit ta’ natura ġenerali dwar l-aċċess għall-attivitajiet ta’ servizzi, fis-sens tal-punt (b) ta’ dan l-Artikolu 1(1), u għall-eżerċizzju tagħhom, b’mod partikolari d-dispożizzjonijiet dwar il-fornitur ta’ servizzi, is-servizzi u r-riċevitur ta’ servizzi, bl-esklużjoni tar-regoli li ma jirrigwardawx speċifikament is-servizzi ddefiniti fl-imsemmi punt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">L-Artikolu 1(1)(b) tal-istess direttiva jiddefinixxi l-kunċett ta’ “servizz” bħala kull “servizz tas-soċjetà tal-Informatika”, jiġifieri kull servizz normalment ipprovdut għal rimunerazzjoni, mill-bogħod, b’mezzi elettroniċi u fuq it-talba individwali ta’ riċevitur ta’ servizzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Minn qari flimkien tal-punti (b) u (e) tal-Artikolu 1(1) tad-Direttiva 2015/1535 jirriżulta li l-kategorija ta’ “regola dwar is-servizzi” tkopri biss ir-regoli dwar servizz tas-soċjetà tal-informazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">F’dan ir-rigward, għandu jitqies li s-servizzi ta’ logħob tal-ażżard mill-bogħod bħal dawk koperti mil-leġiżlazzjoni nazzjonali inkwistjoni fil-kawża prinċipali għandhom jitqiesu li huma “servizzi tas-Soċjetà tal-Informatika”, fis-sens tal-Artikolu 1(1) (b) ta’ din id-direttiva, tali servizzi li jissodisfaw il-kundizzjonijiet kollha stabbiliti f’din id-dispożizzjoni, inkluża dik li teżiġi li s-servizz jiġi pprovdut “fuq it-talba individwali ta’ riċevitur ta’ servizzi”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Fil-fatt, il-provvista ta’ dawn is-servizzi ta’ logħob tal-ażżard mill-bogħod hija neċessarjament suġġetta għal azzjonijiet min-naħa tar-riċevitur tagħhom, bħall-aċċess għas-sit internet tal-operatur u l-ħolqien ta’ kont tal-klijent (ara, b’analoġija, is-sentenza tad-29 ta’ Frar 2024, Doctipharma, C‑606/21, EU:C:2024:179, punt 32) jew il-fatt li l-imħatri jitqiegħdu fuq dan is-sit.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Il-kunsiderazzjonijiet esposti fil-punti 36 u 37 ta’ din is-sentenza ma humiex ikkontestati mill-fatt li l-informazzjoni dwar il-logħob tal-ażżard li l-operatur ta’ dan il-logħob jippubblika fuq is-sit internet tiegħu ma hijiex neċessarjament ipprovduta “fuq it-talba individwali ta’ riċevitur ta’ servizzi”. Fil-fatt, din il-pubblikazzjoni ta’ informazzjoni ma tistax, f’ċirkustanzi bħal dawk inkwistjoni fil-kawża prinċipali, tiġi analizzata bħala servizz ta’ reklamar jew servizz ieħor ipprovdut lid-destinatarji tas-servizzi ta’ logħob tal-ażżard mill-bogħod, iżda tikkostitwixxi element aċċessorju u inseparabbli mis-servizzi ta’ logħob tal-ażżard mill-bogħod ikkonċernati li minnhom hija tislet is-sens ekonomiku kollu tagħha. (ara, f’dan is-sens, is-sentenza tal-1 ta’ Ottubru 2020, A (Reklamar u bejgħ ta’ prodotti mediċinali online), C‑649/18, EU:C:2020:764, punt 56). Għaldaqstant, huma biss is-servizzi ta’ logħob tal-ażżard stess li għandhom jissodisfaw il-kundizzjonijiet rilevanti sabiex jaqgħu taħt il-kunċett ta’ “servizz”, fis-sens tal-Artikolu 1(1)(b) tad-Direttiva 2015/1535, peress li l-projbizzjoni inkwistjoni fil-kawża prinċipali, li tirrigwarda tali pubblikazzjoni ta’ informazzjoni, għandha, min-naħa tagħha, tissodisfa l-kriterji speċifiċi previsti fl-Artikolu 1(1)(e) ta’ din id-direttiva sabiex titqies bħala “regola dwar” dawn is-servizzi, fis-sens ta’ din l-aħħar dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">F’dan l-aħħar rigward, għalkemm huwa paċifiku li l-projbizzjoni inkwistjoni fil-kawża prinċipali tikkostitwixxi “ħtieġa ta’ natura ġenerali”, fis-sens tal-Artikolu 1(1)(e) tad-Direttiva 2015/1535, għandu jiġi eżaminat ukoll, minn naħa, il-punt dwar jekk hija tistax titqies li hija “mal-bidu u l-eżerċizzju ta’ attivitajiet ta’ servizzi tas-Soċjetà tal-Informatika [u l-eżerċizzju tagħhom]”, peress li din id-dispożizzjoni tippreċiża li dan huwa l-każ, b’mod partikolari, tad-dispożizzjonijiet dwar il-fornitur ta’ servizzi, is-servizzi u r-riċevitur ta’ servizzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">F’dan ir-rigward, għandu jiġi kkonstatat li l-Artikolu 10(19) tal-liġi dwar il-logħob tal-ażżard jista’ jaqa’ taħt il-kunċett ta’ “regola dwar is-servizzi”, sa fejn jipprojbixxi li tiġi mħeġġa, b’mod partikolari, il-prattika tal-logħob tal-ażżard mill-bogħod u, b’mod partikolari, li tiġi ppubblikata fuq is-sit internet ta’ operatur ta’ tali logħob informazzjoni dwar dan il-logħob jew li jitwettqu atti li jinċentivaw il-parteċipazzjoni f’tali logħob (ara, f’dan is-sens, is-sentenza tat-22 ta’ Ottubru 2020, Sportingbet u Internet Opportunity Entertainment, C‑275/19, EU:C:2020:856, punt 48 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Min-naħa l-oħra, kif jirriżulta mill-formulazzjoni stess tal-Artikolu 1(1) (e) tad-Direttiva 2015/1535, sabiex tiġi kklassifikata bħala “regola dwar is-servizzi”, il-projbizzjoni inkwistjoni fil-kawża prinċipali għandha tkopri “speċifikament” is-servizzi tas-soċjetà tal-informazzjoni. (ara, f’dan is-sens, is-sentenza tat-12 ta’ Settembru 2019, VG Media, C‑299/17, EU:C:2019:716, punt 31).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">F’dan ir-rigward, mill-punt (i) tat-tieni subparagrafu tal-Artikolu 1(1)(e) tad-Direttiva 2015/1535 jirriżulta li l-verifika li regola tirrigwarda speċifikament servizzi tas-soċjetà tal-informazzjoni għandha ssir fid-dawl kemm tal-formulazzjoni ta’ din ir-regola kif ukoll tal-għan imfittex minnha. Barra minn hekk, skont din id-dispożizzjoni, ma huwiex meħtieġ li r-regola inkwistjoni jkollha fit-totalità tagħha “ il-mira speċifika u l-għan” li tirregola servizzi tas-soċjetà tal-informatika, iżda huwa biżżejjed li hija ssegwi dan l-għan jew dan l-għan permezz ta’ wħud mid-dispożizzjonijiet tagħha (ara, f’dan is-sens, is-sentenza tat-12 ta’ Settembru 2019, VG Media, C‑299/17, EU:C:2019:716, punt 32 u l-ġurisprudenza ċċitata). Fl-aħħar nett, konformement mat-tieni subparagrafu tal-Artikolu 1(1)(e) (ii) ta’ din id-direttiva, regola ma għandhiex tiġi kkunsidrata li tkun speċifikament immirata lejn is-servizzi tas-soċjetà tal-informazzjoni jekk din taffettwa dawn is-servizzi biss b’mod impliċitu jew aċċidentali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">F’dan il-każ, kif jenfasizzaw Unigames, il-Gvern Litwan u l-Kummissjoni fl-osservazzjonijiet bil-miktub rispettivi tagħhom, għandu jiġi kkonstatat li l-Artikolu 10(19) tal-Liġi dwar il-logħob tal-ażżard jirrigwarda speċifikament servizzi tas-soċjetà tal-informazzjoni. Fil-fatt, mill-formulazzjoni tagħha stess jirriżulta li din id-dispożizzjoni tkopri espliċitament, minbarra l-logħob tal-ażżard fis-sens klassiku, il-logħob tal-ażżard mill-bogħod kif ukoll il-fornituri ta’ servizzi ta’ tali logħob.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Barra minn hekk, kuntrarjament għal dak li jsostni l-Gvern Taljan fl-osservazzjonijiet bil-miktub tiegħu, il-fatt li l-Artikolu 10(19) tal-Liġi dwar il-logħob tal-ażżard jipprevedi projbizzjoni ġenerali ta’ inċentiv għall-prattika ta’ dan il-logħob bil-mezzi kollha, u mhux biss bl-internet, ma jistax jimplika li din id-dispożizzjoni tikkonċerna s-servizzi tas-soċjetà tal-informazzjoni b’mod impliċitu jew inċidentali, fis-sens tat-tieni subparagrafu tal-Artikolu 1(1)(e) (ii) tad-Direttiva 2015/1535 (ara, f’dan is-sens, is-sentenza tat-12 ta’ Settembru 2019, VG Media, C‑299/17, EU:C:2019:716, punt 37 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Konsegwentement, għandu jiġi kkonstatat li dan l-Artikolu 10(19) jikkostitwixxi “regola dwar is-servizzi”, fis-sens tal-Artikolu 1(1)(e) tad-Direttiva 2015/1535.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Madankollu, sabiex tiġi kklassifikata bħala “regolament tekniku”, fis-sens tal-Artikolu 1(1)(f) ta’ din id-direttiva, jeħtieġ ukoll li d-dispożizzjoni nazzjonali kkonċernata tikkorrispondi għad-definizzjoni msemmija f’dan il-punt (f), u għalhekk li tkun obbligatorja de jure jew de facto, b’mod partikolari, għall-provvista tas-servizz ikkonċernat jew għall-użu tiegħu fi Stat Membru jew f’parti sostanzjali minnu (ara, f’dan is-sens, is-sentenza tat-3 ta’ Diċembru 2020, Star Taxi App, C‑62/19, EU:C:2020:980, punt 61).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">F’dan ir-rigward, mit-talba għal deċiżjoni preliminari jirriżulta li l-Artikolu 10(19) tal-Liġi dwar il-Logħob tal-Ażżard jistabbilixxi regola li l-osservanza tagħha hija obbligatorja għall-provvista ta’ servizzi ta’ logħob tal-ażżard mill-bogħod fil-Litwanja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Fil-fatt, huwa l-allegat ksur, minn Unigames, ta’ dan l-Artikolu 10(19), minħabba l-pubblikazzjoni, fuq is-sit internet tagħha, ta’ ċerti riferimenti relatati mal-logħob tal-ażżard mill-bogħod propost minn din il-kumpannija, li serva bħala bażi għad-Digriet tad-19 ta’ Mejju 2022, li permezz tiegħu l-kummissjoni ta’ sorveljanza avżat, b’mod partikolari, lil din il-kumpannija bil-possibbiltà ta’ sospensjoni tal-liċenzja li tawtorizzaha torganizza logħob tal-ażżard.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Fid-dawl tal-motivi kollha preċedenti, ir-risposta għall-ewwel domanda għandha tkun li l-Artikolu 1(1)(f) tad-Direttiva 2015/1535 għandu jiġi interpretat fis-sens li leġiżlazzjoni nazzjonali li tipprojbixxi li titħeġġeġ il-prattika tal-logħob tal-ażżard mill-bogħod permezz tal-pubblikazzjoni ta’ informazzjoni dwar dan il-logħob fuq is-sit internet ta’ operatur ta’ tali logħob tikkostitwixxi “regolament tekniku”, fis-sens ta’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tieni domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Permezz tat-tieni domanda tagħha, il-qorti tar-rinviju tistaqsi, essenzjalment, jekk l-Artikolu 5(1) tad-Direttiva 2015/1535 għandux jiġi interpretat fis-sens li, fir-rigward ta’ leġiżlazzjoni nazzjonali li tikkostitwixxi “regolament tekniku”, fis-sens tal-Artikolu 1(1)(f) ta’ din id-direttiva, u li ġiet innotifikata lill-Kummissjoni konformement ma’ dan l-Artikolu 5(1), emenda għal din il-leġiżlazzjoni ma tistax tiġi invokata kontra l-operaturi ekonomiċi meta din l-emenda ma tkunx ġiet innotifikata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Mill-ewwel subparagrafu tal-Artikolu 5(1) tal-imsemmija direttiva jirriżulta li l-Istati Membri għandhom jikkomunikaw immedjatament lill-Kummissjoni kull abbozz ta’ regolament tekniku, ħlief jekk dan ikun sempliċi traspożizzjoni sħiħa ta’ standard internazzjonali jew tal-Unjoni, u għandhom ukoll jibagħtulha dikjarazzjoni dwar ir-raġunijiet li jagħmlu meħtieġa l-leġiżlazzjoni ta’ dan ir-regolament tekniku, sakemm dawn ir-raġunijiet ma jkunux diġà ġew magħmula ċari fl-abbozz.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">F’dan ir-rigward, għandu jitfakkar li, kif tosserva l-qorti tar-rinviju, il-Qorti tal-Ġustizzja ddeċidiet li, sabiex leġiżlazzjoni nazzjonali ġdida titqies li hija regolament tekniku li għandu jiġi nnotifikat skont id-Direttiva 2015/1535, hija ma għandhiex tillimita ruħha li tirriproduċi jew tissostitwixxi, mingħajr ma żżid speċifikazzjonijiet tekniċi jew rekwiżiti oħra ġodda jew supplimentari, regolamenti tekniċi eżistenti debitament innotifikati lill-Kummissjoni (ara, f’dan is-sens, is-sentenza tal-20 ta’ Diċembru 2017, Falbert et, C‑255/16, EU:C:2017:983, punt 23 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Huwa għalhekk li l-Qorti tal-Ġustizzja ddeċidiet li leġiżlazzjoni ġdida li tinkludi speċifikazzjonijiet tekniċi iktar rigorużi minn dawk li jinsabu f’leġiżlazzjoni preċedenti li ġiet innotifikata għandha, min-naħa tagħha, tiġi nnotifikata (ara, f’dan is-sens, is-sentenza tal-21 ta’ Diċembru 2023, Papier Mettler Italia, C‑86/22, EU:C:2023:1023, punt 50).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Barra minn hekk, leġiżlazzjoni ġdida hija suġġetta għall-obbligu ta’ notifika skont id-Direttiva 2015/1535 b’mod partikolari meta twessa’ l-kamp ta’ applikazzjoni tal-leġiżlazzjoni preċedenti. Min-naħa l-oħra, hija ma hijiex suġġetta għal dan l-obbligu meta hija tillimita ruħha li tippreċiża jew tikkjarifika din il-leġiżlazzjoni preċedenti. (ara, f’dan is-sens, is-sentenza tal-20 ta’ Diċembru 2017, Falbert et, C‑255/16, EU:C:2017:983, punti 20 u 22).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">F’dan il-każ, il-Gvern Litwan isostni li l-Artikolu 10(19) tal-liġi l-antika dwar il-logħob tal-ażżard, li kienet ġiet debitament innotifikata lill-Kummissjoni, kien diġà jipprevedi l-projbizzjoni li titħeġġeġ il-prattika tal-logħob tal-ażżard, inkluż mill-bogħod. Skont dan il-gvern, l-emendi magħmula lil din il-liġi ma humiex sinjifikattivi, peress li ma jbiddlux ir-regoli diġà nnotifikati u lanqas il-kamp ta’ applikazzjoni tagħhom, u, konsegwentement, l-aġir li bih hija kkritikata Unigames ġie ttrattat b’mod simili bl-applikazzjoni tal-liġi l-antika dwar il-logħob tal-ażżard.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">F’dan ir-rigward, għandu jitfakkar li l-evalwazzjoni tal-portata ta’ tali emenda leġiżlattiva tikkostitwixxi kwistjoni ta’ dritt nazzjonali li taqa’ taħt il-ġurisdizzjoni tal-qorti tar-rinviju. (ara, f’dan is-sens, is-sentenza tal-20 ta’ Diċembru 2017, Falbert et, C‑255/16, EU:C:2017:983, punt 21 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Issa, mit-talba għal deċiżjoni preliminari jirriżulta li l-Artikolu 10(19) tal-liġi dwar il-logħob tal-ażżard “ippreċiża sostanzjalment” il-projbizzjoni li titħeġġeġ il-prattika tal-logħob tal-ażżard. B’mod partikolari, il-qorti tar-rinviju tindika li l-aġir li bih hija akkużata Unigames abbażi tal-liġi attwalment fis-seħħ, li jikkonsisti fil-pubblikazzjoni, fuq is-sit internet ta’ din il-kumpannija, ta’ informazzjoni dwar il-logħob tal-ażżard li hija tipproponi, ma setax jiġi ssanzjonat skont il-liġi l-antika dwar il-logħob tal-ażżard. Għaldaqstant, dan l-Artikolu 10(19) wessa’ l-kamp ta’ applikazzjoni ta’ din il-projbizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Għalhekk, mill-indikazzjonijiet li jinsabu fit-talba għal deċiżjoni preliminari jirriżulta li l-Artikolu 10(19) tal-Liġi dwar il-Logħob tal-Ażżard żied rekwiżiti ġodda jew supplimentari, fis-sens tal-ġurisprudenza msemmija fil-punt 52 ta’ din is-sentenza, meta mqabbel mal-Artikolu 10(19) tal-liġi l-antika dwar il-logħob tal-ażżard. Minn dan isegwi li, bla ħsara għall-verifiki eventwali li għandha twettaq il-qorti tar-rinviju, l-emenda li tat lok għal-liġi attwalment fis-seħħ kellha tiġi nnotifikata skont l-ewwel subparagrafu tal-Artikolu 5(1) tad-Direttiva 2015/1535.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Din il-konklużjoni hija kkonfermata mit-tielet subparagrafu ta’ dan l-Artikolu 5(1), li jipprevedi l-obbligu li ssir “komunikazzjoni ġdida” ta’ abbozz ta’ regolament tekniku meta Stat Membru jagħmel bidliet sinjifikattivi f’tali abbozz li jkollhom l-effett li jbiddlu l-kamp ta’ applikazzjoni tiegħu, li jqassru l-iskeda għall-implimentazzjoni inizjalment prevista, li jżidu speċifikazzjonijiet jew rekwiżiti, jew li jirrendu lil dawn tal-aħħar iktar stretti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Ċertament, bħala tali, it-tielet subparagrafu tal-Artikolu 5(1) tad-Direttiva 2015/1535 ma huwiex applikabbli għal sitwazzjoni bħal dik inkwistjoni fil-kawża prinċipali, peress li jirrigwarda biss l-ipoteżi fejn isiru modifiki sinjifikattivi, matul il-proċess leġiżlattiv nazzjonali, għal abbozz ta’ regolament tekniku wara n-notifika ta’ dan l-abbozz lill-Kummissjoni (ara, f’dan is-sens, is-sentenza tal-4 ta’ Frar 2016, Ince, C‑336/14, EU:C:2016:72, punt 79), u għalhekk qabel l-adozzjoni definittiva tal-imsemmi abbozz.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Madankollu, dan it-tielet subparagrafu tal-Artikolu 5(1) jikkorrobora li, fil-każ fejn, bħal f’dan il-każ, emenda sinjifikattiva ma ssirx qabel l-adozzjoni definittiva ta’ abbozz ta’ regolament tekniku, iżda f’regolament tekniku diġà fis-seħħ, tali emenda, b’mod partikolari meta jkollha l-effett li twessa’ l-kamp ta’ applikazzjoni ta’ dan ir-regolament tekniku, għandha tkun is-suġġett ta’ notifika distinta (ara, f’dan is-sens, is-sentenza tat-8 ta’ Novembru 2007, Schwibbert, C‑20/05, EU:C:2007:652, punt 42).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Fl-aħħar nett, skont ġurisprudenza stabbilita, il-ksur tal-obbligu ta’ notifika previst fl-ewwel subparagrafu tal-Artikolu 5(1) tad-Direttiva 2015/1535 jikkostitwixxi difett proċedurali sostanzjali fl-adozzjoni tar-regolamenti tekniċi kkonċernati, issanzjonat bl-inapplikabbiltà ta’ dawn ir-regoli, b’tali mod li dawn ma jkunux jistgħu jiġu invokati fil-konfront tal-individwi. Dawn jistgħu jiġu invokati quddiem il-qorti nazzjonali, li għandha tirrifjuta li tapplika regolament tekniku nazzjonali li ma jkunx ġie nnotifikat konformement ma’ din id-direttiva (ara, f’dan is-sens, is-sentenza tat-22 ta’ Ottubru 2020, Sportingbet u Internet Opportunity Entertainment, C‑275/19, EU:C:2020:856, punt 53 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Fid-dawl tal-motivi kollha preċedenti, ir-risposta għat-tieni domanda għandha tkun li l-Artikolu 5(1) tad-Direttiva 2015/1535 għandu jiġi interpretat fis-sens li, fir-rigward ta’ leġiżlazzjoni nazzjonali li tikkostitwixxi “regolament tekniku”, fis-sens tal-Artikolu 1(1)(f) ta’ din id-direttiva, u li ġiet innotifikata lill-Kummissjoni skont dan l-Artikolu 5(1), emenda għal din il-leġiżlazzjoni ma tistax tiġi invokata kontra l-operaturi ekonomiċi meta din l-emenda ma tkunx ġiet innotifikata u jkollha l-effett li twessa’ l-kamp ta’ applikazzjoni tal-imsemmija leġiżlazzjoni, b’tali mod li tikkostitwixxi “regolament tekniku” suġġett għall-obbligu ta’ notifika previst f’din l-aħħar dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-122" title="page-15">
      Għal dawn il-motivi, Il-Qorti tal-Ġustizzja (Il-Ħames Awla) taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">L-Artikolu 1(1)(f) tad-Direttiva (UE) 2015/1535 tal-Parlament Ewropew u tal-Kunsill tad-9 ta’ Settembru 2015 li tistabbilixxi proċedura għall-għoti ta’ informazzjoni fil-qasam tar-regolamenti tekniċi u tar-regoli dwar is-servizzi tas-Soċjetà tal-Informatika,</p>
</td>
</tr>
</table>
    <p class="C32Dispositifmarge1" id="para-124" title="page-15">
      għandu jiġi interpretat fis-sens li
    </p>
    <p class="C32Dispositifmarge1" id="para-125" title="page-15">
      leġiżlazzjoni nazzjonali li tipprojbixxi li titħeġġeġ il-prattika tal-logħob tal-ażżard mill-bogħod permezz tal-pubblikazzjoni ta’ informazzjoni dwar dan il-logħob fuq is-sit internet ta’ operatur ta’ tali logħob tikkostitwixxi “regolament tekniku”, fis-sens ta’ din id-dispożizzjoni.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">L-Artikolu 5(1) tad-Direttiva 2015/1535 </p>
</td>
</tr>
</table>
    <p class="C32Dispositifmarge1" id="para-127" title="page-15">
      għandu jiġi interpretat fis-sens li:
    </p>
    <p class="C32Dispositifmarge1" id="para-128" title="page-15">
      fir-rigward ta’ leġiżlazzjoni nazzjonali li tikkostitwixxi “regolament tekniku”, fis-sens tal-Artikolu 1(1)(f) ta’ din id-direttiva, u li ġiet innotifikata lill-Kummissjoni skont dan l-Artikolu 5(1), emenda għal din il-leġiżlazzjoni ma tistax tiġi invokata kontra l-operaturi ekonomiċi meta din l-emenda ma tkunx ġiet innotifikata u jkollha l-effett li twessa’ l-kamp ta’ applikazzjoni tal-imsemmija leġiżlazzjoni, b’tali mod li tikkostitwixxi “regolament tekniku” suġġett għall-obbligu ta’ notifika previst f’din l-aħħar dispożizzjoni.
    </p>
    <div class="signatures">
<p class="C77Signatures" id="para-129" title="page-15">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Litwan.</p>
</body>
</html>
